Агенцијата за храна и ветеринарство (АХВ) најостро ги демантира пласираните дезинформации во јавноста дека водата од скопскиот водоснабдителен сиистем е небезбедена за пиење поради наводно присуство на бактерија Escherichia coli.

Како одговорна институција ја информираме јевноста дека АХВ до овој момент нема добиено известување од скопското јавно комунално претпријатије за незадоволителен резултат од лабораториско тестирање на водата за пиење, што е нивна законска обврска, врз основа на кое би била донесена и забрана за нејзина употреба.

Граѓаните не треба да стравуваат. Водата од градскиот водовод во Скопје е безбедна за пиење и за употреба, нагласуваат од АХВ.

The post ВОДАТА ВО СКОПЈЕ Е БЕЗБЕДНА ЗА ПИЕЊЕ Агенцијата за храна ги демантира пласираните дезинформации appeared first on plusinfo.mk.

Венко Филипче, лидерот на СДСМ, е виден како со мотор оди во Грција на одмор, а во Скопје преку активисти шири дезинформации и создава паника меѓу граѓаните, објави Валентин Манасиевски, портпарол на ВМРО-ДПМНЕ.

„Од свиркачи дознаваме дека на 06.08 во 16:40 часот, Филипче со својот мотор е виден на граничниот премин Богородица, по што се упатил кај неговиот ментор Заев во Паљури, 6 дена на одмор. Не му требаше многу на предавникот Филипче за да отиде кај неговиот другар по криминал и предавства, Заев, за заедно да ужуваат на скапата јахта и од морската шир во Грција да делат насоки за делување на неговите пајташи. Додека Филипче тера ќефови, ужива по скапите јахти со Заев на Егејот, во Македонија го остави најдолниот слој од талогот на СДС со јасни насоки да шири хистерија, паника и страв кај граѓаните и тоа за водата за пиење“, се наведува во реакцијата на Манасиевски.

Тој додава дека водата во Скопје е безбедна и очекува тие кои намерно ширеле дезинформации и паника меѓу населението, да бидат повикани од МВР и од Јавното обвинителство.

„Толку од ‘грижата’ на Филипче за граѓаните. Кога Заев ќе го повика, за него целиот свет застанува“, додава Манасиевски.

The post ФИЛИПЧЕ СО МОТОР ОТИШОЛ КАЈ ЗАЕВ ВО ГРЦИЈА Манасиевски го обвини дека од јахта праќа насоки за ширење хистерија во Скопје appeared first on plusinfo.mk.

Пораки дека водата во Скопје не е безбедна за пиење преку социјалните мрежи биле праќани од активисти на СДСМ кон граѓаните, вели Бране Петрушевски, пратеник на ВМРО-ДПМНЕ.

– СДС го допре дното и со умисла создава паника и хистерија за тоа дека водата во Скопје не била безбедна за пиење, додека вистината е сосема спротивна. Ова е смислено сценарио поради финансиско профитерство на фирми блиски до СДС кои работат со продажба на флаширана вода, намерно во договор со структури на СДС создаваат паника и хаос помеѓу граѓаните во Скопје, за тие да заработат денар повеќе, а СДС политички поени. Граѓаните на главниот град пијат чиста и безбедна вода за пиење, а Филипче од Грција на гости кај Заев каде ги поминува годишните одмори, дал насока до неговите пајташи од СДС да создаваат недоверба кај граѓаните за безбедноста на водата. До каде дојде некогаш големата СДС? Дојде до талогот, до дното – рече Петрушевски на прес конференција и додаде дека ова ја помина секоја граница.

Тој го повика МВР да ги најде поединците кои, како што рече, по насока на СДСМ шират дезинформации за водата во Скопје.

– Го повикуваме и ЈО да се разбуди од длабокиот сон и да почне да работи. Одговорност за тоа што граѓаните се труеле со години, а не дознавале, како и за ширење лаги и манипулации како оваа денес во Скопје, мора да има – повика Петрушевски.

The post СДСМ СО УМИСЛА СОЗДАВА ПАНИКА ЗА ВОДАТА ВО СКОПЈЕ Петрушевски ги повика МВР и Обвинителството да ги откријат тие што шират дезинформации appeared first on plusinfo.mk.