Претседателот на Русија Владимир Путин го одби предлогот на украинскиот претседател Володимир Зеленски за директни преговори меѓу нив за завршување на војната.

Зеленски вчера во отворено писмо побара да се сретнат во неутрална земја за да стават крај на војната.

Путин истакна дека таква средба „нема цел“.

Тој на Меѓународниот економски форум во Санкт Петербург истакна дека Зеленски вчера му испратил „грубо писмо“, особено по нападот врз студентскиот дом во Луганск, каде загинаа 21 лице.

Кремљ претходно му понуди на Зеленски средбата да се одржи во Москва, а украинскиот претседател го одби.

Путин изјави дека Русија е подготвена за компромиси, во согласност со договорите постигнати на минатогодишниот самит со американскиот претседател Доналд Трамп во Алјаска. Додаде дека Киев мора да ги прифати за да постигне договор за прекин на конфликтот.

– Секако, украинската страна би сакала да го запреме напредувањето на руската армија, но би било подобро војната да се заврши со согласување со компромисите дискутирани во Анкориџ – истакна Путин.

Зеленски му напиша на Путн дека војната е негов избор.

„Рускиот народ не ги сака нашите беспилотни летала и ракети. Не им се допаѓа недостигот на гориво и постојаното зголемување на цените. Не им се допаѓаат постојаните забрани. Не им се допаѓа вашата намера да започнете втор бран мобилизација, за да ја проширите војната во друга насока во Украина или да ја насочите против некоја друга соседна земја. Не им се допаѓа фактот што нема крај на вашата војна“, напиша украинскиот претседател.

АЈДЕ ДА СЕ СРЕТНЕМЕ И ДА ЈА ЗАВРШИМЕ ВОЈНАТА Зеленски му напиша писмо на Путин, Кремљ го повика во Москва

The post ПУТИН ОДБИ ДА СЕ СРЕТНЕ СО ЗЕЛЕНСКИ „Украинскиот претседател ми испрати грубо писмо“ appeared first on plusinfo.mk.

Русија ќе продолжи со систематските напади врз Украина, најави портпаролот на Кремљ, Дмитриј Песков, по украинските напади врз нафтен терминал и врз военопоморска база во Санкт Петербург.

– Што се однесува до конкретниот одговор на овие нападите: информациите за ова се исклучиво право на регионалните власти и на нашето Министерство за одбрана. Но, генерално, можам да кажам дека специјалната воена операција продолжува, токму со цел да се спречат ваквите напади – наведе Песков.

Претходно, украинскиот претседател Володимир Зеленски потврди дека украинската армија уништила нафтен терминал во Санкт Петербург, како и фабрика за производство на оружје во Тамбовската област.

Погодениот нафтен терминал во Санкт Петербург е оддалечен од украинската граница 1.100 километри.

ЗЕЛЕНСКИ СЕ ФАЛИ ДЕКА ГО УНИШТИЛ СТ. ПЕТЕРСБУРГ Црн чад и пожари во родниот град на Путин

The post РУСИЈА ЌЕ ПРОДОЛЖИ СО СИСТЕМАТСКИТЕ НАПАДИ ВРЗ УКРАИНА Песков не открива каков ќе биде одговорот на украинскиот напад врз Санкт Петерсбург appeared first on plusinfo.mk.

Руската војска ноќеска (вторник наутро) изврши големи напади врз повеќе претпријатија од воената индустрија во пет украински региони и во Киев и Запорожје, објави руското Министерство за одбрана.

Нападите биле насочени и кон транспортната инфраструктура, вклучувајќи ги и воените аеродроми.

Руското министерство ги опиша нападите како масовна одмазда за она што според руските тврдења беше терористички напад врз студентскиот дом во Луганск, каде загинаа 23 лица и за други напади врз цивилната инфраструктура на Русија.

Погодени воени и енергетски објекти

Според соопштението на министерството, целите биле објекти во регионите Харков, Суми, Дњепропетровск, Хмелницки и Полтава, како и во главниот град Киев и во регионот Запорожје.

Kiev this morning. Any civillian casualties were, as usual caused by Ukrainian air defences.

The following defence industrial targets were struck / destroyed-

logistics center RC “Vishneve” in the city of Vishneve. Coordinates: 50.383982, 30.335754.

A military garage… pic.twitter.com/asCQpNEiGp

— Chay Bowes (@BowesChay) June 2, 2026

„Три претпријатија од воената индустрија беа погодени во регионот Харков, вклучувајќи ја Харковската државна фабрика за авиони и два објекта од украинскиот енергетски комплекс“, соопшти министерството.

Во Сумската област е погодена државната фабрика „Звијезда“ во Шостка, додека во Дњепропетровската област, цел беше компанијата „Фајер Поинт“, која произведува компоненти за дронови и за ракети со долг дострел, како и логистички центар.

Напади беа извршени и врз претпријатија во областите Хмелницки и Полтава, како и врз инфраструктурата на шест воени аеродроми во областите Черкаси, Ривно, Житомир, Кировоград, Хмелницки и Киев. Десет компании и три центри за регрутирање беа погодени во самиот Киев. Во делот на Запорожје, кој е под контрола на Украина, беа погодени објектите на Инженерскиот институт „Омелченко“ и Авијацискиот институт „Мотор Сич“.

„Одмазда за нападот врз студентскиот дом“

Руското Министерство за одбрана вели дека нападите се одговор на нападот со беспилотни летала на украинските сили врз студентскиот дом во Старобилск ноќта на 22 мај, каде што престојуваа 86 студенти. При уривањето на зградата загинаа 21 студент, а 44 беа повредени. Според рускиот претседател, Владимир Путин, нападот не бил случаен, а преживеаните наводно раскажале како беспилотните летала долго време кружеле над нив и ги таргетирале.

Киев, од друга страна, тврди дека во нападот била погодена руска воена единица.

Руското Министерство за надворешни работи истакна дека „режимот на Зеленски и неговите западни спонзори покажале непочитување на нормите на меѓународното хуманитарно право“, поточно Женевските конвенции од 1949 година и Конвенцијата за правата на детето од 1989 година.

Министерството за одбрана соопшти дека армијата постојано ќе ги таргетира центрите за донесување одлуки и командните места. Исто така, се додава во соопштението, ќе ги сметаат за легитмни цели објектите на воено-индустрискиот комплекс, кои режимот во Киев ги користи заедно со експертите на НАТО за испорака на компоненти, разузнавање и за таргетирање.

Најмалку 18 лица беа убиени, меѓу кои и две деца, а повеќе од 100 беа повредени во синоќешните руски напади со ракети и беспилотни летала низ Украина.

– Тоа беше еден од најтешките напади врз Украина во последните месеци, насочени кон цивилна инфраструктура и енергетски објекти – изјави претседателот на Украина, Володимир Зеленски.

Жртви во Днепар и во Киев

Најголем број жртви, 12, има во Днепар, додека 6 лица загинаа во главниот град Киев.

– Спасувачите кои ги пребаруваа урнатините на станбена зграда во Днепар ги пронајдоа телата на осумгодишно момче и жена – изјави регионалниот гувернер Олександр Ханжа.

Со ова, бројот на жртви во градот се искачи на 12.

Ханжа додаде дека уште едно дете е убиено во експлозијата.

Повеќе од 90 лица се повредени во Днепар и Киев. Во Харков на североистокот од земјата, каде што беа цел и енергетски и цивилни објекти, 10 лица се повредени, вклучувајќи и едно дете.

Зеленски: Итно ни требаат ракети „Патриот“

Во видео обраќање синоќа Зеленски предупреди на можноста за „масовен напад“ и ги повика жителите внимателно да ги следат предупредувањата за опасност во воздухот. Во вторник наутро, тој објави дека Русија лансирала 656 дронови и 73 ракети од различни видови – балистички, крстосувачки и противбродски.

– Главниот удар беше насочен кон Киев, каде што повторно беа оштетени десетици станбени згради и друга исклучиво цивилна инфраструктура. Итно ни е потребна помош од Соединетите Американски Држави во испораката на пресретнувачки ракети за системите „Патриот“ – рече украинскиот претседател.

Достапноста на ракетите „Патриот“ е ограничена, а ситуацијата е дополнително комплицирана од војната меѓу на САД и Израел против Иран. Откако се врати на власт минатата година, американскиот претседател Доналд Трамп ги прекина директните испораки за Украина, па европските сојузници на Киев ги купуваат системите од САД, а потоа ги испраќаат во Украина.

Москва: Нападите ќе продолжат

Руското Министерство за одбрана соопшти дека сите цели на ударот се постигнати.

Москва, која ја почна војната со Украина во 2022 година, минатата недела предупреди дека ќе почне „систематски напади“, по смртоносниот напад врз студентскиот дом.

Кремљ денес соопшти дека ги спроведува „систематските напади“ што претходно ги вети.

– Оваа практика ќе продолжи – изјави денеска портпаролот на Кремљ, Дмитриј Песков.

РУСИЈА ГИ ТОЛЧИ КИЕВ И ДРУГИ УКРАИНСКИ ГРАДОВИ Најмалку 10 мртви и стотина повредени

The post 🎥 БРУТАЛЕН РУСКИ НАПАД ВРЗ УКРАИНА Русите објавија кои цели ги погодиле appeared first on plusinfo.mk.

Украинскиот претседател Володимир Зеленски испрати итно писмо до американскиот претседател Доналд Трамп во кое го предупредува за растечкиот недостиг на украински системи за противвоздушна одбрана, особено антибалистички одбранбени капацитети, пишуваат украиснките медиуми.

Апелот доаѓа во време кога Русија ги засилува масовните воздушни напади врз Украина и јавно се заканува со нов бран напади со долг дострел врз Киев, вклучително и напади врз места опишани како „центри за донесување одлуки“ на Украина.

„За противвоздушната ракетна одбрана, ние се потпираме на нашите пријатели. Но, кога станува збор за балистичка ракетна одбрана, ние зависиме речиси исклучиво од Соединетите Американски Држави“, се вели во писмото од Зеленски до Трамп.

Украинските власти стравуваат дека ограничените залихи на пресретнувачките ракети „Патриот“ и други системи од Западот тешко би можеле да го издржат сегашното ниво на бомбардирање.

„Ве молам помогнете“

Според официјалните лица, амбасадорката на Украина во САД, Олха Стефанишина, го доставила писмото до Белата куќа, до претседателот на Претставничкиот дом, Мајк Џонсон и до други членови на Конгресот.

Во писмото, исто така, е нагласена растечката загриженост на Киев поради тешкотиите во набавката на оружје преку програмата „Приоритетна листа на барања за Украина“ (PURL), која им овозможува на сојузниците на НАТО да финансираат купување американско оружје за Украина.

„Сегашната динамика на испораките преку програмата PURL повеќе не одговара на реалната закана со која се соочуваме. Ве молам помогнете да се заштити украинското небо од руските ракети“, пишува Зеленски.

Во име на украинскиот народ, додава тој, со почит го молам претседателот и американскиот Конгрес да останат ангажирани.

„И да ни помогнат да ја обезбедиме оваа клучна алатка за заштита од рускиот терор – ракетите Патриот ПАК-3 и дополнителните системи, за да ги запреме руските балистички ракети и другите ракетни напади“, апелира украинскиот претседател.

Зголемен притисок врз противвоздушната одбрана

Најновиот голем напад на Русија дополнително го истакна растечкиот притисок врз воздушната одбрана на Украина. Украинските воздухопловни сили објавија дека руските сили за време на масовниот ноќен напад на 24 мај лансирале 90 ракети и 600 дронови.

На 16 април Зеленски му нареди на командантот на воздухопловните сили, Микола Олешчук, итно да контактира со партнерските земји кои ветија ракети „Патриот“ и други залихи од воздушната одбрана, со оглед на тоа што украиснките залихи на пресретнувачите се намалуваат. Таа директива следеше по предупредувањето на Зеленски дека залихите на ракети „Патриот“ произведени во САД достигнале критично ниво.

Москва ги засилува своите закани

На 25 мај Русија објави планови за нова серија масовни напади со долг дострел врз Киев, опишувајќи ги како одмазда за украинскиот напад во Луганск.

Русија тврди дека украинскиот напад погодил студентски дом, а Киев вели дека целта бил руски команден центар за беспилотни летала.

Рускиот министер за надворешни работи Сергеј Лавров му соопшти на американскиот државен секретар Марко Рубио во телефонски разговор на 25 мај дека Москва планира напади врз украинските „центри за донесување одлуки“ и го повика Вашингтон да ја евакуира американската амбасада во Киев.

Во своето писмо Зеленски изрази уверување дека небото над Украина може да се заштити.

„Повеќето руски ракети можат да бидат запрени“, му напиша тој на Трамп.

The post ЗЕЛЕНСКИ ИСПРАТИ ИТНО ДРАМАТИЧНО ПИСМО ДО ТРАМП „Ситуацијата е критична, Ве молам помогнете…“ appeared first on plusinfo.mk.

Во екот на војната, во Украина продолжува сложениот политичко-судски трилер познат како „аферата Миндич“, што прерасна во најголемата внатрешна политичка криза од почетокот на борбите со Русија.

Самиот скандал повеќе не е само вообичаено прашање за корупција, туку институционална војна помеѓу Канцеларијата на претседателот и Националното антикорупциско биро на Украина (НАБУ), кое ужива директна поддршка од Западот.

Тимур Миндич

Аферата е именувана по Тимур Миндич, влијателен бизнисмен близок до украинскиот претседател Володомир Зеленки. Неодамна беше откриено дека НАБУ го прислушкувал станот на Миндич, а кога овие аудиоснимки беа објавени во јавноста, беше разоткриена голема корупциска мрежа во која клучните актери се луѓе од внатрешниот круг на претседателот Зеленски.

Како дел од овие откритија, беше откриена и шема со договори со државната енергетска компанија Енергоатом, кои биле користени за плаќање разни провизии, а парите биле користени за изградба на луксузно викенд-одморалиште во близина на Киев, наводно наменето за самиот врв на владата.

Аферата има и таканаречен воен крак. Документирано е дека поранешниот министер за одбрана Рустем Умеров бил директно притиснат да додели мултимилионски државни договори на компанија наводно контролирана од Тимур Миндич. Иако несомнено станува збор за корупциска афера, по која главните актери беа отпуштени или притворени, ситуацијата не се смири.

Спротивставени страни

Политичката арена е поделена на два табора кои ги користат разузнавањето, уцената и медиумите како оружја против другата страна.

Неодамна, Андриј Јермак, најдоверливиот човек на украинскиот претседател, исто така стана „жртва“ на овој конфликт. Тој е идентификуван како клучна личност во одржувањето на претседателот Зеленски на власт.

НАБУ официјално го обвини за перење пари и тој помина неколку дена во притвор. Украинскиот претседател наводно зад сцената организирал собирање мултимилионска сума за кауција, за да обезбеди ослободување на Јермак. Сепак, Јермак повеќе не може официјално да ги извршува своите должности и се соочува со серија обвиненија.

Многу повеќе од корупција

Самиот претседател Зеленски е под огромен притисок веќе неколку месеци, а од неодамна има сериозни сомневања дека има необјавени делови од снимките што го содржат и неговиот глас и гласот на првата дама Олена Зеленска. Покрај нив, најголемото име е Герман Галушченко, поранешен министер за правда и поранешен министер за енергетика, кој беше уапсен во февруари оваа година во воз за Варшава, додека се обидуваше да избега од Украина.

Аферата Миндич е многу повеќе од приказна за корупција. Западните партнери на Украина се соочуваат со притисоци во сопствените општества поради испраќањето големи количини воена и финансиска помош во Украина, додека корупцијата таму цвета.

Зајакнувањето на институцијата НАБУ, или поточно, воспоставувањето надворешен надзор над украинското судство од перспектива на Западот, е совршен лост за контрола. Покрај тоа, во Украина се појави и хетерогена група која сака да ја „скрши“ вертикалата на моќ на претседателот.

Прво, постои таканаречениот прозападен блок: невладини организации, медиуми и разни оперативци во рамките на САПО (Специјализирано обвинителство за борба против корупцијата) и на НАБУ. Крајната цел е да се потисне корупцијата преку воведување западна контрола врз судството. Втората група се опозициските сили собрани околу поранешниот претседател Петр Порошенко, додека третата група е собрана околу Игор Коломојски – олигарх кој е во голема мера одговорен за доаѓањето на власт на претседателот Зеленски, а кој подоцна се најде во негова „немилост“. Аудиоснимките беа објавени во јавноста токму од кругот на луѓето околу Коломојски.

Антикорупциски тела

Иако Западот се обидува да воспостави контрола врз судството преку НАБУ, конфигурацијата на структурите во ова тело не е толку хомогена. Постои поделба и во самите антикорупциски тела.

Раководителите на антикорупциските тела ги штитеа и самиот Зеленски и Андриј Јермак. За возврат, СБУ (Служба за безбедност на Украина), која е под контрола на украинскиот претседател, ги запре кривичните гонења за велепредавство против оние лица од антикорупциските тела кои некогаш имале врски со проруски претставници.

Сепак, охрабрени од поддршката на западните структури, истражителите ги објавија снимките во јавноста по заобиколни патишта и со тоа го принудија раководството да поднесе обвиненија. Наскоро, почнаа да се објавуваат и „валкани алишта“ во јавноста кога вработените во овие тела почнаа јавно да се обвинуваат едни со други.

Притисок од Западот

Во сето ова, клучниот проблем на Кабинетот на претседателот е што западните партнери, од кои во голема мера зависи опстанокот на Украина, се и главните спонзори на антикорупциските агенции кои се во конфликт со претседателот.

Дополнително, еден од главните услови за пристапување кон ЕУ е внатрешната реформа на Украина, според која на меѓународните експерти би им било дадено право да стават вето на изборот на судии, без оглед на тоа кој би бил на власт во Киев. До одреден степен, ова е напад врз украинскиот суверенитет.

Од друга страна, логиката на Западот да го контролира протокот на пари што ги испраќа во Украина е оправдана. Со тоа се стигнува до точката каде што позициите на украинското и на западното раководство се разликуваат.

Западните лидери веруваат дека со финансирањето на Украина, тие ѝ помагаат на Украина да ја задржи својата независност и правото на геополитичко позиционирање, додека Киев верува дека финансирањето на Украина е обврска на Европа која со „украинска крв“ се штити од Русија. До одреден степен, двете страни се во право.

Преговори, Путин и Трамп

Европа секако има две клучни причини за финансирање на украинската одбрана, но во позадина Европа го подготвува теренот за крајот на војната и за првите повоени избори во Украина. Досега се воспостави мислењето дека Европа чека Русија сама да се сруши, што беше дури и неофицијална доктрина на европските земји.

Сепак, тука се појави проблемот со билатералниот договор меѓу американскиот претседател Доналд Трамп и рускиот претседател Владимир Путин, кои речиси сигурно нема да ги прифатат европските или украинските предлози. Затоа, Европа очајно треба да стане субјект, а не само објект во геополитичките односи. Во оваа смисла, влијанието на Европа врз украинските антикорупциски тела може да послужи и како лост за прифаќање на тие услови во преговорите што Киев можеби нема да сака да ги прифати.

Зеленски и Јермак

Покрај тоа, не е тајна дека европските лидери не го гледаат украинскиот претседател како личност склона кон компромис и веројатно би го замениле со некој што е пофлексибилен во оваа смисла. Сепак, изборите во Украина не можат да се одржат пред да се договори прекин на огнот. Затоа, ако Европа, САД, Русија и Украина успешно се договорат за прекин на огнот во која било форма, изборите се неизбежни, а на нив Зеленски сигурно не би бил кандидатот што Западот ќе го поддржи.

Претседателот Зеленски затоа се соочува со една од најтешките политички одлуки. Ако одобри закони што би им овозможиле на западните структури да го контролираат украинското судство, тој ќе ја задржи европската финансиска и воена помош, но ќе стане политичка фигура без вистинска моќ.

Ако одбие, ја ризикува понатамошната поддршка од Западот, што последователно би можело да доведе до колапс на фронтот и внатрешни немири.

Со оглед на тоа што истрагите за аферата стигнаа до него, речиси и да нема простор за маневрирање и за одложување.

The post УКРАИНА Е ВО НАЈГОЛЕМАТА КРИЗА ОД ПОЧЕТОКОТ НА ВОЈНАТА Зеленски се соочува со најтешката одлука appeared first on plusinfo.mk.

Украина заврши со поправка на оштетениот дел од нафтоводот Дружба и се подготвува за повторно пуштање во употреба, изјави денеска украинскиот претседател Володимир Зеленски.

Toj предупреди дека нема гаранција дека Русија нема повторно да го ракетира нафтоводот.

Претседателот на Европски совет, Антонио Кошта на платформата Икс му се заблагодари на Зеленски за поправката на нафтоводот, кој според Киев беше оштетен при руски напад со дронови.

Поправката на Дружба е спорно прашање поради што беше одложено одобрувањето на кредит од Европска Унија за Украина во висина од 90 милијарди евра.

Унгарија и Словачка два месеци не добиваа руска нафта преку Дружба, поради што Будимпешта и Братислава ја обвинуваа Украина дека ја опструира доставата.

Претходно Зеленски изјави дека не сака да дозволи руската нафта да поминува низ неговата земја.

The post УКРАИНА ГО ПОПРАВИ НАФТОВОДОТ „ДРУЖБА“ Се подготвува повторното пуштање на нафтата appeared first on plusinfo.mk.

Вооружан инцидент и заложничка драма се случија денеска во киевскиот регион Холосиевска, во кој загинаа пет лица, а 10 беа повредени. Четворица заложници се успешно ослободени од полициските сили, а напаѓачот е убиен.

Министерството за внатрешни работи соопшти дека напаѓачот отворил оган врз цивили, а подоцна се забарикадирал во продавница, каде земал заложници. И покрај обидите на полицијата за мирно решавање на ситуацијата, тој продолжил со пукање во продавницата.

Обвинителството информира дека дел од жртвите се пронајдени на улица, а едно лице во внатрешноста на објектот.

Властите најавуваат дека сите околности околу нападот се предмет на истрага, а дополнителни информации ќе бидат објавени по нејзиното завршување.

Градоначалникот на Киев, Виталиј Кличко соопшти дека меѓу ранетите во округот Холосивски има едно дете.

Украинскиот претседател Володимир Зеленски потврди дека 5 лица се убиени, а десетина се ранети.

„Украинскиот министер за внатрешни работи Игор Клименко штотуку објави дека напаѓачот во Киев, кој отвори оган врз луѓе, е елиминиран. Сите околности се разјаснуваат. Во моментов е познато дека 5 лица се убиени. Им изразувам сочувство на нивните семејства и најблиските“, објави Зеленски.

Истражители од Националната полиција и Службата за безбедност на Украина, работат на истрагата, додаде Зеленски.

Министерот Клименко објави дека напаѓачот е елиминиран откако специјалните сили упаднале во продавницата каде што се засолнил. Тој држел заложници и пукал во полицајците кои се обиделе да го приведат. Пред тоа, имало обид за воспоставување контакт со него.

The post 🎥 ЗАЛОЖНИЧКА КРИЗА ВО КИЕВ, 5 МРТВИ, 10 РАНЕТИ Полицијата го уби напаѓачот, кој пукал врз луѓе на улица appeared first on plusinfo.mk.

Украинскиот претседател Володимир Зеленски синоќа изјави дека украинската страна оваа недела ќе одржи разговори со европските партнери за создавање заеднички систем за воздушна одбрана.

– Сигурен сум дека или Украина ќе стане составен дел од европскиот безбедносен систем или некои во Европа ризикуваат да станат дел од рускиот свет – рече Зеленски.

Тој изјави дека Украина не само што ги следи промените, туку е и меѓу лидерите во развојот на безбедносните технологии.

Зеленски рече дека украинското безбедносно искуство и воената експертиза сега се најбараната стока за десетици земји ширум светот.

– Ние нудиме безбедносно партнерство , долгорочно и профитабилно за Украина – нагласи украинскиот претседател.

The post ВОЕНАТА ЕКСПЕРТИЗА НА УКРАИНА СЕГА Е НАЈБАРАНАТА СТОКА ВО ДЕСЕТИЦИ ЗЕМЈИ Зеленски ќе разговара за заедничка воздушна одбрана со европските партнери appeared first on plusinfo.mk.

Украина воспоставува безбедносно-одбранбени партнерства со повеќе земји од Персискиот Залив, изјави претседателот Володимир Зеленски, посочувајќи дека Украина склучи „историски договори“ со Саудиска Арабија, Обединетите Арапски Емирати и со Катар.

Зеленски во своето вечерно видеообраќање по враќањето од посетата на Блискиот Исток и држави во Заливот, изјави дека Украина соработува уште и со Јордан и со Кувајт, како и дека има интерес за соработка и со Бахреин и со Оман.

– Украина извезува одбранбени системи, воено искуство и техничко знаење, при што очекува возвратна соработка во безбедносната сфера – рече Зеленски.

Тој додаде дека веќе се постигнати договори за зајакнување на противвоздушната одбрана, заеднички развој на производството на оружје, како и за соработка во енергетскиот сектор.

Украина, која повеќе од четири години се брани од руската воена интервенција, им нуди помош на државите од Блискиот Исток во обука на персонал и тактики за одбрана од иранските напади извршени со дронови и ракети.

The post УКРАИНА СКЛУЧИ ИСТОРИСКИ ДОГОВОРИ СО ЗЕМЈИТЕ ОД ПЕРСИСКИОТ ЗАЛИВ Соработка во одбраната и во енергетиката appeared first on plusinfo.mk.

Ако украинскиот претседател Володимир Зеленски сака да биде финансиран од Брисел, Украина мора да ги обнови испораките преку нафтоводот „Дружба“, рече денеска премиерот на Унгарија, Виктор Орбан.

– Ако нема нафта, нема пари – нагласи Орбан во видео објавено на Фејсбук.

Тој наведе дека денеска разговарал со претседателот на Европскиот совет, Антонио Кошта и со премиерот на Словачка, Роберт Фицо за украинската блокада на испораките на нафта.

Орбан истакна дека ставот на Унгарија останува непроменет.

– Ако Зеленски сака да добие пари од Брисел, мора да ја обнови работата на нафтоводот „Дружба“ – истакна Орбан.

Тој, исто така, ја обвини Украина дека ја користи блокадата на нафтата, за да влијае на домашната политичка ситуација во Унгарија во корист на опозициската партија Тиса.

The post АКО НЕМА НАФТА ПРЕКУ „ДРУЖБА“ ЌЕ НЕМА НИ ЕВРОПСКИ ПАРИ ЗА УКРАИНА Орбан повторно го предупреди Зеленски appeared first on plusinfo.mk.