Дваесет и двегодишна скопјанка пријавила во полиција дека била физички нападната на своето работно место во здравствена установа во општина Аеродром.

Според информациите од Министерството за внатрешни работи, на 2 јуни во 13:30 часот во СВР Скопје, З.Х. (22) од Скопје пријавила дека ден претходно, на 1 јуни, по претходно недоразбирање, лицето З.Ј. агресивно се однесувало кон неа и физички ја нападнало.

Инцидентот, како што е наведено во пријавата, се случил во здравствена установа на подрачјето на општина Аеродром.

Од МВР информираат дека се преземаат мерки и активности за целосно расчистување на случајот.

The post ИНЦИДЕНТ ВО ЗДРАВСТВЕНА УСТАНОВА ВО АЕРОДРОМ Вработена пријавила агресивно однесување и физички напад appeared first on plusinfo.mk.

Психолог од ЈЗУ Општа болница Струга, магистер по специјална едукација, е отпуштена од работното место веднаш штом соопштила дека е бремена. Од силен стрес поради тоа што останала без работа таа го изгубила бебето во 27-та гестациска недела, односно во седмиот месец од бременоста, објави Сдк.мк.

На нејзино место директорот на болницата по изборите примил нова, помлада девојка, заедно со уште 65 други разни нововработени, поради што Комисијата за спречување и заштита од дискриминација утврдила дека врз неа е извршена директна дискриминација.

Оваа експертка пред да забремени работела со договор на определено време од 2001 година по 40 часа неделно, како да е вработена на неопределено време, но договорот не ѝ бил продолжен по 31.12.2024 година.

Кога го прашала директорот на болницата зошто не ѝ го продолжуваат договорот, директорот ѝ рекол: „Оди дома, сега имаш поважна работа. Бремена си“.

The post ЈА ОТПУШТИЛЕ ОТИ Е БРЕМЕНА, ОД СТРЕС ГО ИЗГУБИЛА БЕБЕТО! Струшката болница дискриминирала магистерка по психологија appeared first on plusinfo.mk.

37-годишната М.П. од Куманово заработи кривична пријава поради сомнение дека сторила кривично дело „затајување“.

Според информациите од полицијата, инцидентот се случил на 13 октомври 2024 година, додека пријавената била на своето работно место во спортска обложувалница во Куманово.

„Пријавената од дневниот пазар одзела 32.200 денари, со што го оштетила работодавецот“, информираат од СВР Куманово.

Против неа е поднесена соодветна кривична пријава, а истрагата е во тек.

The post „СЕ ПОЧЕСТИЛА“ СО 500 ЕВРА ОД ОБЛОЖУВАЛНИЦА Кумановка „подзаборавила“ да ги предаде парите од дневниот пазар appeared first on plusinfo.mk.

37-годишна жена се бори за живот по тешката сообраќајна несреќа која се случила на 22 февруари 2025 година на бул. „Никола Карев“ во Скопје.

Според полицијата, околу 07:35 часот, две возила се судриле на оваа улица – патничко возило „цитроен“ со кумановски регистарски ознаки, управувано од М.А. од село Романовце, и патничко возило „фиат пунто“ со скопски регистарски ознаки, управувано од Д.П.А. од Скопје.

Како последица на несреќата, М.А. се здобила со тешки телесни повреди, а нејзината состојба е критична, поради што е хоспитализирана во приватна болница во Скопје. Д.П.А., пак, се здобила со помали повреди и е пренесена во Ургентен центар при Комплекс клиники „Мајка Тереза“.

„Ние веднаш реагиравме на местото на несреќата. Веднаш извршивме увид, а екипи на Итна помош ја пренесоа повредената во болница“, изјавија од полицијата.

Истрагата за причините на сообраќајната несреќа продолжува. Во меѓувреме, на социјалните мрежи се апелира за итна помош. Граѓаните бараат крв од групата нулта негатив за да се спаси животот на 37-годишната М.А.

The post 37-ГОДИШНА ЖЕНА СЕ БОРИ ЗА ЖИВОТ ПО НЕСРЕЌАТА ВО СКОПЈЕ Состојбата на повредената е критична, итно е потребна крв appeared first on plusinfo.mk.

Повредената веднаш била префрлена во болница, каде што и е укажана лекарска помош. Настанот е пријавен во 14:45 часот во Секторот за внатрешни работи Скопје, а за случајот е известен и трудов инспектор.

Полициски службеници излегле на терен и започнале увид за утврдување на околностите кои довеле до несреќата. Дополнителни информации за здравствената состојба на жената и можните причини за инцидентот се очекуваат по завршување на истрагата.

Трудовиот инспекторат најави дека ќе ги разгледа условите за работа и почитувањето на безбедносните протоколи на местото на настанот.

The post ТЕШКО ПОВРЕДЕНА ВРАБОТЕНА НА ГИНЕКОЛОГИЈА Вработена заврши во Ургентен центар, трудов инспектор вклучен во случајот appeared first on plusinfo.mk.

Вчера во 08.55 часот, полициски службеници од СВР Тетово го привеле 85-годишниот Н. В. од Тетово бидејќи нападнал вработена во Ургентен центар Тетово, а потоа и полицаец кој интервенирал.

Нападната П. Е. од Тетово, вработена во Ургентен центар Тетово, пријавила дека во 08.30 часот Н. В. физички ја нападнал на работното место, а подоцна физички нападнал и полициски службеник кој преземал службени дејствија.

Од СВР Тетово велат дека тој е задржан во полициска станица за понатамошна постапка и против него ќе следува соодветен поднесок.

The post ГО ПРАТИЛЕ ДЕДО ВО УРГЕНТНО… Нападнал и вработена и полицаец appeared first on plusinfo.mk.

Како што информира МВР, А.И.(25) од Скопје вчера пријавила дека околу 5.45 часот на Меѓународен аеродром во Скопје, каде била вработена во делот на прифаќање на патници во ТАВ, била физички нападната од Е.Н.(47) од село Дебрешта.

По целосно документирање на случајот ќе следува соодветен поднесок.

The post ИНЦИДЕНТ НА СКОПСКИОТ АЕРОДРОМ Нападнал вработена додека ги пречекувала патниците appeared first on plusinfo.mk.

Шпреса Абази, снаа на шефот на Обвинителството за гонење организиран криминал и корупција (ОЈО ГОКК) Ислам Абази, која била вработена во Министерството за политички систем на Артан Груби, експресно преминала со работа во Агенцијата за електронски комуникации (АЕК), реагираа денеска на прес-конференција од опозициската ВМРО-ДПМНЕ.

Кај Груби, Шпреса Абази била вработена како помлад соработник, а во АЕК е како советник за одговор на компјутерски инциденти.

Артан Груби ја вработил снаата на Ислам Абази, ЈО за организиран криминал, Шпреса Абази, како помлад соработник во неговото министерство.

– Ова е документот, од 04.04.2022, одлуката потпишана од Артан Груби, за вработување, каде што на третата страница е името на снаата на Ислам Абази. Од тука, Шпреса Абази експресно преминува во АЕК, каде што е вработена како советник за одговор на компјутерски инциденти! Директор на АЕК е Јетон Акику, познат и како зет на Невзат Бејта, човекот со кого Абази, како вели, има случајни фотографии, исто како што има фотографии со фамилијата на Али Ахмети – рече портпаролот на ВМРО-ДПМНЕ, Наум Стоилковски.

Од ВМРО-ДПМНЕ прашуваат дали има некој кој сè уште верува дека шефот на ОЈО ГОКК ќе покрене истраги за скандалите и аферите поврзани со ДУИ

The post НОВ ДЕН, НОВ СКАНДАЛ Снаата на Ислам Абази вработена кај Груби, сега во АЕК appeared first on plusinfo.mk.

– Министерството за труд и социјална политика во врска со настанот за кои пишуваат медиумите, за наводно исчезнување на дете од ЈОУДГ „Детска Радост“, Општина Гази Баба, а во насока на целосна и точна информација и расветлување за настанот, информира дека е запознаено со случајот и од комуникацијата со директорката на предучилишната установа, информираме дека истата изјави дека веднаш по дознавањето на настанот ги повикала одговорните вработени и раководителката на објектот „Темјанушка“ при што било изјавено дека детето било излезено во дворот на градинката и вратено веднаш од родител во згрижувачката група – наведува МТСП во денешното соопштение.

Согласно ингеренциите на директорката на градинката, како што е посочено во соопштението, веднаш бил повикан стручниот тим, инволвираните вработени и раководителката на објектот.

– Следствено на извршениот разговор веднаш на вработената негователка од групата каде престојувало детето и е издадена писмена опомена, а веќе е формирана и Комисија за утврдување на дисциплинска одговорност за инволвираните вработени и одговорни за згрижување на детето – велат од МТСП.

Оттаму посочуваат дека инспекциските служби на МТСП ќе извршат вонреден инспекциски надзор согласно нивните ингеренции, за утврдување на фактичката состојба за настанот.

The post ПИСМЕНА ОПОМЕНА ЗА НЕГУВАТЕЛКАТА Вонреден инспекциски надзор откако двегодишно дете излегло само од градинката „Детска радост“ appeared first on plusinfo.mk.

-Двете лица кривичното дело го сториле на 29.12.2022 околу 9.30 часот во Општина Кавадарци, при што на вработена во Одделението за урбанизам, дале поткуп во износ од 500 евра во апоени од по 100 евра, со цел да не изврши службено дејствие кое морала да го изврши – надзор врз градежни работи – соопштуваат од полицијата.

The post НЕ САКАЛА ДА ЗЕМЕ 500 ЕВРА, ПА ПРИЈАВИЛА ВО ПОЛИЦИЈА Двајца скопјани заработија кривична за давање поткуп appeared first on plusinfo.mk.