Повеќе туристи раскажаа за медиумите како нивните летни одмори во Франција и во Шпанија се претворија во панично бегство од разорните шумски пожари. Поради брзото ширење на пожарот, повеќе од 220.000 луѓе мораа да ги напуштат своите домови и одморалиштата.

Туристите раскажуваат како среде ноќ добиле известувања за вонредни ситуации, возеле само неколку метри од пламенот и гледале сцени на луѓе кои бегаат со куфери кон плажите.

Во југозападна Франција и во централна Шпанија, војската е повикана да помогне. Шпанската влада прогласи вонредна состојба низ целата земја.

Пожарот сè уште се разгорува од ветерот и од високите температури, а остриот мирис на чад може да се почувствува на локации далеку од местото на пожарот. Летовите до Бордо и до Мадрид, градовите најблиску до погодените области, засега се одвиваат нормално.

Евакуација среде ноќ

Меѓу туристите кои се најдоа во средината на хаосот е и Зак Морисон. Овој 21-годишник од Лондон пристигна во четвртокот со 10 членови на семејството во Кап Ферет, популарен полуостров југозападно од Бордо. Во петокот навечер, го разбудија две СМС-пораки, во 4 и во 6 часот, со наредба за евакуација „со сите расположиви средства“.

Devastating #wildfires in #France #Spain force 220,000 evacuations

Southwestern France (near Bordeaux, Cap Ferret, Gironde & Landes and
Central Spain (west of Madrid & Ávila.
Evacuations: 200,000+ people forced to leave homes. Some escaped Cap Ferret by boat.

Area… pic.twitter.com/DA73Gstjzz

— Shafek Koreshe (@shafeKoreshe) July 25, 2026

– Жандармеријата одеше од врата до врата. Изгледаше како филм. Мораше да собереме сè што имавме и да заминеме – изјави тој за Би-Би-Си.

Тој рече дека на почетокот имало паника, но дека евакуацијата на полуостровот била добро организирана. Неговото семејство избегало од еден пожар, но набрзо се нашло на пат кон друг и добило уште неколку известувања за евакуација.

Тие се засолниле на плажата во блискиот Аркашон, а подоцна еден роднина им понудил сместување.

– Луѓето спијат во училишта и во магацини, а на плажите има насобрани групи што дозвола да се преместат. Таму луѓето стојат со своите куфери – додаде Морисон.

Неговиот 11-годишен брат, Нејт, сè уште е потресен од глетката на пожарот. Семејството сега чека инструкции дали можат да го продолжат својот одмор.

– Слушнав дека куќите горат за само еден час. Страшно е, но за жал луѓето овде веќе се навикнуваат на тоа – рече тој.

FRANCE | #Fire in #Gironde : given the scale of the blaze, President #Macron has mobilized the French armed forces to reinforce operations. 22,000 hectares have already been devastated by the fires, 40,000 people have been evacuated, and further evacuations are underway pic.twitter.com/41CrqTvMKt

— Nanana365 (@nanana365media) July 25, 2026

Пламен висок колку шесткатница

Дејвид Мортон, директор на училиште од Глостершир, го поминал својот одмор во Кап Ферет со сопругата и двата сина уживајќи во боровите шуми. Но, на петтиот ден од одморот, во петок наутро, сè се променило.

– Нашите телефони трепкаа и звучеа. Пристигна порака дека мора веднаш да се евакуираме по единствениот пат што води од полуостровот. Буквално само фрливме работи во куферите и бевме во изнајмен автомобил во рок од 15 минути – рече 53-годишникот.

Тој рече дека во еден момент биле само 500 метри од главниот пожар.

– Пламените биле повисоки од боровите дрвја, па високи колку зграда од пет или шест ката. Беше јасно дека пожарот е целосно надвор од контрола во тој момент – рече тој.

Семејството останало со пријатели до летот коон дома од Бордо во саботата.

Заробени во празен град

Некои туристи останале отсечени од остатокот од светот. Ребека Папин, Американка со француско потекло, видела голем столб чад во далечината од нејзината куќа во Бискарос во четвртокот.

– Само три часа подоцна, авионите испуштаа вода, хеликоптери летаа над областа, а целиот хоризонт беше ѕид од пламен – вели таа.

Бидејќи властите не издале наредба за евакуација за нејзината област, таа заспала со децата користејќи чепови за уши, што ја спречило да го чуе звукот за време на ноќната евакуација.

– Кога се разбудив наутро, градот беше речиси празен бидејќи сите беа евакуирани, а јас сè уште бев таму. Главните патишта беа затворени бидејќи гореа. Полицијата ме советуваше да не ја напуштам куќата во петокот наутро. Пепел паѓаше од небото како снег – рече таа.

WATCH: Apocalyptic scenes as massive wildfire tears through Biscarrosse, France; 5,000 evacuated pic.twitter.com/2UI5naZQJU

— Rapid Report (@RapidReport2025) July 23, 2026

Некои британски семејства решија да го продолжат својот одмор со преселба  160 километри подалеку. Марк Дори од Лидс со сопругата и трите деца отишле во регионот Дордоња откако беа евакуирани од кампот.

– Моите синови и јас гледавме трибјут бенд на Квин во барот на кампот. Веднаш по изведбата на „Боемска рапсодија“, некој ги прекина и рече дека мора да се евакуираме околу 22 часот – рече тој.

Семејството ја поминало ноќта во спортската сала со стотици други луѓе. Дори вели дека се чувствува среќен што се безбедни, но размислува за одмор „поблиску до дома“ следната година.

Дојдете, но бидете информирани

Иако пожарите не изгледа дека ќе се намалат наскоро, британското Министерство за надворешни работи засега не советува да не се патува во Франција или во Шпанија.

Француската министерка за меѓународни партнерства Елеонора Кароа им порача на туристите дека постојат цели области кои се целосно безбедни.

– Јас сум во Париз и сè е нормално тука, како и во повеќето други региони. Ве молам дојдете во Франција, не ги откажувајте вашите патувања. Но, каде и да сте, бидете информирани за ситуацијата во ваша близина – порача Кароа.

Во југозападна Франција, во регионите Жиронд и Ланд, властите евакуираа околу 200.000 луѓе. Рано изутринава, речиси 60.000 жители мораа да ги напуштат своите домови во близина на Бордо, а претседателот Емануел Макрон ја повика војската да помогне во гаснењето на пожарите.

Пожарот во Жиронд досега проголта повеќе од 19.000 хектари шума и уништи околу 80 куќи. Властите, исто така, го евакуираа целиот полуостров Кап Ферет, популарна туристичка дестинација.

– Никогаш не сме виделе пожар од ваков обем – изјави францускиот министер за внатрешни работи Лоран Нуњез.

Тој додаде дека околу 50 пожарникари се повредени.

Голем пожар беснее и во близина на Бискарос во регионот Ланд, принудувајќи повеќе од 23.000 да ги напуштат своите домови. Градоначалникот на една од најтешко погодените области, Кап Ферет, Филип де Гоневил, рече дека регионот се соочува со екстремни временски услови веќе еден и пол месец, без дожд и со надпросечни температури.

– Ова е без преседан. Ниту ние, ниту пожарникарите досега не сме виделе нешто вакво – рече Де Гоневил.

Францускиот претседател Макрон ја опиша ситуацијата како „многу тензична“, особено во Жиронд, и потврди дека Франција го активирала механизмот за цивилна заштита на Европската Унија и очекува да добие засилување.

Breaking: France Fights Raging Wildfires as Brave Firefighters Race Against Time #FeuxDeForêt #incendies #Hamel #Gironde #Bordeaux #Landes #Pantani https://t.co/IVp1hnLYAU pic.twitter.com/S4u2NhwNLJ

— 𝙇𝙐𝙉𝘼 𝙑𝙄𝙎𝙏𝘼 (@alpserene) July 25, 2026

Ситуацијата е драматична и во Шпанија, каде што три големи пожари западно од Мадрид се споија во еден огнене фронт што пожарникарите повеќе не можат да го контролираат.

Околу Мадрид властите се борат да спречат спојување на различни пожарни области. Пожарот веќе предизвика затворање на објектот на американската вселенска агенција НАСА, кој се наоѓа на 65 километри западно од градот.

Претседателката на регионот Мадрид, Изабел Дијаз Ајусо, ја опиша ситуацијата како „најлош пожар во историјата на регионот“, кој се соочува со „совршена бура“ од високи температури, постојани ветрови и спојување на пожарни фронтови.

Шпанската влада прогласи национална вонредна состојба, а покрај евакуацијата на 25.000 луѓе, на уште 40.000 жители им е наложено да не ги напуштаат своите домови.

Пожарите се движат кон општините Робледо де Чавела и Фреснедиљас де ла Олива, на околу 50 километри од главниот град.

– Пожарот е на својот врв и пожарникарите не можат да го локализираат во моментов – изјави Карлос Новило, раководител на службите за итни случаи на регионалната влада на Мадрид.

Повикана е Воената единица за итни случаи (УМЕ) за да се обиде да го спречи ширењето на пламенот.

Властите, исто така, стравуваат дека голем пожар во близина на Бургохондо во соседната покраина Авила би можел да се спои со оној во Мадрид, а министерот за внатрешни работи Фернандо Гранде-Марласка рече дека се презема сè што е можно за да се спречи тоа.

Европската Унија испрати авиони и хеликоптери за да им помогнат на Шпанија и Франција.

Според Европскиот информативен систем за шумски пожари, оваа година во Европа веќе е изгорено повеќе земјиште од годишниот просек во последните две децении. Европската агенција за животна средина предупреди дека „климатските промени го зголемија ризикот од шумски пожари низ цела Европа“, при што најголемата опасност се очекува на југот од континентот.

The post 🎥ЧЕТВРТ МИЛИОН ЛУЃЕ ИЗБЕГАА ПРЕД ОГНЕНАТА АПОКАЛИПСА „Совршена бура“ од огин и ветер пустоши низ Франција и Шпанија appeared first on plusinfo.mk.

Бројот на загинати во двата разорни земјотреса што кон крајот на јуни ја погодија Венецуела се искачи на 5.069 лица, соопштија властите, додавајќи дека повеќе од 20.000 луѓе моментално живеат во привремени кампови.

Според податоците што ги објави претседателот на Народното собрание, Хорхе Родригез, преку платформата Телеграм, во земјотресите биле повредени 16.740 луѓе, додека 6.462 лица биле спасени од урнатините и погодените подрачја.

Властите информираат дека 17.907 жители останале без своите домови, а 21.235 лица се распоредени во 107 привремени кампови обезбедени по катастрофата.

Земјотресите предизвикале големи материјални штети. Оштетени се 856 објекти, од кои 190 целосно се урнале.

Во справувањето со последиците учествуваат повеќе од 65.000 луѓе, меѓу кои припадници на спасувачките служби, државни институции, волонтери и тимови од странство.

Катастрофата ја погоди Венецуела на 24 јуни, кога во интервал од само 39 секунди биле регистрирани два силни земјотреса со магнитуда од 7,2 и 7,5 степени според Рихтеровата скала.

По разорните потреси, властите прогласија вонредна состојба, а меѓународната заедница започна со испраќање спасувачка и хуманитарна помош за погодените региони.

The post НАД 5.000 ЖРТВИ ПО ДВАТА РАЗОРНИ ЗЕМЈОТРЕСИ Венецуела во вонредна состојба над 17.000 луѓе останаа без своите домови appeared first on plusinfo.mk.

Мал авион денеска удри во облакодерот „Кина Зун“ (CITIC Tower), највисоката зграда во Пекинг, по што на местото веднаш беа распоредени голем број полициски, пожарникарски и спасувачки екипи. Кинеските власти сè уште не објавија што ја предизвикало несреќата, ниту дали има загинати или повредени.

Очевидци за Ројтерс изјавиле дека се слушнал силен удар, по што делови од авионот и стаклената фасада почнале да паѓаат од високите катови на облакодерот. На зградата, која има 108 ката и е висока 528 метри, се забележани оштетувања на дел од стаклената фасада.

На социјалните мрежи се појавија видеа снимени од различни агли на кои се гледаат остатоци од авионот и искршено стакло како паѓаат кон улицата, додека спасувачките служби го обезбедуваат местото на несреќата. Според очевидци, полицијата брзо го затворила поширокиот реон околу облакодерот и им забранила на присутните да снимаат или фотографираат.

Според првичните информации во локалните медиуми, авионот полетал од аеродромот Шифоси околу 17:30 часот по локално време. За време на враќањето кон аеродромот, наводно отстапил од планираната рута и удрил во облакодерот. Овие информации, сепак, засега не се официјално потврдени.

До моментот на објавување на оваа информација, кинеската Администрација за цивилно воздухопловство, како и другите надлежни институции, не излегоа со официјално соопштение за причините за несреќата. Не се познати ниту околностите под кои мал авион успеал да навлезе во строго контролираниот воздушен простор над центарот на Пекинг, што дополнително ја зголемува неизвесноста околу целиот инцидент.

 

View this post on Instagram

 

A post shared by Plusinfo.mk (@plusinfo.mk)

The post 📽️ АВИОН УДРИ ВО НАЈВИСОКАТА ЗГРАДА ВО ПЕКИНГ Делови од леталото и стакло паѓаа на улиците, мистерија околу жртвите appeared first on plusinfo.mk.

Властите на Крим и на градот Севастопол денеска донесоа одлука за прогласување регионална вонредна состојба со цел побрзо решавање на насобраните економски проблеми, соопшти гувернерот на Крим, Сергеј Аксјонов, пренесува агенцијата ТАСС.

– Заедно со гувернерот на Севастопол, Михаил Владимирович Развожаев, донесена е одлука за потпишување указ за прогласување регионална вонредна состојба во Република Крим и во градот Севастопол. Оваа одлука е донесена првенствено заради решавање на економските прашања – напиша Аксјонов на својот канал на Телеграм.

Вонредната состојба стапи во сила денеска во 13 часот по московско време. Гувернерот објасни дека правната рамка што ја носи вонредната ситуација овозможува најефикасно решавање на прашањата поврзани со стабилното функционирање на сите области од кои зависи егзистенцијата на населението.

Аксјонов претходно апелираше до граѓаните да користат „здрав разум“, да не подлегнуваат на гласини и да не шират лажни информации за недостигот на гориво во регионот. Тој напомена дека дефицитот на нафта на Крим и понатаму е акутен, но нагласи дека сојузните и регионалните власти интензивно работат на негово решавање, иако голем дел од преземените мерки не се јавно објавени.

– Ги повикувам жителите на Крим да не веруваат во гласини и да не ги шират, да не им се препуштаат на емоциите, туку да користат здрав разум. Ве потсетувам дека главната цел на непријателот е застрашување и ширење паника, вклучително и преку лажни вести и протекување информации – се наведува во пораката на Аксјонов. Тој исто така им се заблагодари на граѓаните за единството и меѓусебната помош, додавајќи дека локалните власти веќе ги презеле неопходните мерки за да осигураат целосна безбедност.

Поради новонастанатата ситуација, сообраќајот за патнички возила на Кримскиот мост беше целосно затворен од синоќа во 23:50 часот до утрово во 06:14 часот по московско време. Околу 9 часот наутро во ред чекале 2.800 возила, а подоцна бројката се намалила на 2.100. Сепак, колоната на приодот кон Кримскиот мост од правец на Керч достигнала 2.450 возила, а времето на чекање изнесувало повеќе од пет часа, објави информативниот канал „Макс“.

Прекините во снабдувањето со електрична енергија продолжуваат да го мачат Севастопол, најголемиот град на Крим под руска контрола, по повторените и засилени украински напади врз полуостровот.

Гувернерот на градот назначен од Кремљ, Михаил Развожаев, вчера изјави дека се воведени рестрикции низ целиот град и ги повика жителите да го намалат оптоварувањето на електродистрибутивната мрежа. Командант на украинските сили за беспилотни летала, Роберт Бровди, изјави дека Киев ја нападнал главната трафостаница во Севастопол седум пати во раните часови во средата.

According to the Russian-installed administration in occupied Crimea, there is currently no queue to enter Crimea from Russia via the Taman side of the Kerch Bridge.

Meanwhile, on the Kerch side, 2,450 vehicles are waiting to leave occupied Crimea for Russia https://t.co/uttKzIvaGK pic.twitter.com/W7vwluDtEZ

— Special Kherson Cat (@bayraktar_1love) June 26, 2026

Во последните недели, Украина ги засили воените операции во регионот, што, како што се наведува, довело до значително нарушување на секојдневниот живот на жителите, со чести напади со дронови, ограничувања на гориво и откажување на дел од јавните активности.

Руската регионална власт на Крим во неделата соопшти дека горивото ќе биде достапно само за државните институции, а не и за обичните граѓани и бизниси. Жителка на Севастопол, која побарала анонимност од безбедносни причини, изјавила за Си-Ен-Ен дека на бензинските пумпи нема гориво, но дека јавниот превоз сè уште функционира.

The post ВОНРЕДНА СОСТОЈБА НА КРИМ И ВО СЕВАСТОПОЛ Илјадници возила заглавени со часови appeared first on plusinfo.mk.

Бројот на загинати во двата силни земјотреси што ја погодија Венецуела се зголеми на најмалку 188 лица, изјави денеска претседателот на Националното собрание на Венецуела, Хорхе Родригез.

Според најновите податоци од платформата на која се пријавуваат исчезнати лица по катастрофата, речиси 40.000 луѓе се водат како исчезнати, пренесува „Скај њуз“.

Родригез соопшти дека 1.520 повредени лица се хоспитализирани, додека околу 200 лица сè уште се заробени под урнатините.

Според официјалните информации, 2.927 семејства ги загубиле своите домови.

– Во трка сме со времето за да спасиме што е можно повеќе луѓе живи – изјави Родригез.

Тој предупреди дека бројот на загинати и исчезнати може дополнително да се зголеми во наредните денови.

Земјотресите предизвикале сериозни оштетувања и на главниот аеродром во Венецуела, кој е затворен за сообраќај, додека дел од жителите на најпогодените подрачја биле евакуирани во соседен Бразил.

Според информациите, Венецуела беше погодена од два последователни земјотреси со јачина од 7,5 и 7,2 степени според Рихтеровата скала.

Во земјата е прогласена вонредна состојба, а воздушниот и железничкиот сообраќај се прекинати. Наставата во училиштата исто така е суспендирана.

The post БРОЈОТ НА ЗАГИНАТИ СЕ ИСКАЧИ НА 188 ЛИЦА, 40.000 СЕ ВОДАТ КАКО ИСЧЕЗНАТИ Спасувачите копаат низ урнатините во битка со времето appeared first on plusinfo.mk.

Американскиот претседател Доналд Трамп за уште една година ја продолжи националната вонредна состојба поврзана со Западен Балкан.

Според објавата во Федералниот регистар, мерката се однесува на лица и групи кои поддржуваат екстремистичко насилство во регионот, како и активности што го попречуваат спроведувањето на мировните договори во Босна и Херцеговина, Косово и во Македонија.

Во документот се споменува и Охридскиот рамковен договор од 2001 година, кој беше вклучен во дополнителните мерки преку измените на извршната наредба од 2003 година.

Вашингтон оценува дека и натаму постојат околности кои бараат продолжување на вонредната состојба и санкциските механизми поврзани со Западен Балкан.

„На 8 јануари 2025 година, претседателот потпиша Извршна наредба 14140, со оглед на настаните во Западен Балкан, вклучувајќи ги и континуираните обиди на поединци да го оспорат суверенитетот и територијалниот интегритет на земјите од Западен Балкан, да ги поткопаат повоените договори и институции, да се вклучат во значителна корупција што го еродира владеењето на правото и довербата во демократското управување и да ги избегнат санкциите на Владата на Соединетите Американски Држави, како и со цел да се преземат дополнителни чекори во однос на националната вонредна состојба во однос на Западен Балкан“, се вели во објавата.

Дејствијата на лицата што го загрозуваат мирот и напорите за меѓународна стабилизација на Западен Балкан, вклучувајќи ги актите на екстремистичко насилство и опструктивните активности, како и ситуацијата во Западен Балкан, која го попречува напредокот кон ефикасно и демократско управување и целосна интеграција во трансатлантските институции, според наведеното во објавата, подолжуваат да претставуваат необична и вонредна закана за националната безбедност и надворешната политика на САД.

„Поради оваа причина, националната вонредна состојба мора да продолжи да важи и по 26 јуни 2026 година“ се вели во објавата од Федералниот регистер на САД.

Ситуацијата на територијата на поранешната Социјалистичка Федеративна Република Југославија и Република Албанија (Западен Балкан), се додава, во текот на изминатите две децении, вклучително и поткопувањето на повоените договори и институции по распадот на поранешната СФРЈ, како и широко распространетата корупција во рамките на различните влади и институции на Западен Балкан, го попречува напредокот кон ефикасно и демократско управување и целосна интеграција во трансатлантските институции, и со тоа претставува необична и вонредна закана за националната безбедност и надворешната политика на САД.

The post САД ЈА ПРОДОЛЖИЈА ВОНРЕДНАTA СОСТОЈБА ПОВРЗАНА СО ЗАПАДЕН БАЛКАН Вашингтон гледа опасност во корупцијата и во нецелосната трансатланска интеграција appeared first on plusinfo.mk.

Жителите кои живеат во близина на депонијата Уборак кај Мостар добија наредба за евакуација откако утрово избувна нов пожар што ги загрозува околните населби. Се работи за нов пожар по првиот инцидент во понеделникот. Оттогаш во градот е прогласена вонредна состојба.

Градоначалникот на Мостар, Марио Кордиќ, соопшти дека евакуираните граѓани ќе бидат сместени во прифатниот центар во Салаковац.

Се истражува можно подметнување 

Кордиќ изјави дека постојат сомневања оти пожарот е подметнат, поради што во истрагата се вклучени полицијата и обвинителството.

– Ситуацијата е тешка, а последиците ги трпат граѓаните – посочи градоначалникот.

Пожарот првпат избувна во понеделник, по што брзо се прошири кон магацини, објекти и опрема за рециклирање.

 

View this post on Instagram

 

A post shared by Mostar Forever (@mostar.forever)

Изгоре салата за рециклирање

Според досегашните информации, најголема штета е предизвикана врз инфраструктурата на депонијата. Целосно изгорела салата за рециклирање со целата опрема што се наоѓала во неа.

Неофицијалните проценки говорат за штета од повеќе милиони евра.

Снимките од местото покажуваат густ црн чад кој се издига над овој дел од Мостар, додека пожарникарите и натаму се обидуваат да го стават огнот под контрола.

Дополнителен проблем претставува загадувањето на воздухот. Експертите предупредуваат дека долготрајната изложеност на чад може сериозно да ги загрози чувствителните категории граѓани, особено децата, постарите лица и хронично болните.

АПОКАЛИПСА ВО МОСТАР Се запали градската депонија, на жителите им е препорачано да не излегуваат

The post 📽️ НОВ ПОЖАР И ЕВАКУАЦИЈА КАЈ ДЕПОНИЈАТА ВО МОСТАР Властите истражуваат можна саботажа appeared first on plusinfo.mk.

Голем пожар утрово, 15 јуни, избувна во трговскиот центар „Енјуб“ во Нов Белград и зафати дел од објектот. Зафатена е и и кровната конструкција на објектот, објавија српските медиуми.

Пред зградата се собрале сопственици на продавници кои со неверување ја следеле драмата додека пожарникарите се обидувале да го локализираат огнот.

– Сè изгоре, ова е пекол. Сè беше уништено за неколку моменти – изјавил еден од потресените сопственици за српските медиуми.

Дел од сопствениците чии локали не биле зафатени од пожарот почнале да ја изнесуваат стоката, стравувајќи дека огнот може да се прошири и на останатите делови од трговскиот центар.

Според неофицијални информации, пожарот најпрво избувнал на покривот, а потоа брзо се проширил на поголем дел од објектот.

На терен интервенираат околу 40 пожарникари, кои од раните утрински часови се обидуваат да спречат огнот да зафати соседни објекти.

Густ црн чад се гледал од повеќе делови на Белград, а полицијата го обезбедувала местото и не дозволувала пристап во близина на пожарот.

Поради интервенцијата, сообраќајот на улицата „Јурија Гагарина“ бил во прекин, додека надлежните ги повикале жителите од околните населби да ги затворат прозорците.

The post 📽️ „СÈ ИЗГОРЕ ЗА НЕКОЛКУ МИНУТИ“ Пожар во Нов Белград проголта дел од трговски центар appeared first on plusinfo.mk.

Голем пожар беснее над градот Штип. Зафатени се ридови со трева и грмушки. Видливи се големи огнени јазици. На терен се екипи на Територијалната противпожарна единица на Штип кои интервенираат со сите расположиви средства. Засега нема информации за повредени.

Пожарот почнал попладне од удар од гром над викенд населбите Плуждино и Новакова чешма, по што се проширил кон ридовите над градските гробишта во Штип.

Градоначалникот на општина Штип Иван Јорданов најави вонредна прес-конференција на која ќе информира за справувањето со пожарот и евентуалните ризици по населените места.

The post ГОЛЕМ ПОЖАР БЕСНЕЕ НАД ШТИП Огнот тргнал од гром, видливи се огромни огнени јазици appeared first on plusinfo.mk.

Врховниот суд на САД денеска го блокираше претседателот Доналд Трамп во користењето на законот за вонредни состојби за еднострано воведување сеопфатни царини за повеќето трговски партнери на САД.

Како што јави Фокс Њуз, со ова му е нанесен удар на претседателот „во случај фокусиран на една од неговите клучни економски политики – онаа што тој ја карактеризираше како прашање на ’живот или смрт‘ за американската економија“.

Со одлука од 6 спрема 3, судиите ги поништија царините на Трамп.

Врховниот суд ги сослуша усните аргументи во ноември во случајот за употребата на Меѓународниот закон за итни економски овластувања (ИЕЕПА) од страна на Трамп за спроведување на неговите царини за „Денот на ослободувањето“ (Liberation Day) кон повеќето земји, вклучително и глобална царина од 10 проценти и збир на повисоки, таканаречени „реципрочни“ царини за одредени нации.

Во април, Трамп го прогласи трговскиот дефицит на САД за „национална вонредна состојба“, а адвокатите на администрацијата го наведоа тоа како правна основа за повикување на ИЕЕПА, кој му дозволува на претседателот да одговори на „невообичаени и вонредни закани“ кога е прогласена национална вонредна состојба.

Врховниот суд се согласи да го преземе случајот минатата есен, откако пониските судови, вклучувајќи го и Судот за меѓународна трговија на САД (CIT) и Апелациониот суд на САД за федералниот округ, го блокираа обидот на Трамп да го користи ИЕЕПА за воведување увозни давачки.

Пониските судови побараа од Министерството за правда да објасни зошто Трамп се повикал на ИЕЕПА кога други, попрецизно приспособени статути донесени од Конгресот поконкретно се занимаваат со царините – вклучително и закони кои ги ограничуваат царините на одредени нивоа или поставуваат временски рамки подложни на ревизија од Конгресот.

Законот го овластува претседателот да го „регулира „увозот“ за време на прогласена национална вонредна состојба, но не го споменува зборот „царини“ – пропуст што беше во центарот на повеќечасовните аргументи пред високиот суд во ноември.

За време на усните аргументи во ноември, судиите ги притиснаа адвокатите на администрацијата за тоа дали ИЕЕПА се однесува на царините или даночните овластувања и какви заштитни механизми – доколку ги има – би ја ограничиле извршната власт доколку високиот суд пресуди во корист на Трамп.

Во аргументите, адвокатите на администрацијата им рекоа на судиите дека ИЕЕПА му дозволува на претседателот да го „регулира увозот“ на стоки, што според нив е практичен еквивалент на царина.

Но, судиите, вклучително и конзервативните именувани од Трамп, изгледаа скептични, прашувајќи ја администрацијата дали „некогаш имало друг пример во кој статут го користел тој јазик за да ја додели моќта“ што ја бара Трамп. Други конзервативни судии прашаа дали „економскиот еквивалент“ на царините – како што се санкциите, ембаргата, лиценците и квотите – може да биде користен од претседателот според законот, пишува Фокс Њуз.

Адвокатите на администрацијата на Трамп тврдеа во пониските судови дека ИЕЕПА му дозволува на претседателот да дејствува како одговор на „невообичаени и вонредни закани“ и во случаи кога е прогласена национална вонредна состојба. Трамп тврдеше дека длабоките и „континуирани“ трговски дефицити претставуваат национална вонредна состојба што е доволна за да ги активира неговите извршни овластувања според законот за вонредни состојби.

Министерството за правда побара од Врховниот суд да дозволи царините да останат во сила, предупредувајќи дека негирањето на овластувањето за царини на Трамп според ИЕЕПА „би ја изложило американската нација на трговска одмазда без ефикасна одбрана“.

Тужителите возвратија дека во 50-те години од неговото донесување, законот никогаш не бил користен од претседател за воведување царини. Тие исто така тврдеа дека, според признанието на самата администрација, трговскиот дефицит цитиран од Трамп опстојува речиси 50 години – факт за кој рекоа дека го поткопува неговото тврдење дека постои „невообичаена и вонредна“ трговска итност.

Тие тврдеа дека одобрувањето на употребата на ИЕЕПА од страна на Трамп за продолжување на неговите универзални царини драстично би ја проширило извршната власт на сметка на другите гранки на власта.

Тричлениот судиски совет на Судот за меѓународна трговија на САД едногласно гласаше претходно оваа година за блокирање на царините на Трамп да стапат во сила, пресудувајќи дека како врховен командант, Трамп нема „неограничено овластување“ да воведува царини според законот за вонредни состојби. Апелациониот суд на САД за федералниот округ исто така ја одби употребата на ИЕЕПА од страна на администрацијата.

The post ВРХОВНИОТ СУД НА САД ГИ БЛОКИРА ЦАРИНСКИТЕ ТАРИФИ НА ТРАМП Трговскиот дефицит не може да се смета за „вонредна состојба“ appeared first on plusinfo.mk.