Министерот за одбрана на САД, Пит Хегсет, одржа прес-конференција за војната во Иран, велејќи дека САД ќе продолжат со интензивни напади и нема да запрат додека не заврши операцијата.

Тој ги започна своите забелешки велејќи дека разговарал со семејствата на шесте американски војници кои беа убиени минатата недела кога воен авион за полнење гориво се урна над Ирак. Тој истакна дека семејствата побарале операцијата да продолжи.

– Тие рекоа: Завршете го ова, почитувајте ја нивната жртва, не се откажувајте и не застанувајте додека не се заврши работата – рече Хегсет. Тој додаде дека и тој и американскиот претседател одговориле едноставно: „Секако дека ќе го завршиме ова. Ќе ја почитуваме нивната жртва“.

Хегсет, исто така, рече дека кога ги презел телата на паднатите војници во воздухопловната база Довер, заедно со американскиот претседател Доналд Трамп и генералот на воздухопловните сили Ден Кејн, видел „непоколеблива решителност“ кај семејствата.

Зборувајќи за текот на војната, тој најави нови напади. „

– Денеска ќе биде најголемиот пакет напади досега, исто како што беше вчера – рече тој.

Тој нагласи дека американските воени операции се одвиваат според планот и дека воздушната одбрана на Иран е „срамнета со земја“, а неговата одбранбена индустрија е „во голема мера уништена“. Додаде дека САД потонале повеќе од 120 ирански воени бродови и ги уништиле сите 11 ирански подморници.

Според него, американско-израелските напади погодиле повеќе од 7.000 цели во Иран и неговата воена инфраструктура.

– Досега погодивме повеќе од 7.000 цели низ Иран и неговата воена инфраструктура. Ова не е постепена операција. Ова е огромна сила применета со прецизност – рече тој.

Тој додаде дека капацитетот за производство на балистички ракети на Иран е „веројатно најтешко погоден“ и опаднал за 90 проценти од почетокот на конфликтот.

– Беспилотните воздушни возила, замислете камикази дронови, исто така се намалени за 90 проценти – рече тој.

На крајот од подготвениот говор, Хегсет упати религиозен апел до граѓаните. Тој ги повика Американците да се молат за американските војници „на колена со своите семејства, во училиштата и црквите, во името на Исус Христос“.

The post ПИТ ХЕГСЕТ НАЈАВИ НАЈГОЛЕМ БРАН НАПАДИ ДОСЕГА Рече дека иранската одбрана е „срамнета со земја“ appeared first on plusinfo.mk.

Американската војска погодила повеќе од 5.000 цели во Иран од почетокот на конфликтот на 28 февруари, соопшти Централната команда на САД.

Според податоците објавени од Централната команда на САД, во нападите биле уништени или оштетени и околу 50 ирански воени бродови.

Во извештајот не се наведуваат дополнителни детали за видот на целите што биле погодени, ниту за евентуалните жртви, но се посочува дека операциите продолжуваат во рамки на тековниот конфликт.

Тензиите меѓу Америка и Иран нагло се зголемија по почетокот на воените дејствија на крајот на февруари, а ситуацијата на Блискиот Исток и натаму се следи со голема загриженост од меѓународната заедница.

The post ПОГОДЕНИ НАД 5.000 ЦЕЛИ ВО ИРАН Американската војска се пофали дека уништиле околу 50 ирански воени бродови appeared first on plusinfo.mk.

Израелскиот премиер, Бенјамин Нетанјаху, ѝ нареди на армијата да изведе силни напади во Појасот Газа, откако ја обвини организацијата Хамас дека го прекршила примирјето постигнато со посредство на САД.

„По безбедносни консултации, премиерот Нетанјаху им нареди на воените сили веднаш да нанесат силни удари во Појасот Газа“, се наведува во соопштението од неговиот кабинет.

Изјавата следеше откако Израел соопшти дека борци на Хамас отвориле оган врз израелски војници во јужниот дел на Газа. Инцидентот се случи во услови на зголемена напнатост, откако Хамас предаде ковчег кој, според Израел, содржел само делови од веќе вратено тело на заложник.

Според безбедносни извори, Израелските вооружени сили се подготвени за евентуално продолжување на конфликтот доколку Хамас не се придржува кон договореното примирје.

The post ИЗРАЕЛ НАПАДНА ВО ГАЗА Нетанјаху нареди силни удари по прекршување на примирјето appeared first on plusinfo.mk.

Израелската војска соопшти дека во средата го нападнала влезот на сириското Министерство за одбрана во Дамаск, засилувајќи ги нападите врз властите предводени од исламисти, со образложение дека сака да ја заштити друзиската заедница од штети предизвикани од владините сили, објави Ројтерс.

Ова е трет ден по ред како Израел изведува напади врз Сирија, каде што безбедносните сили на сириската влада се судрија со локални друзиски борци во јужниот град Свејда.

Безбедносни извори од Министерството за одбрана за Ројтерс изјавиле дека најмалку 2 напада со дронови го погодиле објектот, при што офицерите биле принудени да се засолнат во подрумот. Државната телевизија Електбарија јави дека во нападот биле ранети двајца цивили.

Израелската војска прецизира дека го погодила „влезот на воениот штаб на сирискиот режим“ во Дамаск и дека продолжува „да ги следи случувањата и мерките што се преземаат против друзиските цивили во јужна Сирија“.

Нападот бил фатен во живо за време на телевизиско пренесување, кога студиото се затресело и водителката прекинала со програмата.

Израел удри и по друзискиот град Свејда

Според сириските државни медиуми и очевидци, израелски напади во текот на средата го погодиле и претежно друзискиот град Свејда, каде што четврти ден по ред траеа борби и каде што бргу се распадна договорот за прекин на огнот, прогласен претходната вечер.

Сириската влада во понеделникот испратила трупи во регионот на Свејда со цел да го сопре судирот меѓу друзиските борци и бедуински вооружени групи, но на крајот дошло до конфронтација и со самите друзиски милиции.

Локалниот медиум Свејда 24 јави дека градот Свејда и околните села биле под силен артилериски и минофрлачки оган рано во средата. Сириското Министерство за одбрана, преку државната новинска агенција САНА, ја обвинило „нелегалната група“ во Свејда за нарушување на примирјето.

Министерството ги повикало жителите на градот да останат во своите домови. Неколкумина жители, со кои Ројтерс успеал да стапи во контакт, телефонски изјавиле дека се заклучени дома од страв, без струја.

Трамп побарал од Израел да не ја напаѓа веќе Сирија

Претходно во вторникот, администрацијата на претседателот на САД, Доналд Трамп, побарала од Израел да ги запре нападите врз сириските воени сили на југот на Сирија, објави Аксиос, повикувајќи се на неименуван американски претставник, пренесе Ројтерс.

Израелските претставници им одговориле на американските колеги дека ноќта во вторникот ќе ги запрат нападите, објави новинарот на Аксиос, Барак Равид на Икс, повикувајќи се на извор.

Сириското Министерство за надворешни работи претходно соопшти дека Израел сноси целосна одговорност за најновите напади врз јужна Сирија и за последиците од тие напади. Министерството соопшти дека има за цел да ги заштити сите сириски граѓани без исклучок, вклучително и малцинството Друзи.

Духовното раководство на Друзите ги повика вооружените фракции да соработуваат со владините сили, да не пружаат отпор на нивниот влез и да го предадат оружјето на Министерството за внатрешни работи.

Syria BREAKING: Israeli strikes once again hit the Ministry of Defense in the center of Damascus.

Caught live on television. pic.twitter.com/jELgvBrHBi

— Thomas van Linge (@ThomasVLinge) July 16, 2025

The post 📽 ИЗРАЕЛ ГО НАПАДНА СИРИСКОТО МИНИСТЕРСТВО ЗА ОДБРАНА СО ДРОНОВИ Нападот фатен во живо, ТВ-студиото се тресе, водителката почнува да бега appeared first on plusinfo.mk.