Овој мини контингент се состои од по две возила тип GM400ze и GM636, но особено се издвојуваат две возила тип GM424. GM 424 се лесни за одржување хигиена во урбани услови, и особено се флексибилни за манипулирање низ малите градски улички, кои ги има секоја метропола, особено во нејзиното централно подрачје.

Овие возила имаат и дополнителна приколка, со кабина за лицето кое ги управува, со што возилото може непречено да се користи и во услови на дожд и постудено време, кое е и карактеристично за дел од градовите во Обединетото Кралство.

– Британските клиенти се задоволни од квалитетот, ефикасноста и ефективноста на возилата на „Брако“ и продолжуваат да доставуваат нарачки, а вработените во „Брако“ вложуваат максимални напори и професионализам за возилата да се произведат и испорачаат навреме, а понекогаш и пред предвидениот рок – велат од компанијата.

The post 6 НОВИ ВОЗИЛА ОД ВЕЛЕС ЗАМИНАА ЗА БРИТАНИЈА Возила од „Брако“ ќе ги чистат улиците и на дожд и на студ appeared first on plusinfo.mk.

На штандот во „Националниот изложбен центар“ беа презентирани дел од возилата кои што се дел од палетата на иновативните и технолошки најсовремени машини од линијата „Грин машинс“: GM400ze, GM500ze и GM1ze.

– Одговорните на возните паркови од општинските совети на градовите го потврдија високото мислење за „Грин машинс“ возилата, истакнувајќи ги придобивките од досегашното користење на истите, со намера да ја продолжат соработката. За таа цел, со повеќе од 30 британски општини, закажавме демонстрација на возилата и пробно возење во кругот на општините од страна на идните корисници – истакна извршниот директор на „Брако“, Благој Шалев.

Со повеќе од 550 изложувачи и повеќе од 12.000 посетители речиси секоја година, RWM & Letsrecycle Live претставува платформа преку која што се забрзува транзицијата кон подобра и еколошки почиста планета преку искористување на природните ресурси, што силно се надоврзува на визијата и мисијата на „Брако“ и „Грин машинс“ за почиста и поздрава животна средина.

Годинешното издание на RWM & Letsrecycle Live се одржуваше во денови кога Велика Британија, но и останатиот дел од светот е во жалост по смртта на Нејзиното Височество, Кралицата Елизабета Втора. Токму поради ова и овој настан во Бирмингам, иако успешен за учесниците помеѓу кои беше „Грин машинс“, помина во духот на оддавањето почит кон животот и делото на Кралицата.

The post УСПЕШНА ПРЕЗЕНТАЦИЈА НА „ГРИН МАШИНС“ ВО БРИТАНИЈА „Брако“ го привлече интересот на посетителите appeared first on plusinfo.mk.