Министерот за здравство Сашо Клековски ја посети Специјалната болница за белодробни заболувања во Лешок по објавите во медиумите дека водата за пиење во болницата не е во исправна состојба.

Зборувајќи за здравствената состојба на граѓаните од Гостивар, тој истакна дека се забележува намалување на бројот на лица што се јавуваат за лекарска помош.

– Денеска имаме 80 новопријавени пациенти, што е двојно намалување од претходните бројки и дефинитивно сме во надолен тренд. Вкупната бројка на заболени е околу 4.000. Досега има 750 пријави за заразни болести, а анкетирани се 490 луѓе, така што можам да кажам дека епидемијата влегува во смирувачка фаза. Започнува фазата на целосна епидемиолошка анализа за утврдување на хонологијата на настаните. Треба да почне да се прави раздвојување на тоа што е заболуваење од епидемијата и тоа што е заболенување од редовни гастроентерити – изјави Клековски.

Според последните анализи водата од градскиот водовод и натаму не може да се користи за техничка употреба, додаде тој.

– Управувачкиот комитет работи на прашањето, а вчерашните резултати сè уште беа недоволни на резидуален хлор. За водата да биде безбедна до одреден степен се гледа колку хлор има во водата, а тоа уште го нема постигнато посакуваното ниво. Се прават редовни анализи на водата на повеќе мерни места во моментов, а кога хлорирањето ќе биде на задоволително ниво ќе биде дадена дозволата за употреба за техничка вода – појасни Клековски.

Во врска со водата за пиење во Лешок таа, Клековски рече дека таков ѝ е квалитетот во изминативе години, а Специјалната болница во Лешок за вода за пиење години наназад користи диспанзери, односно, не ја користи водата од селскиот водовод.

– Водата во Лешок е неисправна и тоа не е тајна, затоа што таа е таква барем една деценија наназад и тоа можело да се види од редовните наоди кои што стигнувале во Министерството. Населението тоа го знае и се придржува по упатствата за постапување што ги добива. Со иницијатива на месната заедница е направен зафат за решавање на проблемот. Значи, водоводот во Лешок во основа го управува месната заедница од Лешок, како што е и со многу други рурални водоводи. Се очекува во текот на неделата да се направат две проби, за да се види дека и таа вода од водовод веќе нема да биде техничка, туку ќе биде и за пиење не само за болницата, туку за целото населено место – посочи Клековски.

Клековски посебно потенцира дека следењето на квалитетот на водата за пиење е во надлежност на јавните комунални претпријатија на општините каде се формирани и дека тие се одговорни за нејзиниот квалитет

The post СЕ НАМАЛУВА БРОЈОТ НА ЗАБОЛЕНИ ВО ГОСТИВАР Водата од гостиварскиот водовод и натаму не е за употреба appeared first on plusinfo.mk.