Западот, предводен од НАТО, активно се подготвува за војна против Русија – изјави денеска рускиот претседател Владимир Путин пред стотици нови офицери на руската армија.

Путин рече дека земјите членки на западниот сојуз досега се ограничувале на поддршка на Украина.

Сега, според него, на Западот отворено се зборува за подготовка за војна против Русија.

– Ги зголемуваат своите воени и офанзивни трошоци. За да ја оправдаат оваа милитаризација, државите на НАТО и на ЕУ користат лажни тврдења за воена закана од наша страна – нагласи рускиот претседател, според официјалниот транскрипт од неговото обраќање.

Според агенцијата ДПА, речиси 40 отсто од буџетските расходи на Русија во моментов се наменети за војската, за вооружувањето и за безбедноста.

Сепак, според Путин, Москва се залага за мултиполарен систем на меѓународни односи што ќе ја гарантира безбедноста на секоја држава.

– Во исто време, подготвени сме оперативно и соодветно да одговориме на сите надворешни и внатрешни закани – предупреди 73-годишниот руски лидер.

The post ПУТИН ТВРДИ ДЕКА НАТО СЕ ПОДГОТВУВА ЗА ВОЈНА СО РУСИЈА Западот ги зголемува воените трошоци, порача рускиот претседател appeared first on plusinfo.mk.

Словачкиот премиер Роберт Фицо порача дека неговата земја „не е во позиција“ да поддржи какво било европско решение за финансирање на воените трошоци на Украина во следните години. Во писмо испратено до претседателот на Европскиот совет, Антонио Кошта, Фицо истакнал дека Словачка нема да одобри ниту еден предлог кој се однесува на покривање на воената поддршка за Киев.

Фицо дополнително ја нагласил својата поддршка за мировните иницијативи на американскиот претседател Доналд Трамп, посочувајќи дека ги охрабрува неговите напори за „прекин на непотребното крвопролевање“.

Словачкиот премиер порача дека и на претстојниот самит на Европската унија ќе се спротивстави на секој предлог кој би значел финансирање на украинските воени потреби во следните години, повторувајќи дека Братислава во моментов нема капацитет за таква поддршка.

The post ФИЦО ОДБИВА ДА ПЛАЌА ЗА УКРАИНА Словачка не поддржува ниту едно решение за воени трошоци appeared first on plusinfo.mk.

Можеби треба да ја исфрлите Шпанија од НАТО, рекол шефот на САД Доналд Трамп на средба со финскиот претседател Александар Стуб во Овалната соба, барајќи европските лидери да ја притиснат Мадрид околу обврските, јави Ројтерс.

Трамп ја заострил критиката и додал дека Шпанија „нема изговор“ да заостанува.

– Ќе мора да почнете да разговарате со Шпанија. Треба да им се јавите и да откриете зошто попуштаат. Тие немаат изговор да не го сторат тоа, но тоа е во ред. Искрено, можеби треба да ги исфрлите од НАТО – додаде американскиот претседател.

Контроверзната порака на шефот на САД доаѓа откако членките во јуни поддржаа цел да се стигне до 5 % од БДП во трошењето за одбрана до 2035 година. Тоа е сериозна промена од старото правило на трошење 2%.

Претходно, шпанскиот премиер Педро Санчез јавно одбил да се врзе за новата цел.

– Такво ниво е некомпатибилно со благосостојбата и нашата визија за светот – рекол тогаш Санчез.

На средбата меѓу Трамп и финскиот претседател Стуб се одвивала во поширок пакет соработка меѓу САД и Финска, вклучително и договор за ледоломци и разговор за Украина.

Шпанија е членка на Алијансата од 1982 и досега активно учествувала во заедничките мисии.

The post 5% ИЛИ НАДВОР, Ѝ ПОРАЧА ТРАМП НА ШПАНИЈА Шефот на САД изненади со изјавата appeared first on plusinfo.mk.

Глобалните воени трошоци достигнаа 2,72 трилиони долари во 2024 година, што е зголемување од 9,4% во споредба со 2023 година и најголем скок од крајот на Студената војна, се посочува во денеска објавениот извештај на Стокхолмскиот меѓународен институт за истражување на мирот (СИПРИ).

Порастот на геополитичките тензии довел до зголемување на трошоците за одбрана во сите региони. Најголем раст е забележан во Европа и Блискиот Исток.

„Повеќе од 100 земји ги зголемија своите воени буџети во 2024 година“, соопшти СИПРИ.

Институтот предупредува дека фокусот на воената безбедност на сметка на други буџетски области може да има сериозни последици за општествата во иднина.

Војната во Украина и сомнежите за американската посветеност кон НАТО ги зголемија европските воени трошоци за 17%, надминувајќи ги нивоата од крајот на Студената војна.

Русија потрошила 149 милијарди долари за одбрана, што е 38% повеќе отколку во 2023 година и двојно повеќе отколку во 2015 година, што претставува 7,1% од БДП и 19% од вкупните државни трошоци.

Украина ги зголемила воените трошоци за 2,9%, на 64,7 милијарди долари, што е 43% од руските трошоци и 34% од својот БДП – најголем удел во светот.

СИПРИ предупредува дека Украина моментално ги троши сите приходи собрани од даноците за потребите на војската, што значително го ограничува нејзиниот финансиски капацитет за понатамошно зголемување на воените трошоци.

Воените трошоци на САД се зголемиле за 5,7% на 997 милијарди долари, што е 66% од сите трошоци на земјите-членки на НАТО и 37% од глобалните воени трошоци.

The post НЕВИДЕНО ОД СТУДЕНАТА ВОЈНА На војската светот потрошил 2,72 трилиони долари appeared first on plusinfo.mk.

Европа денес се соочува со истата задача како и пред 70 години, со потребата за изградба на заедничка одбрана, насочена кон одвраќање на каков било напад однадвор, бидејќи мирот во Европската Унија повеќе не може да се зема здраво за готово, порача денеска претседателката на Европската комисија, Урсула фон дер Лајен, во обраќањето пред Европскиот парламент на дебатата, посветена на зајакнувањето на европската одбранбена архитектура и на поддршката за Украина.

– Се разнишува европскиот безбедносен поредок и толку многу наши илузии се рушат – истакна Фон дер Лајен.

Русија не се интегрираше во Европа

Според неа, по завршувањето на Студената војна, некои веруваа дека Русија може да се интегрира во економската и во безбедносната архитектура на Европа, а други дека Европа може неодредено да се потпира на целосната заштита на САД, и како резултат на тоа, трошоците за одбраната од рутински просечни над 3,5% беа преполовени.

– Мислевме дека уживаме во мировна дивиденда. Но, во реалноста, ние имавме само безбедносен дефицит. Времето на илузии сега заврши. Европа е повикана да преземе поголема одговорност за сопствената одбрана. Не во некоја далечна иднина, туку веќе денес. Не со чекори, туку со храброст што ја бара ситуацијата. Ни треба наплив на европска одбрана. И ни треба сега – нагласи Фон дер Лајен.

Не станува збор само Украина, и Европа мора да стане побезбедна

Таа потенцира дека Европа секогаш се градела во криза и сега е моментот за „мир преку зајакнување“ и за заедничка европска одбрана.

– На Европскиот совет видов ниво на консензус за европската одбрана, што не само што е без преседан, туку беше и целосно незамисливо пред само неколку недели – истакна Фон дер Лајен.

Според неа, во ЕУ се создава ново сфаќање дека мора да се размислува поинаку и да се постапува соодветно, па затоа во наредните недели и месеци ќе бидат потребни поголема храброст и тешки избори, поврзани со европската одбрана.

Таа истакна дека зајакнувањето на европската одбрана пред сѐ е потребно поради ситуацијата во Украина каде што постои итна потреба за пополнување на испразнетите воени резерви и за обезбедување цврсти безбедносни гаранции за земјата.

Кремљ има поголеми воени трошоци од цела Европа

– Но, овој момент не се однесува само на Украина. Станува збор за цела Европа и за безбедноста на целиот наш континент. (Рускиот претседател Владимир) Путин постојано докажува дека е непријателски сосед. Нему не може да му се верува, може само да се одврати. И знаеме дека рускиот воен комплекс го надминува нашиот. Ако ги погледнеме воените трошоци во реални услови, Кремљ троши повеќе од цела Европа заедно – додаде претседателката на ЕК.

Фон дер Лајен истакна дека денес опсегот на закани со кои се соочува европскиот континент се зголемува од ден на ден, па затоа во оваа се поопасна ера, Европа треба да се засили.

– И тоа е целта на планот што им го претставив на лидерите минатата недела. Неговата логика е едноставна: сакаме да го искористиме секој финансиски лост што го имаме за да го зајакнеме и да го забрзаме нашето одбранбено производство. Со Планот „Ревооружување на Европа“ можеме да мобилизираме до 800 милијарди евра – порача Фон дер Лајен.

Таа потенцира дека со планот се предвидува промена на фискалните правила на ЕУ – со што ќе ми се овозможат на земјите од ЕУ поголеми издвојувања за одбраната, со цел сегашните околу 2% од БДП за одбранбените трошоци да се зголемат на над 3% – а потоа создавање нов механизам, вреден 150 милијарди евра, преку кој на членките ќе им бидат понудени заеми за инвестиции во одбранбените капацитети, како и можност за пренасочување на средствата од кохезивните фондови кон проекти поврзани со одбраната.

– Заедно сме доволно големи за да ја одвратиме секоја непријателска земја. Имаме економска моќ и сега, конечно, имаме и политичка волја. Сите посакуваме да живееме во помирни времиња, но уверена сум дека ако ја ослободиме нашата индустриска моќ, можеме да го зајакнеме одвраќањето од оние кои се обидуваат да ни нанесат штета. Време е да се изгради европска одбранбена унија која обезбедува мир на нашиот континент преку единство и сила. Ова е моментот на Европа. И Европа ќе се издигне до него – порача Фон дер Лајен во обраќањето во Европарламентот.

The post ЕВРОПСКИОТ БЕЗБЕДНОСЕН ПОРЕДОК Е РАЗНИШАН, ИЛУЗИИТЕ СЕ РУШАТ Фон дер Лајен повикува на нова ера на вооружување во ЕУ appeared first on plusinfo.mk.

– Не може да има мир и безбедност во Европа без Европејците и без тоа да биде договорено од Европејците. Предизвик е да ѝ обезбедиме средства на Украина за да издржи и да влезе во какви било идни преговори од позиција на сила. како и гаранции за нашата сопствена безбедност – истакна Макрон во обраќањето пред армијата во базата во близина на Рен.

Макрон ја повика Европа „да се разбуди“ и да ги зголеми трошоците за одбрана за да ја намали зависноста од САД.

– Што ќе правиме утре во Европа ако нашиот американски сојузник ги повлече своите воени бродови од Медитеранот? Ако ги испрати своите борбени авиони од Атлантикот во Пацификот? – посочи Макрон.

Според него, Франција и Европа мора да се адаптираат на променливите закани и интереси.

The post ЕВРОПА МОРА ДА СЕ РАЗБУДИ, КОНФЛИКТОТ ВО УКРАИНА НЕМА ДА ЗАВРШИ НИ УТРЕ НИ ЗАДУТРЕ Макрон се плаши дека САД ќе ја повлече својата воена помош appeared first on plusinfo.mk.

„Наша должност е да помогнеме да се искорени омразата и насилството од човечките срца. Да ги охрабриме луѓето да го положат оружјето, да ги намалат воените трошоци во корист на хуманитарните потреби и да ги направат инструментите на смртта инструменти на животот“ – објави Папата на Твитер.

Папата не ја стави најавата во некој конкретен контекст, но 19 август е Светски ден на хуманитарната помош на ОН.

The post ИМА ЗА ВОЈНИ, НЕМА ЗА ЛЕБ Папата Франциско повика да се трошат помалку пари за воени цели appeared first on plusinfo.mk.

Тема на разговорите е состојбата во Украина, еден месец по стартот на војната, зајакнувањето на одбраната на НАТО членките, но и улогата на Кина во оваа криза, најави вчера генералниот секретар Јенс Столтенберг.

Како што најави Столтенберг вчера лидерите ќе разговараат за испраќање нови борбени групи на истокот на Алијансата, Бугарија, Унгарија, Романија и Словачка, за да се засили присуството на земјите сојузнички во соседството на Русија, кои стравуваат од евентуален руски напад на нивна територија.

НАТО јасно стави на знаење дека секој напад врз нејзина земја членка веднаш ќе го активира членот пет на Алијансата и ќе доведе до одговорот на сите останати земји на Алијансата.

Но, НАТО и натаму нема намера да влегува во конфликтот помеѓу Русија и Украина, ниту преку затворање на небото над Украина, ниту преку испраќање трупи. Дополнителна помош ќе му биде испратена на Киев за да се справи со руските напади.

Се очекува украинскиот претседател Володимир Зеленски да се вклучи на состанокот преку видео врска. Познато е дека Киев бара од НАТО да го обезбеди небото над Украина, но за најголемиот број земји на Алијансата ваков чекор е незамислив бидејќи тоа би значело директен судир со Русија, а со тоа и можна војна на целиот континент.

Генералниот секретар предупреди дека одлуките што НАТО ќе ги донесе денеска ќе имаат далекусежни последици, а од владите на земјите членки ќе се бара да ги зголемат воените трошоци.

Денеска и утре во Брисел се одржуваат и лидерски состаноци на ЕУ и на Г7 групата, каде ќе се придружи и американскиот претседател. За сите Украина и одговорот на Западот е главна тема. 

The post САМИТ НА НАТО ВО БРИСЕЛ Украина и зголемување на воените трошоци тема на разговор appeared first on plusinfo.mk.