НАТО потврди дека ноќеска е пресретната балистичка ракета испукана од Иран кон Турција, што е трето такво пресретнување откако почна американско-изрелската војна против Иран на 28 февруари.

– НАТО останува буден и цврсто стои со сите свои сојузници во нивната одбрана – изјави портпаролката на Алијансата, Алисон Харт.

И турското министерство за одбрана претходно објави дека балистичка ракета лансирана од Иран, која влегла во турскиот воздушен простор, била неутрализирана од воздушните и ракетните одбранбени системи на НАТО, распоредени во источниот Медитеран.

Во соопштението се наведува дека Турција ги презема сите потребни мерки против каква било закана насочена кон нејзината територија и воздушен простор. Се додава дека се во тек консултации со Иран за да се разјаснат сите околности на инцидентот.

Турските власти велат дека внимателно ги следат случувањата во регионот и дека националната безбедност е нивен врвен приоритет.

Рано утрово се огласија сирени во турската воздухопловна база Инџирлик, која важен објект на НАТО каде што се распоредени американски војници и во која се чуваат нуклеарни бомби.

Жителите на Адана, која се наоѓа на околу 10 километри од базата, биле разбудени околу 3:25 часот од сирени, по што виделе светлечки објект како лета над градот.

АЛАРМ ВО НАТО-БАЗАТА ИНЏИРЛИК ВО ТУРЦИЈА Проектил на небото, црвена тревога во базата со нуклеарни бомби

The post НАТО И ТУРЦИЈА ПОТВРДИЈА ДЕКА СОБОРИЛЕ ИРАНСКА РАКЕТА Над базата Инџирлик пиштеа сирени, ова е трет ваков инцидент appeared first on plusinfo.mk.

Десетици воени камиони ја напуштија базата Касрак во североисточна Сирија, што означува почеток на повлекување на американските сили од нивната најголема позиција во земјата. Потегот доаѓа во време кога властите во Дамаск ја зацврстуваат контролата врз сириската територија.

Според британски медиуми, кои се повикуваат на неименувани безбедносни извори, неколку десетици камиони, дел натоварени со оклопни возила, ја напуштиле базата во областа Хасака.

Доколку повлекувањето биде целосно, американските сили во Сирија ќе останат распоредени само во базата Рмелан, во близина на границата со Ирак.

Базата Касрак повеќе од една деценија служеше како главна оперативна точка во борбата против организацијата Исламска држава.

Се очекува процесот на повлекување да трае околу еден месец.

Промените на теренот доаѓаат во чувствителен момент за безбедносната архитектура во регионот и за идното присуство на американските сили во Сирија.

#US forces have begun withdrawing from #Qasrak base ~

~ the largest remaining #American military installation in #Syria, located in the #AlHasakah countryside. Convoys are relocating equipment and troops toward #Iraq as part of a broader drawdown ordered in February 2026 pic.twitter.com/ZYhlm4Bdkn

— Mahalaxmi Ramanathan (@MahalaxmiRaman) February 23, 2026

The post 📽️ СЕ ПРАЗНИ НАЈГОЛЕМАТА БАЗА НА САД ВО СИРИЈА Крај на децениското присуство во Касрак appeared first on plusinfo.mk.

База за 5.000 војници во јужна Газа станува дел од нов безбедносен план. Британскиот весник „Гардијан“ објави дека администрацијата на Доналд Трамп разгледува изградба на оперативен воен комплекс распространет на 140 хектари.

Информациите се повикуваат на договорни документи на Одборот за мир, тело што треба да управува со Газа. Во рамките на таа структура се предвидува формирање Меѓународни сили за стабилизација, мултинационална мисија означена како МСС.

Одборот, според написот, го предводи американскиот претседател Доналд Трамп, а во управувањето учествува и неговиот зет Џаред Кушнер.

Бункери, оклопи и бодликава жица

Плановите што ги разгледал „Гардијан“ предвидуваат база со димензии 1.400 на 1.100 метри. Околу комплексот би имало 26 оклопни набљудувачки позиции поставени на приколки. Проектиран е полигон за лесно оружје, складишта и засилена инфраструктура.

Базата би била опкружена со бодликава жица. Во неа се планира мрежа од бункери со димензии 6 на 4 метри и висина од 2,5 метри, со вентилациски системи за засолниште.

Локацијата е наведена како сув дел од рамнината во јужна Газа. Областа, според извештајот, носи траги од претходни израелски бомбардирања.

Извор близок до процесот изјавил дека неколку меѓународни градежни компании веќе ја посетиле територијата.

МСС под мандат на ОН?

Советот за безбедност на Обединетите Нации го овластил Одборот за мир да формира привремена МСС во Газа. Според објаснувањето на ОН, мисијата треба да ја обезбедува границата и да го одржува мирот.

Се предвидува силите да ги штитат цивилите и да ги обучуваат палестинските полициски структури.

Не е јасно какви би биле правилата на ангажман во случај на нови судири, израелско бомбардирање или напад од Хамас. Не е прецизирана ни улогата во евентуално разоружување, услов што Израел го поставува за продолжување на реконструкцијата.

Контроверзии околу управувањето

Иако повеќе од 20 земји поднеле барање за приклучување кон Одборот, голем дел од меѓународната заедница останал резервиран.

Според „Гардијан“, повелбата му дава на Трамп трајно водство во рамките на структурата. Експерти предупредуваат дека механизмите за финансирање и управување се нејасни.

Неколку изведувачи посочиле дека разговорите со американски претставници се воделе преку апликацијата „Сигнал“, а не преку официјална владина е-пошта.

Од Централната команда на САД, надлежна за Блискиот Исток, упатиле прашањата до Одборот за мир.

Службеник од администрацијата изјавил

– Како што рече претседателот, нема да има американски војници на терен. Нема да разговараме за протечените документи – рекол претставникот.

The post 5.000 ВОЈНИЦИ ВО БАЗА ЌЕ ЧУВААТ МИР ВО ГАЗА Трамп планира меѓународна мисија appeared first on plusinfo.mk.

Американскиот претседател Доналд Трамп ја нарече „идиотска“ одлуката на Лондон да му го препушти архипелагот Чагос на Маврициус.

– Невозможно е некој да подарува копно среде океан во време на геополитичка бура – изјавил Трамп, коментирајќи го потпишаниот договор меѓу Лондон и Порт Луис.

Се чини дека Трамп ја смени позицијата за договорот за Чагос од мај 2025 година кога Белата куќа официјално го поддржа истиот, пишува Би-Би-Си.

Договорот од мај 2025 предвидува и Велика Британија да ја изнајми воената база Диего Гарсија за 99 години, со можност за продолжување за уште 40.

Коментарите на Трамп доаѓаат во време кога американскиот лидер недвосмислено укажува на своите планови да го преземе Гренланд од Данска.

Жителите протерани, базата останува

Островите Чагос имаат болна историја. Населението, познато како Чагосјани, било насилно иселено помеѓу 1967 и 1973 година, за да се отвори простор за изградба на база.

Велика Британија и САД потпишале таен договор во 1966 година со кој Американците ќе плаќаат наемнина за користење во следните 60 години, заклучно 2036 година. Оттогаш, Диего Гарсија станал симбол на моќта на Западот во Индискиот Океан. Базата служела како логистички центар во Заливските војни и во операциите во Авганистан.

Меѓународниот суд на правдата уште во 2019 година препорача островите да се вратат под суверенитет на Маврициус. Британија тогаш одговори со молк.

Дури во октомври 2024 година, премиерот Кир Стармер најави дека договорот ќе стане реалност.

Долг рок и длабоки сомнежи

Во пакетот е вклучен и фонд од 40 милиони фунти за поддршка на иселените жители. Но, критичарите предупредуваат дека новиот аранжман отвора простор за зголемено влијание на Кина во регионот.

– Кина ќе ја користи секоја ваква празнина за да го прошири своето присуство – изјави за Си-Ен-Ен поранешниот британски министер за одбрана Грант Шапс.

Архипелагот меѓу три сили

Чагос Архипелагот е под британска контрола од 1814 година. Во 1965 година бил административно одвоен од Маврициус, кој тогаш сè уште бил колонија. Откако земјата стекнала независност, Лондон ги задржал островите и ги преименувал во Британска територија во Индискиот Океан.

Денес, воената база Диего Гарсија останува геостратешка точка што ги поврзува Африка и Азија.

„Брзо деколонизирање“

Меѓународниот суд ја оцени британската окупација како незаконита и побара „брзо деколонизирање“. Советодавната одлука беше поддржана од Генералното собрание на Обединетите нации.

Новиот договор од 2025 година делумно ја признава оваа препорака, но истовремено ја зацврстува западната воена инфраструктура

The post „ИДИОТИ, ЌЕ МУ ПОКЛОНАТ ОСТРОВИ НА МАВРИЦИУС“ Трамп ги куди Британците за клучна база среде Индискиот Океан appeared first on plusinfo.mk.

Драматична ескалација на тензиите на Блискиот Исток – експлозии одекнаа над главниот град на Катар, Доха, по наводен ракетен напад од Иран врз американската воена база Ал-Удаид.

Како што пренесуваат Ројтерс и АФП, иранските ракети биле лансирани како одговор на претходните воздушни напади на САД врз ирански нуклеарни локации. Нападот, освен во Катар, според државни ирански медиуми, бил насочен и кон цел во Ирак.

Според американски медиуми, експлозии одекнуваат над Доха и над Лусаил, вториот по големина град во Катар. Најмалку 10 ракети се испукани кон Катар и најмалку една кон Ирак.

Како што беше нагласено, Корпусот на Исламската револуционерна гарда објави за операцијата.

– По јасната воена агресија на криминалниот режим на САД врз нуклеарни објекти за мировни цели на Исламската Република Иран и јасното кршење на меѓународното право, под водство на Врховниот совет за национална безбедност и раководството на Централниот штаб на Хатам ал-Анбија (ПБУХ), Корпусот на Исламската револуционерна гарда…ја таргетираше базата Ал-Удеид во Катар со разорен и моќен ракетен напад. Оваа база е седиште на воздухопловните сили и најголема стратешка предност на американската терористичка армија во регионот на Западна Азија – објавија тие.

Засега, деталите за нападот и евентуалната штета не се познати. Покрај Катар, сирени се огласија и во соседните Бахреин и Кувајт.

Базата Ал-Удаид е најголемото американско воено упориште во регионот, и клучен стратешки центар од каде се координираат воздушни операции во целиот Блиски Исток. Таму има распоредено околу 8.000 американски државјани и воен персонал, а ротациски служат и британски сили.

Од Стејт департментот засега нема официјален коментар, додека локалните власти во Доха тврдат дека се преземаат мерки за безбедност на цивилното население.

NOW: Doha, Qatar. pic.twitter.com/HB6e0yQ4T3

— Iran Military ( Commentary) (@IranMilitary_ir) June 23, 2025

Катарските власти претходно привремено го суспендираа воздушниот сообраќај низ целата земја, откако Иран се закани со одмазда за американските напади врз неговите нуклеарни постројки.

– Надлежните органи објавуваат привремено суспендирање на воздушниот сообраќај во воздушниот простор на земјата, како дел од низа мерки на претпазливост преземени врз основа на развојот на настаните во регионот – соопшти МНР на Катар.

Во Катар е најголемата база на САД во регионот.

The post 📽️ ИРАН ЈА ПОЧНА ОДМАЗДАТА КОН САД Нападната американската база во Доха, детонации има и во Ирак appeared first on plusinfo.mk.

Велика Британија  потпиша договор со кој островот Чагос ќе му го врати на Маврициус, но за возврат ќе ја задржи контролата врз воената база во областа за надомест од 101 милион фунти годишно, објавува Би-Би-Си.

Премиерот Кир Стармер изјави дека договорот, според кој Велика Британија ќе ја изнајми базата за 99 години со можност за продолжување за уште 40 години, е во национален интерес на Обединетото Кралство.

Покрај закупот, Велика Британија ќе воспостави фонд во износ од 40 милиони фунти за жителите на областа.
Закуп на воена база.

Обединетото Кралство ќе ја задржи целосната оперативна контрола врз Диего Гарсија, вклучувајќи ја и сателитската опрема што користи заштита од надворешни пречки. Околу островот ќе биде воспоставена тампон зона широка 44,5 километри, во која нема да биде дозволена никаква изградба или инсталација без согласност на Велика Британија.

Островите беа одвоени од Маврициус во 1965 година, кога земјата сè уште беше британска колонија, а Велика Британија ги купи за 3 милиони фунти. Помеѓу 1967 и 1973 година, целото население беше иселено за да се направи место за изградба на заедничка воена база со САД, која сè уште постои денес на најголемиот остров, Диего Гарсија.

The post ОСТРОВОТ ЧАГОС СЕ ВРАЌА НА МАВРИЦИУС Велика Британија ќе ја контролира воената база за надомест од 101 фунта годишно appeared first on plusinfo.mk.

Инцидентите се случија помеѓу 9 и 29 јануари, кога неидентификувани беспилотни летала постојано навлегуваа во ограничен воздушен простор над база на германските воздухопловни сили. Иако германските сили се обидоа да ги соборат беспилотните летала, користејќи електронски контрамерки како што се заглавувачите, тие не беа во можност да соборат ниеден дрон или да ги лоцираат нивните оператори.

Германската војска сега ги класифицира овие инциденти како „потенцијална шпионажа“ и ги известила разузнавачките служби. Германската војска официјално го потврдила откривањето дронови, но не открива дополнителни детали.

Воздухопловната база Швесинг е особено важна цел за надзор поради обуката на украинските војници на системи „Патриот“. Германија веќе испорача неколку системи „Патриот“ во Украина каде што играат клучна улога во одбраната од руски воздушни напади.

Воените претставници веруваат дека беспилотните летала се напредна технологија и не се стандардни комерцијални модели. Некои безбедносни службеници веруваат дека тие можеби биле лансирани од бродови во Северното или Балтичкото Море.

The post МИСТЕРИОЗНИ ДРОНОВИ ЛЕТАЛЕ НАД ГЕРМАНСКА ВОЕНА БАЗА Дали станува збор за руска шпионажа? appeared first on plusinfo.mk.

-Ако е потребно, можеме да изградиме база и поморски структури на север. Имаме и море – рече турскиот претседател во авионот на враќање од Кипар, каде присуствуваше на церемониите по повод 50-годишнината од интервенцијата на турската војска.

Тој ја обвини Грција дека сака да воспостави таква база на поделениот медитерански остров.

Во 1983 година, Турската Република Северен Кипар беше прогласена во северниот дел на Кипар, кој е признаен само од Турција.

Шефот на турската држава уште еднаш отфрли секаква можност за продолжување на меѓународните преговори за иднината на Кипар, сметајќи дека единствениот можен начин е директно да се преговара со кипарските Грци, на рамноправна основа.

– Искрено не мислиме дека е можно да се започне нов преговарачки процес без да се воспостави равенка според која двете страни ќе седнат на маса рамноправни и ќе ја остават како еднакви – рече Ердоган.

Островот Кипар е поделен откако Турција го зазеде северниот дел од островот на 20 јули 1974 година, како одговор на пучот на националистичките кипарски Грци кои сакаа да го припојат кон Грција.

The post ТУРЦИЈА ПОДГОТВЕНА ДА ИЗГРАДИ ВОЕНА БАЗА НА КИПАР Ердоган ја обвини Грција дека сака да воспостави контрола на поделениот остров appeared first on plusinfo.mk.

Официјални претставници на Народниот фронт за мобилизација (ПМФ) првично ја опишаа експлозијата во базата Калсу во централен Ирак како резултат на воздушен напад и ги обвинија американските воздухопловни сили.

Сепак, Централната команда на американската армија во соопштение негираше дека извршила какви било напади во Ирак.

ПМФ потоа попладнево излезе со ново соопштение во кое ја опиша експлозијата како резултат на „напад“, но не спомна никого.

Ирачките медиуми објавија дека ирачката противвоздушна одбрана не открила никакви беспилотни летала или борбени авиони пред или во моментот на експлозијата.

Во соопштението се наведува дека меѓу повредените има и еден припадник на ирачката армија.

The post 📽 КОЈ СТОИ ЗАД ЕКСПЛОЗИЈАТА ВО ВОЕНАТА БАЗА ВО ИРАК? Ирачките власти го истражува нападот во кој едно лице загина, а осум се повредени appeared first on plusinfo.mk.

Нуклеарната организација на ОН (МААЕ) потврди дека иранските нуклеарни локации се неповредени, по извештаите за напад во ирански Исфахан.

МААЕ, исто така, го повтори својот повик и Иран и Израел да покажат максимална воздржаност, нагласувајќи дека атомските капацитети никогаш не треба да бидат цел.

Israel missile strike targeted a site in Iran

Explosions in Isfahan in central Iran, in the As-Suwayda Governorate of southern Syria, and in the Baghdad area and Babil Governorate of Iraq pic.twitter.com/vFPVeEGGuU

— Sumit (@SumitHansd) April 19, 2024

Иран утрово потврди дека имало напад од страна на Израел.

Воздушната  одбрана утрово „успешно собори“ неколку израелски беспилотни летала над провинцијата Исфахан, но засега нема информации за можен ракетен напад“, соопшти Иранската вселенска агенција.

„Во моментов нема воздушен напад надвор од Исфахан“, напиша на интернет портпаролот на агенцијата X, Хосеин Далиријан, по извештајот на американската телевизија за нападот на Израел врз Иран.

Агенцијата Мехр јави дека летовите кон Техеран, Исфахан и Шираз, како и до аеродромите на запад, северозапад и југозапад од земјата, се привремено прекинати. Затворен е воздушниот простор над неколку градови, меѓу кои и Исфахан. Исфахан, на околу 350 километри јужно од Техеран, е дом на важна иранска воена база и објекти поврзани со иранската нуклеарна програма.

Цитирајќи неименуван американски функционер, ABC News претходно објави дека Израел го извршил нападот врз Иран како одмазда за иранските напади на израелска територија минатиот викенд.

Израелската војска соопшти дека нема коментар „во овој момент“ во врска со експлозиите во близина на воена база во централен Иран.

Израелската армија утринава соопшти дека на северот на земјата се активирани предупредувачките сирени.

The post 🎥 ИЗРАЕЛ ГО НАПАДНА ИРАН Воздушната одбрана на Иран тврди дека соборила неколку дронови, но немало ракетен напад appeared first on plusinfo.mk.