Шведска поинаку се бореше против пандемијата на ковид-19 од другите земји, и не ја затвори економијата, ниту повеќето училишта, ниту пак носењето маски во јавноста беше препорака на надлежните институции.

Во земјата има значително поголем број на заразени со коронавирусот во однос на нејзините нордиски соседи, иако не толку голем како во некои други европски земји, како што се Белгија, Шпанија и Велика Британија.

Во последните неколку месеци, во Шведска значително се намали бројот на хоспитализирани пациенти и смртни случаи од последици од Ковид-19. Меѓутоа, сега кога повеќето жители на земјата се вратија од одмор и училиштата повторно се отворија во текот на минатата недела, се појавија стравувањата од втор бран на пандемијата.

Водечкиот шведски епидемиолог Андерс Тегнел во интервју за ТВ4 изјави дека не верува оти во земјата ќе има класичен втор бран на епидемијата, каков што може да се забележи со вирусот на грип и за кој е карактеристично повторно распространето ширење на вирусот.

Тегнел рече дека коронавирусот се чини дека функционира на поинаков начин и оти преносот е по локализиран.

Затоа, поверојатно е дека наместо со втор бран на пандемијата, Шведска на есен да се соочи со појава на локални жаришта на зараза, што во моментов може да се види низ цела Европа, истакна Тегнел.

Мислењата во врска со шведскиот пристап во борбата против ковид-19 се поделени, како во земјата така и во странство.

Во Шведска од почетокот на пандемијата на коронавирусот се заразиле над 86.000 луѓе, од кои починале речиси 6.000 пациенти.

The post Тегнел не очекува втор бран на пандемијата на есен во Шведска appeared first on plusinfo.mk.

Дростен стравува дека по избувнување на ново жариште во Северна Рајна-Вестфалија ќе има незабележано ширење на вирусот.

Тој додаде дека постојат повеќе места, вклучувајќи го и Берлин, каде постојат јасни индикации дека се враќа ковид-19.

– Не сум оптимистичен дека ќе имаме уште една мирна епидемиолошка ситуација по еден месец, изјави Дростен.

Германското население, додава тој мора да разбере дека здравствените власти имаат потреба од поддршка и консензус.

The post Дростен предупредува на опасност од втор бран на ковид-19 во Германија appeared first on plusinfo.mk.

Корејските центри за контрола и превенција на болести (КЦДЦ) претходно објавија дека првиот бран на епидемијата на коронавирусот во Јужна Кореја всушност никогаш не завршил.

Директорот на КЦДЦ Џеонг Еун-Кјеонг рече дека станало јасно оти празничниот викенд на почетокот на мај го означува почетокот на нов бран зарази, кои најмногу се појавија во поширокото подрачје на Сеул.

The post Јужна Кореја соопшти дека е во екот на вториот бран на епидемијата appeared first on plusinfo.mk.

Министрите за одбрана на државите од НАТО усвоија оперативен план на Алијансата, во случај на втор бран пандемија со Ковид-19 како и насоки  што вклучуваат создавање залихи на медицинска опрема и наменски средства што би можеле да се искористат за итна набавка на потребна опрема, соопшти хрватското Министерство за одбрана.

Генералниот секретар на НАТО, Јенс Столтенберг, поднесе извештај за короната, во кој се потенцира сето она што НАТО го направи како одговор на пандемијата, како и улогата што ја имаат сојузничките сили во поддршката на цивилните институции.

Одобрени беа и насоки за национална отпорност што покриваат подрачја како енергетика, транспорт и телекомуникации, а се рефлектираат на закани од кибер пространство. Тој документ им овозможува на членките подобра подготвеност во случаи на нови кризи, но и побрзо опоравување кога се случуваат кризи.

The post НАТО се подготвува за евентуален втор бран на пандемијата appeared first on plusinfo.mk.

Пред САД е вториот бран на случаи на коронавирусот , предупреди Ерик Тонер, експерт од Универзитетот Џон Хопкинс во Мериленд.

-Во некои делови на земјата се појавува нов бран на коронавирусот. Бранот е мал, но тој полека доаѓа, им соопшти Тонер на новинарите.

Тонер посочи дека во некои држави зголемувањето на бројот на инфекции го надминува зголемувањето на бројот на тестови  што предизвикува загриженост во врска со можноста за одржување на епидемијата под контрола, пренесува агенцијата Анадолија.

Според него, ќе бидат потребни неколку недели за да се добие точен и прецизен увид во ситуацијата, додавајќи дека дотогаш може да биде „предоцна“ за соодветен одговор.

Џефри Морис, експерт од Медицинскиот факултет на Универзитетот во Пенсилванија, изјави дека вториот бран на епидемијата на коронавирусот веќе се јавува во Аризона, Тексас, Флорида и Калифорнија.

Ленс Волер, професор на Факултетот за јавно здравје на Универзитетот Емори, верува дека вториот бран ќе биде доста поразличен од првиот.

САД остануваат земја со најголем број инфекции и најголем број смртни случаи предизвикани од коронавириусот.

Повеќе од 114.000 луѓе во САД досега умреа од ефектите на Ковид-19,  а бројот на заразените надмина два милиона.

Федералните држави, кои претходно воведоа рестриктивни мерки против ширењето на пандемијата, од 20 мај почнаа да укинуваат одредени ограничувања за стопанските субјекти и за движење на луѓето во јавниот простор.

Во последните денови, сепак, во многу делови од земјата е забележен  врвот на заразата. Во Тексас, на примњер, вчера беше регистриран најголемиот дневен број на заразени од почетокот на пандемијата или вкупно 2.504 лица. Флорида неделава регистрира вкупно 8.553 случаи, најмногу досега за една недела. Исто така, од 13 мај значително е зголемен и бројот на хоспитализирани пациенти во Калифорнија.

The post САД се пред втор бран од заразата со вирусот, предупредуваат експертите appeared first on plusinfo.mk.

– Сметаме дека бранот кратко ќе трае. Се намали бројот на скринингот на вработени во градинки. Вирулентноста значајно слабее има многу асимптоматски случаи, но ова не значи дека вирусот не е опасен и затоа граѓаните треба да ги почитуваат мерките. Иако бројката е висока таа се движи во рамките на познати кластери – рече Филипче.

Тој најави дека во текот на овие два дена Комисијата за заразни болести ќе  прави детални анализи за новиот бран и за ширењето за да се има  детален увид и дека во недела ќе дискутираат за новите чекори.

The post Филипче: 15 семејства носат 90 отсто од новите случаи appeared first on plusinfo.mk.

Европските земји мора да се подготват за смртоносен втор бран на коронавирус инфекции затоа што пандемијата не е завршена, рече во интервју за „Дејли телеграф“, д-р Ханс Клуге, директор на Светската здравствена организација во Европа. Клуге ги предупреди земјите што почнуваат да ги олеснуваат своите ограничувања, дека сега е „време да се подготват, а не да слават“.

Претставникот на СЗО истакна дека тоа што бројот на случаи на ковид-19 во земји како Велика Британија, Франција и Италија почнува да се намалува, не значи дека пандемијата завршува.

Епицентарот на европскиот појава сега е на исток, при што бројот на случаи се зголемува во Русија, Украина, Белорусија и Казахстан, предупреди тој.

– Државите треба да го искористат ова време мудро и да почнат да ги зајакнуваат системите за јавно здравје, како и да градат капацитети во болници, одделенија за итни случаи и интензивна нега. Сингапур и Јапонија сфатија рано дека ова не е време за славење, туку време за подготовка. Скандинавските земји го прават истото – тие не исклучуваат втор бран, но се надеваат дека тој ќе биде локализиран и тие ќе можат брзо да го надминат – изјави тој.

Клуге предупреди дека вториот бран може да се совпадне со појава на други заразни болести.

– Јас сум многу загрижен за можноста за двоен бран – наесен може да имаме втор бран на ковид-19 и друг сезонски грип или сипаници. Пред две години имавме 500.000 деца кои немале своја прва вакцина против сипаници – додаде Клуге.

На почетокот на овој месец, на шпанското население му беше дозволено спортување надвор за првпат во седум недели, а рестораните во некои делови на Германија повторно се отворија. Во Франција, на луѓето повеќе нема да им требаат дозволи за патувања за да објаснат зошто излегле од дома. Но, во отсуство на ефикасно лекување на вирусот или вакцина, според Клуге, секоја блокада мора да биде придружена со строги мерки.

The post СЗО: Се очекува втор посмртоносен бран на коронавирус инфекции оваа зима appeared first on plusinfo.mk.

Австрискиот канцелар Себастијан Курц денеска изјави дека во случај на втор бран на новиот коронавирус, потребна е добро прилагодена регионално акција и најави дека Австрија нема да дозволи граѓани на земји каде коронавирусот не е под контрола да влезат во земјата.

Во разговорот со премиерите на земјите кои успешно реагирале на заканата од коронавирусот, Курц истакна дека е неопходен и систем за брзо утврдување на контактите на заболените лица. Тој посочи дека регионалното ширење на вирусот е многу различно и додаде дека во некои региони нема вирус, додека други се повеќе погодени.

– Она што мора да го спречиме во секој случај е уште едно запирање на општеството и економијата. Затоа треба брзо да се идентификуваат новите жаришта – рече Курц, додавајќи дека на тој начин ќе се спречи одредени искри да станат пожари.

Тема на состанокот на осумте премиери, меѓу кои на Австралија, Израел, Данска, Грција, Норвешка, Чешка и Сингапур, беше и постепеното отворање на границите меѓу сите земји што добро се справуваат со кризата и имаат ниски стапки на нови инфекции.

Курц истакна дека Австрија има интерес да ги отвори границите кон Германија и Чешка и изрази надеж дека ќе се пронајде решение. сепак, тој е воздржан во однос на шансите за летување во странство, па дури и во случајот со Грција, за која рече дека добро ја извршува работата во борбата против вирусот. Според него, важен фактор е дали Австријците ќе наидат луѓе кои доаѓаат од несигурни региони во странство, а што се однесува до Австрија, тој ја отфрли можноста луѓето од „несигурни региони“ да влезат во земјата.

– Она што Австрија може да го гарантира, а тоа е во интерес на австриското население и потенцијалните туристи кои доаѓаат во земјата, е дека нема да им дозволи влез на луѓето од земји кои го немаат коронавирусот под нивна контрола и кои на тој начин претставуваат потенцијална опасност – објасни тој.

Курц рече дека е договорено земјите кои успешно се борат против коронавирусот да ги обединат своите напори, особено во истражувањата на вакцини и лекови.

На видео средбата учествуваа премиерот на Австралија Скот Морисон, на Израел Бенјамин Нетанјаху, на Данска Мете Фредриксен, на Грција Киријакос Мицотакис, на Норвешка Ерна Солберг, на Чешка Андреј Бабиш и на Сингапур Ли Хсиен Лонг. Овојпат премиерката на Нов Зеланд Џасинда Ардерн не можеше да учествува на состанокот, а за следната недела закажан е нов виртуелен Самит.

The post Курц: Неопходна ни е регионална акција ако има втор бран на епидемијата appeared first on plusinfo.mk.

The post Италијански експерти: Можен е втор бран на зараза со ковид-19, да се откриваат новите случаи appeared first on plusinfo.mk.