Македонски државјанин рано утрово загина во Србија, на автопатот  Нови Сад-Суботица, кон граничниот премин со Унгарија, Хоргош, а друго лице е тешко повредено.

Возилото „киа“ утрово околу 5.15 часот излетало од патот кај населбата Вишњевац, помеѓу клучката Жедничка и наплатната станица во Суботица, а потоа се превртело. Загина сопатникот Н. А. (39), додека возачот А. А. (60) е тешко повреден и пренесен во болницата во Суботица.

Сообраќајната полиција и обвинител на Основното јавно обвинителство во Суботица извршија увид на местото на настанот.

Полицијата во Суботица соопшти дека против возачот ќе биде поднесена кривична пријава за тешко кривично дело против безбедноста на јавниот превоз.

The post МАКЕДОНСКИ ДРЖАВЈАНИН ЗАГИНА ВО СООБРАЌАЈНА НЕСРЕЌА ВО СРБИЈА Возилото излетало од патот и се превртело appeared first on plusinfo.mk.