Празничната атмосфера за 1 Мај не помина без проблеми на патиштата. Полицијата приведе 14 возачи поради безобѕирно управување, а дел од нив биле под дејство на алкохол.

Според информациите, седуммина возачи управувале возило во алкохолизирана состојба, петмина биле без возачка дозвола, меѓу нив и еден малолетник, додека двајца возеле и покрај тоа што имале активна забрана.

Во главниот град, Скопје, еден возач бил фатен без возачка дозвола, а слични случаи биле регистрирани и во Велес, Демир Хисар, Охрид и Тетово. Во Охрид и Тетово, пак, по еден возач управувал возило и покрај изречена забрана.

Алкохол зад волан бил регистриран кај возачи во Свети Николе, Кочани, Кавадарци, Струмица, Гевгелија и два случаи во Прилеп.

По документирање на случаите, против сите ќе следуваат соодветни пријави.

Од полицијата апелираат граѓаните да не седнуваат зад волан без возачка дозвола, под дејство на алкохол или додека им трае забрана, со цел да се избегнат несреќи и да се зголеми безбедноста во сообраќајот.

The post ОД СКАРА ВО ПОЛИЦИСКА СТАНИЦА Дел од возачите пиеле, па седнале зад волан appeared first on plusinfo.mk.

Девет возачи се лишени од слобода низ државата, меѓу нив и малолетник, поради тешки сообраќајни прекршоци, информира полицијата.

Според податоците на Министерството за внатрешни работи, во текот на вчерашниот ден полициски службеници постапувале на повеќе локации и привеле по три лица за возење без возачка дозвола, за управување под дејство на алкохол и за возење и покрај активна забрана од Б категорија.

Под дејство на алкохол биле затекнати двајца возачи во Гевгелија и еден во Гостивар.

Во Велес, Куманово и во општина Старо Нагоричане биле фатени возачи кои управувале возило иако имале изречена забрана за управување.

Без возачка дозвола возело едно лице во Тетово, додека во Прилеп бил затекнат малолетник како управува мопед без дозвола. Во Кичево, пак, полицијата привела возач кој управувал нерегистрирано патничко возило без возачка дозвола.

Од МВР најавуваат дека по целосното документирање на случаите ќе бидат поднесени соодветни кривични пријави.

Воедно, полицијата апелира до сите учесници во сообраќајот строго да ги почитуваат правилата, да не седнуваат зад волан без положен возачки испит, под дејство на алкохол или со изречена забрана, со цел да се зголеми безбедноста на патиштата.

The post ПОЛИЦИЈАТА УДРИ ПО НЕСОВЕСНИТЕ ВОЗАЧИ Деветмина приведени во еден ден, меѓу нив и малолетник appeared first on plusinfo.mk.