Германската полиција приведе брачна двојка во Минхен под сомнение дека шпионирале во корист на Кина.

Приведените се германски државјани, а се товарат дека одржувале контакти со научници од германските универзитети и истражните институти со цел да добијат научни информации за високотехнолошки компоненти со потенцијални воени примени, соопшти Канцеларијата на федералниот обвинител во Карлсруе.

Според истражителите, осомничените биле заинтересирани за професори и научници од областа на воздухопловното инженерство, компјутерските науки и вештачката интелигенција. Во нивните контакти со академиците, двајцата понекогаш се претставувале како преведувачи, а друг пат како вработени во автомобилската индустрија.

Обвинителството наведе дека некои научници биле измамени да патуваат во Кина, под изговор дека држат платени предавања пред обична публика, а всушност им држеле предавања на претставници на државни компании за одбрана.

Двајцата осомничени денеска требаше да се појават пред судот во Сојузниот Врховен суд на Германија, кој ќе разгледа барање за нивно притворање.

Обвинителството соопшти дека полициските операции поврзани со случајот се одвивале истовремено во неколку германски покраини, вклучувајќи ги Баден-Виртемберг, Баварија, Берлин, Бранденбург, Долна Саксонија и Северна Рајна-Вестфалија. Сепак, дејствијата биле преземени против лица кои се сметале за сведоци, а не за да се бараат други осомничени.

The post ГЕРМАНЦИ ШПИОНИРАЛЕ ВО КОРИСТ НА КИНА? Уапсена брачна двојка во Минхен appeared first on plusinfo.mk.

Цената на волфрамот, метал кој се користи во воената индустрија и за производство на алати, машини, електроника, муниција и високотехнолошки апликации, од почетокот на војната на Блискиот Исток и поради контролите на извоз од Кина скокна на рекордно ниво.

На крајот на март, цената на амониум параволфрамот – најважниот меѓупроизвод во производството на волфрам – достигна рекордни 3.150 американски долари по единица метрички тон на пазарот во Ротердам. Ова претставува зголемување од околу 50% од почетокот на војната во Иран и е споредливо по обем со истовременото зголемување на цените на нафтата.

Европската Унија го класифицира волфрамот како критична и стратешка суровина.

Волфрамот е исклучително тврд метал. Има највисока точка на топење меѓу металите – 3.422 степени Целзиусови. Токму затоа се користи за производство на противтенковска муниција и ракетни компоненти, како оние што се користат во војната во Иран. За разлика од многу индустриски апликации, волфрамот од ракетите не може да се рециклира. Со секоја ракета што експлодира, волфрамот неповратно се губи.

Од крајот на декември, цената се зголеми повеќе од трипати, а од јуни 2025 година, дури се зголеми и повеќе од седум пати.

Војната во Иран делува како забрзувач, но не е единствената причина за ненадејниот пораст на цените. Клучниот фактор е Кина. Таа земја доминира во глобалното производство на волфрам: според Геолошкиот завод на САД, Кина минатата година произведе 67.000 тони, што е околу 79% од светското производство.

Во февруари 2025 година, Пекинг воведе нови контроли на извозот, делумно како одговор на сè позатегнатите односи со Соединетите Американски Држави. Оттогаш, извозот на волфрам од Кина се намали за околу 40%. На извозниците сега им се потребни владини дозволи за извоз на стоки од Кина.

Намалената понуда доаѓа во време на растечка побарувачка, како во воениот, така и во цивилниот сектор. Волфрамот е неопходен за производство на тврди метални компоненти како што се дупчалки, глодалки и влошки за сечење, што го прави неопходен во машинското инженерство и металната индустрија.

За Европа, ова претставува посебен предизвик бидејќи волфрамот се користи токму во секторите што ја формираат основата на индустриското производство – од машинското инженерство до автомобилската индустрија. Европската Унија дополнително го признава како стратешки важен за авијацијата, вселенската индустрија и одбраната.

The post МЕТАЛОТ ВАЖЕН ЗА ПРОИЗВОДСТВО НА ОРУЖЈЕ ПОСКАПЕ ЗА 50% Намалената достапност станува голем проблем и за европската индустрија appeared first on plusinfo.mk.

Европската комисија одобри работна програма вредна 1,5 милијарди евра со цел зајакнување и модернизација на европската одбранбена индустрија, во рамки на Програма за европска одбранбена индустрија (EDIP).

Од вкупниот износ, 260 милиони евра ќе бидат насочени кон „Инструментот за поддршка на Украина“, кој предвидува инвестиции во заеднички проекти за зголемување на воените производствени капацитети. Средствата ќе се користат за развој на клучни одбранбени компоненти, вклучувајќи системи за борба против дронови, ракети и муниција, како во Украина, така и во Европа.

– Земјите членки, Норвешка и, за првпат во рамки на програмата за одбранбена индустрија на ЕУ, Украина и нејзините индустрии, сега можат да ги искористат можностите за финансирање за зајакнување на одбранбената соработка и зголемување на производството – изјави европскиот комесар за одбрана и вселена Андриус Кубилиус.

Со оваа програма, Европската унија има цел да ја зголеми самостојноста во одбранбениот сектор и да го засили производството на воена опрема во услови на зголемени безбедносни предизвици.

The post ЕУ ОДВОЈУВА 1,5 МИЛИЈАРДИ ЕВРА Брисел со нов план за одбрана, дел од средствата и за Украина appeared first on plusinfo.mk.

Европските земји членки на НАТО активно се подготвуваат за можна војна со Русија, изјави директорот на Надворешната разузнавачка служба (СВР) на Русија, Сергеј Наришкин, на состанокот на Советот на шефови на безбедносни агенции и специјални служби на земјите од Заедницата на независни држави (ЗНД) во Самарканд.

– Секако, ги гледаме нашите европски сојузници во НАТО како се подготвуваат за војна со нашата земја. Поставена е задача брзо да се обезбедат со сите потребни ресурси за силите за одговор на НАТО, одредени за оваа намен – нагласи Наришкин.

Според него, западните сојузници почнале процес на експоненцијално зголемување на производството во рамките на европскиот воено-индустриски комплекс, како и редовни мобилизациски вежби.

– Паралелно се врши перење на мозокот на населението со пропаганда за неизбежна агресија од Москва – додаде тој.

Заменик-шефот на руската делегација, Колесник, оцени дека НАТО „прави џиновски чекори кон Трета светска војна“, предупредувајќи дека политиката на Алијансата води кон директна конфронтација со Русија.

На состанокот во Самарканд се собраа шефовите на безбедносните структури на земјите од ЗНД, кои ги разгледуваа актуелните глобални ризици, воено-политичката ситуација во Европа и последиците од ширењето на инфраструктурата на НАТО кон исток.

The post НАТО ЈА ПОДГОТВУВА ЕВРОПА ЗА ВОЈНА СО РУСИЈА На јавноста ѝ се пере мозокот дека таа е неизбежна, вели шефот на руското разузнавање appeared first on plusinfo.mk.

Кинескиот извоз на магнети отпорни на топлина направени од ретки минерали кои се вградуваат во борбени авиони, ракети и друга воена опрема е централно прашање во трговските преговори меѓу САД и Кина што моментално се водат во Лондон, коментираат медиумите.

Кина ги произведува целокупни светски залихи на самариум од кој се произведуваат овие магнети  што можат да издржат температури доволно високи за да го стопат оловото без да ја изгубат својата магнетна сила. Тие се неопходни за да се издржи топлината на брзите електрични мотори во затворени простори, како што се конусите на носот на ракетите. Секој авион Ф-35 содржи 22 килограми самариум

На 4 април, Кина го запре извозот на седум видови ретки земни метали, како и магнети направени од нив. Кина контролира поголем дел од светската понуда на овие метали и магнети.

Кинеското Министерство за трговија изјави дека овие материјали имаат и цивилна и воена употреба и дека секој понатамошен извоз ќе биде дозволен само со специјално издадени дозволи.

Според министерството, тој потег би ја „заштитил националната безбедност“ и би „исполнил меѓународни обврски како што е неширењето на нуклеарно оружје“.

Министерството започна со издавање на некои лиценци за магнети кои вклучуваат два од ограничените ретки земни метали, диспрозиум и тербиум, на производителите на автомобили во Европа и САД. Магнетите со овие два ретки земни минерали, кои се користат во системите за сопирање и управување, можат да ја издржат топлината на блискиот бензински мотор, но не можат сигурно да ја толерираат повисоката топлина што се среќава во воените апликации.

Но, нема знаци дека Кина го одобрила извозот на самариум, кој има малку цивилни апликации.

Повеќе од една деценија, САД не успеаја да развијат алтернатива на снабдувањето на Кина со специфичен вид ретки минерали, клучни за производство на магнети за ракети, борбени авиони, паметни бомби и многу друга воена опрема.

The post КИНЕСКИ РЕДОК МИНЕРАЛ Е ЗАКАНА НА ЗАПАДНИТЕ ВОЈСКИ Секој авион Ф-35 содржи 22 килограми од овој минерал appeared first on plusinfo.mk.