Метеоролозите информираат дека земјата ја очекува период на сончево и топло време, со мала до умерена локална облачност и температури кои на одредени места ќе достигнат и до 38 Целзиусови степени. Во текот на денот ќе дува слаб до умерен ветер од северен правец.

Попладне, особено во планинските региони, се очекува појава на локална нестабилност која ќе биде проследена со пороен дожд, грмежи и засилен ветер.

Минималните утрински температури ќе се движат од 12 степени во Берово до 19 степени во Гевгелија, додека максималните дневни ќе достигнуваат од 28 степени во Маврово до 38 степени во Скопје.

Во Скопје ќе преовладува сончево и топло време со мала до умерена облачност. Ќе дува слаб до умерен северен ветер, а температурата ќе се движи од 19 до 38 степени.

Во следниот период се очекува стабилно, но топло време. Во недела ќе биде сончево со мала до умерена локална облачност и слаб до умерен ветер од источен правец.

Минималните температури ќе се движат од 12 до 21 степен, а максималните ќе достигнуваат од 31 до 38 степени.

Според прогнозата на УХМР, за понеделник се најавува слична временска состојба – сончево и топло со локална облачност и слаб до умерен источен ветер. Температурите ќе се движат од 13 до 21 степен наутро, а преку ден ќе достигнуваат од 32 до 39 степени.

The post СОНЦЕ, ТОПЛИНА И ГРМЕЖИ НИЗ ЗЕМЈАТА Метеоролозите предупредуваат на нагла промена во делови од државата appeared first on plusinfo.mk.

Германија денеска постави апсолутен рекорд на температура со измерени 41,3 степени Целзиусови, кои беа забележани во западниот град Сарбрикен, полажуваат прелиминарните податоци од метеоролошката служба (DWD).

„Оваа вредност е достигната во Германија за првпат од почетокот на метеоролошките мерења“, соопшти мрежната служба Блускај.

Претходниот рекорд на температура од 41,2 степени Целзиусови беше забележан во Германија на 25 јули 2019 година.

– Сосема е можно оваа температура повторно да се достигне и утре , ако не и малку да се надмине – изјави Уве Баумгартен, метеоролог во DWD.

Германските метеоролози утринава издадоа предупредувања за силна до екстремна топлина низ целата земја.

Најжешкиот ден се очекува во недела, кога се прогнозираат температури до 42 степени Целзиусови. Метеоролозите предвидуваат дека топлотниот бран ќе трае до почетокот на следната недела.

Спортските и настаните на отворено се откажани во многу делови од земјата поради жештината.

Поради високите температури што ја оптоваруваат инфраструктурата на германските железници, тие предупредуваат на можни проблеми и советуваат да не се патува освен во случај на неопходност.

Покрај високите температури, веројатноста за бури од запад постепено ќе се зголемува од сабота со можност за обилни врнежи од дожд, град и силни налети на ветер.

The post ГЕРМАНИЈА ВО ПЕКОЛЕН ТОПЛОТЕН БРАН Температурите достигнаа 41,3 степени, следуваат бури и град appeared first on plusinfo.mk.

Сончево и многу топло време со температури до 37 степени Целзиусови нè очекува во текот на денот, а во попладневните часови во делови од земјава ќе има услови за локална нестабилност проследена со дожд, грмежи и засилен ветер.

Според прогнозата на Управата за хидрометеоролошки работи (УХМР), времето ќе биде сончево и топло со мала до умерена облачност. Ќе дува слаб до умерен ветер од променлив правец.

Утринските температури ќе се движат од 14 степени во Маврово до 20 степени во Гевгелија, додека дневните ќе достигнат од 28 степени во Маврово до 37 степени во Гевгелија.

Во Скопје ќе преовладува сончево и топло време со мала до умерена облачност. Во одделни делови од котлината во попладневните часови ќе има услови за локална нестабилност со дожд, грмежи и засилен ветер. Температурата во главниот град ќе се движи од 19 до 36 степени Целзиусови.

Според најавите на метеоролозите, и за време на викендот ќе се задржи претежно топло време. Во сабота ќе биде променливо сончево со мала до умерена облачност и слаб до умерен ветер од североисточен правец, а температурите ќе достигнат до 38 степени.

Во недела времето повторно ќе биде сончево и топло со мала до умерена облачност и слаб до умерен ветер од источен правец. Максималната температура ќе достигне до 38 степени Целзиусови.

The post ПОДГОТВЕТЕ СЕ ЗА ВИСОКИ ТЕМПЕРАТУРИ Попладне можни локални врнежи и грмежи appeared first on plusinfo.mk.

По нестабилниот период, Македонија ја очекува претежно сончево и многу топло време со мала до умерена облачност. Сепак, метеоролозите предупредуваат дека во попладневните часови на повеќе места ќе има услови за локална нестабилност проследена со дожд, грмежи и засилен ветер.

Според прогнозата, локално атмосферските процеси може да бидат поинтензивни и да прераснат во краткотрајно невреме со пороен дожд, силен ветер и појава на град.

Утринските температури ќе се движат од 10 степени во Маврово до 19 степени во Гевгелија, додека дневните ќе достигнат од 29 до дури 38 степени.

Во Скопје ќе преовладува сончево и топло време со мала до умерена облачност. Во делови од котлината попладне ќе има услови за краткотрајно невреме со дожд и грмежи. Температурата ќе се движи од 15 до 35 степени.

В петок нѐ очекува сончево и топло со мала до умерена облачност. Во попладневните часови ќе има изолирана појава на нестабилност проследена со дожд, грмежи и засилен ветер. Локално процесите ќе бидат поинтензивни во форма на невреме со пороен дожд, засилен ветер и појава на град. Ќе дува слаб до умерен ветер од променлив правец.

Минималните утрински температури ќе се движат од 12 степени до 21 степени, а максималните дневни ќе бидат во интервалот од 30 степени до 37 степени.

Според прогнозата на УХМР, за сабота се најавува сончево и топло со мала до умерена облачност. Ќе дува слаб до умерен ветер од променлив правец.

Минималните утрински температури ќе се движат од 11 степени до 20 степени, а максималните дневни ќе бидат во интервалот од 31 степени до 38 степени.

The post ТРОПСКИ ТЕМПЕРАТУРИ ДО 38 СТЕПЕНИ, НО И НЕВРЕМЕ СО ГРАД Метеоролозите предупредуваат на опасен пресврт попладне appeared first on plusinfo.mk.

Територијата на Македонија  и денеска среда, 24 јуни останува да биде под влијание на циклонска активност со центар над Турција.

Во ваква ситуација атмосферата ќе биде многу нестабилна  и времето ќе биде променливо облачно и нестабилно на многу места со честа појава на пороен дожд, грмежи и со засилен ветер.

Повеќе за метеопрогнозата на Славчо Попоски на следниот ЛИНК.

The post ЦИКЛОН ОД ТУРЦИЈА НОСИ НЕВРЕМE Порои, електрични празнења и град во најава appeared first on plusinfo.mk.

Нестабилното време ќе продолжи и во текот на денот со врнежи од дожд, грмежи и засилен ветер, информираат метеоролозите.

Поради големата енергија во атмосферата, локално се очекуваат поинтензивни процеси проследени со обилен пороен дожд, силни грмежи, засилен ветер и појава на град.

Утринските температури ќе се движат од 13 степени во Маврово до 19 степени во Гевгелија, додека максималните дневни ќе достигнат од 27 степени во Маврово до 35 степени во Гевгелија.

Во Скопје ќе преовладува нестабилно време со дожд, грмежи и засилен ветер. Во одделни делови од котлината ќе има услови за краткотрајно невреме. Температурата ќе се движи од 17 до 32 степени.

Според прогнозата на Управата за хидрометеоролошки работи, во четврток времето ќе биде сончево и топло со мала до умерена облачност. Во попладневните часови ќе има изолирана појава на нестабилност проследена со пороен дожд и грмежи, а ќе дува слаб до умерен ветер од променлив правец.

Минималните температури во четврток ќе се движат од 11 до 20 степени, а дневните ќе достигнат меѓу 30 и 38 степени.

Во петок ќе преовладува сончево и топло време со мала до умерена облачност и слаб до умерен ветер од променлив правец.

Утринските температури ќе се движат од 12 до 21 степен, додека максималните дневни ќе бидат во интервал од 31 до 38 степени.

The post СИЛЕН ВЕТЕР И НЕСТАБИЛНА ОБЛАЧНОСТ НАД МАКЕДОНИЈА Можно е локално невреме во повеќе региони appeared first on plusinfo.mk.

Невреме со јак пороен дожд, грмежи, засилен ветер и појава на град има во регионите на Штип и Гевгелија, информира Управата за хидрометеоролошки работи (УХМР).

Невремето, како што посочуваат од УХМР, полека се движи кон југоисток

Критично во Охридско-преспанскиот регион

Најсериозна е состојбата во југозападниот дел од земјата, каде невремето е во полн ек.

Преспански регион: Ситуацијата континуирано ескалира. По првичниот налет на пороен дожд, грмежи и локална појава на град, во последните минути атмосферата полека се стратифицира, но сè уште има појава на поројни врнежи, ретки грмежи и засилен ветер.

Охрид и Струга: Силно невреме со пороен дожд, грмежи, засилен ветер и град претходно го зафати подрачјето северно од Охрид. Облачноста моментално се проширува и северно од Струга. Источно од Охрид, покрај засилениот ветер, е забележана и појава на суградица.

Невреме во Гостиварско, Кумановско и Кочанско

Покрај југозападниот дел, во текот на изминатиот час сериозна нестабилност со локални непогоди беше регистрирана и во други делови на Македонија:

Гостивар: Јужно од градот е забележано силно невреме со засилен ветер, пороен дожд, грмежи и појава на град.

Куманово: Во регионот јужно од Куманово падна град, проследен со поројни врнежи и засилен ветер.

Кочани: Источно од Кочани беше регистрирана активна нестабилност со пороен дожд, засилен ветер и електрични празнења.

Од УХМР апелираат на внимателност, особено кај граѓаните кои се наоѓаат на отворен простор или патуваат низ засегнатите региони, со оглед на тоа што процесите се интензивни и проследени со силен ветер и намалена видливост.

The post НЕВРЕМЕТО ГИ ПОГОДИ ШТИП И ГЕВГЕЛИЈА Град, грмежи и силен ветер ја зафатија југоисточна Македонија appeared first on plusinfo.mk.

Под влијание на циклонска активност со центар над Турција, Македонија ќе биде зафатена од нестабилна временска состојба, проследена со развој на облачност, дожд, грмежи и засилен ветер.

Според најавите на метеоролозите, локално атмосферските процеси ќе бидат поинтензивни, при што се очекува пообилен пороен дожд, силни налети на ветер и појава на град.

Утринските температури ќе се движат од 11 степени во Берово до 19 степени во Гевгелија, додека дневните ќе достигнат од 26 степени во Маврово до 36 степени во Гевгелија.

Во Скопје претпладне ќе преовладува сончево време со мала до умерена облачност. Во попладневните часови се очекува развој на нестабилна облачност, проследена со дожд, грмежи и засилен северен ветер. Температурата ќе се движи од 17 до 33 степени.

Според прогнозите, нестабилното време ќе продолжи и во текот на следниот ден. Под влијание на истиот циклонски систем повторно ќе има услови за дожд, грмежи и засилен ветер, а локално се можни пообилни врнежи, силен ветер и град.

Минималните температури ќе бидат во интервал од 11 до 20 степени, а максималните ќе достигнат од 30 до 37 степени.

Во четврток се очекува претежно сончево и топло време со мала до умерена облачност. Во попладневните часови ќе има изолирана појава на нестабилност со пороен дожд и грмежи. Ќе дува слаб до умерен ветер од променлив правец.

Температурите во четврток ќе се движат од 11 до 20 степени наутро, додека дневните ќе достигнат од 30 до 38 степени.

The post ПЕКОЛНИ 36 СТЕПЕНИ ПА ПОРОЕН ДОЖД И ГРМЕЖИ Метеоролозите предупредуваат на интензивни процеси appeared first on plusinfo.mk.

Голем дел од Европа е зафатен од силен топлотен бран кој носи температури блиску до 40 степени Целзиусови, а во некои подрачја и повисоки. Метеоролозите предупредуваат дека жештините ќе продолжат и во наредните денови, додека властите во повеќе држави издаваат предупредувања поради ризици за здравјето на населението, можни пожари и силни невремиња по завршувањето на жешкиот период.

Најтешко погодени се Франција, Шпанија, Италија и делови од Централна Европа. Во Франција се активирани највисоки нивоа на предупредување во повеќе региони, а температурите на места достигнуваат и надминуваат 40 степени. Поради жештините се откажуваат јавни настани, затворени се училишта, а железничкиот сообраќај се соочува со нарушувања поради прегревање на инфраструктурата.

Шпанија се соочува со првиот голем топлотен бран ова лето. Во поголем дел од земјата се активни портокалови и црвени предупредувања, а температурите во внатрешноста достигнуваат околу 40 степени. Властите предупредуваат на зголемен ризик од шумски пожари, додека жителите и туристите бараат засолниште од сонцето во најтоплите часови од денот.

Во Италија се издадени црвени предупредувања за повеќе големи градови, меѓу кои Рим и Милано. Температурите од 36 до 40 степени создаваат проблеми во секојдневниот живот, особено во туристичките центри, каде што голем број посетители бараат разладување покрај фонтани и климатизирани простории.

Германија е под предупредувања за високи температури во речиси целата земја. Во некои региони се измерени и до 38 степени, а метеоролозите предупредуваат дека по екстремната жештина може да следуваат силни грмотевични невремиња со обилни врнежи и силен ветер.

Во Полска температурите се значително над просекот за овој период од годината, а жителите на Варшава и другите градови спас од горештините бараат покрај реките, езерата и зелените површини.

Белгиските железници соопштија дека некои возови нема да сообраќаат оваа недела поради очекуваните рекордни високи температури од 37 степени, и ризикот од оштетување на пругите. Управата на железницата стравува дека шините ќе се деформираат и дека постои ризик од почести дефекти на возовите, што би можело да доведе до блокирање на целиот сообраќај на одредени места.

собено тешка е состојбата во Хрватска, каде што топлотниот бран, според прогнозите, ќе трае најмалку уште една седмица и дополнително ќе се засилува. Државниот хидрометеоролошки завод издаде предупредувања за Славонија, загрепскиот регион, Истра и Кварнер поради високи температури и можност за силни бури. Температурите во најголем дел од земјата се движат меѓу 30 и 35 степени, а на поединечни локации и повисоко. Хрватските власти предупредуваат дека продолжената изложеност на сонце може да доведе до исцрпеност и топлотен удар, додека лекарите посочуваат дека особено се загрозени лицата со кардиоваскуларни, респираторни и хронични заболувања. Дополнителна загриженост предизвикува можноста по жештините да следуваат локални невремиња со грмежи, силен ветер и град.

Во Србија, Републичкиот хидрометеоролошки завод најави продор на многу топла воздушна маса од северна Африка. Температурите во повеќе делови од земјата достигнуваат од 30 до 35 степени, а во Белград и Војводина се очекуваат и таканаречени тропски ноќи, кога температурата не паѓа под 20 степени.

Словенија, која неодамна беше погодена од силни бури со град и оркански налети на ветер, повторно се наоѓа во зона на нестабилно време. Метеоролозите предупредуваат дека комбинацијата од жештина и навлегување посвеж воздух може да предизвика нови силни грмотевични процеси во делови од земјата.

Високи температури се регистрираат и во Австрија, Унгарија, Чешка, Романија, Бугарија, Грција, Португалија и други делови од Балканот и Централна Европа. Во Чешка се очекуваат температури до 36 степени, додека во делови од Романија и Бугарија прогнозите најавуваат вредности блиску до 38 степени.

Експертите предупредуваат дека ваквите топлотни бранови стануваат сè почести, подолготрајни и поинтензивни поради климатските промени. Покрај ризиците за здравјето на луѓето, жештините влијаат и врз економијата, транспортот, снабдувањето со електрична енергија и земјоделството.

Лекарите предупредуваат дека високите температури можат да ги влошат состојбите кај лицата со кардиоваскуларни, респираторни, бубрежни или ментални заболувања. Поради тоа, се препорачува редовно разладување на телото и внесување доволно течности, пред сè негазирана вода и нискокалорични пијалоци, а да се избегнуваат кофеин, алкохол и шеќер.

Здравствените власти низ Европа апелираат граѓаните да избегнуваат престој на директно сонце помеѓу 10 и 17 часот, да внесуваат доволно течности и редовно да го разладуваат телото. Посебно внимателни треба да бидат децата, бремените жени, постарите лица и хронично болните. Се препорачува носење светла и лесна облека од природни материјали, заштита на главата и избегнување алкохол, кофеин и засладени пијалаци. За лицата кои работат на отворено се препорачуваат почести паузи во сенка и редовен внес на вода во текот на денот.

The post ТОПЛОТЕН БРАН ГИ ЗОВРЕ ЕВРОПА И БАЛКАНОТ Температурите се доближуваат до 40 степени, аларми во повеќе земји appeared first on plusinfo.mk.

Денешното утро, понеделник, 22 јуни во Македонија донесе ведро и топло време со високи утрински температури на воздухот. Најтопло е во Скопје Петровец и на Скопје Зајчев Рид со измерена температура од 21 степен.

Денес попладне и рано навечер локално ќе има развој на конвективни грмотевични облачни јадра од кои очекувам појава на пороен дожд, грмежи и засилен ветер.

Повеќе за метеопрогнозата на Славчо Попоски на следниот ЛИНК.

The post ПОПЛАДНЕ ДОАЃААТ ДОЖД И ГРМЕЖИ Температурите ќе останат високи appeared first on plusinfo.mk.