Познатиот духовен лидер на Тибет, кој е во егзил, Далај Лама, ги реши долгогодишните дилеми и потврди дека ќе има наследник, ставајќи крај на неизвесноста за судбината на 600-годишната духовна институција, јави Би-Би-Си.

Во видео порака од неговото седиште во егзил во индискиот град Дарамшала, 90-годишниот духовен лидер рече дека само специјалниот фонд „Гаден Фодранг Траст“, што тој го основал, може да одреди кој ќе биде неговиот вистински наследник.

– Потврдувам дека институцијата Далај Лама ќе продолжи, а само мојата канцеларија, согласно традицијата, ќе го одреди наследникот. Никој друг нема право да се меша во тоа – нагласи Далај Лама.

Неговата порака предизвика големо олеснување кај тибетските монаси и следбеници кои деновиве присуствуваат на прославите за неговиот 90-ти роденден. Меѓу 7.000 гости од целиот свет е и холивудскиот актер Ричард Гир, долгогодишен приврзаник на духовниот водач.

Но, одлуката веднаш беше отфрлена од Кина, која инсистира дека следниот Далај Лама мора да биде избран според кинеските закони и да добие одобрение од Пекинг.

– Реинкарнацијата мора да ги следи нашите историски традиции и да биде одобрена од владата – изјави портпаролот на кинеското Министерство за надворешни работи.

On his 90th birthday in Dharamsala, His Holiness the 14th Dalai Lama shared a deeply moving message centered on compassion, peace, and unity. He also thoughtfully touched upon the question of his succession. His enduring wisdom continues to uplift and guide people around the… pic.twitter.com/UCdfN7iAvW

— Tibetan history in Pictures (@HistoryTibetan) July 1, 2025

Далај Лама во минатото не беше сигурен дали неговата духовна титула ќе продолжи. Пред неколку години, тој најави дека неговиот наследник може да биде жена или пак воопшто да нема наследник. Сепак, силната поддршка од Тибетанците го убедила дека институцијата мора да продолжи, нагласувајќи дека неговиот наследник не смее да биде роден во Кина.

Експертите очекуваат дека Кина ќе се обиде да наметне свој кандидат, што ќе создаде уште поголема напнатост. Професорот Дибјеш Ананд од Универзитетот во Вестминстер смета дека кинескиот кандидат нема да биде признаен од тибетскиот свет, ниту пак од меѓународната заедница.

– Кина има моќ и ресурси, но не и легитимитет. Светот ќе се потсмева на нивниот избор – додаде Ананд.

Цајанг Гјатсо, тибетски бизнисмен од Делхи, кој специјално дошол во Дарамшала за прославата, рече дека со оваа порака завршува периодот на неизвесност.

– Се чувствувам благословен и олеснет. Стравував дека Кина ќе ја корумпира постапката, но сега сум спокоен – изјави Гјатсо за Би-Би-Си.

Професорот Роберт Барнет од Факултетот за ориентални и африкански студии во Лондон смета дека изјавата на Далај Лама е директна порака до Пекинг дека духовниот лидер, а не Кина, ќе одлучи за сопствениот наследник.

The post ДАЛАЈ ЛАМА ПРЕСЕЧЕ, ЌЕ НАЗНАЧИ СВОЈ НАСЛЕДНИК Пекинг се противи, Тибет слави appeared first on plusinfo.mk.

Врховниот лидер на Иран, ајатолахот Али Хамнеи (86), е сè поизолиран во неговиот круг на моќ додека неговиот син Моџтаба тивко ја презема контролата преку силни врски со Револуционерната гарда, анализира Ројтерс. 

Во последниве 20 години, како свештеник од среден ранг, Моџтаба изгради мрежа што ги спојува фракциите, а особено го засили влијанието преку Револуционерната гарда, елитната сила на режимот, се вели во текстот.

Израелските воздушни напади силно го разнишаа внатрешниот круг на Хамнеи, убивајќи врвни команданти и советници. Меѓу нив се Хосеин Салами – врховен командант на Револуционерната гарда на Иран, Амир Али Хаџизаде – командант на воздухопловните сили на гардата, раководител на балистичката програма и Мохамед Каземи – началник на разузнавачкиот оддел на гардата.

Пет соговорници запознаени со процесот на одлучување на ајатолахот предупредуваат дека ова создава ризик од „исклучително опасни“ стратешки грешки. Најмалку тројца од неименуваните соговорници учествувале на состаноци со Хамнеи за важни прашања.

Околу него останува група од 15–20 доверливи личности, војници, свештеници и политичари, кои се повикуваат на потреба во комплексот во Техеран, и сите се непоколебливо лојални и идеолошки приврзани.

Али Хамнеи, затворен пред Исламската револуција и ранет во напад во 1981, стана врховен лидер во 1989 и сè уште командува со армијата, има право да објави војна и именува високи функционери. Владее преку внимателна пресметка на секој потег, воден од еден императив – опстанок на режимот, секогаш балансирајќи меѓу трошоци и придобивки.

Револуционерната гарда  на Иран и милицијата Басиџ беа главниот инструмент за задушување протести во 1999, 2009 и во 2022 година. Иако властите успеаја да ја задржат контролата, економската криза и санкциите до Западот сè повеќе ја поткопуваат долгорочната стабилност. Граѓаните на Иран стануваа незадоволни низ годините.

• ИРАН ГО ПОГОДИ СРЦЕТО НА МОСАД „Таков напад Тел Авив не видел“

Конфиктот тлее. Израел и Иран во само неколку денови си разменија неколку големи напади. Израел тврди дека погодил третина од ракетните лансери на Иран. Техеран од друга страна, се пофали дека го погоди седиштето на израелското разузнавање Мосад во Тел Авив. И двете страни известија за цивилни жртви.

Иран е под притисок да го прифати нуклеарниот договор понуден од САД додека светот го исчекува следниот чекор на американскиот претседател Доналд Трамп кој рече дека за траен мир потребно е Иран да го прифати понуденото од САД.

Сепак, и покрај ударот од Израел и хаосот на војната, соговорниците на Ројтерс велат дека во кругот на Хамнеи остануваат други влијателни советници кои продолжуваат да ја обликуваат политичката, економската и дипломатската стратегија на Иран.

The post СЛАБЕЕ МОЌТА НА ХАМНЕИ, СИН МУ ДОБИВА СИЛА Убиствата на Израел го стеснија обрачот околу ајатолахот appeared first on plusinfo.mk.

Висок функционер на Хамас најави одмазда по убиството на шефот на политичкото крило на палестинската воена група, Исмаил Ханија.

– Убиството на командантот Исмаил Ханија е кукавички чин и нема да остане без одговор – рече Муса Абу Марзук, висок функционер на Хамас, пренесува иранската државна новинска агенција.

Исмаил Ханија беше убиен во неговиот стан во Техеран. Иранската револуционерна гарда денеска соопшти дека е убиен и телохранителот на водачот на палестинската група.

Никој не ја презеде одговорноста, но Израел е осомничен дека стои зад убиството. Претходно Израел вети дека ќе ги убие лидерите на Хамас за нападот на групата на 7 октомври, според АП.

Иранските аналитичари го обвинија Израел за атентатот на лидерот на Хамас на државната телевизија. Техеран не објави детали за убиството, но Револуционерната гарда соопшти дека истрагата е во тек.

The post ОДЕКНА ЗАКАНАТА ОД ВИСОК ФУНКЦИОНЕР НА ХАМАС Се подготвува одмазда по убиството на лидерот Исмаил Ханија appeared first on plusinfo.mk.

Ханија, меѓудругото, остана запаметен и по неговата ладнокрван реакција в0 јавноста на веста дека неговите тројца синови и внуци се убиени во Појасот Газа.

Претходно оваа година, тројца негови синови беа убиени во воздушен напад. Според израелската армија, двајца од синовите на Ханија биле воени оперативци на Хамас, а третиот командант на „ќелија“. Веста за смртта на неговите синови и внуците на Ханија му беше соопштена за време на неговиот престој во Катар додека тој ги посетуваше ранетите Палестинци во болница.

Видеото покажува како соработникот добива повик, а потоа го става соговорникот на звучникот. Ханија со ладен израз на лицето го слуша соговорникот како соопштува дека неговите синови и нивните деца се мртви.

„Убиени се Хазем, Мухзамед и Амир, заедно со децата“ – се слуша како зборува соговорникот на телефонот.

Наместо солзи или каков било израз на тага, Ханија само кимна со главата, го погледна во подот и рече:

-Господ да им ги прости душите, Господ да ги помилува.

Вознемирен, соработникот на Ханија потоа прашува дали сака да ја прекинат посетата на болницата.

Лидерот на Хамас тогаш повторно шокира со својот одговор.

-Не, што? Одиме понатаму – вели Ханија.

The post 🎥 СНИМКА ОД УБИЕНИОТ ЛИДЕР НА ХАМАС ШТО ГО ОБИКОЛИ СВЕТОТ Вака реагираше Исмаил Ханија кога му беа убиени синовите и внуците appeared first on plusinfo.mk.

– Со години се шпекулира дека станува збор за измислено име, дека имало многу „Забихула“ кои се менувале. Сега, се разбира, сите ние прифаќаме дека ова е Забихула Муџахид. Можеби не е? – вели г-ѓа Доусет, главна дописничка на Би-Би-Си за Авганистан.

Не е чудо што Талибанците сакаат да ги мистифицираат своите водачи. За дописничката Јалда Хаким, тоа е дел од нивната структура.

– Тоа се Талибанците, тие се организирани и имаат идеологија – ништо не прават случајно. За да мистифицирате една личност, таа треба ненадејно да се појави пред екран – не можете подобро да го напишете сценариото – вели таа.

Релативно скромен, пријатен човек

Додека дел од новинарите беа шокирани од Муџахид, добар дел од нив се изненадени од неговиот настап. Новинарот Џон Симпсон од Би-Би-Си го нарече „скромен и пријатен човек“ на Твитер.

I’ve know the Taliban spokesman at today’s press conference in Kabul for many years. Zabihullah Mujahid is a relatively moderate, pleasant man. But he’s seeking to calm the world’s fears, & he only speaks for one part of the Taliban movement.

— John Simpson (@JohnSimpsonNews) August 17, 2021

The photo of Zabihullah Mujahid, the Taliban spokesman, who was more responsive and active than the entire team of Ghani’s spokespeople — for over a decade. I have spoken with him & texted him a lot. But this is the first time I am seeing his face. pic.twitter.com/6fzRio6QIU

— Sharif Hassan (@MSharif1990) August 17, 2021

„Специјално“ убиство на директорот на медиумите

Муџахид, или човекот кој е поставен да одговара во негово име, немал проблем да одговара ниту на прашања од жени-новинари. Ова ја шокирало дописничката Јалда Хаким, која десет години претходно преку телефон добивала крајно радикални исламистички изјави од него.

– Вистинското предупредување беше кога го спомнаа шеријатскиот закон. Тоа направи да ме полазат морници. Тие (талибанците) уште не објаснија како тој закон ќе изгледа – вели таа.

Додека го интервјуирала Муџахид, новинарката Јалда Хаким седела токму на столче на кое претходно седел Дава Кан Менапал, директорот на Авганистанскиот центар за медиуми и информации, кој претходно месецов бил убиен токму во акција на талибанците. Тогаш, Муџахид ја презел одговорноста за убиството, изјавувајќи дека Менапал бил „убиен во специјален напад“.

Талибанецот кој ги разоружа Американците ќе биде новиот претседател?

Не е само Муџахид во фокусот на јавноста деновиве. Изгледа талибанците имаат повеќе лидери и водачи. Еден од нив е Мула Барадар, кој тукушто се врати во Авганистан, за, како што се шпекулура, да биде новиот претседател на шеријатската држава.

Барадар, човекот кој успеа да ги натера Американците да се повлечат од Авганистан и кој беше затвореник долго време, сега се враќа во Авганистан на голема врата. Мула Барадар, висок лидер и основач на талибанците, кој беше уапсен уште во времето на Бин Ладен, а потоа пуштен под услов да помогне да се преговара за мир меѓу талибанците и Американците, најде погоден момент да се врати назад во родната земја.

Погледнете го видеото во кое Барадар вели дека талибанците сакаат мир:

Мировна тактика за нова војна

Беше ли тоа тактика на Барадар, прво да ги одоброволи Американците да се разоружат, за да им го отвори патот на своите соборци талибанци да го освојат Авганистан за не повеќе од една седмица? Да се потсетиме, Барадар побегна во Пакистан по американската инвазија на Авганистан во 2001 година. Тогаш САД реагираше на терористичките напади врз кулите близначки на 11 септември, што доведе до соборување на групата.

Барадар помина осум години во затвор во Пакистан, откако наводно беше уапсен во Карачи во 2010 година, во операција на американските и пакистанските разузнавачки служби. Тој беше ослободен по барањето на американскиот пратеник во Авганистан, Залмај Калилзад, за да одигра улога во мировните преговори поради неговиот авторитет и углед, бидејќи можеше да преговара. Со негова помош заврши 20-годишната операција на САД во Авганистан и воедно најдолгата војна во поновата историја на САД.

The post МИСТЕРИОЗНИ ПОРТПАРОЛИ, ВОДАЧИ ОД СЕНКА Кој е вистинскиот шеф на талибанците? (ВИДЕО) appeared first on plusinfo.mk.

Според весникот, повикувајќи се на неименуван извор вклучен во истрагата, Кашчелан бил уапсен под сомнение за организирање криминална група, која извршила и планирала неколку тешки кривични дела, за кои му се заканува казна и до  40 години затвор.

Изворот на „Вијести“вели дека во акцијата на полицијата се уапсени уште најмалку четири други лица. Кашчелан и тројца членови на неговата криминалната група биле уапсени во Котор, додека еден бил уапсен во Плевље.

Кашчелан во полициските архиви е регистриран како еден од водачите на Кавачкиот клан, заедно со Радоје Звицер.

Управата на Црногорската полиција синоќа не даде официјално соопштение за деталите за апсењата

The post Уапсен Слободан Кашчелан, еден од лидерите на Кавачкиот клан appeared first on plusinfo.mk.