Поранешен пилот управувал со комерцијални авиони речиси 17 години без да поседува соодветна лиценца, извршувајќи повеќе од 900 домашни и меѓународни летови, соопшти вчера полицијата од Онтарио.

Истрага за измама и фалсификување откри дека пилот на авиокомпанијата, кој во текот на својата кариера од 1998 до 2025 година летал за Ер Канада, фалсификувал лиценца што му била неопходна кога во 2009 година бил унапреден во капетан, се наведува во соопштението на полицијата, пренесе Ен-би-си њуз (NBC News). Истрагата, спроведена под називот „Проект икар“, покажала дека станува збор за свесен обид за непочитување на безбедносните мерки и контроли воспоставени за заштита.

– Кога ќе се случи вакво нешто, мора да има одговорност – изјавил Нандо Јаника, претседател на Управниот одбор на регионалната полиција.

Според информациите од полицијата, осомничениот управувал со Боинг 767, Боинг 777 и Боинг 787 Дримлајнер на повеќе од 900 домашни и меѓународни летови, при што превезувал десетици илјади патници без да ја поседува лиценцата што е задолжителна за извршување на таква должност.

– Нашата истрага нè доведе до заклучок дека сите овие активности биле извршувани без соодветната лиценца која е законски задолжителна за пилотирање на комерцијални летови. Наместо тоа, веруваме дека обвинетиот лажно ги претставувал своите квалификации и пред работодавачот и пред надлежниот регулатор – изјавил заменик-началникот на полицијата Ник Милинович.

Според резултатите од истрагата, случајот отвора сериозни прашања за мерките за проверка и надзор во цивилното воздухопловство, со оглед на тоа што пилотот со години успевал да работи на високи позиции и да управува со големи патнички авиони на редовни линии, без да биде откриено дека не ги исполнува законските услови за вршење на професијата.Надлежните соопштија дека истрагата за случајот продолжува.

The post 17 ГОДИНИ ЛЕТАЛ СО ЛАЖНА ЛИЦЕНЦА Пилот на Ер Канада управувал со Боинг 787 и 777 без потребните документи appeared first on plusinfo.mk.

На аеродромот во Табриз, во западен Иран, израелските воздушни сили уништија два ирански борбени авиони вчера вечерта, објави Израелската армија (IDF). Станува збор за стари модели F‑4 Phantom II и F‑5, кои биле подготвени за полетување, а ниту еден пилот не бил повреден.

ИДФ соопшти дека нападот бил дел од продолжените операции насочени кон ослабување на оперативниот капацитет на иранските воздухопловни сили и дека акцијата е изведена пред авионот да полета. Израел истакна дека продолжува да таргетира воени и инфраструктурни цели во Иран за да ги намали потенцијалните закани кон својата безбедност.

Според експертите, уништувањето на F‑4 и F‑5, иако се стари авиони, има симболична и тактичка вредност. Тие модели се дел од воздушните сили на Иран со децении и Иран се потпира на нив за базични операции, поради ограничувањата со модерни авиони и делови за одржување.

The post ИЗРАЕЛ УНИШТИ ДВА ИРАНСКИ „ФАНТОМИ“ Борбените авиони биле погодени пред да полетаат appeared first on plusinfo.mk.

Инцидентите во воздухопловството секогаш предизвикуваат интерес и загриженост. Воздухопловните власти сега го испитуваат случајот. Нејасно е зошто двата авиона се нашле на иста височина во исто време и дали станува збор за погрешни инструкции на контролата за летање или, пак, е грешка на пилотот.

Агенцијата за цивилно воздухопловство (АЦВ) потврди дека постапува по наводите дека за малку ќе се судреле 2 авиона на небото над Скопје на 7 септември.

Според правилата на авиосообраќајот, меѓу авионите треба да има 2.000 стапки вертикална далечина. Во овој случај, 30 секунди пред да се разминат, авионите биле на иста височина од 36.000 стапки, но потоа едниот се кренал на 36.325 стапки, а другиот се спуштил на 35.475 стапки. Среќата била на нивна страна, но ова е прилика да се прегледаат процедурите и безбедносните мерки.

The post ИЗБЕГНАТА ТРАГЕДИЈА НА НЕБОТО НАД СКОПЈЕ 2 авиона за малку ќе се судреле appeared first on plusinfo.mk.

Со прелет на воздухопловите и на два авионa Ф16 на грчкото воздухопловство, кои вршат обезбедување на македонското небо, како и со доделување унапредувања, благодарници, пофалници и наградни отсуства во касарната народен херој „Страшо Пинџур“ во Петровец денеска беше одбележан 10 јуни, денот на Воздухопловниот ВИНГ, односно датумот кога во 1992 година се случил првиот лет на воен екипаж на македонско воено воздухопловство.

Командантот на Воздухопловниот ВИНГ, полковник Игорчо Стоименовски, посочи дека на денешен ден пред 32 години за првпат полета македонски воздухоплов со македонски екипаж.

– Почетоците беа мошно скромни, но во тој период го имавме најважното – искусен, стручен и високо мотивиран персонал кој ги постави темелите на военото воздухопловство и противвоздушната одбрана. Опремувањето започна со пристигнување на транспортни хеликоптери, радар за набљудување на воздушниот простор и лесни школски авиони. Со набавката на борбени авиони и хеликоптери, како и ПВО системи се создадоа способности за извршување на мисијата на единицата – рече Стоименовски.

Тој потсети на мисиите на Воздухопловниот ВИНГ и на загинатите 11 припадници во хеликоптерската несреќа кај катлановско Блаце.

– Со полноправното членство во НАТО се започнаа процеси на осовременување и модернизација на единицата по теркот на модерните армии – рече Стоименовски.

За следната година тој најави опремување на единицата со најмодерни противвоздушни системи „мистрал“ од француско производство, а за две години од сега и италијански хеликоптери „августа“ со широк спектар на способности за воздухопловна поддршка на единиците на Армијата и за поддршка на цивилни институции при природни катастрофи и вонредни состојби. За следната година најави и распишување конкурси за прием на нов млад кадар за потребите на единицата.

Началникот на командата за операции, бригадниот генерал Мирче Ѓорговски истакна дека на денешен ден во 1992 е извршен првиот лет со македонски воздухопловен екипаж.

Тој посочи дека одбраната на воздушниот простор претставува врвен приоритет и додаде дека во изминативе 32 години е даден конкретен придонес кон изградбата на капацитетите и способностите на единицата.

– Во овој историски период ВИНГ помина низ значајни фази на развој и трансформации. После повеќе од три децении може да истакнеме дека единицата ја дизајниравме и опремувавме согласно нејзината мисија и задачи во рамките на можностите на Армијата и на нашата држава. Со напорна работа и посветеност прерасна во единица која функционира и се развива по НАТО стандарди – рече Ѓорговски.

Тој нагласи дека новите борбени системи и опрема ќе овозможат поголема оперативна способност и подобро извршување на дел од најважните задачи на единицата, а тоа, како што кажа, се непрекинато набљудување и откривање на закани од воздушниот простор, откривање, рано предупредување и ангажирање на системи на противвоздушна одбрана базирани на земја и пресретнување, идентификување и уништување на цели во воздухот, блиска воздушна поддршка, и воздухопловно-техничко одржување на капацитетите со кои располага.

– Припадниците на ВИНГ во изминатите години покажаа дека се врвно обучени како при извршување на борбените задачи, така и при давање помош и асистенција на институциите и граѓаните ширум државата – рече Ѓорговски.

Единицата, како што посочи тој, е препознаена како тим на врвно обучени професионалци за извршување на борбените задачи, но и за гаснење пожари и други хуманитарни мисии во сложени временски услови.

The post МАКЕДОНИЈА ЌЕ ГО ШТИТИ НЕБОТО СО „МИСТРАЛИ“ И СО „АВГУСТА“ Догодина конкурс за нов кадар за воздухопловната единица appeared first on plusinfo.mk.

Израел би можел со десетици авиони Ф-16 да елиминира неколку нуклеарни постројки на одбраната на Иран, како одговор за нападот со дронови од неделата. Вака анализира Џерусалим пост (Jerusalem Post), според чии информации Ф16-ките би требало летаат и 2.000 километри далеку од еврејската држава за да ја постигнат целта. Но, САД сакаат да избегнат каква било поголема контраофанзива.

По двочасовниот состанок на воениот кабинет на Израел, одлука за контранапaд сѐ уште нема.

Владетелите на Израел се решени да одговорат, но допрвин треба да одлучат за времето и текот на акцијата, а официјалниот претставник рече дека војската имала задача да излезе со дополнителни опции за одговор, особено бидејќи САД наводно му кажале на Нетанјаху „да ја олади ситуацијата“, објави српски Мондо.

– Во последните 2 часа ги одобривме оперативните планови и за офанзивните и за одбранбените дејствија – рече и портпаролот на Израелските одбранбени сили (ИДФ), Даниел Хагари.

На итниот состанок на Обединетите нации (ОН), Иран се повика на правото на самоодбрана, наведувајќи дека „нема избор“.

Амбасадорот на Израел во ОН, Гилад Ердан, рече дека Техеран „не се грижи за ништо поврзано со исламот или со муслиманите“ и дека Иран „мора да биде запрен пред да го доведе светот до точка од која нема враќање, до регионална војна која може да ескалира во светска војна“.

Потенцијално разорен напад за Израел

Американскиот претседател Џо Бајден наводно сака да избегне каква било контраофанзива против Техеран која би можела да привлече американски војници. Американските власти рекоа дека иранскиот напад би можел да биде навистина разорен доколку проектилите не биле пресретнати и веројатно би довел до регионална војна, а и дека најтензичниот момент на нападот се случил кога Иран лансирал 100 балистички ракети, способни да стигнат до Израел за неколку минути, за краток временски период.

Речиси сите, наводно, биле соборени од израелскиот противракетен одбранбен систем „Ероу“ (Arrow), додека пресретнувачите истрелани од американските разурнувачи во источниот Медитеран, „USS Arleigh Burke“ и „USS Carney“, погодиле меѓу 4 и 10 балистички ракети. Американска батерија за воздушна одбрана „Патриот“ во близина на Ербил, Ирак, собори 1 од проектилите.

Иран лансираше повеќе од 30 копнени крстосувачки ракети и повеќе од 150 дронови. Некои балистички ракети ја оштетија воздухопловната база Неватим во јужната пустина Негев, призна во неделата портпаролот на израелските одбранбени сили.

„Иран на колена“

Анализата на Џерусалим пост покажува како израелските сили би можеле да се обидат да ги неутрализираат воените капацитети на Иран.

Некои од авионите би можеле да летаат по границата меѓу Сирија и Турција, а потоа да преминат во Ирак. Други авиони можат да летаат низ воздушниот простор на Саудиска Арабија и на Персискиот Залив.

Примарната цел на првиот бран Ф-35 би била да се елиминира иранската воздушна одбрана која штити десетици ирански нуклеарни постројки. По првата етапа спроведена со Ф-35, ќе има посебен бран израелски Ф-15, Ф-16, но и други Ф-35 натоварени со американски бомби ГБУ-72 тешки над 2 тона за да погодат тешко утврдени цели.

Анализата покажува дека потоа би можеле да следат дополнителни бранови кои ќе помогнат во уништувањето на најважните ирански нуклеарни постројки во Фордо и Нетенз.

Израел може да користи и значителен број балистички ракети, како и беспилотни летала за напади и за собирање разузнавачки информации. Сепак, уништувањето бункери ќе биде вистински предизвик.

На пример, главната област во Фордо е закопана околу 80 метри под земја – на длабочина до која можат да пробијат 13-тонските бомби „бункер-бастер“ во американскиот арсенал. Сепак, дури и под администрацијата на Трамп, САД наводно одбиле да му дадат на Израел такви бомби.

За потсетување, црвената линија на 1 април беше помината со напад врз иранскиот конзулат во Дамаск кој му се припишува на Израел.

Историски гледано, Израел покажува нулта толеранција доколку неговата територија е нападната од друга земја, нагласуваат западните експерти кои сметаат дека Бенјамин Нетанјаху не може да не реагира. Од друга страна, пак, доколку Израел одговори премногу агресивно, конфликтот веројатно ќе ескалира, а се смета дека не е во интерес на Израел да отвори нов директен фронт со Иран додека е во војна со Хамас во Појасот Газа.

Кои се резултатите од иранскиот напад врз Израел?

Пред иранскиот напад, експертските медиуми шпекулираа дека Техеран би можел да ги користи ракетите Сејџил, Хорамшахр 4 (Каибар), Емад, Шахаб 3, Кадр-110, Павех, Хаибаршекан или Фатах 2.

Иран конечно бил принуден да нападне, барем морално, по неколкудневни закани дека ќе му се одмазди на Израел за бомбардирањето на конзулатот во Сирија.

Дали Техеран навистина го известил Вашингтон за времето и целите на нападот, сепак останува во доменот на шпекулации.

Над 300 проектили беа лансирани кон Израел, вклучувајќи 170-185 УАВ, 30-36 крстосувачки ракети и 110-120 балистички ракети. Нападот траеше вкупно околу 5 часа.

Според западни извори, Иранците користеле УАВ Шахид 139, од 30 крстосувачки ракети најмногу истрелале Абу Махди (Сумар, копија на руски Х, Кх-55) и од 120 балистички ракети – Сејџил на цврсто гориво, среден дострел од 2.000-2.500 километри, со боева глава од 500 до 1.500 килограми и/или истрелале рајету МРБМ Емад, со среден дострел од 1.700 километрим на течно гориво.

Според други податоци, без оглед на тврдењата на Техеран дека ќе користи само постари системи, барем уште неколку модерни балистички ракети со среден дострел на цврсто гориво, Кеибаршекан-4 со боева глава од 500 килограми, опсег од 1.450 км и брзина од 4-5 маха (развиени во 2022 година), ги погодиле аеродромите или, пак, паднале на нив.

Американските ловци и бродови од источниот Медитеран (делумно од Велика Британија и од Јордан) соборија 70 проектили УАВ и 3 балистички проектили пред да стигнат до воздушниот простор на Израел. Според официјалните податоци, со споменатата американска помош, израелските системи „Ајдрон доум“ (Iron Dome) и Ероу 2 и 3 (Arrow 2, 3) собориле дури 99% од иранските летечки објекти.

Потврдено е дека биле погодени израелските бази Рамон и Невратим. Наводно, 7 ракети паднале врз базата Рамон (Basis Hayil-HaAvir Ramon) во пустината Негрев. Тука се сместени израелските ескадрили 113, 119, 190, 201 и 253, кои користат ловци „F-16l Sufa“ и хеликоптери „AH-64D Apache Longbow Saraf“ и „AH-64A Apache Peten“. Покрај нив, и специјалната единица „Скај рајдер“ и бригадата „Дејвидс слинг“ ја користат базата.

Воздухопловната база Неватим (Воздухопловна база 28) е седиште на 103-та, 116-та, 117-та, 120-та, 122-та, 131-та и 140-та ескадрила, како и на 5.700-те специјални сили (YAC). Од декември 2016 година, 116, 117 и 140 ескадрили имаат најсовремени ловци F35l Adir. Според досегашните информации, двете бази се малку оштетени и сѐ уште се во функција.

The post КАКО ИЗРАЕЛ МОЖЕ ДА ГО КЛЕКНЕ ИРАН НА КОЛЕНА? „Нуклеарните постројки први на удар!“ appeared first on plusinfo.mk.

Просечната месечна исплатена нето-плата по вработен, во декември 2022 година, изнесува 34.364 денари и во однос на декември 2021 година, е зголемена за 14,8 %, објави денеска Државниот завод за статистика.

Највисоки плати земаат работниците во секторот „воздухопловен транспорт“, каде за месец декември е исплатена просечна нето плата од 94.537 денари. Нивните плати од декември лани пораснале 4,8%. Следни на листата се вработените во ИТ секторот. Во секторот „компјутерско програмирање, консултантски и сродни дејности“, Државната статистика измери просечна плата од 88.192 денари, што е раст од 12,3% споредено со истиот месец лани. Трети на оваа листа, најплатени работници, се вработените во „дејности за изнајмување и давање под закуп (лизинг), каде во декември лани исплатена е просечна плата од 78.405 денари.

Од Статистика додаваат дека ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Преработувачка индустрија (20,4 %), Уметност, забава и рекреација (20,2 %) и Административни и помошни услужни дејности (19 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10,4 %), Дејности во врска со недвижен имот (10,2 %) и Уметност, забава и рекреација (8,4 %).

Како што објави ДЗС, просечната месечна исплатена бруто-плата по вработен, во декември 2022 година, изнесува 51.387 денари.

The post ПРОГРАМЕРИТЕ СЕПАК НЕ СЕ НАЈПЛАТЕНИ ВО МАКЕДОНИЈА Просечната плата за декември изнесува рекордни 34.364 денари appeared first on plusinfo.mk.

Најновата пресвртница во таа кампања беше тестирањето на електричен вертикален хеликоптер за полетување и слетување (eVTOL) наменет за евентуална употреба како воздушно такси.

Видете го „eVTOL“ на Joby подготвен за полетување во базата во Калифорнија.

Тестирањето, кое ќе трае до 10 септември, користи летало кога засега е наречено „eVTOL“ (сè уште не е дефинитивно крстено) од компанија наречена Joby, која ја развива оваа технологија со НАСА повеќе од 10 години.

Ова е прва рунда тестирања со овој нов тип авиони. НАСА има ригорозен план за тестирање, вклучувајќи собирање податоци за движењето на возилото, бучавата и комуникацијата во различни форми на летање.

Нема да има бучава, го следиме леталото со 50 микрофони

За да соберат дел од податоците, истражувачите мораа да развијат еден вид на мобилен акустичен центар што може да го следи авионот со 50 различни микрофони и да собира податоци за бучавата што ќе ја направи.

Бучавата е важен фактор во усвојувањето на автономниот лет на „eVTOL“. Никој не би бил среќен кога леталата за испорака ќе полетаат во нивниот двор, ако ја создадат иста бучава како еден млазен мотор.

Прописите во Америка ќе ја успорат работата

Но, јавното прифаќање не е единствениот фактор што влијае на тестирањето.

Друг фактор се прописите за летање во САД. Иако не е директно одговорна за регулирање на автономниот лет, НАСА е клучен партнер на Федералната воздухопловна администрација (ФАА). Тоа значи дека НАСА мора да почитува сè што предвидуваат прописите.

Некои технолошки активисти веќе изразија загриженост дека ФАА го попречува развојот на американските компании, додека конкурентите на НАСА во други земји, кои се занимаваат со вакви летала, поминуваат подобро.

The post НАСА ТЕСТИРА ЛЕТЕЧКИ ТАКСИЈА Имаат шест ротори, личат на големи дронови ВИДЕО appeared first on plusinfo.mk.