Американскиот претседател Доналд Трамп се огласи на социјалните мрежи и го предупреди најголемиот малопродажен синџир во светот „Волмарт“ да не ги префрла трошоците од зголемените царини за кинески производи врз своите потрошувачи.

„Волмарт’ треба да престане да ја префрла вината врз царините за зголемувањето на цените низ целиот свој синџир продавници. Минатата година Волмарт заработи милијарди долари, многу повеќе од очекуваното. Во односот со Кина, ‘Волмарт’ треба, како што се вели, да ги ‘проголта царините’ и да не им наплаќа ништо на своите ценети клиенти“, напиша Трамп на својата социјална мрежа „Truth Social“.

Американскиот претседател додаде дека тој, како и купувачите, внимателно ќе следат што се случува со цените, пренесува Ројтерс.

Изјавата на Трамп доаѓа откако „Волмарт“ предупреди дека новите, повисоки царини ќе го принудат да ги зголеми цените на голем број производи, од прехранбени производи до детски автомобилски седишта и производи за домаќинството.

Финансискиот директор на „Волмарт“, Џон Дејвид Рејни, истакна дека, на пример, автомобилските седишта би можеле да се зголемат по цена до 29 проценти, што директно влијае на американските семејства.

Извршниот директор на „Волмарт“, Даг Мекмилон, нагласи дека компанијата отсекогаш се обидувала да ги одржува цените што е можно пониски, но дека не може целосно да ги апсорбира дополнителните трошоци поради високите маржи на мало.

The post „ВОЛМАРТ“ ЗАРАБОТИ МИЛИJАРДИ, НЕКА ГИ ПРОГОЛТА ЦАРИНИТЕ Трамп загрме по познатата американска компанија appeared first on plusinfo.mk.

Меѓу загинатите е и осомничениот напаѓач кој работел како менаџер во маркетот, но сè уште не се знае дали се самоубил или бил неутрализиран од полицијата. Еден од работниците кои го преживеале нападот вели дека напаѓачот излегол од канцеларијата и наеднаш почнал да пука. Тој исто така тврди дека меѓу загинатите има и девојка и чистачка, но полицијата сè уште не го соопштува идентитетот на загинатите.

– Едно лице го молеше напаѓачот да застане, а тој ѝ рече грубо да се тргне од патот. Напаѓачот е еден од нашите менаџери. Бев во просторијата за одмор кога ги слушнав истрелите – изјави еден од работниците. Тој легнал на подот и се преправал дека е мртов за да го преживее нападот.

Полицијата сè уште не ја знае точната бројка на загинати и повредени. По повикот на лице место излегле и спасувачките и тактичките екипи, а во моментот кога пристигнале пред маркетот пукањето престанало. Полицијата не пукала во напаѓачот, но сè уште не е сигурно дали тој се самоубил или бил застрелан од некој друг.

Нападот во градот Чесапик, на 240 километри југоисточно од главниот град Вашингтон, се случува во пресрет на прославата на американскиот празник Ден на благодарноста. Ова е второ масовно пукање во САД оваа недела, откако во друг напад во ЛГБТ клуб во Колорадо беа убиени петмина луѓе.

The post ДЕВОЈКА ДО МЕНЕ БЕШЕ ЗАСТРЕЛАНА ВО ГЛАВА Преживеани сведочат за ужасниот масакр во Вирџинија appeared first on plusinfo.mk.

Напаѓачот е пронајден мртов во продавницата, изјави портпаролот на локалната полиција Лео Косински.

– Полицајците влегле во продавницата и пронашле повеќе мртви и повредени – рече Косински и додаде дека полицијата сè уште не може да го потврди точниот број на загинати, но смета дека има „помалку од десет”.

Косински рече дека верува оти полицијата не отворила оган, но и оти меѓу загинатите е и напаѓачот. Полицајците сè уште ја разгледуваат продавницата во потрага по жртви.

Градските власти на Чесапик побараа од луѓето да се држат настрана од продавницата за време на истрагата.

Вработен во Волмарт се уклучи во живо на социјалните мрежи, кажувајќи им на гледачите дека неговиот менаџер влегол во просторијата за одмор и застрелал повеќе членови на персоналот.

#BREAKING: A Walmart manager has shot multiple employees ⁰
#Chesapeake l #VA ⁰
Police are to responding to multiple fatalities and injuries inside a Walmart superstore in VA with officials saying the Manager at Walmart Started to open fire shooting Multiple employees inside pic.twitter.com/JgnCleOvz3

— R A W S A L E R T S (@rawsalerts) November 23, 2022

Сенаторката од сојузната држава Вирџинија Луис Лукас објави изјава во која вели дека е „апсолутно скршена од тага поради тоа што последното масовно пукање во Америка се случи во Волмарт” во нејзиниот округ.

– Нема да запрам додека не најдеме решенија за ставање крај на оваа епидемија на насилство со оружје во нашата земја која однесе толку многу животи – нагласи таа.

The post ПУКАЊЕ ВО ПРОДАВНИЦА НА ВОЛМАРТ ВО САД Не се знае бројот на загинати (ВИДЕО) appeared first on plusinfo.mk.

Во САД, еден маж е уапсен затоа што вперил пиштол кон друг купувач кој го замолил да стави маска поради пандемијата на коронавирусот. Тоа се случило во продавница на Волмарт на Флорида.

Винсент Скавета (28) е уапсен за напад со смртоносно оружје и недозволиво покажување на огнено оружје, соопштија од канцеларијата на шерифот на Палм Бич.

„Добредојдовте во затворот во Палм Бич, синко. Ова нека ти биде лекција. Можеше да заврши и полошо“, се вели во објавата на нивниот Твитер-профил.

Волмарт, најголемиот светски ланец за малопродажба, од 20 јули бара од сите луѓе во нивните продавници да носат маски.

The post Го замолиле да стави маска во продавница, тој извадил пиштол appeared first on plusinfo.mk.

Всушност, некои корпорации се побогати дури и од комбинација на економиите на неколку земји, објави „World Atlas“.

Ова е списокот од десет компании кои се поголеми од економиите на некои земји:

Walmart

Синџирот на дисконти Walmart е гигант меѓу трговците на мало, а има пазарна капитализација од над 310 милијарди долари, што е повеќе од номиналниот бруто домашен производ на Египет, земја што има популација од околу 100 милиони жители.

Johnson & Johnson

Компанијата што се занимава со производство на производи за широка потрошувачка, фармацевтски и медицински производи има пазарна капитализација од 324,7 милијарди долари. Да беше Johnson & Johnson земја, ќе беше меѓу топ четириесет светски економии.

Visa

Пазарната капитализација на оваа компанија што се занимава со платежни трансакции достигна ниво од 347,1 милијарда евра, што е исто колку и бруто домашниот производ на Данска, којашто е 39-та од 50 најмоќни економии во светот.

Berkshire Hathaway

Овој холдинг, чиј сопственик е милијардерот Ворен Бафет, сочинува повеќе од 60 компании. Неговата пазарна капитализација изнесува 436,8 милијарди долари, што е повеќе од номиналната вредност на БДП на Обединетите Арапски Емирати. Ако компанијата на Бафет беше држава, тогаш ќе беше меѓу 30-те најмоќни на глобално ниво.

Facebook

Под “капата“ на оваа социјална мрежа, во сопственост на Марк Цукерберг, се и Instagram, WhatsApp, Messenger, Oculis…, чија вкупна пазарна капитализација надминува 446,9 милијарди долари. Тоа е повеќе и од номиналниот БДП на Нигерија, земја во западна Африка што е богата со нафта и има повеќе од 200 милиони жители.

Alibaba

Кинескиот „џин“ за електронска трговија, чиј основач е еден од најбогатите Кинези – Џек Ма, има пазарна капитализација од 505,9 милијарди долари. Тоа е истата онаа вредност што ја има номиналниот БДП на Белгија, којашто е 25-та најмоќна економија во светот.

Alphabet

Alphabet, што е компанија „мајка“ на Google, има пазарна капитализација од 763,2 милијарди долари. Тоа ја прави финансиски помоќна од Турција, 19-та најбогата земја во светот со номинален БДП од 743,7 милијарди долари.

Amazon

Гигантот за електронска трговија, Amazon, чиј сопственик е најбогат човек на планетата, на пазарот вреди 945,9 милијарди долари. Да е Amazon на Џеф Безос држава, тогаш би била на местото на Холандија, којашто е 17-та најсилна економија во светот со номинален БДП од 902,36 милијарди долари.

Apple

Втората најмоќна компанија во светот, којашто доаѓа од ИТ секторот, вреди 1.084 милијарди долари, а тоа ја прави да биде финансиски посилна од Индонезија, којашто е 16-та најголема економија и четврта земја во светот по број на жители.

Microsoft

Компанијата, зад чија основа стои Бил Гејтс, е најмоќната компанија со светот со проценета вредност од 1.138 милијарди долари. Во случај Microsoft да беше држава, ќе беше 15-та финансиски најсилна земја во светот.

The post Многу светски економии можат да им завидат на овие компании appeared first on plusinfo.mk.