Руската закана за источното крило на НАТО би можела да се зголеми доколку дојде до прекин на огнот во Украина, смета Волфганг Ишингер, претседател на Минхенската безбедносна конференција.

– Додека Украина ја брани Европа, заканата не е толку голема – рече дипломатот во интервју објавено денес од „Тагесшпигел“.

Ова значи дека армиите на рускиот претседател Владимир Путин во моментов се приковани таму и „тој губи илјадници војници неделно“.

– Штом ќе се случи прекин на огнот во Украина, ситуацијата ќе се промени – вели Ишингер на една недела пред 62-то издание на меѓународната Минхенска безбедносна конференција, која секоја година се одржува во главниот град на Баварија.

– Путин потоа може да продолжи со своето вооружување и заканата за источното крило на НАТО ќе се зголеми – рече Ишингер.

Но, без оглед на тоа, германскиот експерт нагласи дека најважно е крвопролевањето во Украина да заврши што е можно поскоро.

– Нема ништо повеќе што би го посакал за народот на Украина. Но, руската закана за нас Германците ќе се зголеми доколку евентуалното примирје не биде придружено со значително намалување на воениот потенцијал акумулиран во западните воени области на Русија – рече Ишингер.

Сепак, ова веројатно нема да се случи, додаде тој.

– И токму затоа не можеме да седиме и да се опуштиме само затоа што има примирје – рече тој.

Исходот од војната во Украина е прашање пар екслеанс, кое влијае на судбината на Германија и на Европа. Киев денес ја брани цела Европа, а не само своите територии – смета Ишингер.

The post АКО ДОЈДЕ ДО ПРЕКИН НА ОГНОТ ВО УКРАИНА, ЌЕ СЕ ЗГОЛЕМИ ОПАСНОСТА ЗА ЕВРОПА ОД РУСИЈА Сепак, најдобро е крвопролевањето да запре, порача Ишингер appeared first on plusinfo.mk.