Велика Британија соопшти дека обезбедува 200 милиони фунти (околу 230 милиони евра) за финансирање на подготовките за евентуално распоредување на војници во Украина, откако оваа недела вети дека ќе придонесе за мултинационални сили во земјата во случај на прекин на огнот.

Британскиот премиер Кир Стармер, францускиот претседател Емануел Макрон и украинскиот претседател Володимир Зеленски во вторникот се согласија за декларација за намера на самитот на „Коалицијата на подготвените“, одржан на високо ниво меѓу сојузниците на Украина, во која се наведува можноста за идно распоредување на меѓународни сили.

За време на посетата на Киев, британскиот министер за одбрана Џон Хили изјави дека средствата ќе бидат наменети за надградба на воените возила и комуникациските системи, за заштита од беспилотни летала, како и за „обезбедување подготвеност на војниците за евентуално распоредување“.

Објавата доаѓа само неколку часа откако Русија лансираше моќна хиперсонична ракета „Орешник“, потег кој европските сојузници на Киев го оценија како обид за заплашување и одвраќање од понатамошна поддршка за Украина.

Лондон засега не прецизира колку британски војници би биле испратени во Украина. Премиерот Стармер во средата изјави дека плановите сè уште се во фаза на финализирање.

Министерот Хили нагласи дека објавеното финансирање покажува оти британската влада „ги зголемува инвестициите“ во подготовките поврзани со Украина.

„Овие капитални расходи се финансираат од основниот буџет за одбрана и испраќаат јасен сигнал до сојузниците и противниците дека Велика Британија има намера да ги исполни своите ветувања за обезбедување мир во Украина“, се наведува во соопштението на британското Министерство за одбрана.

The post ЛОНДОН ПОДГОТВУВА 200 МИЛИОНИ ФУНТИ Пари, техника и војници за Украина по прекин на огнот appeared first on plusinfo.mk.

Рускиот претседател Владимир Путин денеска, за време на видео средбата со кинескиот претседател Си Џинпинг, изјави дека сака да ја зајакне воената соработка со Кина, фалејќи го отпорот на Москва и Пекинг на притисокот на Западот.

– Во контекст на западниот притисок и провокациите без преседан, ние ги браниме нашите принципиелни позиции – рече Путин во разговорот со Си.

Според него, „координацијата на Москва и Пекинг на меѓународната сцена служи за создавање праведен светски поредок заснован на меѓународното право”.

– Во руско-кинеската соработка посебно место има воената и техничката соработка која придонесува за безбедноста на нашите земји и одржување на стабилноста во клучните региони – нагласи Путин.

Рускиот претседател потоа посочи дека двете земји имаат намера да ја зајакнат соработката на вооружените сили.

Путин денеска најави и дека неговиот кинески колега ќе допатува во „државна посета” на Русија во пролетта 2023 година, што ќе биде прва посета од почетокот на пандемијата со ковид-19.

The post РУСИЈА И КИНА ЈА ЗАЈАКНУВААТ ВОЕНАТА СОРАБОТКА Путин најави можна посета на Си Џипинг напролет appeared first on plusinfo.mk.