Министерката за образование и наука, Весна Јаневска, изјави дека е задоволна што грипот не достигнал размери кои би наложиле продолжување на зимскиот распуст и што учениците денеска непречено го започнаа второто полугодие од учебната година.

Во гостување на Македонската радио-телевизија, Јаневска истакна дека во образовниот систем е потребно воведување поголем ред, особено имајќи предвид дека учениците во земјава и онака имаат помал број наставни часови во споредба со нивните врсници во Европа.

Нејзината порака доаѓа по актуелните јавни дилеми изминативе денови, кога се поставуваше прашањето дали поради зголемениот број заболени од грип ќе има продолжување на зимскиот распуст.

Според Јаневска, сите релевантни истражувања, и домашни и меѓународни, покажуваат дека подолгиот престој на децата во училишните клупи директно влијае врз подобри резултати, повеќе знаење и развој на вештини и компетенции.

„Нашите ученици до 15-годишна возраст имаат околу 900 наставни часови помалку од нивните врсници во Европската Унија, чии стандарди сакаме да ги достигнеме и во чие семејство тежнееме да се приклучиме. Затоа е важно и родителите и возрасните да бидат свесни дека редот во образованието мора да се почитува“, порача министерката.

Учениците денеска го започнаа второто полугодие од учебната 2025/2026 година, по тринеделниот зимски распуст.

The post ВТОРОТО ПОЛУГОДИЕ ПОЧНА БЕЗ ОДЛОЖУВАЊЕ Јаневска задоволна што наставата продолжи и покрај грипот appeared first on plusinfo.mk.

Учебната година ќе заврши на 10 јуни за сите ученици, освен за матурантите, кои според календарот за организација на учебната година во јавните средни училишта, ќе учат до 16 мај.

Учебната година нема да биде продолжена како минатата година бидејќи ќе нема пролетен распуст кој беше воведен лани.

За оваа одлука, Министерството за образование и наука во оваа учебна година анкетираше наставници, родители и ученици од повисоките одделенија и, како што информираше, мнозинството се изјасниле дека не сакаат пролетен распуст.

По повод почетокот на второто полугодие, министерката за образование и наука Весна Јаневска на учениците, наставниците и родителите им посака успешно совладување на новите предизвици, нагласувајќи дека секој треба да придонесе во градењето на пријателски и безбедни училишта, во кои владее култура на разбирање и соработка. Тоа, како што истакна Јаневска, се важни предуслови за стекнување квалитетни знаења, вештини и компетенции, кои младите ги оформуваат како одговорни граѓани и идни лидери на инклузивно, праведно и просперитетно општество.

The post ПОЧНА ВТОРОТО ПОЛУГОДИЕ Оваа година нема пролетен распуст, а крајот на годината повторно е на 10 јуни appeared first on plusinfo.mk.

Учебната година ќе заврши на 10 јуни за сите ученици, освен за средношколците во завршна година (матурантите). Тие, според календарот за организација на учебната година во јавните средни училишта, ќе учат до 16 мај 2025 година.

Учебната година нема да биде продолжена како минатата година, бидејќи ќе нема пролетен распуст, кој беше воведен лани.

За оваа одлука Министерството за образование и наука во оваа учебна година анкетираше наставници, родители и ученици од повисоките одделенија и, како што информираше, мнозинството се изјасниле дека не сакаат пролетен распуст.

По повод почетокот на вториот дел од учебната година, министерката за образование и наука Весна Јаневска на учениците, наставниците и родителите им посака успешно совладување на новите предизвици. Таа нагласи дека секој треба да придонесе во градењето пријателски и безбедни училишта, во кои владее култура на разбирање и соработка. Тоа се важни предуслови за стекнување квалитетни знаења, вештини и компетенции, кои младите ги оформуваат како одговорни граѓани и идни лидери на инклузивно, праведно и просперитетно општество, порача Јаневска.

The post ЗАВРШИ ЗИМСКИОТ РАСПУСТ, ОД УТРЕ УЧЕНИЦИТЕ СЕ ВРАЌААТ ВО УЧИЛИШТАТА Учебната година ќе заврши на 10 јуни appeared first on plusinfo.mk.

„Со оглед на тоа што дел од јавните основни и средни училишта сè уште ја немаат искористено поволноста за снабдување со субвенционирана електрична енергија, апелираме до раководствата на образовните установи и општините како нивни основачи, да ја реализираат оваа можност. Со тоа, училиштата ќе ги намалат трошоците за електрична енергија и ќе се овозможи непречено одржување на настава со физичко присуство до крајот на учебната година“ – информираат од МОН.

The post ВТОРОТО ПОЛУГОДИЕ ПОЧНУВА НА 23 ЈАНУАРИ Училиштата да се префрлат на регулираниот пазар на струја, апелира МОН appeared first on plusinfo.mk.

Според календарот за настава од министерството за образование зимскиот одмор започнува на 31 декември 2022 година и завршува на 17 јануари 2023 година.

Второто полугодие како што веќе споменавме започнува на 18 јануари 2023 година и завршува на 9 јуни 2023 година за учениците во основните училишта.

Исто така второто полугодие за учениците во средните училишта завршува на 9 јуни 2023 година, освен за учениците од завршната година од гимназиско образование, стручно образование со четиригодишно и тригодишно траење на образованието, уметничко образование и средно стручно образование за ученици со посебни образовни потреби за кои редовната настава завршува на 18 мај 2023 година, по што ќе следи полагањето на завршната матура.

Иако пред учениците е зимскиот одмор, летниот одмор започнува на 10 јуни 2023 година и завршува на 31 август 2023 година.

Поради зголемениот број на дојави за бомби во средните и основните училишта, учениците пропуштија дел од наставната програма, па поради тоа од МОН уште претходно апелираа до директорите да најдат соодветно решение како да се надополнат испуштените часови.

The post УЧЕНИЦИТЕ БРОЈАТ СИТНО ДО РАСПУСТОТ Второто полугодие ќе започне на 18 јануари appeared first on plusinfo.mk.

Министерот за образование и наука Јетон Шаќири, по посетата на ООУ„Конгреси и Манастирит“, каде на учениците и наставниците им посака успешен почеток на второто полугодие, најави дека попладне ќе ја има првата информација колку од децата и наставниот кадар се заразни, но смирува дека според податоците од директорите на училиштата, не станува збор за висока бројка.

– Според комуникацијата на Министерството со директорите нема огромен број на позитивни случаи на наставници или професори и на деца. За мене поважно беше образовниот процес да почне, поважна беше информацијата од директорите дека се подготвени, поважна беше одлуката на Комисијата за заразни болести дека имаме услови за физичко присуство. Од денес сите професори влегуваат во настава, првата информација ќе ја имаме денес за да знаеме како се движи бројката на позитивни – рече Шаќири.

Во врска со барањата од страна на група родители, учениците да следат настава без заштитни маски, како и оние што бараа второто полугодие децата да го следат онлајн, Шаќири одговори дека ќе има средба со сите што мислат различно.

– Нема никаков проблем јас ќе се видам со сите што размислуваат поразлично, но сите знаете дека здравствените протоколи, вклучително и носењето маски, се препораки од Комисијата, кои важат и за други активности во нашата земја, па поради тоа тие треба да се почитуваат – рече министерот.

Според информациите до кои дојде Плусинфо во повеќето училишта каде што имало деца заразени со ковид-19 или биле во изолација поради контакт со лице заболено со коронавирусот, со цел да не отсуствуваат од првиот ден од второто полугодие, за нив било овозможено наставата да ја следат онлајн од нивните домови. За колкава бројка на ученици кои се дома, но и за наставници, министерот Шаќири појасни дека ќе биде познато во попладневните часови.

Инаку денес министерот Јетон Шаќири го посети ООУ„Конгреси и Манастирит“, од каде на сите учениците и наставниците им посака успешен почеток на второто полугодие.

– Како што знаете, согласно препораките на Комисијата за заразни болести, како тело надлежно за координација на сите мерки и активности за справување со пандемијата, а земајќи ги и предвид препораките на УНИЦЕФ како најголема светска организација која работи на заштита и унапредување на правата на децата, Владата и МОН донесоа одлука второто полугодие да започне со одложен старт од 2 недели и со физичко присуство на сите ученици според утврдените и донесени протоколи. Наставата со физичко присуство е најдобрата опција за задоволување на интересите на учениците, влијае на квалитетот на стекнатите знаења, на социјализацијата и психофизичкиот развој – додаде Шаќири.

Како алтернатива, посочи министерот, постојат дополнителни две сценарија. Едното е преминување на целосно онлајн настава, а другото примена на комбиниран модел, доколку дојде до промена на епидемиолошката состојба која постојано се следи и доколку такви насоки даде Комисијата за заразни болести и доколку такви заклучоци произлезат од скринингот кој ќе го спроведува Министерството за здравство на ученици одбрани по случаен избор.

Денес, второто полугодие од учебната 2021/2022 година, започна за околу 255.000 ученици – 185.000 во основните и 70.000 во средните училишта.

The post ДЕЦАТА СЕДНАА ВО КЛУПИТЕ Засега нема точни податоци за позитивните ученици и наставници appeared first on plusinfo.mk.

И покрај пролонгираниот почеток, учебната 2021/2022 ќе заврши во редовниот термин – 10 јуни 2022 и за таа цел Владата на седница веќе го утврди бројот на наставни денови во вонредни околности. Во сите училишта (основни и средни) се утврдени 172 наставни денови, освен за средношколците во завршна година за кои се утврдени 158 поради нивните обврски за државната матура и  полагањето на двата екстерни  испита закажани за 4 и 13 јуни.

Ставот на надлежните во здравство и образование е учебната година, како и во првото полугодие, да продолжи со физичко присуство, со примена на антиковид-протоколите, така што и натаму резервни остануваат другите две сценарија што беа подготвени летото – настава на далечина и комбинирана настава со ротации на ученици во иста паралелка.

Првата детска амбасада „Меѓаши“, Синдикатот за образование, наука и култура (СОНК) и опозициската ВМРО-ДПМНЕ деновиве бараа Владата да ја преиспита одлуката и наставата да продолжи онлајн затоа што се високи бројките на  новозаразени со ковид-19, чести се и реинфекциите што се должи на брзото ширење на сојот омикрон.

Според министерот за здравство Беким Сали, одлуката е донесена откако е проценето дека епидемиолошката состојба дозволува настава со физичко присуство.

– Според нашите податоци, нема потреба од онлајн-учење во овој момент. Епидемиолошката состојба се менува секоја недела, а врз основа на тие податоци ние и ги носиме одлуките – рече Сали.

Вчера тој соопшти дека Комисијата за заразни болести денеска на состанок ќе одлучува како и кога ќе се реализира скринингот во училиштата, а ќе го спроведат центрите за јавно здравје кои ја водат евиденцијата на сите позитивни случаи.

И ресорниот министер Јетон Шаќири укажа дека состојбата постојано ќе се следи и МОН ќе биде во постојана комуникација со Комисијата за заразни болести и со Кризниот штаб.

Тој во средата изјави дека одлуката ќе била лесна ако била истата варијанта од вирусот како што беше во септември и октомври, затоа што во првото полугодие заразата во училиштата беше стабилна и, според малиот број на новозаразени и активни случаи, училиштата не биле средини каде што таа се шири.

-Сега има нова варијанта, но и тоа не значи дека почетокот на второто полугодие со физичко присуство ќе го зголеми бројот на заразени. МОН ќе биде во постојана комуникација и секој ден ќе има средби со директорите на основните и на средните училишта, изјави Шаќири, посочувајќи притоа и дека градинките се постојано отворени, а функционираат и други сектори.

Во донесувањето на одлуката предвид е земен и повикот на УНИЦЕФ училиштата да бидат отворени поради придобивките од физичкото присуство на наставата. По одлуката на Владата од 17 јануари за одложување на стартот на второто полугодие, Канцеларијата на УНИЦЕФ во земјава веднаш повика тоа да биде привремена мерка.

Претставничката Патриција ДиЏовани во пишана изјава до медиумите нагласи дека отворањето на училиштата треба да биде приоритет за целата држава затоа што децата се соочуваат со поголеми ризици кога се надвор од училиште отколку во училиште.

Таа смета дека превентивните мерки во училиштата се ефикасни и дека физичкото присуство на настава во училиште се чини не е главниот двигател на ширење на инфекцијата.

-За последниот месец од наставата во 2021 година податоците покажуваат многу ниска стапка на заразуввање со само 0,01 процент нови случаи дневно кај учениците и 0,03 проценти кај наставниците. За споредба, во двете недели кога училиштата беа затворени за зимски распуст, бројот на новозаразени случаи кај сите возрасни групи се зголеми за четири пати, од приближно 2600 на 11 000 потврдени позитивни случаи. Овие сознанија треба да ги искористиме за да направиме сè што можеме да ги одржиме училиштата отворени и децата безбедно да следат настава во училниците – наведе ДиЏовани.

Таа предупреди и дека уште еден бран на затворање училишта би бил катастрофален за децата зашто и пред пандемијата на ковид-19, како што посочи,  С Македонија веќе се соочуваше со криза во учењето и повеќе од половина од сите петнаесетгодишници во земјата не успеваа да ги достигнат основните нивоа на вештини за читање и математика.

– Северна Македонија веќе имаше најдолготрајно затворање на училишта во регионот, кога училиштата во земјата беа затворени вкупно 54 недели, во споредба со просекот од 24 недели во регионот на Европа и Централна Азија. Повеќе од 60 отсто од наставниците изјавија дека бројот на ученици што имаат тешкотии во совладувањето на наставните програми се зголемил во овој период. Долготрајното затворање на училиштата на ниво на целата држава, ограничените ресурси за учениците, наставниците и родителите и немањето пристап до далечинско учење го уназадија деценискиот напредок во образованието и го направија детството непрепознатливо, истакна претставничката на УНИЦЕФ.

Со претставништвото на УНИЦЕФ и со Комисијата за заразни болести се согласува и Сојузот на средношколци кој вчера ја поздрави одлуката за настава со физичко присуство. На Генерално собрание Сојузот едногласно го потврдил својот став од пред две години дека наставата треба да се одвива во училиштата, а во најлоша ситуација препорачува да биде комбинирана, а не целосно онлајн.

„Првото полугодие помина целосно со физичко присуство, а стапката на заразеност беше екстремно ниска – факт што покажува дека училиштата биле најбезбедните средини за средношколците. Веруваме дека полугодието не треба да почне на далечина, туку во самите училишта бидејќи наставата ќе биде квалитетна и интерактивна, оценката ќе биде валидна, физичкото здравје ќе биде зачувано, менталното здравје ќе биде запазено, социјализацијата меѓу средношколците ќе продолжи да биде во училиште. Ваквата одлука е потребна за образованието да биде државен приоритет број еден“, соопшти Сојузот на средношколци.

The post УЧИЛИШТАТА ОЖИВЕАЈА Почна второто полугодие appeared first on plusinfo.mk.

Претседателот на СОНК, Јаким Неделков во изјава за МИА вели дека во период кога во земјава расте процентот на новозаболени од ковид-19, доколку наставата почне со физичко присуство, постои реална можност вирусот многу побрзо да се шири. Предлага наставата да почне онлајн, а потоа да се согледа ситуацијата и доколку епидемиолошката состојба оди во надолна линија, тогаш да се направи проценка дали постојат услови за физичко присуство на наставата.

– Бараме преиспотување на одлуката од причина што сметаме дека процентот на новозаболени секојдневно е во нагорна линија и доколку учениците одат со физичко присуство постои реална можност училиштата да се претворат во кластери и вирусот побрзо да се шири. Од таа причина сметаме дека одреден временски период од пример две недели наставата да биде онлајн, па да се согледаат состојбите од ширење на вирусот и доколку е во надолна линија, да се направи проценка и да се види дали постојат услови за физичко присуство – вели Неделков.

Владата вчера по препорака на Комисијата за заразни болести одлучи учениците на 1 февруари да го почнат второто полугодие со физичко присуство. Претходно, зимскиот распуст беше продолжен до 1 февруари.

The post ОД СОНК ПРЕДЛАГААТ ОНЛАЈН НАСТАВА Училиштата ќе се претворат во кластери appeared first on plusinfo.mk.

– До крајот на неделата ќе имаме состаноци и пред почетокот на второто полугодие ќе се има и ставот на Комисијата за заразни болести и на Кризниот штаб. Ги имаме предвид и повиците од УНИЦЕФ, кое е за физичко присуство на настава, а и ние сите, и наставниот кадар, свесни сме за придобивките од физичкото присуство. И според податоците, во првото полугодие, имавме многу мал број на заразени деца. Нашата одлука ќе беше лесна ако ја имавме истата варијанта од вирусот како што беше во септември и октомври. Сега има нова варијанта, но и тоа не значи дека почетокот на второто полугодие со физичко присуство ќе го зголеми бројот на заразени – изјави Шаќири.

Тој посочи дека градинките се постојано отворени, функционираат и други сектори, а за него како министер најважно е што децата одвај чекаат да почне учебната година.

Шаќири нагласи дека е важно да се почитуваат здравствените мерки и дека за заштита и претпазливост од ковид-19 не треба да се мисли само во училиштата, туку е важно и однесувањето надвор од нив.

– Не значи дека ако нема настава, повеќе ги почитуваме препораките отколку кога сме на настава, рече Шаќири на прес-конференција при посетата на Државниот универзитет во Тетово.

Каква и да биде одлуката, рече тој, МОН ќе биде во постојана комуникација и секој ден ќе има средби со директорите на основните и на средните училишта ако наставата биде со физичко присуство.

– До крајот на неделата ќе има конечна одлука и каква и таа да биде – физичка настава или онлајн, коментарите ќе бидат различни. Но, ќе се земат сите придобивки од двете варијанти, рече министерот за образование и наука.

Поради влошената епидемиoлошка состојба и проценката дека земјата се наоѓа на врвот на ковид-заразата, Владата на седница на 17 јануари донесе одлука за одложување на второто полугодие кое наместо на 20 јануари треба да почне на 1 февруари.

Одлуката за продолжениот зимски распуст за околу 255 илјади ученици Владата ја донесе по препорака на Главниот координативен кризен штаб, а на наредната седница го утврди и бројот на наставни денови во вонредни околности со кои учебната 2021/2022 година ќе заврши во редовниот термин – 10 јуни 2022.

The post ДАЛИ УЧЕНИЦИТЕ ЌЕ ОСТАНАТ ДОМА? До крајот на неделата ќе се знае дали и како ќе започне второтo полугодие appeared first on plusinfo.mk.

Епидемиолозите ја разгледувале и можноста за скратување на времето поминато во изолација за лицата кои се позитивни на коронавирусот, но се асимптоматски случаи.

„Членовите на Комисијата за заразни болести на денешниот состанок дискутираа за повеќе предлог-мерки, за кои дополнително ќе се донесат одлуки и заклучоци. Се разгледуваше предлогот за скратување на времето на изолација на позитивни на коронавирусот, а кои се асимптоматски случаи. За овој предлог, членовите ќе донесат одлука по дополнителна обемна дискусија која ќе следува во наредните денови. Исто така, разгледана беше и евентуалната моќност за промена на почетокот на второто полугодие од учебната 2021/2022 година, а одлуката по овој предлог ќе биде донесена непосредно пред почетокот на второто полугодие, бидејќи клучно ќе биде каква е епидемилошката состојба во државата. Одлуката за почетокот на второто полугодие од учебната година ќе биде усогласена и со Министерството за образование и наука“, наведено е во соопштението.

The post УЧЕНИЦИТЕ ДОБИВААТ ПРОДОЛЖЕН РАСПУСТ? Епидемиолозите ќе одлучуваат непосредно пред почетокот на второто полугодие appeared first on plusinfo.mk.