Видеоснимка од воена вежба на руска мобилна противвоздушна група стана вирална на социјалните мрежи, откако при пробно гаѓање четирицевниот митралез YakB-12.7 излезе од контрола и почна неконтролирано да се врти околу својата оска. На снимката се гледа како стрелецот е оттурнат од силниот трзај, додека останатите војници панично се тргаат за да избегнат можен погодок.

Според достапните информации, митралезот бил поставен на импровизирана ротирачка платформа како дел од обука за одбрана од беспилотни летала. YakB-12.7 е оружје првично развиено за хеликоптерите Ми-24 и може да испукува до 5.000 куршуми во минута, поради што бара соодветен систем за стабилизација.

Независниот руски воен аналитичар Ијан Матвеев оценува дека ваквиот исход бил очекуван, бидејќи оружјето било монтирано на начин за кој не е проектирано. Според него, иако снимката на прв поглед изгледа неверојатно, нема индиции дека станува збор за видео генерирано со вештачка интелигенција.

Снимката најпрво се појави на проруски Телеграм-канал, а потоа беше преземена и од други руски воени блогери, кои наведуваат дека никој од присутните не бил повреден. Засега нема официјална потврда од руските власти, ниту информации за точната локација и датумот на инцидентот, но видеото предизвика бројни реакции и коментари на интернет поради опасната ситуација што за малку не заврши со трагични последици.

 

View this post on Instagram

 

A post shared by Israel Hayom English | Daily News Israel & Middle East (@israelhayomeng)

The post 🎥 ВИРАЛНО ВИДЕО ОД РУСКА ВОЕНА ВЕЖБА Митралез излезе од контрола и за малку ќе предизвикаше трагедија appeared first on plusinfo.mk.

По сѐ поголемиот притисок од САД дека ќе го преземе Гренланд, Данска испраќа свои војници на островот, а на нејзино барање истото го прават и Германија, Шведска, Франција и Норвешка во рамки на операцијата „Арктичка издржливост“. Данското министерство за одбрана соопшти дека на Гренланд ќе биде изведена воена вежба во рамки на која веднаш ќе бидат распоредени авиони, поморски средства и војници.

– Безбедноста на Арктикот е од клучно значење за Кралството и нашите арктички сојузници и затоа е важно во тесна соработка со сојузниците, дополнително да ја зајакнеме нашата способност да дејствуваме во регионот. Данските одбранбени сили, заедно со неколку арктички и европски сојузници, во наредните недели ќе истражат како може да се спроведе зголемено присуство и вежбовна активност во Арктикот – изјави данскиот министер за одбрана Троелс Лунд Поулсен.

Од данското министерство за одбана соопштија дека во рамки на воените вежби, на Гренланд веднаш ќе бидат распоредени авиони, поморски средства и војници.

Германија, Шведска, Франција и Норвешка потврдија дека испраќаат војници на Гренланд.

Министерството за одбрана на Германија соопшти дека на Гренланд денеска се испраќа тим од 13 воени лица кои ќе бидат на, како што се наведува, истражувачка мисија заедно со други партнерски земји, на покана на Данска.

Војници на Гренланд испраќа и Шведска.

– На Гренланд пристигнуваат офицери од шведските вооружени сили. Тие се дел од група од неколку сојузнички земји. Заедно ќе ги подготват претстојните чекори во рамките на данската вежба операција „Арктичка издржливост“. На барање на Данска, Шведска испраќа персонал од вооружените сили – потврди и шведскиот премиер Улф Кристерсон во објава на Икс.

Францускиот премиер Емануел Макрон потврди дека првите француски војници веќе се на пат кон Гренланд.

„На барање на Данска, одлучив Франција да учествува во заедничките вежби организирани од Данска во Гренланд, операција „Арктичка издржливост“. Првите француски воени сили се веќе на пат. Ќе следат и други“, објави Макрон на Икс.

Норвешкото министерство за одбрана потврди дека и Норвешка испраќа двајца војници на Гренланд.

The post ДАНСКА И НЕЈЗИНИТЕ СОЈУЗНИЦИ ИСТОВАРААТ ВОЈСКА НА ГРЕНЛАНД Во „Арктичка издржливост“ учествуваат Германија, Шведска, Франција и Норвешка appeared first on plusinfo.mk.

Венецуелски борбени авиони произведени во Русија вооружени со ракети „Криптон“, прелетаа над Карибите, додека маринци се симнуваа на плажа од амфибиски бродови, јави Си-Ен-Ен. Војната вежба „Суверен Кариби 200“ на островот Ла Орчила започна во услови на силни тензии со САД кои претходно испратија свои бродови и воени авиони во регионот.

Во вежбите на венецуелската армија се вклучени над 2.500 војници, 22 авиони и повеќе од 30 бродови, меѓу кои и 12 воени. Министерот за одбрана Владимир Падрино рече дека оваа масовна мобилизација е одговор на зголеменото американско воено присуство во регионот.

– Ова е порака дека Венецуела ќе се брани од секој обид за агресија – истакна Падрино за државната телевизија VTV.

BREAKING: Venezuelan Air Force parades Russian SU-30 fighters armed with supersonic Kh-31 missiles as US-Venezuela tensions rise.

Venezuela plans to challenge US F-35s with aging Russian Su-30s… pic.twitter.com/0setuYWQIz

— Defence Index (@Defence_Index) September 17, 2025

На снимките објавени од војската се гледаат десантни операции, патролни пловни објекти и воздушна поддршка од авиони Су-30МК2. Каракас посочи дека вежбите се дел од националната стратегија за одбрана од странски интервенции.

„Оваа демонстрација на сила доаѓа поради распоредувањето на американски бродови во Карибите“, соопшти венецуелската армија.

Американските сили, предводени од бродови како „УСС Иво Џима“, крстосувачот „Лејк Ери“ и неколку разорувачи од класата „Арли Бурк“, се распоредени со образложение дека ја спречуваат трговијата со дрога. Но претседателот Николас Мадуро смета дека целта е дестабилизација на неговиот режим.

– Ниту една империја нема да ја допре светата почва на Венецуела – предупреди Мадуро минатиот месец.

Покрај армијата, мобилизирани се и милиони членови на венецуелската милиција. Според анализата на Меѓународниот институт за стратешки студии, Венецуела поседува 21 авион Су-30, но не е познато колку од нив се оперативни поради економските проблеми и недостигот на резервни делови.

И покрај воената ескалација, американскиот специјален претставник Ричард Гренел изјави дека – сè уште верувам дека е возможно решение без конфликт.

The post 📽️ МАДУРО МУ ЗА’РЖА НА ТРАМП, ВПРЕГНА РУСКИ АВИОНИ Венецуела демонстрира моќ во голема вежба на Карибите appeared first on plusinfo.mk.

Американски воени офицери денеска беа присутни на заедничките руско-белоруски воени вежби „Запад-2025“, што предизвика големо внимание и беше претставено како изненадување од страна на белоруските власти.

Министерот за одбрана на Белорусија, Виктор Хрењин, изјави дека странските набљудувачи имаат целосна слобода да се запознаат со текот на вежбите.

– Ќе ви покажеме сè што ве интересира, што и да сакате. Можете да го разгледате полигонот, да разговарате со луѓето – рече Хрењин на американските офицери, кои одбија да даваат изјави за медиумите.

Вежби во време на тензии

Стратешката воена вежба „Запад-2025“ започна во петок, 12 септември, и ќе трае до 16 септември. Таа се одржува во време на зголемени тензии со НАТО, само два дена откако Полска собори руски беспилотни летала што го нарушија нејзиниот воздушен простор.

Белоруското Министерство за одбрана соопшти дека на воениот полигон присуствуваат претставници од 23 држави, меѓу кои и две членки на НАТО — Турција и Унгарија.

Видео со американските офицери

Министерството објави видео на кое двајца униформирани американски офицери му се заблагодаруваат на Хрењин за поканата и се поздравуваат со него.

„Кој би помислил дека утрото на друг ден од воените вежби ‘Запад-2025’ ќе започне вака?“, стои во соопштението.

Затоплување на односите САД – Белорусија

Присуството на американските офицери е последен показател за подобрување на односите меѓу Вашингтон и Минск, и покрај блиските врски на Белорусија со Москва.

Минатата недела, Џон Коул, претставник на поранешниот претседател Доналд Трамп, престојуваше во Минск каде што се сретна со белорускиот лидер Александар Лукашенко. На средбата беше договорено Белорусија да ослободи 52 затвореници, меѓу кои и новинари и политички противници.

Како возвратен потег, САД одобрија делумно олеснување на санкциите за националната авиокомпанија „Белавија“, дозволувајќи ѝ сервисирање и купување делови за нејзината флота од авиони „Боинг“.

Одбранбена реторика и одговор од НАТО

Москва и Минск тврдат дека „Запад-2025“ е исклучиво одбранбена вежба и дека немаат намера да нападнат ниту една членка на НАТО. Сепак, Алијансата одговори со сопствена операција „Источна гарда“, откако руските беспилотни летала го нарушија полскиот воздушен простор на 9 и 10 септември.

Планови за нормализација

Според Џон Коул, Трамп има намера повторно да ја отвори американската амбасада во Минск и да иницира нормализирање на дипломатските и економските односи меѓу САД и Белорусија.

The post АМЕРИКАНСКИ ОФИЦЕРИ ШОКИРАНИ ВО МИНСК Гостите од САД ја следеа вежбата со Русија, домаќините им ветија дека ќе им покажат сè appeared first on plusinfo.mk.

Израелските воздухопловни сили оваа недела одржаа заедничка вежба со американските воздухопловни сили. Порталот „Тајмс оф Израел“ оценува дека станува збор за вежба која има за цел да ја подготви израелската војска за потенцијален заеднички напад со САД врз Иран.

За време на вежбата, пилотите вежбаа оперативна координација меѓу двете војски за да ја подобрат нивната способност да одговорат на различни регионални закани.

Во вежбата учествуваа израелски борбени авиони Ф-15И и Ф-35И кои летаа со американски бомбардер Б-52.

Израелската војска веќе изврши два напада врз Иран без американска поддршка, но најверојатно ќе ѝ требаат капацитетите на американските бомбардери Б-52 за ефективно да ги погодат силно утврдените подземни нуклеарни локации на Иран, пишува медиумот.

The Israeli Air Force conducted a joint aerial exercise with the @usairforce

Israeli F-35i and F-15i aircraft flew alongside an American U.S. B-52 strategic bomber. During the flight, the forces practiced operational coordination between the two militaries to enhance… pic.twitter.com/2d6UlNrEoM

— Israel Defense Forces (@IDF) March 6, 2025

Aмерикански „Блумберг“ неодамна објави дека Трамп за време на телефонскиот разговор со Путин зборувал и за Иран и за иранската нуклеарна програма. Во статијата се вели дека Путин ќе му помогне на Трамп да ги оствари преговорите со Иран.

Наводно, за ова се разговарало и на американско-руската средба која неодамна се одржа во Ријад во Саудиска Арабија.

The post ЗАЕДНИЧКА ВЕЖБА НА САД И ИЗРАЕЛ – ПОРАКА ЗА ИРАН? Американските Б-52 и израелските Ф-15 симулираа напад appeared first on plusinfo.mk.

„Се вежба извршување борбени дејства со употреба на беспилотни летала за извидување и огнена поддршка“, соопшти српското Министерство за одбрана.

 

View this post on Instagram

 

A post shared by Министарство одбране и Војска (@odbranaivojska)

Општите цели на вежбата се подобрување на способноста за собирање и дистрибуција на разузнавачки податоци, зголемување на ефикасноста на огнената поддршка на современото бојно поле и проверка на функционалноста на организацијата и единиците на армијата.

Во вежбата учествуваат единици на копнената армија, воздухопловство, противвоздушна одбрана, сили за специјални операции и контраелектронско војување и експерти од Воено-техничкиот институт, јавува „Нова.рс“.

 

View this post on Instagram

 

A post shared by Министарство одбране и Војска (@odbranaivojska)

Вежбата ќе трае две недели. Врз основа на вежбата ќе се утврдат ограничувањата и потребите за развој на нови тактички принципи, ќе се проверува можноста за заштита и одбрана од напади од воздушен простор и ќе се утврдат потребите за развој на нови софтверски и хардверски решенија.

Денеска српскиот претседател Александар Вучиќ информираше дека на 5 и на 20 јуни албански дронови „Бајрактари“ имале намера да ја извидуваат српската војска.

АЛБАНСКИ ДРОНОВИ „БАЈРАКТАРИ“ ЈА НАБЉУДУВАА ПОЗИЦИЈАТА НА СРПСКАТА ВОЈСКА Зголемени дејствија на летала со извидувачки намери кон Србија

The post 📸 1.500 СРПСКИ ВОЈНИЦИ ВЕЖБАА Повеќе од 300 борбени средства се ангажирани во „Огнен удар 2024“ appeared first on plusinfo.mk.

Кубанското Министерство за надворешни работи соопшти дека бродовите ќе бидат во Хавана од 12 до 17 јуни, истакнувајќи дека ниту еден од нив нема да носи нуклеарно оружје и уверувајќи дека нивното присуство „не претставува закана за регионот“.

За време на влегувањето на флотата во пристаништето, од еден од бродовите ќе бидат испукани 21 почесни салви во знак на поздрав до земјата домаќин, на што ќе биде возвратено со артилериски поздрав од Револуционерните вооружени сили на Куба, информира Министерството за надворешни работи.

Соопштението дојде еден ден откако американските власти соопштија дека ги надгледуваат руските воени бродови и авиони кои се очекува да пристигнат на Карибите за воени вежби. Како што беше претходно соопштено, вежбата ќе биде дел од одговорот на Русија на американската поддршка за Украина.

The post РУСИЈА ИСПРАЌА ВОЕНИ БРОДОВИ ВО КУБА Одговор на Москва за американската поддршка за Украина appeared first on plusinfo.mk.

Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.

„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за изведување вежби со ракетните формации на Јужниот воен округ“, се наведува во соопштението.

Како што се посочува, маневрите ќе се одржат во блиска иднина и ќе бидат вклучени и авијација и морнарица.

„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, соопшти Министерството.

Тие додаваат дека тоа е „одговор на провокативните изјави и заканите на одредени западни функционери“ против Русија.

The post ПУТИН СЕ ЗАКАНУВА СО НУКЛЕАРНО ОРУЖЈЕ Нареди вежба на нестратешките нуклеарни сили appeared first on plusinfo.mk.

Српското министерство за одбрана вчера соопшти дека еден подофицер на вооружените сили на Србија е тешко повреден при вежба на каналот Дунав-Тиса-Дунав, додека по друг што паднал во водата, се трага.

Телото на бараниот подофицер е пронајдено утрово. Се работи за Мијодраг Тошковиќ е роден во 1980 година во Цетиње. Во стручната служба во српската војска е од 2000 година. Неколку пати е одликуван и наградуван за резултатите од неговата служба. Тошковиќ беше оженет и татко на три деца.

Како што се наведува во соопштението, инцидентот се случил при реализација на редовни тренажни активности на слетување од хеликоптер на водната површина на каналот Дунав-Тиса-Дунав, во реонот на воениот комплекс „Орешац“ околу 12:15 часот.

Вежбата ја изведоа припадници на 72 бригада за специјални операции. По укажаната прва помош, повредениот подофицер бил итно пренесен во Општата болница во Вршац.

The post ТРАГИЧЕН КРАЈ НА ПОТРАГАТА ВО СРБИЈА Најдено телото на војникот што падна во каналот Дунав-Тиса-Дунав appeared first on plusinfo.mk.

Телевизијата „Скај њуз Австралија“ објави дека авионот Ви-22 Оспреј“ (V-22 Osprey) со околу 20 американски маринци се урнал северно од Дарвин, главниот град на регионот Северна Територија.

На Твитер се појави видео кое покажува како авионот се врти околу својата оска губејќи правец.

DEVELOPING! A U.S. Military V-22 Osprey helicopter carrying nearly 20 marines crashing off the coast of Australia. pic.twitter.com/lAGXGCBeUT

— Anny (@anny25717503) August 27, 2023

Несреќата се случила на островот Мелвил, дел од архипелагот Тиви, а австралиското Министерство за одбрана прецизираше дека во авионот имало само американски воен персонал.

Првично беше соопштено дека нема жртви.

Австралиската полиција подоцна објави дека во инцидентот биле повредени 23 американски маринци. Пет од нив со хеликоптер се префрлени во болница. Еден од хоспитализираните е во критична состојба.

Засега не е утврдена причината за авионската несреќа, која австралискиот премиер Ентони Албанезе ја нарече трагичен инцидент.

The post 📽 ВОЕНАТА ВЕЖБА ТРГНА НАОПАКУ 23 маринци се повредени во авионот што се урна во Австралија appeared first on plusinfo.mk.