По повод верскиот празник Велигден, за време на продолжениот викенд од 10.04.2026 год. (петок) до 13.04.2026 год. (понеделник), автобусите од јавниот превоз ќе сообраќаат по неделен возен ред.

Во сабота (11.04.2026) билетарниците и центрите за персонализација ќе работат со редовно работно време: билетарите кои работат во една смена ќе бидат достапни од 08:00 до 13:00 часот, додека билетарниците и центрите за персонализација кои работат во две смени ќе работат од 08:00 до 18:00 часот.

Во петок (10.04.2026) и во недела (12.04.2026) дежурна ќе биде билетарницата и центарот за персонализација во Транспортен центар, со работно време од 08:00 до 14:00 часот.

Понеделник е неработен ден за сите билетарници и центри за персонализација.

Жичницата од петок (10.04.2026) до недела (12.04.2026) ќе работи со редовно работно време, од 10 до 18 часот, а во понеделник (13.04.2026), вообичаено како и секој понеделник нема да работи.

Секој понеделник и секој последен вторник во месецот, за Жичницата се неработни денови.

The post АВТОБУСИТЕ ЌЕ ВОЗАТ ПО НЕДЕЛЕН ВОЗЕН РЕД Жичницата ќе работи редовно освен во понеделник appeared first on plusinfo.mk.

Поради реконструкција на пругата на делницата Скопје-Зелениково, од 2 јануари 2026 година до крајот на февруари 2026 година ќе има измени во сообраќајот на два воза, информираат од Железници на Република Северна Македонија-Транспорт АД-Скопје.

– Возот број 642 кој ќе сообраќа на релација Битола-Велес време на тргнување предвидено со возниот ред (време на тргнување од станица Битола во 12:46 часот.) Возот број 643 ќе сообраќа на релација Велес-Битола со време на тргнување од станица Велес во 15:25 часот, се наведува во соопштението.

The post ИЗМЕНИ ВО ВОЗНИОТ РЕД ПОРАДИ РЕКОНСТРУКЦИЈА НА ПРУГАТА КАЈ ЗЕЛЕНИКОВО Еве кои возови сообраќаат appeared first on plusinfo.mk.

Редовниот железнички сообраќај на релација Битола-Скопје и обратно ќе има една рестрикција, но не и целосно запирање во периодот на најавената реконструкција на пругата Скопје-Зелениково.

Од битолската Железничка станица за МИА потврдија дека секојдневно и без пречки од Битола за Скопје ќе се поаѓа во 03.10 часот наутро и во 18.22 часот попладне, додека од Скопје за Битола, патничкиот воз ќе поаѓа во 06.50 часот наутро и во 20.05 часот навечер.

– Цената на возниот билет е иста и на релација Битола-Скопје може да се патува за 314 денари во еден правец, односно за 502 денари ако патникот набави повратен билет за патување во воз.

За време на првиот и третиот викенд во месецот превозот со воз за млади лица до 27 годишна возраст и сите пензионери, е бесплатен, изјавија за МИА од Железничката станица во Битола.

The post ЖЕЛЕЗНИЧКИОТ СООБРАЌАЈ СКОПЈЕ-БИТОЛА НЕМА СОСЕМ ДА ЗАПРЕ Погледнете кои возови остануваат appeared first on plusinfo.mk.

Јавното сообраќајно претпријатие „ЈСП Скопје“ информираше дека добиле известување од снабдувачот „НОМАГАС“ за прекин во испораката на природен гас до 17 октомври 2025 година може да предизвика редуцирање на некои автобуски линии, особено оние што го користат гасот како гориво.

„Корисниците на јавниот превоз се предупредуваат да бидат подготвени за доцнења и променливи возни редови“, велат од „ЈСП Скопје“.

Во текот на изминатата година, јавниот превоз во Скопје веќе се соочи со кризи поради недостаток на гориво. На пример, ЈСП со месеци бил во тешка состојба и само неколку автобуси на гас возеле по улиците, додека повеќето останувале паркирани во гаражите поради недостаток на нафта.

ЈСП исто така најави дека ќе ги информира граѓаните навремено доколку се појават дополнителни промени во возниот ред.

The post ЈСП УТРЕ ОСТАНУВА БЕЗ ГАС Можни се откажувања на линии поради прекин на испораката appeared first on plusinfo.mk.

Јавниот градски превоз во Скопје денеска ќе сообраќа по неделен возен ред поради верскиот празник Успение на Пресвета Богородица (Голема Богородица).

ЈСП Скопје соопшти дека исклучок ќе бидат линиите: 11, 11а, 18а, 32, 47а, 51, 55, 55в, 56, 56а, 70, 74, 81, 118, 160, 164 и 180, кои ќе работат по саботен возен ред.

Дежурни ќе бидат билетарниците и центрите за персонализација на Транспортен центар и Зелен пазар.

Жичницата ќе функционира вообичаено, со работно време од 10 до 20 часот, при што од 19 до 19:30 часот е последното возење од долу кон врвот, а во 19:45 часот е последно возење од врвот надолу.

Воедно, од ЈСП информираат дека од понеделник, согласно со Одлуката за линиски превоз на патници во Град Скопје, јавниот градски превоз ќе функционира по делничен зимски возен ред.

The post АВТОБУСИТЕ ДЕНЕСКА ЌЕ СООБРАЌААТ ПО НЕДЕЛЕН ВОЗЕН РЕД Жичницата ќе работи од 10 до 20 часот appeared first on plusinfo.mk.

ЈСП Скопје ги известува патниците дека по повод верскиот празник Успение на Пресвета Богородица (Голема Богородица), на  28.08.2025 година (четврток), ќе се работи по неделен возен ред.

Исклучок ќе бидат линиите: 11, 11а, 18а, 32, 47а, 51, 55, 55в, 56, 56а, 70, 74, 81, 118, 160, 164 и 180, кои ќе работат по саботен возен ред.

На 28.08.2025 година (четврток), дежурни ќе бидат билетарниците и центрите за персонализација на Транспортен центар и на Зелен пазар.

Жичницата ќе функционира вообичаено, со работно време од 10-20 часот, при што од 19-19:30 е последното возење од долу кон врвот, а во 19:45 часот е последно возење од врвот надолу.

Од понеделник (01.09.2025), согласно со Одлуката за линиски превоз на патници во град Скопје, јавниот превоз ќе функционира по делничен зимски возен ред.

The post ОД ПОНЕДЕЛНИК ЈСП ЌЕ ВОЗИ ПО ЗИМСКИ ВОЗЕН РЕД За Голема Богородица ќе се вози како во неделите appeared first on plusinfo.mk.

ЈСП имаше пракса дури и директорот и стручните служби на ЈСП лично да учествуваат во правењето на возните редови и менувањето на возни редови и линии. Доаѓам од локална самоуправа каде баш тоа сум го работел и сме седнувале со Игор Јанушев кога беше директор на ЈСП и до детали со сите месни заедници сме се собирале со луѓе и сме правеле менување на возни редови по потребите на граѓаните, истакна советникот од ВМРО-ДПМНЕ Тони Бојковски на денешната седница на Советот на Град Скопје, обраќајќи се до директорот на ЈСП, Драги Кушовски, и до градоначалничката на Град Скопје, Данела Арсовска.

Бојковски посочи дека во минатото во менување и правење на возни редови на автобуси учествувале месните заедници, дел од администрацијата на самата општина, администрацијата на градот и директорот на ЈСП.

– Добро е како пракса месните и урбаните заедници да учествуваат во вакви работи затоа што се работи за населени места каде без разлика на сѐ и каде живее дали во Раштак или Автокоманда мора да дојде на работното место инаку ќе го избркаат од работа – посочи Бојковски.

The post НЕ МОЖЕ АВТОБУСИТЕ ДА ВОЗАТ КАКО ШТО ЌЕ МУ ТЕКНЕ НА ДИРЕКТОРОТ Месните заедници треба да учествуваат во правењето на возниот ред на ЈСП appeared first on plusinfo.mk.

Од Јавното сообраќајно претпријатие – Скопје информираат дека по повод државниот празник „8 Септември“ – Ден на независноста, в сабота и во понеделник ќе се работи по неделен возен ред.

За време на трите дена од продолжениот викенд, дежурни ќе бидат билетарниците и центрите за персонализација на Транспортен центар, Ѓорче Петров и Зелен пазар.

„Жичницата ќе функционира вообичаено за време на викендот во сабота и недела, со работно време од 10 до 20 часот. Притоа, од 19 до 19:30 е последното возење од долу кон врвот, а во 19:45 часот е последно возење од врвот надолу. Во понеделник, 9 септември, жичницата нема да биде во функција“, се наведува во соопштението на претпријатието.

The post ЗА ПРОДОЛЖЕНИОТ ВИКЕНД АВТОБУСИТЕ ЌЕ СООБРАЌААТ ПО НЕДЕЛЕН РЕД Жичницата нема да работи во понеделник appeared first on plusinfo.mk.

Како што едногласно одлучиле, приватните превозници ќе сообраќаат на една линија само по еден автобус и тоа еднаш во денот, наутро или навечер.

За Телма велат дека нивните возила ќе одат од прва до последна станица и назад, а потоа се исклучуваат, што значи дека според зимскиот возен ред ќе недостасуваат 150 автобуси.

Оваа одлука следува откако од ЈСП не добија позитивен одговор за исплата на нивниот долг, ниту за покачување на цената по километар.

Бидејќи на седницата на Град Скопје не помина одлуката за потребата од набавка на нови еко автобуси, директорот на ЈСП, Драги Кушовски, рече дека ќе се обиде да бидат поправени околу 40 автобуси кои би биле пуштени во сообраќај, што е далеку зад бројката од 150, кои недостасуваат.

The post ПРИВАТНИТЕ ПРЕВОЗНИЦИ НЕМА ДА ВОЗАТ ОД ПОНЕДЕЛНИК На секоја линија ќе има само еден автобус appeared first on plusinfo.mk.

Конечно јавноста имаше можност од говорницата во Советот на Град Скопје да слушне во каква лоша состојба е Јавното претпријатие. Но во минатото се тврдеше дека тоа функционира нормално и сите приговори беа остро демантирани од претходните директори.

– Реалната состојба е таква каква што е, нема што да криеме. Возниот парк, по набавката на кинеските автобуси „јутонг“ броел околу 350 автобуси и возните редови, и летен и зимски, биле адаптирани на таа бројка автобуси. Во моментов во сообраќај се од 190 до 200 возила и со нив не можеме да го опслужиме ни летниот возен ред којшто знаеме дека е скратен возен ред. Од септември кога треба да стартува зимскиот возен ред ситуацијата ќе биде уште потешка. Од денешен аспект и ниеден автобус да не ни се расипе ќе имаме недостаток од 100 автобуси. Во моментов имаме недостиг од 40-50 автобуси – рече Кушовски.

Тој објасни дека и сервисите на автобусите се одвиваат во отежнати услови поради недостиг на делови. За едниот тип автобуси деловите доаѓаат од Кина, но претпријатието има долгови спрема добавувачите кои носеле делови за сервисирање во изминатиот период, кои сега ја откажуваат соработката, затоа што ЈСП не е во можност да ги сервисира тие долгови. Притоа, според Кушовски, зголемени се и расходите на претпријатието затоа што поскапуваат деловите.

Во моментов просечната старост на возилата е 12,5 години, понови се само 33-те автобуси „Ман“, додека „Јутонг“ автобусите досега имаат поминато километража од над милион километри по возило.

Во однос на реакцијата на граѓаните дека автобусите се неклиматизирани, Кушовски објасни дека денеска не работеле клима уредите во 27 автобуси, но дека бил информиран дека до утре уште во пет автобуси ќе биде сервисирана климата, додека во дел од нив проблемот не може да биде надминат затоа што недостигаат делови.

На прашањето зошто претпријатието е во ваква состојба кога добива големи субвенции, Кушовски одговори дека се зголемени трошоците за превоз, а цената и натаму е иста.

– Знаеме кога е утврдена цената за превоз и колкави биле тогаш трошоците, а колкави се сега. Имаме бесплатен превоз на студенти, а последниве три години нема денар добиено пари од Министерството за образование и наука. Притоа, претпријатието само не успеало да ја зголеми наплатата кај билетите – нагласи директорот на ЈСП.

The post „НИ ФАЛАТ 50 АВТОБУСИ ЗА ДА СЕ ПОЧИТУВА ЛЕТНИОТ ВОЗЕН РЕД“ Новиот директор на ЈСП призна дека претпријатието е во лоша состојба appeared first on plusinfo.mk.