Судскиот совет ќе изврши увид во пресудата од 2 години затвор за возачот Менсур Пајазити, кој во август во 2022 година смртно ја прегази 22-годишната Теодора Ристовска на пешачки премин во Тетово. Пресудата е од повтореното судење во Основниот суд Тетово, од кое семејството на Ристовска очекуваше правда, но доби само горчливо чувство дека животот на нивната Теодора вреди само 2 години затвор за невнимателниот возач. Особено што, како што течеа судските процеси за смртта на нивната ќерка, така обвинителите и судиите ја намалуваа казната за предизвикувачот на нејзината смрт.

Првично, судијката Вера Костовска од Основниот суд тетово, сега во пензија, на 30 ноември 2023 година му пресуди 3 години и 6 месеци затвор на Пајазити, иако максималната казна за Тешки дела против безбедноста на луѓето во сообраќајот со смртни последици е 5 години затвор. Осудениот се жалеше на пресудата во Апелацискиот суд во Гостивар и побара поблага казна. Јавното обвинителство, во одговор на жалбата бараше жалбата да се одбие како неоснована. Но, на јавната седница во Апелација вишата обвинителка од Гостивар, Вјолца Елмази се предомисли и бараше жалбата делумно да се уважи во делот на казната, односно да се досуди пониска затворска казна. Судиите од Апелација Гостивар, Шефајет Хајдари, Даут Рустеми и Емине Мурати во април 2024 година ја преиначија пресудата на Основниот суд Тетово и ја намалија затворската казна за Пајазити од 3 и пол на 2 години.

По жалба од осудениот Пајазити, незадоволен и од 2-годишната казна за смрт што ја предизвикал, одлучуваше Врховниот суд. Судиите Цветанка Периќ, Џемали Саити, Африм Фидани, Мирјана Лазарова Трајковска и Сафет Кадрии во декември 2024 година ги укинаа двете пресуди. Тие констатираа дека со правосилната пресуда е сторена суштествена повреда на кривичната постапка и предметот го вратија на повторно судење.

Според Врховниот суд, проблемот е во нејаснотиите во постапувањето на Основниот суд Тетово откако осудениот Пајазити на првото рочиште се изјаснил дека е невин, а на второто ја признал вината. Нејасно е дали судот признанието на вина го ценел во олеснителните околности или пресудил врз основа на признанието.

„Врховниот суд оценува дека на главната расправа од 10.11.2023 година осудениот не се изјаснил за виновен за предметното кривично дело, за сообраќајната незгода, при што започнала доказна постапка со изведување на докази на обвинението, а потоа продолжила со изведување докази на одбраната. Со оглед дека бил даден предлог да се сослуша вешто лице Т.Л. и било најавено вештачење, кое во моментот не било доставено, судот донел решение главната расправа за изведување на овие докази да се одложи за 27.11.2023 година. На таа расправа, пред да продолжи доказната постапка, одбраната се изјаснила дека осудениот ќе даде признание на вина. Првостепениот суд, при ваква ситуација, ја продолжил главната расправа и во доказна постапка ги изведувал само доказите предложени од обвинителството, а не и доказите од одбраната, бидејќи прифатил дека е повлечена предложената листа на докази на одбраната. Во случајот, суштествено е тоа што одбраната најавила дека осудениот ќе даде признание на вина и во завршен збор пред првостепениот суд, осудениот се изјаснил виновен, односно изјавил дека го признава кривичното дело, се извинил на семејството на покојната, изразил сочувство и жали за последиците. Во образложението на првостепената пресуда е наведено дека при утврдување на фактичката состојба судот се раководел од доказите изведени на главна расправа и од признанието на вина за кривичното дело дадено од страна на осудениот. Оттука, Врховниот суд оценува дека првостепениот суд не расчистил и не утврдил дали осудениот сакал да даде признание на вина согласно член 381 од Законот за кривичната постапка и дали судот тоа го прифаќа, па следствено на тоа да ја продолжи постапката согласно наведената одредба од законот и да донесе одлука согласно неа или таквото произнесување на осудениот го цени како олеснителна околност“, се вели во пресудата на Врховниот суд.

Повтореното судење го водеше судијата Ељведин Ферати, кој завчера на возачот Пајазити му пресуди 2 години затвор, исто колку што пресуди и Апелација Гостивар во укинатата пресуда.

По ниската затворска казна и силната реакција на семејството на прегазената Ристовска, Судскиот совет најави дека ќе ги разгледа пресудите од предметот. Претседателот Александар Камбовски рече дека побарале увид во предметот и ќе реагираат ако се утврдат пропусти во постапката.

Премиерот Христијан Мицкоски вчера изрази згрозеност од пресудата од повтореното судење и истакна дека тоа не е правдата што ја очекуваат граѓаните. Тој побара Судскиот совет да ја преразгледа работата на судијата Ферати, кој ја донесе одлуката за 2 години затвор. Според премиерот, таквата пресуда е „потфрлање на системот“.

Министерот за правда, Игор Филков, исто така ја критикуваше пресудата и истакна дека силната реакција на семејството на Ристовска и на граѓаните е важен индикатор за слабиот интегритет на судскиот систем.

Доколку остане оваа казна, осудениот Пајазити ќе може да ја издржува во отворено одделение, со право да оди на работа и ноќе да преспива во затворот. Практично, како да нема да сноси одговорност, и тоа со амин од државата, поради што и беше очајниот крик на сестрата на Теодора пред судот за тоа колку вреди животот во Македонија.

Ако пак му се наклони судската среќа или му се смилува уште некој обвинител, може да се надева и на минималната казна, од 1 година затвор.

Пајазити се бранеше дека пешачкиот премин не бил осветлен и не бил обележан, а покојната Ристовска  се движела со телефон во раце и слушалки ставени во ушите, како и дека има сестра на која ѝ е одземена деловната способност и за која мора да се грижи.

The post СУДИИТЕ И ОБВИНИТЕЛИТЕ ВО СЕКОЈА ФАЗА ЈА НАМАЛУВАА КАЗНАТА ЗА ВОЗАЧОТ ПАЈАЗИТИ Наместо со максимални 5 години затвор, заврши само со 2 appeared first on plusinfo.mk.

Претседателката на Врховниот суд, Беса Адеми на денешната општа седница истакнала дека значењето на Врховниот суд од уставен и законски аспект, како и значењето на прашањата кои се разгледуваат пред општата седница од правен аспект, а воедно се од интерес за граѓаните, ја наметнуваат потребата од јавност.

– Измените на Деловникот за работата на Врховниот суд се во согласност со темелните уставни вредности, законските начела и меѓународните принципи. Со предложените измени на Деловникот, ќе се даде значаен придонес за јакнење на јавната доверба и углед на судството и на Врховниот суд како највисок суд во државата. Со предложените измени се предвидува јавност во работата на Општата седница и остварување на јавноста во работењето на судот преку нормативна новина која ќе ја унапреди и соработката и комуникацијата на Врховниот суд со медиумската заедница и со пошироката заинтересирана јавност –  образложила Адеми.

Од Врховниот суд инфромираат дека Адеми образложила предложените измени да се засноваат на уставните и законските начела за јавност на судството, највисоките меѓународни правни норми интегрирани во домашното законодавство, принципите на Европската конвенција за заштита на човековите права и стандардите на Европскиот суд за човековите права, европските стандарди и меѓународните документи од областа на судството и заложбите и активностите на Советот за отворено судство.

The post ВРХОВЕН ГИ ОТВОРИ СЕДНИЦИТЕ ЗА ЈАВНОСТА Целта е да се врати довербата во судството appeared first on plusinfo.mk.

Адвокатот на врховниот судија Наке Георгиев на кој му е одреден 30-дневен притвор во врска со случајот во кој беше фатен со 10.000 евра, поднесе жалба. Во жалбата што бранителот на Георгиев ја поднел до кривичниот совет навел повеќе аргументи меѓу кои и тоа дека Георгиев не требало да добие притвор затоа што ниту за обвинителството не постоела опасност дека ќе избега. Најстрогата мерка врховниот судија ја добил поради другите два законски основи, влијание врз сведоци и повторување на делото.

Адвокатот Тумановски смета дека не може да стане збор ниту за опасност од повторување на делотото затоа што Судскиот совет го суспендираше Георгиев од работното место.

Второобвинетиот во случајот, поранешниот Омбудсман, а сегашен потпретседател и член на Советот на јавни обвинители Иџет Мемемти не знае зошто обвинителството побарало да се преземат мерки за негово обезбедување. Утре во Кривичен ќе бара одговор зошто не смее да ја напушта државата.

Иџет Мемети, тврди дека е наместен во случајот со земање мито од 10.000 евра со кои беше фатен и приведен врховниот судија Наќе Георгиев.

Во центарот на оваа истрага е екс градоначалникот на Ново Село, Боро Стојчев, познат под прекарот Малборо, кој се сомничи за шверц со марихуана. Според пријавата на неговиот син двајцата осомничени лажно ветувале дека ќе извршат влијание во корист на неговиот татко. Обележаните пари им биле подарени, а полицијата извршила истрага.

ГЕОРГИЕВ ОДИ ВО ПРИТВОР ВО ШУТКА, ЗА МЕМЕТИ ПРЕДЛОЖЕНИ МЕРКИ Обвинителството се огласи со соопштение

The post ГЕОРГИЕВ ПОДНЕСЕ ЖАЛБА ЗА ПРИТВОРОТ Мемети утре треба да се појави во Кривичниот суд appeared first on plusinfo.mk.

– Реално и објективно, Судот во Стразбур нема донесено ништо мериторно, во смисла дали жалбените наводи се прифатливи или не, односно дали има повреда на Конвенцијата за човекови права или не, туку едноставно, остава време да го слушне и мислењето на нашиот Врховен суд, во контекст на предметите и помилувањата, како би можел евентуално подоцна да решава и мериторно. Практично, Судот сега само ја отфрла апликацијата во моментов, бидејќи не се исцрпени сите домашни правни средства – објаснува Богданов во разговор за Фактор.

Според него, тоа досега во земјава и не ни можело да се случи, бидејќи тие предмети сѐ уште не се дојдени пред Врховниот суд, па практично судот во Стразбур не би сакал да се истрчува и да носи одлуки додека кај нас највисокиот суд во државата сѐ уште нема кажано ништо.

The post РЕАЛНА Е ОДЛУКАТА НА СУДОТ ВО СТРАЗБУР Адвокатот Богданов вели дека е слушнато мислењето на Врховниот суд appeared first on plusinfo.mk.

Освен Адеми за позицијата претседател на Врховен претендираа и судиите Џемали Саити и Лидија Неделкова.

The post Беса Адеми е новата претседателка на Врховен суд appeared first on plusinfo.mk.

Во прашање се резултатите од изборите во Аризона, Џорџија, Мичиген, Пенсилванија и Висконсин.

И пред тоа, судиите не сторија ништо во тие случаи пред минатонеделното пребројување на изборните гласови на Конгресот, што ја потврди победата на Бајден.

Судот се уште може да постапува по жалбите поврзани со изборите на 3 ноември подоцна оваа зима или напролет. Неколку судии изразија интерес за случајот во Пенсилванија, каде Врховниот суд на таа држава одлучи да го продолжи рокот за прием на гласачките ливчиња добиени по пошта за три дена.

Но, дури и ако судот покрене случај поврзан со изборите, веројатно нема да ги слушне аргументите до есен.

The post Oдбиени молбите на Трамп до Врховниот суд appeared first on plusinfo.mk.

Американскиот претседател, Доналд Трамп, денеска изјави дека за него можеби ќе биде тешко да ги изнесе обвинувањата пред Врховниот суд за изборна измама за време на претседателските избори на 3 ноември.

Тој изрази сомнеж во својата правна стратегија, а се помали се и надежите дека ќе може да да направи пресврт во изборниот резултат, јавија британските медиуми.

– Проблемот е во тоа што е тешко да се стигне до Врховниот суд – рече Трамп денеска во телефонско интервју за Фокс њуз.

Трамп додаде дека ќе продолжи да се бори против резултатите од изборите, на кои за претседател беше избран демократскиот кандидат Џо Бајден.

– Мојот ум нема да го смени ставот во следните шест месеци – додаде Трамп.

The post Трамп: Ќе биде тешко да се дојде до Врховниот суд и да се докаже измамата appeared first on plusinfo.mk.

Републиканскиот претседател ја номинираше 48-годишната Барет на 26 септември за наследничка на починатата либерална судијка Рут Бадер Гинсбург.

Демократските законодавци во 22-члениот Комитет за правосудство во Сенатот, исто така, инсистираа таа да се изјасни за Законот за достапно здравство на поранешниот претседател Барак Обама, т.н. „Обамакер“, и заштитата на пациенти со хронични здравствени проблеми, убедени дека Барет не го поддржува.

Соочена со прашања, Барет одби да коментира дали, што се однесува до случајот „Обамакер“, ќе се повлече од таа дебата, како што бараат демократите, нагласувајќи само дека не станува збор за прашање на кое може да одговари во принцип.

Таа објасни дека на 10 ноември е закажано ново сослушување за случајот „Обамакер“ и дека станува збор за поинакво правно прашање во споредба со двете претходни одлуки на Врховниот суд во врска со ова, кои еднаш ги критикуваше. Таа одби да одговори како би му пристапила на новиот случај, а станува збор за барање на претседателот Трамп и федералните држави до републиканските власти за укинување на законот на Обама од 2010 година.

Запрашана за законот за абортус од 1973 година, Берет истакна дека, како и во другите правни случаи, ќе разгледа повеќе фактори.

– Ветувам дека во кој било случај, без разлика дали е абортус или нешто друго, ќе го следам законот – рече Берет.

На прашањето на демократите дали смета дека одлуката на Врховниот суд за легализирање на истополови бракови од 2015 година е правилно донесена, таа одговори дека „нема никаква агенда“.

– Сакам јасно да дадам до знаење дека никогаш не сум дискриминирала никого врз основа на сексуална ориентација и дека никогаш не би го сторила тоа, -додаде Берет.

The post Кандидатката на Трамп за Врховен суд избегна да се изјасни за истополовите бракови appeared first on plusinfo.mk.

The post Врховен ја потврди затворската казна за Сеад Кочан appeared first on plusinfo.mk.

Со тоа американскиот претседател Доналд Трамп ќе може да именува трет судија Врховниот суд пред претседателските избори.

Гинсбург, голем борец за правата на жените и икона на американските либерали, почина од рак на панкреасот во нејзиниот дом во Вашингтон.

Нејзиното заминување може дополнително да ја смени идеолошката рамнотежа во американскиот Врховен суд, во кој има пет конзервативни и четворица либерални судии.

Трамп досега именуваше двајца конзервативни судии – Нил Горшуч во 2017 година и Брет Кавано во 2018 година.

Судиите во Врховниот суд ги номинира претседателот, а потоа мора да бидат потврдени во Сенатот, каде мнозинството се републиканците.

Во 2017 година поминаа 67 дена од номинацијата на Трамп до потврдата на Горсуч во Сенатот, додека во 2018 година, Кавано беше назначен за 89 дена.

Претседателските избори во САД ќе се одржат на 3 ноември.

The post Почина судијката на американскиот Врховен суд, Гинсбург appeared first on plusinfo.mk.