Полицијата на државата Мичиген денеска извести за инцидент со пукање во синагогата Темпл Израел, во Вест Блумфилд, Мичиген.

Американските медиуми дознаваат дека маж вооружен со пушка влетал со возило во најголемата реформска синагога во САД, во предградието на Детроит, и дека обезбедувањето го убило.

– Возилото се запали кога влета во синагогата Темпл Израел во Вест Блумфилд – рече лице запознаено со случајот кое не сакаше да биде именувано.

Истражителите сè уште работат на идентификување на напаѓачот и утврдување на можниот мотив за нападот. Извори наведуваат дека дека истрагата е сè уште во рана фаза.

Локалната телевизија објави дека камионот влетал во синагогата Темпл Израел во Вест Блумфилд.

Телевизиските снимки покажуваат чад како се крева од покривот на синагогата. Снимките од местото на настанот покажуваат десетици полициски возила околу зградата.

Шерифот на округот Оукленд, Мајк Бушар, на прес-конференција потврди дека обезбедувањето на синагогата разменило оган со најмалку едно лице и дека никој не е притворен.

– Во моментов не знаеме за повредени лица, освен можеби напаѓачот – изјави шерифот Бушар за Си-Ен-Ен.

Директорот на Федералното истражно биро на САД (ФБИ), Кеш Пател, изјави дека агентите се на местото на инцидентот и дека се чини дека станува збор за сообраќајна несреќа со возило и активен стрелец со оружје во близина на синагогата.

Канцеларијата на шерифот на округот соопшти дека властите ја евакуираат зградата. Десетици родители побрзаа да ги извлечат своите деца од образовниот центар во зградата откако полицијата им даде дозвола за тоа.

Училиштата во Вест Блумфилд беа блокирани.

Гувернерката на Мичиген, Гречен Витмер, изјави дека ги следи случувањата и рече дека еврејската заедница треба да може да живее и да ја практикува својата вера во мир.

Еврејските организации низ САД работат под засилени безбедносни мерки откако САД и Израел започнаа воена операција против Иран на 28 февруари, што ја предизвика и интензивираше војната на Блискиот Исток.

The post ВООРУЖЕН МАЖ ВЛЕТАЛ СО ВОЗИЛО ВО НАЈГОЛЕМАТА СИНАГОГА ВО ДЕТРОИТ Обезбедувачите го убиле appeared first on plusinfo.mk.

Двете мали девојчиња пронајдени неколку часа подоцна во Мисисипи – едната мртва, а другата жива, соопшти полицијата.

Жител на Луизијана, кој бил во врска со жената, бил уапсен во Џексон, Мисисипи, во врска со смртта и киднапирањето, соопштија истражителите.

– Тој го имаше автомобилот на жртвата заедно со нејзиното живо и здраво 6-годишно дете – рече главниот заменик Џими Тревис од Канцеларијата на шерифот на парохијата Тангипахоа во Луизијана.

Телото на другото дете, 4-годишното, било пронајдено во близина на автомобилот во шумска област во Џексон.

Инаку исчезнувањето на Кали Брунет (35) било пријавено 24 часа порано и на крајот била пронајдена мртва во нејзиниот дом, пишува „Daily Mail“.

Полицијата соопшти дека нејзиниот татко го пронашол безживотното тело на подот во спалната соба и се верува дека таа е убиена.

Инспекторите го нарекоа местото на настанот „очигледно убиство“ и рекоа дека има причина да се верува дека децата се во непосредна опасност.

Кали била пријавена за исчезната повеќе од 24 часа пред детективите да го пронајдат нејзиното тело.

Началникот на полицијата рече дека децата во овој момент би можеле да бидат на половина пат низ државата, но дека ги користат сите средства да ги најдат и да ги вратат дома.

Тој додаде дека децата исчезнале заедно со автомобилот на нивната мајка.

Во моментов нема осомничени, ниту пак се знае каде би можеле да бидат децата.

Инспекторите ја истражуваат смртта на мајката како убиство, но не се знае начинот на нејзината смрт.

Активиран е амбер аларм, мажот се смета за вооружен и опасен и на јавноста и се препорачува да не му приоѓа.

The post 📽️ АКТИВИРАН „АМБЕР АЛЕРТ“, ИСЧЕЗНАТИ СЕ ДВЕ СЕСТРИ! Мајката на девојчињата е брутално убиена во семејниот дом appeared first on plusinfo.mk.

На социјалните режи се појавија снимки како неидентификуван вооружен маж пука од еден од становите.

Полицијата во Кент не соопшти повеќе детали за инцидентот.

The post Вооружен маж пука во станови во Кент appeared first on plusinfo.mk.