Двајца членови на Комитетот за надворешна политика на Долниот дом на американскиот Конгрес, републиканец и демократ, денеска претставија закон со кој се бара воведување санкции против претседателот на Србија, Александар Вучиќ, доколку тој не одговори на барањата на студентите против корупцијата и не ги прекине врските со Русија, Кина и Иран.

Џо Вилсон, републиканец од Јужна Каролина, и Бил Китинг, демократ од Масачусетс, презентираа закон со кој се бара воведување санкции и забрана за издавање визи на лица кои ги поткопуваат демократските процеси, мирот, стабилноста и територијалниот интегритет на Западен Балкан, објави вашингтонскиот весник „The Hill“.

Вилсон изјави за „The Hill“ дека Србија под водство на Вучиќ „намерно дополнително се дистанцирала од владеењето на правото и се приближила до непријателите на слободата, како што се воениот злосторник (рускиот претседател Владимир) Путин, Кинеската комунистичка партија и терористичкиот режим во Техеран“.

– И покрај широките протести поради корупција, владата на Вучиќ се заканува да го дестабилизира регионот. Народот на Србија заслужува подобро од тоа – рече Вилсон.

– Демократијата, владеењето на правото и борбата против корупцијата мора да останат клучни столбови во односите меѓу САД и Србија – рече Китинг.

Во текстот на законскиот предлог, Вучиќ е директно повикан да одговори за прекумерната употреба на сила против демонстрантите, бара истрага и одговорност за падот на бетонската настрешница на железничката станица во Нови Сад и изразува загриженост за продлабочувањето на врските на Србија со Иран, Русија и Кина, се наведува во весникот.

– Траен интерес на САД е стабилна, демократска и суверена Србија која е посветена на мирот и безбедноста во регионот, цврсто вкоренета во евроатлантските институции и ослободена од малигни надворешни влијанија – се вели во законот, пренесе Бета.

Критикувањето на Вучиќ во законот е „во остра спротивност со генерално топлиот однос што долгогодишниот српски лидер го има со американскиот претседател Доналд Трамп“, истакнува весникот и додава дека иницијативата на Вилсон и Китинг служи како порака за солидарност со студентските протести во Србија.

Весникот, исто така, наведува дека Вучиќ најавил одржување парламентарни избори во октомври, но дека постои загриженост дали тие ќе бидат слободни и фер или дали српскиот лидер ќе ги искористи за консолидирање на власта во земјата.

The post АМЕРИКАНЦИТЕ МУ СПРЕМААТ „ЦРВЕН КАРТОН“ НА ВУЧИЌ Во Конгресот предложени санкции против претседателот на Србија appeared first on plusinfo.mk.

Српскиот претседател Александар Вучиќ ги отфрли тврдењата на претседателот на српската Демократска партија Срѓан Миливојевиќ дека ќе ја напушти Србија ако ги изгуби изборите. За време на посета на винарија кај Александровац, Вучиќ рече дека нема причина да избега од земјата и ги пофали резултатите од неговата влада, јавуваат српските медиуми.

– Тие кажаа дека ќе бегам, дека ќе се кријам. Зошто да бегам? Затоа што ја кренав Србија, заедно со други луѓе, на начин што никој никогаш не го направил во нејзината историја? Дека ја изградивме Србија на начин што никој никогаш не го направил? Дека го изградив Белград како што никој никогаш не го изградил – праша Вучиќ.

Вучиќ рече дека е срамно што Демократската партија, која ја опиша како некогаш голема партија со бројни интелектуалци, денес е сведена на луѓе како Миливојевиќ.

Тој оцени дека опозицијата однапред знае каков ќе биде резултатот од изборите и затоа, како што тврди, почнува да „кука“.

– Секој затвор во Србија ми е поубав од сонцето на кое било друго место во светот. Немам ништо никаде, ни куќа, ни вила, ништо, ни пари, ни отворени сметки. Ме интересира само мојата Србија, во неа сум роден, во неа ќе умрам, борејќи се за неа – кажа Вучиќ.

Вучиќ се осврна и на положбата на Србите на Косово. Тој рече дека Србија ќе ги употреби сите дипломатски и мирни средства за да го заштити српското население.

– Се обидуваме да се бориме со сите дипломатски и мирни средства за да го спасиме нашето население. Во овој момент не ни треба конфликт со НАТО, но нема да дозволиме погром и протерување на нашето население – порача Вучиќ.

 

View this post on Instagram

 

A post shared by Informer.rs (@informernovine)

The post „СЕКОЈ ЗАТВОР ВО СРБИЈА МИ Е ПОУБАВ ОД СОНЦЕТО ВО ТУЃА ЗЕМЈА“ Вучиќ вели дека нема да избега од земјата ако ги изгуби изборите appeared first on plusinfo.mk.

По повод неодамнешната изјава на српскиот претседател Александар Вучиќ, дадена во Мркоњиќ Град за тоа дека „Српската Црква е иста и во… Скопје…“, Светиот архијерејски синод на Македонската Православна Црква – Охридска Архиепископија (МПЦ – ОА), потсетува дека, како легитимен носител на благодатната полнота на Едната, Света, Соборна и Апостолска Црква, а воедно и како наследничка на Јустинија Прва и на обновената Охридска Архиепископија, МПЦ – ОА ја остварува својата духовна и пастирска мисија кон сите православни христијани на својата канонска територија, без каква било условеност од нивната национална, политичка, културна или етничка припадност.

„Длабоко свесна за својата историска улога и за одговорноста во духовниот живот на македонскиот народ, а водена од евангелските начела и богатото православно предание, таа останува Црква отворена за сите, обединувајќи ги своите верни во единството на верата и во евхаристиското заедништво, надминувајќи ги сите минливи политички, идеолошки и општествени поделби.

Евангелието Христово, верата во Воскресението и благосостојбата на доверените души се основната и единствена водилка во дејствувањето на МПЦ – ОА и ги отфрла сите политички, идеолошки светови или платформи, од каде и да доаѓаат“, се наведува во реакцијата на МПЦ-ОА.

The post РЕАКЦИЈА ОД МПЦ ПО ИЗЈАВА НА ВУЧИЌ Македонската православна црква го потсети дека е легитимен носител на духовната мисија appeared first on plusinfo.mk.

Претседателот на Србија, Александар Вучиќ, изјави дека нема да ја напушти земјата доколку неговата Српска напредна партија ги загуби изборите што ги најавува во последните месеци. Во Србија сè уште се разгледуваат можните термини за одржување на парламентарните и претседателските избори.

Гостувајќи на телевизијата „Прва“, Вучиќ рече дека претседателските избори најверојатно би се одржале во јануари 2027 година доколку парламентарните избори бидат во октомври.

„Ако во октомври има парламентарни избори, можно е претседателските да бидат на крајот на декември или почетокот на јануари. Доколку парламентарните избори бидат во ноември, тогаш претседателските сигурно ќе бидат во јануари или можеби најдоцна во почетокот на февруари“, изјави Вучиќ.

Предвремени избори бараат студентското движење и голем дел од јавноста во рамки на повеќемесечните протести против власта. Протестите почнаа по трагедијата во Нови Сад во 2024 година, кога при уривање на настрешница на железничката станица загинаа 16 лица.

Демонстрантите ја обвинуваат власта за корупција и нефункционирање на институциите, додека студентското движење најави сопствена изборна листа. Вучиќ изјави дека листата на СНС ќе има многу повеќе млади кандидати од студентската листа.

– Ако граѓаните сакаат да гласаат за младост и иднина – ќе можат да гласаат за СНС. Ние ќе бидеме неспоредливо помлада листа од нивната, а јас ќе бидам меѓу постарите – рече Вучиќ.

Тој додаде дека со гордост ќе биде дел од листата, без оглед на позицијата на која ќе биде поставен.

Српскиот претседател порача дека нема страв од можен изборен пораз, освен од Бога, историскиот суд и судот на сопствениот народ.

– Можно е да ги изгубиме изборите, но сепак ќе ги преброиме гласовите. Кога ќе победат на изборите, ќе им честитам и истата вечер ќе кажам дека најлошите можни дошле на власт. Ќе им се смеам во лице цело време – и од притвор, и од затвор, и од гроб, пркосно и гордо – изјави српскиот претседател.

Осврнувајќи се на поддршката што студентското движење ја доби од дел од меѓународната јавност, Вучиќ ги обвини Европа и САД дека, како што рече, поддржуваат луѓе кои би го нарушиле правниот поредок.

Тој истовремено призна дека власта мора да ги слуша пораките и критиките од незадоволните граѓани, додавајќи дека дел од нивните забелешки се оправдани поради постоење на корумпирани и арогантни поединци во системот.

Вучиќ информираше и дека преку платформата „Кој си бре ти?“, која беше пуштена за пријавување корупција и злоупотреба на овластувања, досега биле доставени околу 10.000 пријави, а одговорено било на околу 3.500 од нив.

The post „ЌЕ ИМ СЕ СМЕАМ ВО ЛИЦЕ И ОД ЗАТВОР И ОД ГРОБ!“ Вучиќ нема да си замине од Србија ако ги изгуби изборите appeared first on plusinfo.mk.

Иницијативата „Отворен Балкан“ не била отфрлена поради нејзината содржина, туку поради луѓето кои ја поддржувале, смета албанскиот премиер Еди Рама.

Тој во интервју за „Еуроњуз Србија“ изјави дека главната причина за негативните реакции кон проектот било тоа што зад него стоеле тој и српскиот претседател Александар Вучиќ.

– Тоа беше ужасна идеја од единствена причина што Вучиќ и јас стоевме зад неа. Ако ги отстраниме нашите имиња и ги замениме со, да речеме, пет други, тоа ќе се сметаше за одлична идеја. Така функционира сè на Балканот – изјавил Рама, пренесе албанската државна агенција АТА.

Зборувајќи за односите со Вучиќ, Рама рекол дека српскиот претседател „секогаш е тежок партнер“.

Албанскиот премиер позитивно ја оцени трансформацијата на Црна Гора, но нагласи дека постигнатиот напредок сам по себе не е доволен.

– Црна Гора беше извонредна во начинот на кој се трансформираше, од брод поврзан со шверц до жолта подморница што сите ја сакаат. Им симнувам капа, го почитувам тоа. Тие постигнаа извонреден напредок, но само тоа не е доволно – рече Рама во интервјуто за „Еуроњуз Србија“, кое наскоро треба да биде целосно објавено.

Според него, односот меѓу Европската Унија и Западниот Балкан е меѓусебно зависен.

– На Европа денес ѝ е потребен Западен Балкан колку што на Западен Балкан ѝ е потребна Европа – вели Рама.

The post „УЖАСОТ“ НА „ОТВОРЕН БАЛКАН“ БЕШЕ ШТО ГО ПОДДРЖУВАВМЕ ЈАС И ВУЧИЌ Еди Рама објаснува зошто пропадна иницијативата за регионално поврзување appeared first on plusinfo.mk.

Српскиот претседател Александар Вучиќ објави видео од својата посета на рибен ресторан на еден од сплавовите на реката Сава, на кој зборуваше за напредокот на проектите поврзани со изложбата ЕКСПО 2027.

„Следниот пат кога ќе дојдам на сплав, ќе ја препливам Сава, како некогаш. Засега, само чинијата ми останува – кечига во рибина чорба“ – напиша Вучиќ во објавата.

Тој наведува дека одамна не дошол на Сава која за него е „Српско Море“.

Српскиот претседател рече дека бил во обиколка на проектите од ЕКСПО, со дел од министрите и свратил на рибина чорба на еден од сплавовите.

– Она што за нас е важно е дека ЕКСПО напредува, работиме добро, работиме вредно. И денеска работниците работеа. Полека но сигурно не навасуваат трема, нервоза и страв, но уверен сум дека ќе завршиме се и дека ќе стигнеме и ќе победиме. И Србија ќе биде најдобриот можен домаќин на најголемата светска приредба во 2027 година – рече Вучиќ.

The post 🎥 ВУЧИЌ НА ЧОРБА ОД КЕЧИГА НА БРЕГОТ НА „СРПСКО МОРЕ“ Заслужен одмор по обиколката на ЕКСПО appeared first on plusinfo.mk.

Српскиот претседател Александар Вучиќ на социјалните мрежи објави дека имал телефонски разговор со претседателката Гордана Силјановска-Давкова, на кој ја потврдиле подготвеноста за натамошно унапредување на билатералната соработка и добрососедските односи меѓу двете земји.

Во објава на Инстаграм Вучиќ пишува дека во разговорот се разменети мислења за важни регионални прашања, можностите за продлабочување на соработката и за посилно поврзување во областите од заеднички интерес.

„Содржајниот разговор со Гордана Сиљановска-Давкова потврди дека меѓу нашите земји постои подготвеност да продолжиме да ги развиваме блиските и пријателски односи. Разменивме мислења за важни регионални прашања, понатамошно унапредување на соработката и можностите за уште посилно поврзување во областите од заеднички интерес“, напиша Вучиќ на Инстаграм.

Според него, Србија останува посветена на зачувувањето на мирот и стабилноста во регионот, како и на јакнењето на соработката со Северна Македонија, оценувајќи дека тоа е во интерес на граѓаните на двете земји и на целиот регион.

Разговорот, како што објави српскиот претседател, претставува потврда на заедничката определба на Белград и Скопје за понатамошно унапредување на економската соработка, инфраструктурното поврзување и заедничките напори за зачувување на мирот и стабилноста во регионот.

 

View this post on Instagram

 

A post shared by Aleksandar Vučić (@buducnostsrbijeav)

The post ВУЧИЌ И СИЛЈАНОВСКА-ДАВКОВА РАЗГОВАРАЛЕ ТЕЛЕФОНСКИ Потврдена спремноста за унапредување на соработката appeared first on plusinfo.mk.

Кинескиот претседател Си Џинпинг денеска му го додели на српскиот претседател Александар Вучиќ Орденот за пријателство во Пекинг, што е највисокото државно одликување на Народна Република Кина за странски државјани.

Во указот за доделување, се наведува дека, во согласност со Законот на Република Кина за државни одликувања и државни почесни титули, претседателот на Република Србија, Александар Вучиќ, е одликуван со Орден за пријателство на Народна Република Кина како знак на долгорочната посветеност и важниот придонес на Вучиќ во развојот на пријателството и сеопфатното стратешко партнерство меѓу Кина и Србија, како и во напредокот на градењето на кинеско-српска заедница со заедничка иднина за нова ера.

Орденот за пријателство е основан во согласност со Законот на Народна Република Кина за национални медали и национални почесни титули, кој стапи на сила на 1 јануари 2016 година, и се доделува на странци кои дале извонреден придонес во социјалистичката модернизација на Кина, ја промовирале меѓународната размена и соработка со Кина и го заштитиле светскиот мир.

 

View this post on Instagram

 

A post shared by Aleksandar Vučić (@buducnostsrbijeav)

Претседателот на Србија, Александар Вучиќ, изјави дека е почестен и горд на Орденот за пријателство што му го додели претседателот на Кина, Си Џинпинг, и истакна дека цела Србија го заслужува Орденот поради својот храбар и искрен став во современиот свет.

– Навистина прекрасен момент за мене, незаборавен, и секогаш ќе бидам благодарен на народот на Кина, на претседателот Си и на сите луѓе, на сите мои соработници, на сите што ми помогнаа да го заработам тој медал, да го заслужам тој медал – рече Вучиќ по средбата со кинескиот претседател и церемонијата на потпишување на договорот меѓу двете земји, и на прашањето на новинарите како се чувствувал кога Си му го врачил медалот.

The post ВУЧИЌ ВООДУШЕВЕН ОД ОРДЕНОТ ШТО МУ ГО ДОДЕЛИ СИ ЏИНПИНГ Кина го одликува српскиот претседател со највисокото признание за странци appeared first on plusinfo.mk.

Претседателот на Србија Александар Вучиќ, коментирајќи ја иницијативата на американските конгресмени за интегрирање на Косово во НАТО, изјави дека ќе се бори да го спречи тоа да се случи.

– Тие го направија тоа и преку Хрватска, преку воениот сојуз и Албанија, кои веќе се членки на НАТО. Наскоро ќе имаме важни вежби со нив, разговараме со нив, се надеваме дека тоа нема да се случи – изјави Вучиќ.

Тој потсети дека има четири членки на НАТО кои не го признале Косово и дека не гледа како тоа би можело „лесно да помине“.

Американските конгресмени Кит Селф, Ричи Торес и Мајк Лолер презентираа резолуција во Претставничкиот дом со која изразуваат силна поддршка за интеграција на Косово во НАТО.

Како што оценуваат конгресмените, вклучувањето на Косово во НАТО би можело да придонесе за спречување на посериозни безбедносни последици на Балканот.

Четири членки на НАТО – Грција, Романија, Словачка и Шпанија – не го признаваат Косово, што, поради принципот на консензус, го отежнува неговото вклучување во програми како што се Партнерството за мир и Акцискиот план за членство.

The post ВО САД ПОКРЕНАТА ИНИЦИЈАТИВА ЗА ПРИЕМ НА КОСОВО ВО НАТО Вучиќ остро се спротивставува appeared first on plusinfo.mk.

Претседателот на Србија, Александар Вучиќ, вечерва изјави дека парламентарните избори во земјата ќе се одржат или на 12 јули или во периодот од октомври до крајот на ноември.

– Најдоцна во следните шест и пол месеци, а можеби и за два и пол месеца. Во зависност од ситуацијата во земјата и во светот, ќе се водиме од државните интереси и причини. Верувам дека изборите ќе бидат демократски – рече Вучиќ.

Тој најави дека препораките на ОДИХР ќе бидат целосно усвоени од парламентот, како и дека ќе се почитуваат ставовите на Венецијанската комисија во делот на правосудството.

– Сè што сте побарале, ќе добиете, а потоа народот ќе има можност да каже што мисли за сè и каква иднина сака. Мислам дека граѓаните ќе имаат прилично јасен избор – додаде Вучиќ.

Претседателот на Србија најави и засилени меѓународни активности, посочувајќи дека наскоро ќе ги посети Азербејџан и Кина.

– Наскоро ќе го посетам Азербејџан. Потоа ќе следува најзначајната посета во мојата професионална кариера – посетата на Кина. Верувам дека таму ќе успееме да решиме многу важни прашања во интерес на граѓаните на Србија – изјави Вучиќ.

The post ВУЧИЌ ГО ОТКРИ ТЕРМИНОТ ЗА ИЗБОРИ Можни два датуми, 12 јули или есен appeared first on plusinfo.mk.