Актуелниот градоначалник на општина Центар, Горан Герасимовски од СДСМ, вечерва прогласи победа и преземање втор мандат, откако го победи противкандидатот Мирослав Лабудовиќ од Движењето ЗНАМ. Победата, како што истакна Герасимовски, е резултат на четиригодишна посветена работа и континуирана комуникација со граѓаните.

– Денеска победи прогресивното, слободното, модерното, чесното работење на фер демократски и слободни избори. Да те изберат двапати за мене е најголема чест, а воедно и огромна обврска. Победивме зошто работевме 4 години, а не само 30 дена. Комунициравме со граѓаните, обединувавме, имавме јасен пат и се водевме од принципи, а не од дневни политики – рече Герасимовски.

Според Државната изборна комисија (ДИК), со обработени 94,87% од гласовите (74 од 78 избирачки места), Герасимовски освои 52,72% или 10.429 гласа, додека Лабудовиќ доби 38,31% или 7.578 гласа.

Герасимовски потенцира дека неговата цел останува општината да биде сервис за граѓаните, да се продолжи со модернизација, дигитализација и создавање поволни услови за секојдневниот живот во Центар.

Оваа победа ја потврдува довербата на граѓаните во неговото раководство и го означува почетокот на нови четири години посветени на транспарентно и чесно работење во општината.

The post ГЕРАСИМОВСКИ ЈА ПОТВРДИ ДОВЕРБАТА Втор мандат за градоначалникот на Центар appeared first on plusinfo.mk.

Биљал Касами победи со 5.000 гласови повеќе од неговиот противкандидат Бајрам Реџепи од Коалицијата НАИ, објави Бесар Дурмиши, шеф на изборниот штаб на Коалицијата Вреди за Општина Тетово.

Тој оцени дека во најголем број тетовски населби имаат победа затоа што граѓаните ја ценат работата на градоначалникот Касами и му дадоа поддршка за втор мандат.

– Граѓаните го кажаа своето мислење и став преку гласање, каде што во Тетово успеавме со пет илјади гласови повеќе од противкандидатот на Биљал Касами. Сме победиле во населбите, како што е Миѓени, со петстотини гласови повеќе, Центар, во Голема Речица успеавме да го превртиме резултатот со 120 гласови сме победиле. Во Џепчиште и Порој со повеќе од 500 гласови сме победиле. Во Фалише со 100 гласови сме победиле, во Мала Речица со 360 гласови, Тетекс 1 и Тетекс 2 со 500 гласови повеќе сме победиле. Исто така сме во селата Вешала, Бродец, Лисец и Лавце сме победиле – рече Дурмиши.

Тој најави дека Касами ќе работи во наредниот мандат како што бил посветен и во првиот.

– Му дадоа поддршка за втор мандат да работи уште подобро и уште посилно, така како што работеше четири години како што беше фокусиран 24 часа на ден, така ќе работи и во наредниот период. Ќе работиме во секое место, без разлика како се определени граѓаните. Ќе работиме низ секое место во градот, тие фундаментални проблеми што ги имавме во првиот мандат, градоначалникот успеа да ги реализира, да ги реши и сега во вториот мандат Тетово ќе се развие, ќе оди напред – истакна Дурмиши на прес-конференција на штабот на коалиција Вреди во Тетово.

Вешерва приврзаниците на Коалицијата Вреди прослевуваат на градскиот плоштад во Тетово, заедно со старо-новиот градоначаник Била Касами.

The post КАСАМИ ДОБИ ВТОР МАНДАТ, ЌЕ РАБОТИ УШТЕ ПОПОСВЕТЕНО За Коалицијата Вреди предноста од 5.000 гласа значи голема доверба appeared first on plusinfo.mk.

Кандидатот за градоначалник на Куманово и лидер на Движењето ЗНАМ – За наша Македонија, Максим Димитириевски оцени дека по првиот круг на изборите очигледна е волјата на кумановци тој да продолжи да го води градот уште еден мандат.

Во настап на емисијата 360 степени на МТВ Димитриевски потсети дека разликата во освоените гласови помеѓу него и второпласираниот кандидат е поголема од 10 илјади.

Во вториот круг Димитриевски очекува поддршка од сите гласачи.

– Јас се обраќам кон сите и не ги делам гласачите ниту по партиска, ниту по етничка, ниту по верска основа. А, никогаш тоа и не сум го правел. Затоа во рамките на поддршката што сум ја добивал секогаш имало гласови од сите етнички заедници, но и од останати партии. Впрочем тоа го имаше и при изборите во мојот прв и втор мандат, а и при гласањето на 19 октомври на овие избори – нагласи Димитриевски.

Во минатите осум години, вели тој, еднакво работел и во македонски и во албански и во српски и во ромски средини. Затоа смета дека не е пресудно за предност, кој колку ќе биде поприсутен во медиумите, туку колку бил ефикасен во текот на својот мандат.

– Кога одам во град ми велат – работиш повеќе во село, кога одам во село – ми велат работиш повеќе во приградски населби. Таму пак, сметаат дека повеќе вложувам во градот. Кај Албанците се има впечаток – дека повеќе работам кај Македонците, Македонците сметаат обратно – дека повеќе работам кај Албанците, истата приказна е и кај Ромите. Но, на крајот сите велат едно исто – дека работам – порача Максим Димитриевски.

The post ЈАСНО Е ДЕКА КУМАНОВЦИ САКААТ ДА ГО ВОДАМ ГРАДОТ УШТЕ ЕДЕН МАНДАТ Димитриевски очекува гласови од сите етнички заедници appeared first on plusinfo.mk.

Владата, во рамки на проектот за финансирање на општините, поддржува проекти коишто ги изработи Општина Брвеница кои се за сите граѓани, во сите населени места, без разлика дали се со мнозинско македонско, мнозинско албанско или со мешано население, изјави премиерот Христијан Мицкоски денеска во Брвеница.

– Мораме да разбереме дека поделбите не носат иднина. Мораме да разбереме дека обединувањето, заедништвото е тоа коешто треба да биде заеднички именител на сите жители овде во Општина Брвеница. Граѓаните да гледаат што се работи и што е сработено, а не да оценуваат врз основа на етничка припадност, политичка припадност или неприпадност. Јас сум убеден дека со својата речиси четиригодишна работа, градоначалникот заслужи доверба на жителите на Општина Брвеница и по втор пат и заедно со Владата ќе направиме уште многу проекти во следниот четиригодишен мандат како градоначалник овде во Општина Брвеница – рече Мицкоски.

Тој му честита на градоначалникот Јовица Илиевски за сето она што го работи, а се заблагодари и на сите пратеници од Полошкиот Регион, коишто се борат за Општина Брвеница и за Полошкиот Регион.

– Неговата работа навистина е инспиративна. Повеќе од 90-тина проценти од програмата којашто беше зацртана е исполнета – додаде премиерот.

The post БРВЕНИЦА НЕ Е МЕСТО ЗА ПОДЕЛБИ МЕЃУ ГРАЃАНИТЕ Сработени се 90% од предвидената програма, Илиевски оди на втор мандат appeared first on plusinfo.mk.

– Сите предизвици со кои се соочивме и со кои се соочуваме ме убедија дека единствено доколку имаме јасна визија, прецизна стратегија и граѓанско единство можеме да ја оствариме нашата цел да живееме во уредена држава којашто почива врз принципот на владеење на правото, економски напредува, обезбедува социјална правда и целосна еднаквост на сите наши граѓани без оглед на потеклото во н ашето мултикултурно македонско општество. Зад себе немам ниту една корупциска афера или пример на користење на функцијата за остварување на лични интереси.Имам визија и енергија да продолжам со борбата за благосостојбата на нашите граѓани и на нашата држава – вели Пендаровски во своето воведно обраќање во Програмата, соопшти штабот на претседателскиот кандидат. 

Програмата на кандидатот Пендаровски е составена од пет клучни столба.

The post СО ПЕТ СТОЛБА ВО ТРКА ЗА ВТОР МАНДАТ Пендаровски ја објави изборната програма appeared first on plusinfo.mk.

Само пред 5 дена, на 6 декември, прашан дали размислува да се кандидира за нов мандат, тој кусо одговори „не“. Неколку часа подоцна се дообјасни дека негативниот одговор се однесува на тоа дека во деновите на тага за свирепите убиства не може да размислува на таа тема.

Според него, поддршката од политичките субјекти, но не помалку, ако не и повеќе, поддршката од граѓаните, ќе бидат клучни во носење на неговата одлука.

– Во 2014 година зад мојата кандидатура застанаа 18 политички партии, во 2019 застана 31 политичка партија. Повторно, само со поддршка на политичките партии не е можно да бидете претседател. Потребен е и граѓанскиот дел, што не е врзан со политичките партии, да се реши да ви даде глас, затоа што само со збирот, или акумулацијата на само партиските електорати, не може да станете победник – изјави претседателот Пендаровски.

Според претседателот, добра одлука е претседателските и парламентарните избори да се одржат заедно, пред сѐ од финансиски аспект, како и поради обезбедување на подобра политичка мобилизација и излезност на граѓаните, што е важно и за легитимитетот на избраните политичари.

– Не може некој да ме убеди, ако вие имате рејтинг, или ако немате рејтинг во април, вие ќе го додадете или изгубите во јуни  –  одговори претседателот коментирајќи дека за него не игра голема улога дали изборите ќе бидат двојни или поединечни, доколку се кандидира за втор претседателски мандат.

Во однос на прашањето дали смета дека ДУИ може да ги мобилизира своите гласачи ако го поддржат на претседателските избори, претседателот изјави дека сите албански политички партии ќе имаат проблем да го мобилизираат своето членство, ако во вториот круг останат двајца Македонци.

Тој смета дека резултатите од анкетите не се лоши, но се однесуваат на претпоставената сила на политичките субјекти, а она што потешко се мери е граѓанскиот електорат, кој не е поврзан со политичките партии, а коишто на анкетите, над 60 отсто се изјаснуваат дека во принцип не се заинтересирани за гласање.

The post „НЕ“ НА ПЕНДАРОВСКИ СТАНА „ЕПТЕН Е МОЖНО“ Шансите да се кандидирам за втор мандат денеска се поголеми отколку да не се кандидирам appeared first on plusinfo.mk.

Пендаровски е петти претседател на Македонија. На оваа функција стапи од 12 мај 2019 година. Поголемиот дел од професионалната кариера го поминал во Министерството за внатрешни работи како безбедносен аналитичар, воедно бил советник за национална безбедност и за надворешна политика на двајца македонски претседатели, Борис Трајковси и Бранко Црвенковски.

Пендаровски првпат беше во трка за претседател на државата во 2014 година, како кандидат на коалицијата предводена од СДСМ, но не успеал да го победи тогашниот претседател Ѓорге Иванов. Во 2019 година вторпат се кандидираше на претседателски избори, како консензуален кандидат на СДСМ, ДУИ и десетици други политички партии и го победи кандидатот на опозициската ВМРО-ДПМНЕ, универзитетската професорка Гордана Силјановска-Давкова.

Политичките лидери во понеделникот на лидерската средба во Собранието се договорија парламентарните избори да се одржат во ист термин со вториот круг од претседателските на 8 мај.  Претходно, на 24 април ќе се одржи првиот круг од претседателските избори.

The post ПЕНДАРОВСКИ НЕ ПЛАНИРА ДА СЕ КАНДИДИРА ЗА ВТОР МАНДАТ Претседателот рече „не“ без образложение appeared first on plusinfo.mk.

– Мислам дека ставовите на власта и на опозицијата се приближуваат и веројатно наредните денови ќе имаме и официјална објава дека е постигнат договор за одржување на парламентарните и на претседателските избори во ист временски период – изјави Пендаровски, одговарајќи на прашањето дали власта и опозицијата ќе се договорот околу датумот  и дали според него претседателските и парламентарните избори ќе бидат заедно или одвоено.

За неговото кандидирање за втор мандат на идните претседателски избори, Пендаровски рече дека е премногу рано да каже нешто околу тоа и дека за тоа ќе размислува после Нова година.

The post ПЕНДАРОВСКИ НАЈАВИ СПОЕНИ ПРЕТСЕДАТЕЛСКИ И ПАРЛАМЕНТАРНИ ИЗБОРИ За втор мандат ќе размислува после Нова година appeared first on plusinfo.mk.

– Моето натамошно ангажирање во политиката ќе зависи само од една работа. Не дали јас имам мерак да бидам на оваа позиција или на некоја друга, туку само од тоа дали мојот досегашен мандат и здравје боже до година целиот истеран мандат од пет години ќе биде позитивно оценет од граѓаните. Ако граѓаните немаат позитивно мислење пристојни бројки проценти за ова што го правам изминативе четири и пол – пет години, тогаш секако нема да ме гледате во политиката – рече Пендаровски во интервјуто за Македонското радио.

The post НЕ ЗАВИСИ ОД МЕРАКОТ Шефот на државата не кажува дали ќе бара втор мандат appeared first on plusinfo.mk.

Тој вели дека довербата од граѓаните му влева сила и ентузијам.

– Вториот мандат и кандидaтура од ВМРО-ДПМНЕ ќе значи продолжување на тенденцијата за развој на општина Кавадарци, како атрактивно место за живеење, стекнување на образование, развој на претприемништвото, и ефикасно управување. Уште еден мандат ќе значи реализација на уште една визија, континуитет на отпочнатите проекти и имплементација на нови идеи – рече Јанчев.

Тој се заблагодари на граѓаните и на матичната партија за укажаната доверба.

ВМРО-ДПМНЕ денеска ги објави кандидатите на нивната коалиција за уште десет општини, односно за Ресен, Крушево, Делчево, Василево, Дебарца, Ново Село, Ранковце, Зрновци, Кратово…

The post ЈАНЧЕВ ПОБАРА ДОВЕРБА ОД КАВАДАРЧАНИ Втор мандат ќе значи реализација на уште една визија, континуитет на отпочнатите проекти appeared first on plusinfo.mk.