За да се обезбеди заштита и грижа на децата, Владата донесе Уредба со законска сила за примена на Законот за работните односи за време на вонредна состојба, во која со членот 4 е предвидено отсуството од работа на работничка поради бременост, раѓање и посвојување, да продолжи да тече, а со тоа и надоместокот на плата да продолжи да се исплаќа сè до истекот на траењето на времените мерки, соопшти владината прес-служба.

„Ова значи дека секоја работничка на која и завршило отсуството од работа поради бременост, раѓање и посвојување по прогласување на вонредната состојба (18.март 2020 година) има право да продолжи да го користи отсуството од работа, а со тоа продолжува да го користи надоместокот на плата. Отсуството може да се користи сè додека траат времените мерки и не е поврзано со вонредната состојба“, се вели во информацијата од владата.

The post Платеното породилно отсуство ќе важи до завршувањето на времените мерки appeared first on plusinfo.mk.