Иранските медиуми денеска објавија дека Иран ќе го затвори Ормускиот теснец неколку часа додека таму спроведува воени вежби.

Иран вчера објави дека ќе одржи поморски воени вежби во водните патишта важни за меѓународната трговија, низ кои минуваат 20 проценти од светската нафта. Иран претходно одржа вежби со боева муниција во Ормускиот теснец пред неколку недели, но не го затвори.

Полуофицијалната новинска агенција Тасним, блиска до паравоената Револуционерна гарда, соопшти дека ракетите лансирани од Иран по должината на брегот ги погодиле своите цели во Ормускиот теснец.

Иранската државна телевизија денеска објави дека разговорите со САД во Женева ќе бидат индиректни и ќе се фокусираат на нуклеарната програма на Иран и нема да се однесуваат на домашните политики, вклучително и на минатомесечното задушување на демонстрантите.

Американскиот претседател Доналд Трамп постојано се заканува дека ќе употреби сила за да го принуди Иран да ја ограничи својата нуклеарна програма, а Иран одговори велејќи дека ќе возврати со напад.

Ормускиот теснец е еден од најстратешките морски премини во светот, бидејќи низ него секојдневно минува околу една петтина од глобалното снабдување со нафта, како и значителни количини течен природен гас. Секое, па дури и краткотрајно затворање на теснецот може веднаш да предизвика раст на цените на нафтата на светските берзи, нарушувања во синџирите на снабдување и зголемена неизвесност на финансиските пазари.

Иако Иран во изминатите децении повеќепати се закануваше со блокада на Ормускиот теснец – особено во периоди на зголемени тензии со САД – целосно и долготрајно затворање досега не е спроведено. Дури и за време на т.н. „Танкерска војна“ во 1980-тите, во рамки на конфликтот меѓу Иран и Ирак, пловидбата беше сериозно загрозена со напади врз танкери, но теснецот никогаш формално не беше целосно затворен.

САД ГО САРДИСАА ИРАН СО НОСАЧИ, АВИОНИ-ЛОВЦИ И БРОДОВИ РАЗОРУВАЧИ Опцијата за војна е подготвена, доколку пропаднат преговорите со Техеран

The post ЧЕКОР ПОБЛИСКУ ДО ВОЈНА НА БЛИСКИОТ ИСТОК Иран го затвори Ормускиот теснец, Вашингтон во шок appeared first on plusinfo.mk.

Двајца словенечки офицери ќе ја носат знамето на малата армија во далечниот Гренланд, како дел од меѓународната воена вежба „Арктичка отпорност“ предводена од Данска. Одлуката ја потврдиле министри на седница на словенечката владата што траеше цела ноќ, а заврши утринава во 10 часот, пишува словенечкиот Н1.

„Доколку сè оди според планот, тие наскоро ќе се упатат таму“, се вели во текстот.

Во образложението на словенечката влада се вели и дека доколку има потреба од поголемо ангажирање на капацитетите на словенечката армија, владата ќе одлучи за тоа со посебна одлука.

Вежбата има цел да го зајакне присуството на НАТО во Арктикот и да испрати порака на одвраќање кон Русија, но и кон американскиот претседател Доналд Трамп, кој неколкупати изјави дека САД ќе го преземат Гренланд „без или со употреба на сила“. Трамп неодамна изјави дека би можел да воведе царини за земјите кои не се согласуваат со американското преземање на островот.

Данската арктичка команда соопшти дека на вежбата се поканети и САД, како дел од сојузничките операции поврзани со конфликтот во Украина. Генерал-мајорот Сорен Андерсен рече дека Арктикот е препознаен во новиот стратешки концепт на НАТО како простор во кој Русија би можела да го ограничи сојузничкото движење и навигација.

Андерсен најави дека и балтичките земји наскоро ќе се приклучат, дека Канада ќе учествува и дека НАТО има соработка со САД „рамо до рамо“. Некои ја протолкуваа неговата изјава како индиректна покана до САД да учествуваат во вежбата.

Целта, според него, е „единство и солидарност на алијансата дури и на најсеверните точки на светот“.

Но, токму тие „симболични“ бројки предизвикаа потсмев и критики во дел од Европа. Италијанскиот министер за одбрана, Гвидо Кросето, јавно ја исмеа иницијативата за мали контингенти.

– Гренланд. Се прашувам зошто. Патување? Петнаесет Французи, петнаесет Германци – звучи како почеток на шега– рече тој во Рим.

Тој нагласи дека не сака Европа да изгледа како „збир на расфрлани контингенти“, туку како обединета сила што ќе покаже вистинско одвраќање.

Кој и колку војници досега испрати на Гренланд? З

Франција – 15 војници

Германија – 13 војници

Шведска – 3 офицери

Норвешка – 2 војници

Финска – 2 офицери

Холандија – 1 поморски офицер

Обединетото Кралство – 1 офицер

Словенија – 2 офицери

15 ФРАНЦУЗИ И 15 ГЕРМАНЦИ, ПА ТОА Е ВИЦ! Италијанскиот министер се мајтапи, Рим не праќа војска на Гренланд?

The post И СЛОВЕНЕЧКИ ЧИЗМИ НА МРАЗОТ ВО ГРЕНЛАНД Љубљана испраќа 2 војника appeared first on plusinfo.mk.

Канада и останатите сојузници ќе учествуваат во вежбата Арктичка издржливост на Гренланд, потврди данскиот генерал Сорен Андерсен.

– Ова го правиме за да ја задржиме стабилноста и да го одвратиме секој што ќе посегне кон Арктикот – рекол Андерсен за Си-Ен-Ен.

Тој изјавил дека не забележал ниту руски ниту кинески бродови околу островот, но дека НАТО мора да биде подготвен за секое сценарио.

И покрај тоа што Трамп во 2019 зборувал за анексија на Гренланд, Данска не ја затвора вратата. Напротив, генералите испраќаат порака – подобро заедно отколку во студена војна.

– Ништо не се променило во нашата соработка. Со САД работиме рамо до рамо веќе со децении – рекол Андерсен.

Според него, болката од изгубените 52 дански војници во Авганистан и Ирак уште чука, но довербата со Вашингтон останува.

Во меѓувреме на социјалните мрежи беше најавено дека на 17 јануари ќе има големи протести во Данска против можното американско преземање на  Гренланд.

На 16 јануари, блискиот советник на Трамп, Стивен Милер ги потврди ставовите на Америка за територијата.

– Гренланд е околу една четвртина од големината на Соединетите Американски Држави. Данска, со сета должна почит, е мала земја со мала економија и мала војска. Не може да го брани Гренланд – изјави тој за „Фокс њуз“.

The post „И КАНАДА ЌЕ ВЕЖБА НА ГРЕНЛАНД, СО САД ИМАМЕ СОРАБОТКА“ Дански генерал го повика Трамп на маневрите на НАТО? appeared first on plusinfo.mk.

Кинеската војска ја активираше најмасовната воена операција во регионот во последната деценија. Маневрите, наречени „Мисија правда-2025“, опфаќаат копнени, морски, воздушни и ракетни сили кои го обиколуваат Тајван.

Според Источната команда на кинеската армија, акцијата е „сериозно предупредување до сите сепаратисти и надворешни сили што се мешаат во кинеските внатрешни работи“.

– Вежбите имаат цел да ја тестираат борбената готовност и да ја потврдат контролата над клучните пристаништа и стратешките подрачја – изјави портпаролот Ши Ји.

Тој додаде дека вежбите се „легитимна и неопходна акција за заштита на суверенитетот и единството на Кина“.

Тајпеј возвраќа со остра реакција

Владата во Тајван оцени дека потегот е „отворено воено заплашување“ и предупреди дека ваквите дејства „ја поткопуваат стабилноста на Индо-Пацификот“.

– Ова е директен предизвик на меѓународното право и поредок – изјави портпаролката на претседателот Карен Куо.

CHINA LAUNCH BLOCKADE DRILL OF TAIWAN

FIRST FOOTAGE pic.twitter.com/1u8nziBpmI

— RT (@RT_com) December 29, 2025

11,1 милијарди долари во очи ескалациите

Вашингтон и Тајпеј неодамна потпишаа договор вреден 11,1 милијарди долари за нов пакет оружје, кој вклучува ХИМАРС системи, беспилотни летала и ракетни батерии. Договорот предизвика жестока реакција во Пекинг.

Воен аналитичар за CCTV, Фу Нан, го опиша договорот како „ескалација на тајните операции“ на САД.

Црвената линија на Токио

Кризата се влошува и по изјавите на јапонската премиерка Санае Такаичи дека Токио би можел да одговори воено доколку Кина се обиде да го окупира Тајван.

Пекинг реагираше остро, потсетувајќи дека островот останува „неделив дел од Кина“.

„Стрели на правдата“ 

Во државните медиуми се појавија постери со ракети кои паѓаат врз мапа на Тајван со натпис „Стрели на правдата“. Кинеската крајбрежна стража истовремено започна патроли во околните води, додека воздушните сили извршуваат над 150 летови во близина на воздушниот простор на островот.

Се проценува дека вежбите ќе продолжат до крајот на декември, со можност за проширување на зоните за лансирање.

The post 📽️ РАСТЕ НАПНАТОСТА, КИНА ВЕЖБА ОКОЛУ ТАЈВАН Пекинг испрати силна порака до светот appeared first on plusinfo.mk.

Венецуелската армија излезе на терен и распореди 200.000 војници низ земјата во масовна воена вежба што власта ја нарече „контрамерка против американската закана“. Министерот за одбрана Владимир Падрино Лопез изјави дека акцијата е одговор на „суровиот напад врз мирот и суверенитетот“ на регионот, поради зголеменото присуство на американската морнарица во Карибите.

Притоа, Националното собрание донесе закон со кој се зајакнува одбранбената стратегија и контролата врз движењето на трупите. Претседателот на Собранието, Хорхе Родригез, објасни дека новиот акт „воспоставува рамка за заштита на државата и нејзиниот народ од надворешни провокации“.

Распоредувањето се совпадна со пристигнувањето на најголемиот носач на авиони во светот, „УСС Џералд Р. Форд“, во зоната на Јужната команда на САД. Американската морнарица потврди дека операцијата е насочена кон борба против трговијата со дрога, но во Каракас сметаат дека станува збор за „притаена закана“.

#Urgent | 200 000 soldats vénézuéliens mobilisés pour des exercices utilisant des défenses aériennes RUSSES alors que les forces américaines s’amassent dans les Caraïbes.

« Le Venezuela est DÉFENDU par la force bolivarienne » — Ministre de la Défense Vladimir Padrino… pic.twitter.com/uyYCUv8VLj

— Le Monde Multipolaire (@MMultipolaire) November 12, 2025

Според Падрино, во вежбата учествуваат сите гранки на армијата и милициските сили. Таа е дел од Планот „Независност 200“, одбранбена иницијатива што ја активирал претседателот Николас Мадуро во септември, како реакција на растечкото американско присуство покрај Јужна Америка.

Американската страна тврди дека нивните операции се насочени исклучиво кон спречување на нелегална трговија. Во последните месеци регистрирани се најмалку 19 воздушни напади врз бродови во меѓународни води, при кои, според официјални податоци, загинале 75 лица.

Мадуро пак изјави дека „САД водат војна против Венецуела за да го соборат легитимното раководство“, предупредувајќи дека секоја агресија ќе биде „строго одбиена“.

The post 📽️ 200.000 ВОЈНИЦИ НА ГОТОВС, ВЕНЕЦУЕЛА ГО АКТИВИРА ПЛАНОТ „НЕЗАВИСНОСТ 200“ Воена вежба како одговор на акциите на Трамп appeared first on plusinfo.mk.

Рускиот претседател Владимир Путин денеска пристигна на полигонот Мулино во регионот Нижни Новгород за да ги набљудува заедничките руско-белоруски воени вежби „Запад 2025“, јавија руските и британските медиуми.

Облечен во воена униформа, Путин ги слушна извештаите од министерот за одбрана Андреј Белоусов и неговиот заменик.

Путин рече дека маневрите „Запад 2025“ имаат за цел да разработат елементи на одбраната на Сојузната држава Русија и Белорусија од било каква агресија.

– Целта на вежбата е да се разработат сите потребни елементи за безусловна одбрана на суверенитетот и територијалниот интегритет, за одбрана на Сојузната држава од каква било агресија – рече рускиот претседател, обраќајќи се пред учесниците на маневрите.

Според него, елементите на вежбите се одржуваат на 41 полигон за обука, во кој учествуваат 100.000 војници и околу 10.000 системи и опрема за оружје.

„Покрај тоа, се користи модерна технологија, применета во практични борбени активности, а плановите на вежбите се базираат на искуството стекнато при спроведување на специјалната воена операција. Има околу 10.000 примероци од разновидна опрема, вклучувајќи 333 авиони од тактичката, стратешката и воено-транспортната авијација. Се користат и повеќе од 247 бродови: површински, подводни и помошни“, нагласи Путин.

Според рускиот претседател, на вежбата „Запад 2025“ пристигнале и учестуваат 25 странски делегации, од кои 16 испратиле свои претставници за набљудување, а шест испратиле воени контингенти за учество во стратешката вежба.

The post 📷 ПУТИН ВО УНИФОРМА ПРИСТИГНА НА ПОЛИГОНОТ МУЛИНО Претседателот на Русија ги набљудува руско-белоруските воени вежби appeared first on plusinfo.mk.

Литванскиот премиер Гинтаутас Палуцкас денеска поднесе оставка по истрагата за неговото претходно работење, што предизвика граѓански протести на кои беше побарано да се повлече.

Литванскиот претседател Гитанас Науседа претпладнево соопшти за оставката на Палуцкас. Портпаролот на Палуцкас не одговори на барањето за коментар.

Палуцкас, лидер на Социјалдемократите, ја презеде функцијата кон крајот на минатата година кога беше формирана трипартиска коалиција по парламентарните избори во октомври.

Се очекува целиот негов кабинет да поднесе оставка, што би можело да ја остави земјата без ефективна влада неколку недели пред Русија да почне заеднички воени вежби со Белорусија. Малку е веројатно дека литванската надворешна политика ќе се промени поради реорганизацијата на владата.

Палуцкас ја злоупотребувал својата позиција

Локалните медиуми претходно месецов ги соопштија резултатите од истрагата за претходното работење на премиерот и за наводните злоупотреби. Потоа, истраги покренаа и надлежните државни институции. Медиумите открија и дека Палуцкас никогаш не платил поголем дел од казната од 16.500 евра, во врска со кривична постапка од 2012 година.

Палуцкас беше осуден за лошо водење на процесот на лицитација за услуги за истребување стаорци во Вилнус додека беше директор на општинската администрација на главниот град. Судиите на највисокиот суд во земјата во 2012 година пресудија дека тој ја злоупотребил службената положба незаконски давајќи привилегии на компанија која понудила највисока цена. Исто така, беше осуден на 2 години затвор, но казната беше условно изречена на една година и на крајот не ја отслужи.

„Ова е координиран напад од противниците“

Лидерот на Социјалдемократската партија негираше било какви незаконски дејства во врска со неговите претходни работи, нарекувајќи ги критиките дел од „координиран напад“ од политичките противници.

Тој поднесе оставка пред да може опозицијата формално да покрене постапка за отповикување. Се очекува наскоро да почнат нови коалициски преговори за формирање нова влада.

The post ЛИТВАНСКИОТ ПРЕМИЕР ПОДНЕСЕ ОСТАВКА, ОБВИНЕТ Е ЗА ЗЛОУПОТРЕБА НА ФУНКЦИЈАТА Земјата може да остане без влада кратко пред воените вежби на Русија и на Белорусија appeared first on plusinfo.mk.

Шведска и порано учествуваше во вежбите, а сега првпат како членка на НАТО.

Вежбите вклучуваат отстранување мини од морето, откривање подморници, десанти и медицинска помош во случај на голем број повредени.

Целта е унапредување на интероперабилноста на силите и вежбање на заедничко дејствување, рекоа официјалните лица.

Вежби на поморските, воздушните и копнените сили се одржуваат во Балтичкото Море, како и во Шведска и нејзиниот стратешки остров Готланд, во Литванија, Полска и во Германија. Ќе бидат распоредени 50 бродови и 45 авиони и хеликоптери.

Вежбите се организирани од НАТО поморските сили за напад и поддршка и Шестата флота на американската воена морнарица.

The post НАТО БЛИСКУ ДО РУСИЈА Илјадници војници на воени вежби на северот на Европа appeared first on plusinfo.mk.

Првата фаза од вежбите се одржа во јужна Русија минатиот месец, во она што нуклеарните аналитичари го опишаа како предупредувачки знак на Путин за да го одврати Западот поактивно да влезе во војната во Украина.

Белорускиот министер за одбрана, генерал Виктор Хренин рече дека вежбите се проактивна мерка за „да ја зголемиме нашата подготвеност да користиме таканаречено одмазднички оружје“.

– Сега, повеќе од кога било, сме решени да одговориме на какви било закани за нашата земја и за сојузот на Русија и Белорусија – рече Хренин.

Тој не кажа каде се одржуваат вежбите и каков вид на оружје користат. Белорусија дели граница со три земји членки на НАТО, Полска, Литванија и Латвија.

– Ние немаме за цел да создаваме никакви тензии во прашањата за регионалната безбедност. Ние не проектираме значителни воени закани за трети земји или некој друг – додаде Хренин.

The post РАБОТИТЕ ТРГНАА ВО ОПАСНА НАСОКА Белорусија им се приклучи на руските нуклеарни вежби appeared first on plusinfo.mk.

Откако донесе значајна одлука за испраќање 5.000 војници во Литванија до 2027 година – првото постојано распоредување на своите војници по Втората светска војна – Германија го заврши својот дел од вежбата на НАТО „Читок бранител“ минатиот месец со воени маневри на само 15 километри од границата со руски сојузник Белорусија.

Оваа 90-минутна воена маневра во живо беше организирана за парламентарци, дипломати и локални воени команданти на полигонот Пабраде, пишува Politico.

Со коментари во живо и екрани кои прикажуваат модерни тенковски системи како ги пронаоѓаат своите цели и ги извлекуваат ранетите, пораката до ВИП личностите беше јасна: се подготвуваме за Русија.

– Германија стои на својот збор. Ќе ја браниме секоја педа од територијата на НАТО – рече генералот Карстен Брејер, главен инспектор на германската армија, по завршувањето на вежбата со кореографски прелет на два стари „Еурокоптер тигри“ опремени со противтенковски проектили.

Брејер рече дека на Москва и требаат 5 до 8 години за да ги обнови своите вооружени сили од војната во Украина, што одредува рок до 2029 година за напорите на НАТО да се подготви за можен конфликт.

Она што се случува во Литванија е надворешната димензија на германската иницијатива покрената по рускиот напад на Украина. Напуштајќи ја мировната агенда по Студената војна, Германија инвестираше 100 милијарди евра во повторно опремување на својата војска и обновување на одбранбената доктрина за да го претвори Бундесверот во армија способна да се бори и да победи во војна.

„Светот е поинаков отколку што беше пред 24 февруари 2022 година. За нас како Бундесвер, тоа значи дека мисијата е променета. Националната одбрана и одбраната на алијансата се во фокусот – рече германскиот  министер за одбрана Борис Писториус.
Германија е водечка нација во мисијата на НАТО во Литванија. Во Естонија, Обединетото Кралство игра слична улога, додека во Латвија тоа е Канада.

Во Пабраде, на германските војници им се придружуваат литвански, холандски и француски војници во таканаречената вежба „Квадрига“, но 10-та панцирска дивизија на Бундесверот го води шоуто со тенкови „Леопард 2“, оклопни возила „Пума“ и „Боксер“, артилериска платформа „Панцерхаубиц2000“ и системот за чистење мини. Длабоко во боровите шуми јужно од Вилнус, 80 километри од Пабраде, војниците и работниците го подготвуваат теренот за повеќето од 5.000 војници и нивните семејства кои наскоро ќе бидат трајно стационирани во Литванија.

Според планот договорен со германскиот канцелар Олаф Шолц, Литванија ќе ја плати инфраструктурата, додека Берлин ќе ги покрие трошоците за одржување и опрема за бригадата. Германските власти ги процениле трошоците за даночните обврзници на 6 до 9 милијарди евра од кои голем дел ќе бидат потрошени за тешко вооружување за бригадите.

Работењето и одржувањето на базата ќе чини 800 милиони евра годишно, изјави портпаролот на германското Министерство за одбрана.

The post ГЕРМАНИЈА СПРОВЕДУВА ВОЕНИ МАНЕВРИ НА ГРАНИЦАТА СО БЕЛОРУСИЈА Москва доби јасна порака appeared first on plusinfo.mk.