Тој изрази сомнеж во работењето на второстепената комисија за жалби по јавни набавки потенцирајќи дека тендерот за одржување на патиштата неколку години по ред на сомнителен начин го добива една иста фирма – „Мирсад комерц“.

– Пред две години излегов на прес-конференција и кажав дека ЈПДП наместо да даде средства на Македонија пат да ги чисти автопатиштата и да ја коси тревата по автопатиштата што е работа на Македонија пат, дала тендер на приватна фирма „Мирсад комерц“. Случајно таа е од Кичево од каде е и лидерот на ДУИ, и тоа за фантастични 2 милиони евра. Во овие години ниту гранки видовме пресечени, ниту трева видовме дека исчистила фирмава. На одење стариот директор на ЈПДП повторно распишал тендер за истава фирма „Мирсад комерц“ којашто волшебно го добила. Останатите фирми се жалат и второстепената комисија по жалби за јавни набавки колку што сум информиран ги одбива сите жалби. Сакам да го прашам претседателот на второстепената комисија која по суштина треба да е независно тело, како е возможно да ги одбијат жалбите на сите останати компании и „Мирсад комерц“ која гранка не пресече, треба да продолжи да работи? Како е возможно таа второстепена комисија да донесе ваква одлука имајќи предвид дека за нејзиното работење имаше вакви сомнежи. Еве земете го РЕК Битола каде што иста компанија „Марковски компани“ ги доби тендерите во изминативе 4-5 години, а состојбата во РЕК Битола е катастрофална – рече Николоски.

Министерот Николоски повика Јавното обвинителство да ја преиспита работата на второстепената комисија по жалби за јавни набавки, бидејќи како што рече, носеле сомнителни одлуки.

The post „МИРСАД КОМЕРЦ“ ОД КИЧЕВО ЛАПНАЛА 2 МИЛИОНИ ЕВРА НА ТЕНДАР Ни една гранка не пресекла, а добила втор тендер, обвини Николоски appeared first on plusinfo.mk.

– Од страна на Второстепената комисија е донесено решение согласно кое решението на Централниот регистар се поништува и предметот се враќа на повторно одлучување. Во моментот постапката пред Централниот регистар е во тек, односно одлука ќе биде донесена во согласност со законските рокови за постапување и одлучување – изјавија за Плусинфо од Централниот регистар.

Скандалот во Скијачката федерација настана кога во февруари се одржаа две собранија за избор на претседателот на скијачката федерација. Првото на кое присуствуваа претставници на 13 клубови кои едногласно го избраа Пановски се одржа на 2 февруари, а потоа на почетокот на март осум скијачки клубови предводени од Скијачкиот клуб „Љуботен“ на ново собрание го избраа Циговски. Циговски итно беше впишан и во Централниот регистар како легитимно избран претседател.

Подоцна 16 скијачки клубови од вкупно 18 колку што ги има во земјава, застанаа зад изборот на Пановски и побараа од надлежните институции да го поништат изборот на Циговски за претседател на Скијачката федерација.

Тие обвинија дека Циговски е избран за претседател на нелегитимно, незаконско и нестатутарно вонредно собрание на 3 февруари со фалсификувани документи, но и покрај тоа тој е впишан од Централниот регистар за нов претседател на СФМ, па клубовите обвинуваат за мешање на политиката во спортот. На тоа собрание, според овие клубови, учествувале само 8 од вкупно 18 скијачки клубови, редовни членови на федерацијата.

На жалбата до Второстепената комисија при Централниот регистар за поништување на уписот на Циговски се потпишани 10 скијачки клубови. Неодамна, комисијата го поништи решението на Централниот регистар за упис на претседател на скијачката федерација.

The post Пановски и со упис во Централен регистар официјално ќе биде претседател на Скијачката федерација appeared first on plusinfo.mk.