Руската армија со беспилотни летала нападна два украински товарни брода во Црно Море. Како што соопшти руското Министерство за одбрана, еден од нападнатите товарни бродови превезувал воена опрема во Црно Море, додека другиот брод бил погоден во пристаништето Николаев.

Руските вооружени сили утрово продолжија да напаѓаат украински пристаништа и бродови. Товарен брод што превезувал воена опрема беше погоден во северозападниот дел на Црно Море. Помошен брод беше нападнат во пристаништето Николаев, се наведува во соопштението на руското МО.

The post РУСИЈА НАПАДНА ДВА УКРАИНСКИ ТОВАРНИ БРОДА ВО ЦРНО МОРЕ Едниот превезувал воена опрема appeared first on plusinfo.mk.

Втората пратка на американски оклопни борбени возила „Страјкер“ пристигна во Република Македонија, во рамки на процесот за модернизација и опремување на Армијата со современи средства и опрема.

Испораката е дел од договорот со Соединетите Американски Држави за набавка на оклопните возила, кои претставуваат еден од најзначајните проекти за модернизација на македонските одбранбени капацитети. „Страјкерите“ ќе придонесат за зголемување на мобилноста, заштитата и оперативната способност на Армијата, согласно НАТО стандардите.

Пред неколку недели за сработеното во двегодишниот мандат на прес конференција дека денеска ќе пристигне и втората пратка на „Страјкери“ информираше македонскиот министер за одбрана Владо Мисајловски, притоа потенцирајќи дека ќе се заокружи целиот процес на договорот со САД вреден речиси 339 милиони евра.

Инаку, првата пратка на лесни оклопни возила на тркала STRYKER MK‑B‑UCE беше реализирана во февруари годинава, а е во рамки на договорот склучен помеѓу владите на Македонија и на Соединетите Американски Држави

На неодамнешниот отчет за сработеното за време на двегодишниот мандат министерот за одбрана, Владо Мисајловски информираше дека со САД се потпишани и договори за набавка на лесно пешадиско вооружување, беспилотни системи „Пума“ и „Равен“, опрема за киберзаштита на единиците за Лесната пешадиска баталјонска група, опрема за киберзаштита на Министерството за одбрана, опрема за JTAC за блиска воздухопловна поддршка, радиоуреди, надградба на Симулацискиот центар во Велес…

Потпишан е и договор за системи за противoклопна борба „Џевелин“, чија испорака би требало да почне в година. Министерот за одбрана потсети и дека се стигнати артилериските системи „Боран“ од сојузничка Турција, како и дел од опремата „Мистрал 3“, процес што се очекува да биде завршен до крајот на годината.

The post 📽️ СТИГНА ВТОРАТА ПРАТКА ВОЗИЛА „СТРАЈКЕРИ“ Македонија го забрзува вооружувањето по НАТО стандарди appeared first on plusinfo.mk.

Македонската Армија се развива со засилено темпо, државата инвестира во развојот на одбранбените капацитети.

Вака галси пораката на министерот за одбрана Владо Мисајловски на состанокот на министри на Северноатлантскиот совет во Брисел.

– Силно сме посветени на развојот на националните одбранбени капацитети кои се составен дел од колективната одбрана на Алијансата. Тоа е евидентно преку инвестициите во одбраната, но и преку процесот на модернизација и опремување кој е видлив со секој изминат ден – потенцитеше Мисајловски во седиштето на НАТО во Брисел.

Министерот истакна дека државата одвојува рекордни средства за одбраната, кои се инвестираат ефикасно и ефективно во процесот на опремување и модернизација со цел исполнувањето на НАТО – Целите на способности согласно предвидената динамика.

Фото: Министерство за одбрана

– Нашата држава прави исчекор во развојот на капацитетите – истакна Мисајловски, укажувајќи на тоа дека само изминатата година во земјата веќе е пристигната значајна опрема, која паралелно со развојот на човечкиот капацитет овозможи армиската Лесна пешадиска баталјонска група, да биде оценета како „борбено способна за извршување на својата мисија”, согласно сите НАТО – стандарди.

На маргините на состанокот, министерот Мисајловски разговараше со повеќето колеги, а имаше и средба со грчкиот министер за национална одбрана, Николаос Дендиас, на која се разговараше за заедничката стратешка определба, мирен и стабилен регион и силна колективна одбрана.

На средбата беше истакната отворената, непосредна и искрена комуникација која придонесува за континуиран раст на одбранбената соработка, за што е потврда меѓусебната посветеност и значајната реализација на годишниот план за одбранбена соработка.

Мисајловски на средбата додаде дека со инвестициите кои во моментов се прават во одбраната и безбедноста, како и силното инвестирање во транспортната мрежа на коридорите 8 и 10 се овозможува поцврста одбрана и поголема безбедност за граѓаните на двете земји.

The post РЕКОРДНИ ВЛОЖУВАЊА, ИСЧЕКОР ВО ОДБРАНАТА Македонската армија брзо се развива, порача Мисајловски appeared first on plusinfo.mk.

Администрацијата на Трамп сака производителите на автомобили и другите американски производители да играат поголема улога во производството на оружје, што потсетува на практиката што се користеше за време на Втората светска војна, објави „Волстрит џурнал“ (WSJ), повикувајќи се на луѓе запознаени со дискусиите..

Високи американски претставници од одбраната разговараа за производство на оружје и други воени материјали со раководителите на повеќе компании, вклучувајќи ги „Џенерал моторс“ и „Форд мотор“. Во разговорите, според весникот, се вклучени и „ЏЕ Аероспејс“ и производителот на возила и машини „Ошкош“.

Разговорите, кои започнаа пред војната со Иран, доаѓаат во време кога администрацијата на Трамп сака производителите на автомобили и другите американски компании да играат поголема улога во производството на оружје.

Функционери на Пентагон за весникот изјавија дека американските производители можеби ќе бидат потребни за поддршка на традиционалните добавувачи на одбраната.

Претставник на Пентагон изјави за WSJ дека Министерството за одбрана е „посветено на брзо проширување на одбранбената индустриска база со искористување на сите достапни комерцијални решенија и технологии за да се обезбеди нашите војници да одржат одлучувачка предност“.

Од руската инвазија на Украина во 2022 година и воените операции на Израел во Газа, САД ги намалија своите залихи на оружје во вредност од милијарди долари, вклучувајќи артилериски системи, муниција и противтенковски ракети.

Трамп овој месец побара масовно зголемување на воениот буџет од 500 милијарди долари, на 1.500 милијарди долари, во услови на војната на САД против Иран.

The post ТРАМП САКА ЏЕНЕРАЛ МОТОРС И ФОРД ДА ПРОИЗВЕДУВААТ ОРУЖЈЕ Првите луѓе на компаниите веќе се повикани на разговор appeared first on plusinfo.mk.

Србија е европската земја која стои зад договорот вреден 1,64 милијарди долари потпишан со израелската одбранбена компанија „Елбит Системс“ (Elbit Systems), пренесе агенцијата Бета.

Компанијата со седиште во Израел минатата недела објави дека склучила договор за испорака на воена опрема на „една европска земја“. Сега, весникот Тајмс оф Израел јавува дека станува збор за Србија.

Договорот, кој е потпишан на период од 5 години, опфаќа продажба на ракетно-артилериски системи со долг дострел, како и на различни видови дронови за тактичка и за оперативна употреба.

„Ќе бидат испорачани и системи за собирање и обработка на разузнавачки податоци, заедно со напредни системи за ноќно извидување“, соопшти компанијата.

Дополнително, во втората група на договорената опрема влегуваат високо софистицирани ISTAR-системи (intelligence, surveillance, target acquisition and reconnaissance) и системи за електронско војување.

Елбит Системс ќе обезбеди и целосна воена дигитализација и мрежно борбено решение, засновано на најновата генерација софтвер и современа комуникациска хардверска опрема.

The post СРБИЈА СЕ НАОРУЖУВА ДО ЗАБИ Израел ќе ѝ испорача воена опрема вредна 1,64 милијарди долари appeared first on plusinfo.mk.

Германската влада нема да одобри никаков извоз на воена опрема во Израел што би можела да се користи во Појасот Газа до понатамошно известување, изјави денеска германскиот канцелар Фридрих Мерц во врска со планот на Израел да ги прошири своите воени операции на палестинската територија.

– Ослободувањето на израелските заложници и преговорите за прекин на огнот се главни приоритети на Германија – рече Мерц, изразувајќи длабока загриженост за страдањето на цивилите во Појасот Газа.

Германија е цврст поддржувач на Израел со децении, забележуваат агенциите.

Високиот комесар за човекови права на ОН, Волкер Турк, претходно изјави дека планот на израелската влада за целосно воено преземање на Газа е спротивен на одлуката на Меѓународниот суд на правдата, која наложува Израел што побргу да ја заврши својата окупација, на договореното решение за две држави и на правото на Палестинците на самоопределување.

Израелскиот политичко-безбедносен кабинет во петокот одобри план за преземање на контрола врз Газа Сити, во рамките на пошироката воена операција што премиерот Бенјамин Нетанјаху ја најави како целосно преземање на целиот Појас Газа.

Оваа одлука доаѓа по речиси 2 години војна, која предизвика масовни жртви и раселување на цивилното население.

ОБЕДИНЕТИТЕ НАЦИИ БАРААТ НЕТАНЈАХУ ШТО ПОБРГУ ДА ГО ОТКАЖЕ ПЛАНОТ ЗА ЦЕЛОСНА ОКУПАЦИЈА НА ГАЗА Високиот комесар на ОН со строго предупредување за Израел

The post ГЕРМАНИЈА ВЕЌЕ НЕ МУ ДАВА ВОЕНА ОПРЕМА НА ИЗРАЕЛ Најважно е да се ослободат израелските заложници и да продолжат преговорите за примирје во Газа, посочи Мерц appeared first on plusinfo.mk.

Советот на ЕУ денеска донесе одлука за доделување 15 милиони евра помош во рамките на Европскиот мировен инструмент (ЕПФ) за зајакнување на одбранбените капацитети и способности на македонската армија и нејзината оперативна подготвеност, јави дописникот на МИА од Брисел.

– Денеска се согласивме да ѝ обезбедиме на Северна Македонија дополнителна поддршка од ЕУ во вредност од 15 милиони евра за нејзината Армија – изјави во врска со одлуката високата претставничка за надворешни работи и безбедносна политика, Каја Калас.

Таа додаде дека овие средства ќе бидат искористени за набавка на различна опрема – од онаа, наменета за прибирање разузнавачки информации и за надзор, до онаа за потребите на борбената обука.

– Нашата поддршка ќе ѝ помогне на Северна Македонија да придонесе кон регионалната стабилност и безбедност, што е важно не само за Западниот Балкан, туку и за ЕУ – наведе Калас.

Според неа, со поддршката за земјава, наменета за спречување конфликти и за зајакнување на регионалната стабилност, Унијата покажува дека „целосно ја поддржува Северна Македонија на патот кон членство во ЕУ“.

– Со нетрпение ја очекувам мојата прва посета следниот месец за да разговараме дополнително за нашата заедничка агенда, додаде Калас во изјавата.

Како што соопшти Советот на ЕУ, со денешната и со билатералните пакети за поддршка во 2023 и 2024 година, вкупната помош од Унијата за земјава во рамки на Европскиот мировен инструмент (ЕПФ) достигна 38 милиони евра.

„Денешната одлука го покажува континуираниот ангажман со Северна Македонија во областа на безбедноста и одбраната, вклучително и на потпишувањето на Партнерството за безбедност и одбрана меѓу ЕУ и Северна Македонија минатиот ноември, а и го одразува целосното усогласување на земјата со заедничката надворешна и безбедносна политика на ЕУ“, се наведува во соопштението.

Со денеска издвоените средства, преку ЕПФ ќе ѝ биде обезбедена опрема со разузнавање на македонската Армија, како и надзор и извидување и за електронско војување, потоа комунални и инженерски возила, комуникациски и информациски системи и опрема за борбена обука, а, доколку е потребно, ќе се организира и оперативна обука за нивно користење.

„Новата мерка за помош, исто така, ќе го зголеми потенцијалот на Северна Македонија да придонесе во операциите и мисиите на заедничката безбедносна и одбранбена политика на ЕУ и во сите меѓународни коалиции“, се додава во соопштението.

The post ЕУ ДОДЕЛИ 15 МИЛИОНИ ЕВРА ПОМОШ ЗА МАКЕДОНСКАТА АРМИЈА Брисел покажува дека целосно ја поддржува Македонија во патот кон членство во Унијата appeared first on plusinfo.mk.

Оваа година Бугарија ќе ги добие првите 33 возила „Страјкер“ за Копнените сили, објави бугарскиот министер за одбрана Атанас Запрјанов за време на денешната церемонија по повод патронскиот празник на Воената академија „Г. С. Раковски“ и одбележувањето на 113-годишнината од нејзиното основање.

– Модернизацијата на Бугарската армија напредува со забрзано темпо. Вчера бевте сведоци на примопредавањето на првиот бугарски авион F-16 Block 70, оваа година ќе ги добиеме првите 33 возила „Страјкер“ за Копнените сили, а вториот брод на Воената морнарица е веќе пуштен во вода. Започнува вистинско опремување на нашите вооружени сили со нова борбена техника, особено во делот на борбените способности – истакна Запрјанов.

На 1 декември 2023 година, бугарскиот парламент го ратификуваше договорот за набавка на возила „Страјкер“, потсетува БТА. Планирано е набавување на 198 возила, вклучувајќи борбени, извидувачки и командно-штабни возила, специјализирани возила за нуклеарно, хемиско и биолошко извидување, за медицинска евакуација, инженерска поддршка, како и транспортни и евакуациони возила. Од нив, 183 се борбени возила од фамилијата „Страјкер“, а останатите 15 се помошни камиони. Испораките се очекуваат да започнат во третиот квартал од 2025 година и да завршат во првиот квартал од 2028 година. Најголемиот дел од борбените и помошните возила ќе бидат испорачани во 2026 и 2027 година, со темпо од десет возила месечно.

– Војните во 21 век го поттикнуваат користењето на современи технологии, што бара преиспитување на нашата подготовка, осовременување на наставните програми, подобрување на условите за работа и обука, соодветно наградување, но и зголемување на барањата кон кадрите. Новиот пакет на способности на НАТО е многу поширок, поопфатен и бара поголеми напори за реализација во споредба со претходниот, особено затоа што конвенционалната војна се врати во Европа. Мораме да бидеме подготвени да се бориме за одбрана на територијалниот интегритет на нашата земја и на Алијансата – нагласи министерот за одбрана на Бугарија.

Во Воената академија „Г. С. Раковски“ се обучуваат над 1.200 лица, изјави нејзиниот началник, генерал-мајор Стајко Прокопиев, на денешната церемонија. Воената академија „Г. С. Раковски“ е најстариот воен високошколски институт во Бугарија, основан со закон на 1 март 1912 година, донесен од 15-от Народен парламент.

The post БУГАРИЈА ЈА ЗАЈАКНУВА АРМИЈАТА Првите 33 возила „страјкер“ пристигнуваат годинава appeared first on plusinfo.mk.

Во текот на изминатите три дена, повеќе од 16 транспортни авиони на американските воздухопловни сили Ц-17 „Глоубмастер 3“ слетале во воздухопловната база Осан во Јужна Кореја пред да продолжат со својот лет до воздухопловната база Иса во Бахреин.

Според непотврдени извештаи, товарот вклучува и напредни системи за противвоздушна одбрана – најверојатно батерии за ракети Патриот – кои се преместуваат додека регионот се подготвува за понатамошна ескалација.

Alert: US Forces in Middle East on Alert! C-17 military transport planes are delivering Patriot missile batteries defense to Isa Air Base in Bahrain, 100 miles from Iran. Rapidly deployed from South Korea, the US is preparing for a major war against Iran, after Iran threatened… pic.twitter.com/kOD3SFpMUo

— US Homeland Security News (@defense_civil25) March 31, 2025

Ваквиот развој на состојбата доаѓа во време на зголемени тензии меѓу САД и Иран, поради што специјализираните воени портали коментираат дека ова е најава за можна американска акција против Техеран.

Врховниот водач на Иран, ајатолахот Али Хамнеи, во понеделникот рече дека САД ќе добијат силен удар доколку дејствуваат според заканата на претседателот Доналд Трамп дека САД ќе го бомбардираат Иран доколку Техеран не постигне нов нуклеарен договор со Вашингтон, објави Ројтерс.

The post ВО ТЕК Е МАСОВНА АМЕРИКАНСКА ВОЕНА ОПЕРАЦИЈА НА БЛИСКИОТ ИСТОК Се подготвува удар врз Иран? appeared first on plusinfo.mk.

Американските медиуми пренесуваат дела ова претставување на јужнокорејското оружје и предупредувањето доаѓа откако Северот неодамна го откри својот капацитет за збогатување ураниум и тестираните проектили пред претседателските избори во САД во ноември.

– Доколку Северна Кореја се обиде да употреби нуклеарно оружје, ќе се соочи со решителен одговор од нашата и војската на нашиот сојузник САД. Тој ден ќе биде крајот на севернокорејскиот режим – им рече претседателот Јун Сук-Јол на собраните војници на воениот аеродром во близина на Сеул.

At a military parade to mark the 76th anniversary of the South Korean armed forces, Seoul unveiled a new Hyunmoo-5 ballistic missile with a warhead of up to 9 tons.#China pic.twitter.com/VBecNre4Eg

— Authentic World Updates (@worldupdates245) October 1, 2024

The South Korean Armed Forces demonstrated the Hyunmoo-V strategic missile system, which has the most powerful non-nuclear ballistic missile in the world. pic.twitter.com/xH0VESTH3Z

— 𝔗𝔥𝔢 𝕯𝔢𝔞𝔡 𝕯𝔦𝔰𝔱𝔯𝔦𝔠𝔱△ (@TheDeadDistrict) October 1, 2024

За време на церемонијата, јужнокорејската војска покажа околу 340 парчиња воена опрема и системи за оружје. Меѓу нив беше и нејзината најмоќна балистичка ракета „Хјунму-5“, за која експертите велат дека може да носи боева глава тешка околу осум тони и може да навлезе длабоко во земјата и да ги уништи подземните бункери во Северна Кореја.

Ова е првпат Јужна Кореја да ја покажува ракетата.

Откако ја презеде функцијата во 2022 година, Јун Сук-Јол го зајакна воениот сојуз со САД и ја подобри трилатералната безбедносна соработка Сеул-Вашингтон-Токио.

The post 📽 ЈУЖНА КОРЕЈА ЈА ПОКАЖА СВОЈАТА НАЈМОЌНА РАКЕТА Сеул му се закани на Пјонгјанг appeared first on plusinfo.mk.