Поранешниот британски принц Ендру Маунтбатен-Виндзор се исели од кралската резиденција „Ројал Лоџ“ (Royal Lodge), потврдија извори од палатата, во момент кога полицијата ги проценува наводите дека осудениот сексуален престапник Џефри Епстин во 2010 година испратил дваесетгодишна девојка кај поранешниот војвода.

Според наводите, Ендру моментално живее во куќа на имотот Сандрингем во Норфолк, која се смета за привремено сместување, додека во наредните месеци се очекуваат понатамошни чекори и конечни аранжмани, пренесува Скај њуз.

Бакингемската палата во октомври минатата година соопшти дека кралот го почнал процесот на отстранување на ордените, титулите и почестите на Ендру, откако обвинувањата поврзани со Епстин почнаа да го одвлекуваат вниманието од работата на кралското семејство. Ендру повеќе од 20 години живееше во „Ројал Лоџ“, вила со 30 соби на имотот Виндзор, за која плаќаше номинална кирија.

Неговото преселување се случува во време кога полицијата ги разгледува тврдењата дека Епстин во 2010 година испратил жена во „Ројал Лоџ“, каде наводната средба се случила додека таа била во своите дваесетти години. Портпаролот на полицијата соопшти дека се запознаени со наводите и дека информациите се проценуваат во согласност со утврдените процедури, со напомена дека обвинувањата досега не биле официјално пријавени во таа полициска служба.

Ендру не ги коментираше најновите тврдења, но претходно негираше каква било врска со Епстин. Минатата година, Ендру и неговата поранешна сопруга Сара Фергусон се договорија да го напуштат имотот во замена за две одделни резиденции.

Ендру претходно се соочи и со обвинувања за сексуално вознемирување изнесени од Вирџинија Џуфре, која го обвини дека сексуално ја нападнал во три наврати додека била помлада од 18 години. Тие обвинувања завршија со вонсудска спогодба во 2022 година. Ендру ги негираше тие обвинувања. Џуфре почина во април минатата година.

The post ПОРАНЕШНИОТ ПРИНЦ ЕНДРУ ОТСЕЛЕН ОД КРАЛСКАТА РЕЗИДЕНЦИЈА Поради врските со Епстин ќе му бидат одземени сите почести appeared first on plusinfo.mk.

Војводата и учителот од Смилево опеан во народната песна „Низ Петлец идат трима војводи“ починал на денешен ден во борба на врвот Петлец кај беровско Русиново. Се вели дека Даме Груев живеел за умре за Македонија. Возвишуван е како апостол и волја на револуционерна Македонија.

Груев е еден од основачите на ВМРО во Солун во 1893 година, меѓу најистакнатите организатори и раководители.

Роден е на 19 јануари 1871 година. Потекнува од ѕидарско-печалбарско семејство. Се школувал во родното Смилево, Демирхисарско, а потоа во Солунската машка гимназија. Од 1891 до 1893 година бил учител во селото Смилево и во Прилеп.

Од летото 1894 година почнал да ги формира првите револуционерни комитети на македонската револуционерна организација во повеќе градови и села во Македонија. Бил учител во Штип и инспектор во Солунско, а потоа и гимназиски наставник во Битола и раководител на Битолскиот револуционерен округ.

Во август 1900 година бил уапсен и затворен во битолскиот затвор, а од мај 1902 година бил заточен во Подрум Кале, во Мала Азија. Бил претседател на Смилевскиот конгрес на Битолскиот револуционерен округ на ТМОРО од 2 до 7 мај 1903 година, на кој бил избран за член на Главниот штаб на востаниците на претстојното Илинденско востание, во кое активно учествувал.

На 2 август било кренато Илинденското востание. Груев го доживеал мигот на историскиот чин, но и ужасите на страдањата на својот народ решен по секоја цена да се бори и да се избори за слобода и за своја држава. По неколкумесечните исцрпувачки борби со огромната, модерно вооружена непријателска армија, Главниот востанички штаб донел одлука за запирање на Востанието со цел народот да се поштеди и да се зачуваат силите и кадрите на движењето.

По Востанието Даме останал во Битолско со народот за да работи на консолидирање на Организацијата. Учествувал на подвижниот Прилепски конгрес (мај 1904), каде се залагал за централизирана Организација како тајна држава во османлиската држава, како подземна Република.

По неуспехот на востанието ја продолжил својата револуционерна дејност. Во 1904 година претседавал на Прилепскиот подвижен конгрес, а извесно време бил и претседател на Окружниот комитет на Скопскиот револуционерен округ и на Рилскиот конгрес, во октомври 1905 година.

Груев одлучил да се врати на теренот во Македонија. Загинал во борбата на врвот Петлец кај Русиново. Населението од Русиново го погребало во дворот на црквата. Потоа неговото тело било пренесно во Смилево.

Во негова чест секоја година на местото на погибијата на Петлец се собираат македонски патриоти да му оддадат почест.

The post НИЗ ПЕТЛЕЦ ИДАТ ТРИМА ВОЈВОДИ Даме Груев загина за слободна Македонија appeared first on plusinfo.mk.

На денешен ден во Бел Камен, Егејска Македонија загинува војводата Васил Чакаларов. Toj е едно од најголемите и најсветлите имиња во македонската историја. Најдолго го држел отворено македонското прашање во постилинденскиот период и ја држел најголемата слободна територија во Беломорска Македонија.

„Го нема Чакаларов, ја нема Македонија, го уништивме Чакаларов, а со него и сите Чакаларовци!“

Така на денешен ден во 1913 година извикувал капетанот на грчката војска кој му ја отсекол главата на Чакаларов и со неа шетал низ Лерин, во Егејска Македонија, во денешна Грција.

Претходно, во борбата со грчките четници тој бил тешко ранет. Во спомените пренесени од војниците се сведочи дека Чакаларов се борел како збеснета мечка, дури и за последен пат пред да умре се издигнал и испукал неколку куршуми, до крај за Македонија.

Сечењето на главата на славниот војвода беше екранизирано во познатиот македонски филм „Последниот Македонец“.

Чекаларов е роден во 1874 година во село Смрдеш, Костурско. Учел во грчко основно училиште, а на негово инсистирање татко му го префрлил да учи во бугарско егзархиско училиште. Завршил четврто одделение и паралелно работел со својот татко на градби низ Егејска Македонија и Грција. Во 1894 година бил затворен во костурскиот затвор, но успеал да избега и да се засолни во Бугарија. Таму работел како чевлар, каменоделец и sидар, а во Шумен завршил вечерна гимназија.

Во 1901 година Чакаларов се преселил во Софија, каде што станал претседател на Костурското добротворно друштво, кое било дел од Македонскиот комитет(МК). Таму учествувал во активностите на Комитетот и станал близок пријател со тогашниот претседател на МК, Борис Сарафов. Бил врховист, но кога увидел дека врховистите се борат за Бугарската егзархија, се префрлил во ТМОРО.

Од „Дневникот на војводата Васил Чакаларов“

The post ГО НЕМА ЧАКАЛАРОВ, А СО НЕГО И СИТЕ ЧАКАЛАРОВЦИ! Грчките четници му ја отсекоа главата на најголемиот македонски син appeared first on plusinfo.mk.

 

View this post on Instagram

 

A post shared by KEMBRICISTAN (@kembricistan)

Софи изгледала прекрасно во раскошната венчаница со корсет и со нагласен долен дел направен од тул, а младоженецот се одлучил за традиционален костум налик на униформа.

Невестата подоцна се пресоблекла уште два пати во атрактивни, светкави фустани прилагодени за вечерни пригоди, а раскошната венчавка била организирана во еден хотел, а гостите уживале во огномет, шоу со дронови и серенади, пренесува „Дејли мејл“.

На венчавката присуствувал и синот на Софи и на Франциско, кој ја придружувал својата мајка до олтарот.

Да се потсетиме, младоженецот е син на Франциско Хоакин и покојната грофица Беатриз фон Хандерберг и директен потомок на машката лоза на шпански и француски благороднички семејства од куќата Борбон.

ФОТО: Инстаграм

The post СЕ ОЖЕНИ ШПАНСКИОТ ВОЈВОДА Цел свет зборува за бајковитата венчаница на невестата (ФОТО) appeared first on plusinfo.mk.

Британското кралско семејство му забрани на војводата од Јорк, принцот Ендру да јаде со својот постар брат – војводата од Велс, принцот Чарлс и други членови на семејството.

Покрај тоа, војводата, кому му се суди за сексуален напад, на гозбата по повод празникот на полковниците на Армијата, беше замолен повеќе да не ја претставува Гренадерската гарда, и беше побарано да го напушти настанот пред да почне вечерата, пренесува „Сан“.

Тој, сепак, на крајот присуствуваше на вечерата како приватно лице. Портпаролот на „Кларенс хаус“ истакна: „Гренадерската гарда е претставена од регионалниот генерал-потполковник Роланд Вокер“.

Вирџинија Робертс го тужи вториот син на кралицата за наводна сексуална злоупотреба врз неа кога таа била тинејџерка. Робертс тврди дека била жртва на трговија на педофилот милијардер Џефри Епштајн – поранешен пријател на војводата, и била сексуално злоупотребена од војводата Ендру во Лондон, кога имала 17 години – малолетничка според американскиот закон. Британскиот престолонаследник, деветти во редот, постојано ги отфрла обвиненијата.

The post ШИКАНИРАН ОД СИТЕ На принцот Ендру му е забрането да вечера со кралското семејство appeared first on plusinfo.mk.

Реакцијата од бугарска страна поради, како што тврдат, осквернавениот споменик му беше врачена на привремениот шеф на македонската амбасада, Владимир Крстевски во Софија. Случајот, како што се наведува го открила бугарската дипломатска мисија во Скопје која дознала дека во дворот на црквата во село Клепач, Прилепско, е заменет споменикот во чест на војводата Велко Скочивирчето и осум негови комити кои загинале во битка со османлиските трупи во 1904 година. На новиот споменик се содржани, како што тврди Митрев, изменети и невистинити историски факти.

Новата плоча

Тој тврди дека ова не е прв случај на осквернавен споменик и дека на мета на вандали биле и неколку други споменици кои сведочат за историски настани од пред 1945 година.

– Дали некој се прашал зошто е оваа омраза, кои се тие сили што ставаат сè на нож, зошто провоцираат со целосно изменети податоци. Ако на споменикот пишува бугарска егзархија, го бришат. Зошто не можат да сфатат и да прифатат дека ако некој е Бугарин може да биде доброчинител. И јас плаќам данок овде и ова е моја матична држава – изјави Митрев за Плусинфо.

Тој најави дека случајот, како претседател на здружението ќе го пријави во полиција и ќе бара докрај да се истражи кој им ги менува, како што вели, историските факти, на спомениците кои сведочат за настани дури од 1904 година. На споменикот на војводата во Прилепско, реагира Митрев, се сменети презимињата од автентичниот текст на некои од загинатите комити.

Старата плоча

– Кажете ми во 1904 година имало ли презимиња на ски? Зошто не го сочувале автентичниот лик на споменикот? Зошто не можат да сфатат дека тој споменик можеби сведочи за борбата на мојот, но можеби и на вашиот дедо – рече Митрев.

Случајот со споменикот на Скочивирчето, вели Митрев нè тера да го поставиме прашањето: на ваков ли начин се менуваше и етничката припадност на другите македонски револуционери во минатото?

– Во 21 век е недопустливо да се сквернави сеќавањето на овие луѓе што загинале во борбата за слобода на поробена Македонија. До кога ќе живееме во лаги, господа од власта? На ваков ли начин ли РС Македонија планира да ги реши отворените прашања со Бугарија? Историјата не треба да ни ја попречува европската иднина, велат претставниците на официјалната власт во Скопје, но сакаме да прашаме, на која точно историја мислат, таа што ја отстрануваат и ретушираат по нивен терк или на онаа вистинската, во која своето име го забележале Гоце Делчев, Никола Карев, Даме Груев и уште многу други – вели Митрев, кој најави дека ќе инсистира до крај да се расчисти овој, но и сите други вандализми на историските факти.

Со отворено писмо до премиерот Зоран Заев, министерот Оливер Спасовски, обвинителот Љубомир Јовески во врска со променувањето на спомен обележјето во село Клепач, Прилепско, денеска реагира и Петар Колев, претседател на политичката партија Граѓанско-демократската унија (ГДУ). Тој бара да се казнат сторителите на вандалскиот чин, а стариот споменик да се врати на местото каде што стоел со години.

– Искрено се надевам дека ја сфаќате сериозноста и последиците од овој (најнов) чин на варварство, мотивиран од омраза. Верувам дека сте свесни оти времето за вербални заложби за еднаквост, општество за сите и слично, одамна помина и сега се потребни дела, а не зборови. Досегашната рамнодушност на институциите и континуираната стигматизација кон одредени граѓани на земјава само ги мотивира насилниците да ја манифестираат својата деструктивност, знаејќи дека таквото поведение нема да биде санкционирано. Моето обраќање до вас е мотивирано од надежта дека конечно институциите на системот ќе проработат и во најскоро време сторителите ќе бидат исправени пред лицето на правдата, а спомен обележјето вратено таму каде што му е местото – вели Колев од ГДУ.

The post КОЈ ИМ ДАДЕ ПРЕЗИМЕ НА СКИ НА КОМИТИТЕ? Новиот споменик на војводата Скочивирчето ги налути Бугарите appeared first on plusinfo.mk.

Нови детали од интимноста на принцот Вилијам протекуваат во јавноста.

Војводата од Кембриџ, наводно, во своите помлади денови бил преокупиран со една посебна дама – внуката на неговата сегашна маќеа Камила Паркер Боулс.

Пред да се запознае за време на студирањето со сегашната сопруга и мајката на неговите деца, Кејт Мидлтон, Вилијам „ѝ фрлил око“ на Ема Паркер Боулс, пишува „Глоси“.

Според пишувањето на биографот на принцезата Дијана, 17-годишниот Вилијам до уши вљубен во Ема.

Интересно е тоа што Вилијам своето тинејџерско внимание го насочил кон оваа дама, за која се наведува дека многу личи на нејзината тетка.

Многумина коментираат дека голема сличност е тоа што Вилијам се вљубил во братучетка на жената што ја сакал неговиот татко.

Имено, неговиот татко, принцот Чарлс, со години ја изневеруваше принцезата Дијана со Камила, а исто така е познато дека тој ја сакал само неа целиот свој живот. Тој успеа да се ожени со неа дури кога поминале повеќе од осум години од несреќната смрт на Дијана, т.е. во 2005 година.

Наводно, Вилијам бил во врска со Ема во времето кога тој имал само 17 години, а таа веќе имала 25 години, т.е. во 1999 година. Ема до денес останала близок член на кралското семејство па често се наоѓа заедно со Вилијам и Кејт на разни свечености.

Вилијам честопати знаел вљубено да гледа во Ема, а таа внимателно го слушала секој збор што ќе ѝ го каже младиот принц.

– Понекогаш тој така се загледуваше во неа поради што на сите присутни им беше непријатно – рекол еден од сведоците на љубовната ситуација на принцот Вилијам во 1999 година.

The post Принцот Вилијам пред Кејт Мидлтон бил лудо вљубен во оваа дама, ќе се изненадите чија внука е appeared first on plusinfo.mk.

35-годишниот војвода од Сасекс ќе отседне во вилата Фрогмор во Виндзор и ќе мора да помине низ десетдневен карантин. По првите пет дена ќе направи тест за корона, и ако тестот е негативен, Хари ќе може да излезе порано од вилата.

– На Евгенија и Џек лани им беа дадени клучевите од вилата и им беше речено дека можат да ја користат сѐ дур Хари и Меган се во Америка. Сега, куќата е буквално поделена на два, што значи дека Хари може да се изолира во една половина, без воопшто да дојде во контакт со неговата братучетка и нејзината фамилија – вели еден извор.

Да беше жива, принцезата Дијана на 1 јули годинава ќе наполнеше 60 години. Споменикот ќе биде поставен во градината Санкен, која ѝ била омилена градина на Дијана во 15-те години живеење во палатата во Кенсингтон. Денес таму живеат нејзиниот син Вилијам и нејзината снаа, војвотката Кејт. Освен дека дизајнот на споменикот ќе го прави истиот човек што ја портретирал кралицата Елизабета на британските монети, г-дин Иан Ренк Бродли, другите детали не се познати. Но, не изостануваат коментарите во врска со Хари и Меган. „Зошто Меган и Лилибет не доаѓаат со Хари на подигнувањето?“, прашуваат медиумите низ светот.

– За жал, мислам дека фамилијата го допре дното – вели коментатор на ЕнБиСи во едно шоу во Австралија. Би сакал да можам да речам дека сите успеаја, но нема знаци дека тоа е така.

The post Принцот Хари ќе дојде на подигнувањето на споменик на мајка му Дијана во Лондон appeared first on plusinfo.mk.

„Гоце Делчев е еден од најсилните симболи на нашата заедничка историја со Република Северна Македонија, заедничка историја што е во основата на Договорот за пријателство, добрососедство и соработка од 2017 година. Нека неговата жртва биде пример за тоа како, час поскоро, да го најдеме вистинскиот пат кон нашата заедничка европска иднина. Вечна памјат!“, пишува Борисов.

The post Борисов: Гоце Делчев е бугарски револуционер и македонски војвода appeared first on plusinfo.mk.

Портпаролот на кралското семејство неодамна изјави дека принцот е во болница во Лондон, бидејќи не се чувствува добро. Принцот беше подложен на операција на срцето, неколку недели престојуваше во болница, после што беше пуштен на домашно лекување.

На почетокот на јануари, тој и кралицата Елизабета Втора беа вакцинирани против коронавирусот.

По повод неговата смрт, се огласи Бакингемската палата.

– Кралицата Елизабета Втора со голема тага ја известува јавноста дека почина нејзиниот сакан сопруг принцот Филип, војводата од Единбург – се наведува во соопштението на Бакингемската палата.

– Неговото височество почина мирно утринава во замокот Виндзор – се додава во соопштението за медиумите.

Кралицата Елизабета во 1947 година се омажи за принцот Филип.

The post Почина принцот Филип, сопругот на кралицата Елизабета Втора appeared first on plusinfo.mk.