Приштина – Во Косово вчера се регистрирани 213 новозаболени од Ковид-19, со што вкупната бројка на заразени од појавата на епидемијата достигна до 6.680. Од нив починале 164 лица. Во изминатите 24 часа се евидентирани и 109 излекувани, а вкупната бројка на лица кои претходно биле дијагностификувани со Ковид-19 и ја совладале болеста достигна до 3.614. Денеска починаа еден 59-годишен хирург од Ѓаковица и лекар од Клиниката за реуматологија при Клиничкиот и универзитетски центар на Косово, кои претходно биле дијагностификувани со Ковид-19. Со тоа бројката на починати лекари заразени од новиот коронавирус се искачи на три, откако на 21 овој месец почина лекар од Витина. Според приштинските медиуми, во Косово има над 500 здравствени работници кои се заразени од вирусот, а околу 120 од нив се лекари.

Подгорица – Во изминатото деноноќие во Црна Гора потврдени се 97 нови случаи на Ковид-19 и три смртни случаи. Во земјата во моментот активни случаи се 1.979, а досега од последици од новиот коронавирус починаа 33 луѓе.

Атина – Во Грција во изминатите 24 часа регистрирани се 26 нови случаи на Ковид-19, од кои шест при направените тестови на влезните точки во земјата. Од почетокот на епидемијата, заразени се 4.135 лица.

Никозија – Министерството за здравство на Кипар денеска соопшти дека се регистрирани два нови случаи на Ковид-19 од 1.109 направени тестови, со што бројот на заразени се зголеми на 1.047 лица.

Тирана – Во изминатото деноноќие во Албанија регистрирани се 104 нови случаи со Ковид-19,  а починале пет лица. Со последните  564 до сега во оваа земја направени се 37.875 тестови, позитивен резултат е добиен кај 4.570 лица, оздравеле 2.608, а починале 128, додека активни на болеста се 1.834 лица.

Белград – Во изминатите 24 часа во Србија регистрирани се уште 409 новозаболени лица, а починаа 10, со што бројот на смртни случаи од последици од Ковид-19 изнесува 518. Во сите здравствени институции во Србија хоспитализирани се 4.575 луѓе.

Загреб – Во изминатото деноноќие во Хрватска регистрирани се 81 новозаболени лица со Ковид-19, соопшти Националниот штаб за цивилна заштита. Од 25 февруари кога е забележан првиот случај досега вкупно 4.715 лица, 128 починале, а оздравеле 3.555 луѓе.

Минск – Во Белорусија во изминатите 24 часа потврдени се 158 нови слуачи на Ковид-19, со што вкупниот број на инфиоцирани лица се искачи на 66.846 луѓе. Во земјата регистрирани се 524 смртни случаи од последици од новиот коронавирус.

Лусака – Во Замбија позитивни на новиот коронавирус се 15 пратеници и 11 вработени во Парламентот. Во земјата вкупно заразени се 3.865 лица, а починале 136 луѓе.

The post Ковид-19 во светот: Во Замбија заразени се 15 пратеници и 11 вработени во Парламентот appeared first on plusinfo.mk.

– Министерството за здравство на Кипар соопшти дека во изминатите 24 часа не се регистрирани нови случаи на Ковид-19, па бројката на заразени остана иста, 985 лица.

– Според податоците од Националната организација за јавно здравје на Грција во изминатите 24 часа е регистриран еден смртен случај и 15 нови позитивни лица на Ковид-19. Вкупниот број на починати се зголеми на 185 лица, а заразени се 3.148 лица.

– Бројот на заразени со коронавирус во Русија се приближува до бројката од 550.000. Во изминатите 24 часа во земјата се потврдени 8.248 нови случаи на Ковид-19. Починати се уште 193 лица, со што вкупниот број достигна 7.284.

– Во Косово вчера се потврдени 129 новозаболени од Ковид-19 и десетмина излекувани, а денеска е забележана и една нова жртва на епидемијата – 74-годишна жена од Ораховац. Вкупно, од почетокот на пандемијата евидентирани се 1.615 позитивни на новиот коронавирус, од кои 963 излекувани и 34 починати, така што бројката на активни заболени, според последните официјални статистики, изнесува 618. Во лабораторијата за микробилогија на Институтот за јавно здравство на Косово вчера се извршени 385, а од почетокот на пандемијата, вкупно 18.915 тестирања.

– Во Словенија во последните 24 часа има уште три лица позитивни на Ковид-19, со што вкупниот број во земјата достигна 1.499. Нови смртни случаи нема уште од 1 јуни и бројката изнесува 109 починати.

– Во последното деноноќие во Австрија значително се зголеми бројот на новозаразени со коронавирус, бидејќи се регистрирани 54 нови случаи. Во однос на претходните 24 часа бројката е речиси двојно поголема. Бројот на починати лица се зголеми за три и досега достигна 681. Од почетокот на епидемијата се потврдени 17.189 инфицирани лица со Ковид-19.

– Во Индија во последните 24 часа се потврдени 10.667 нови случаи на коронавирус и сега вкупниот број на заразени достигна 343.091 лице. Индиското Министерство за здравство соопшти дека од Ковид-19 починале уште 380 луѓе, па вкупниот број изнесува 9.900. Најголем број случаи на коронавирус е забележан во Њу Делхи.

– Во Албанија расте бројот на новозаразени, на оздравени, но и на починати лица од Ковид-19. Во изминатото деноноќие регистрани се 82 позитивни случаи, што е најголема бројка на новозаразени досега во едно деноноќие. Во исто време оздравени се девет лица а борбата со опасниот вирус ја загубил 68-годишен жител на Пук, кој боледувал и од други болести а на респираторна машина бил неколку дена. Од почетокот на пандемијата во лабораторијата за вирологија при Институтот за јавно здравје направени се 21.177 тестови. Позитивни на вирусот биле 1.672 лица, од нив излекувани се 1.064, починале 37 додека активни на болеста се 571. Болнички се лекуваат 50 пациенти, од нив осум се на интензивна терапија додека двајца поставени се на респираторна машина.

– Во Кина се потврдени 40 нови случаи на коронавирус, од нив 27 во Пекинг, соопштија здравствените власти. Во Пекинг повторно се воведуваат строги мерки со цел да се спречи новиот бран на епидемија, кој започна на пазарот Ксинфади. Владите во многу кинески покраини воведоа карантин за посетителите од Пекинг.

– Бројот на потврдени случаи на коронавирус во Мексико достигна 150.254, откако во последните 24 часа се регистрирани уште 3.427 инфицирани. Од Ковид-19 починаа уште 439 луѓе, а вкупниот број на смртни случаи достигна 17.580.

– Бројот на заразени со коронавирус во Турција продолжува да расте, неколку недели откако земјата ги ублажи рестриктивните мерки, воведени поради пандемијата на Ковид-19. Во последните 24 часа се забележани уште 1.592 случаја на коронавирус, што е за 30 отсто повеќе од неделата. Од коронавирус во земјата досега се заразени 178.831 лице. Осумнаесет лица починаа во последното деноноќие, со што вкупниот број на смртни случаи изнесува 4.825.

– Во Бразил во последните 24 часа се потврдени над 20.000 новозаразени со Ковид-19, по четири дена намалување на бројот на инфицирани. Вкупниот број достигна 888.271. Починаа уште 627 луѓе, па со тоа бројот на смртни случаи достигна 43.332 лица. Бразил по бројот на заразени и починати од Ковид-19 се наоѓа на второ место во светот, по САД.

The post Состојбата со ковид-19 во светот: Во Русија повеќе од половина милион заразени appeared first on plusinfo.mk.

Според последните податоци, во светот со коронавирусот досега се заразени 7.808.005 лица. Од нив починале 430.113, а оздравеле 4.006.148 луѓе.

– Во последното деноноќие во Албанија забележан е најголем број новозоразени од почетокот на пандемијата. Од тестираните 270 сомнителни случаи позитивни на ковид -19 биле 48 лица, со што вкупната бројка се зголеми на 1.464 заразени лица. Починати се 36 лица, а активни на болеста се 389. Последните денови паралелно со зголемиот број новозаразени се зголемува и бројот на оние кои болнички се лекуваат. Моментно во Инфективната клиника се хоспитализирани 52 пациента, од нив седум се на интензивна терапија, додека еден на респираторна машина. Поради трендот на зголемување на новозаразени од ковид-19 техничкиот комитет на експерти на Албанија соопшти дека се пролонгира планираното отпочнување со работа на јавниот превоз в понеделник.

– Маж на 71-годишна возраст од Призрен, заболен од Ковид-19, почина денеска, со што бројката на жртви на новиот коронавирус во Косово се искачи на 32. И денешната, како и останатите жртви, страдала и од други тешки болести. Вчера беа откриени нови 58 заразени, а вкупно од почетокот на пандемијата се регистрирани 1.384 носители на вирусот, од кои како излекувани се водат 921 лице. Активни носители на вирусот се 431 лице. Вклучително вчерашните 227, досега во Косово се извршени 17.934 тестирања.

– Во Индија во последните 24 часа се регистрирани 11.458 нови случаи на зараза со коронавирус, соопшти Министерството за здравство. Вкупно се заразени над 300.000 луѓе. Индија е четврта земја во светот по број на заразени со ковид-19. Во земјата досега се регистрирани 8.884 смртни случаи.

– Во изминатите 24 часа во Хрватска се потврдени два нови случаја на коронавирус, со што вкупниот број на инфицирани достигна 2.251, соопшти Националниот штаб за цивилна заштита. Вкупниот број на починати изнесува 107 лица.

– Во Србија во последното деноноќие се потврдени уште 76 случаи на коронавирус, а почина уште едно лице. Од почетокот на епидемијата во земјата се регистрирани 12.251 заразен, а починати се 253 лица.

– Тајландски научници почнаа со собирање примероци на лилјаци за тестирање на коронавирус, поради загриженост дека можат да претставуваат закана за локалното население, соопшти Владата во Бангкок. Научниците планираат во рок од три дена да соберат 300 лилјаци од пештери во провинцијата Чантабури во југоисточниот дел на земјата.

– Во Австрија во изминатите 24 часа се регистрирани само 14 новозаразени од коронавирус, што е најмал трет дневен број на инфицирани досега. Од почетокот на епидемијата во земјата заразени се 17.078 лица, а починати 677.

– Иран повторно ќе воведе ограничувања на движењето со цел да се спречи порастот на бројот на заразени со коронавирус, доколку не се почитуваат здравствените прописи, изјави денеска шефот на државата Хасан Рохани. По постепеното олабавување на мерките кон средината на април, Иран бележи драстичен пораст на новите дневни инфекции во последните недели. Во Иран денеска се потврдени нови 2.410 случаи на зараза, со што вкупниот број достигна 184.955. Од последиците на Ковид-19 во последното деноноќие починале 71 лице, па вкупниот број на смртни случаи изнесува 8.730.

The post Состојбата со ковид-19 во светот: Речиси 8 милиони заразени, во Тајланд собираат 300 лилјаци за тестирање на вирусот appeared first on plusinfo.mk.

– Принцот Чарлс и неговата сопруга Камила се заблагодарија на сите вработени во „Ројал мејл“ поради тоа што помагаат семејствата и пријателите да останат во контакт и за време на мерките за изолација. Во писмото до фирмата која испорачува писма и пратки за над 30 милиони домаќинства и фирми во Велика Британија, принцот Чарлс и неговата сопруга Камила, велат дека во овој период, многу луѓе се вратиле на пишувањето писма, како начин да останат во контакт со најблиските.

– Само шест нови случаи на Ковид-19 се регистрирани во Грција во изминатите 24 часа, со што вкупниот број на заразени лица се зголеми на 2.716. Во изминатото деноноќие не е регистриран смртен случај, па така бројот на починати од коронавирусот остана ист како и вчера, 151 лице. Приклучени на апарати се хоспитализирани 30 лица, а од Одделите за интензивна нега отпуштени се 87 пациенти. Досега, анализирани се 98.877 примероци, 1.493 повеќе од вчера.

– Фармацевтската компанија Џонсон енд Џонсон планира за една година да произведе милијарда вакцини против новиот коронавирус. – Клиничките тестирања ќе почнат во септември. – Се надевам дека ќе имаме резултати до крајот на годината, изјави претставникот на компанијата Пол Стофелс, кој додаде дека тогаш би требало да почне и производството на вакцината.

– Србија досега има евидентирано 10.114 заразени лица со коронавирус, 215 починати и 3006 излечени граѓани. Од вирусот во изминатите 24 часа починати се две лица, со што вкупниот број на починати се искачи на 215 граѓани, соопштија на владиниот сајт ковид.рс. Во изминатите 24 часа, тестирани се 6059 лица, од кои позитивни на вирусот се 82 граѓани. Вкупно кај 10.114 лица е потврден случај на коронавирус, а излекувани се 3006 пациенти. Вкупно во Србија досега тестирани се 140.592 граѓани.

Српскиот министер за одбрана Александар Вулин денеска изјави дека од вирусот досега се починати тројца припадници на српската војска, инфицирани се 52 припадници, а во изолација се наоѓаат 167 лица.

– Германија полека ги олеснува рестриктивните мерки, но истовремено се појавуваат и нови жаришта на епидемијата, при што се откриени невозможни услови во кои живеат и работат странските работници во германските кланици. Според Дојче веле, во големата кланица Вестфлајш во Косфелд првично регистрирани се 73 заразени со новиот коронавирус, а во меѓувреме бројот се зголемиле на 191.

– Во изминатото деноноќие во Албанија регистрирани се нови 12 случаи со Ковид-19 или шест повеќе споредено со вчера. Вкупата бројка на досега заболени се зголеми на 868 лица,од нив 650 се оздравени додека 31 се починати,но кои боледувале и од други хронични болести. Во последните 24 часа тестирани се 17 сомнителни случаи на Ковид-19, при што кај 12 од нив има позитивен резултат.Вкупната бројка на заразени е 868. Во списокот на оздравени се впишани 27 со што бројката на оздравени сега изнесува 650 или околу 75 отсто ов вкупно заболените. Активни на болеста се 187, главно во Тирана, Круја и Скадар, информираше Гентијана Ќирјако од Институтот за јавно здравје.

– Според податоците на Националниот институт за јавно здравје на Словенија, во земјата се направени вкупно 625 нови тестирања за коронавирусот, а позитивни биле три.

The post Состојбата со ковид-19 во светот: Во Србија вчера тестирани 6059 лица, а позитивни се 82 appeared first on plusinfo.mk.

– Воената команда на НАТО во Европа ќе се придружи во напорите за спречување на епидемијата од Ковид-19. Тоа го соопшти генералниот секретар на Алијансата, Јенс Столтенберг по денешната средба со видео-врска на министрите за надворешни работи на НАТО.

– Вкупниот број на заразени со новиот коронавирус во Турција е 18.135 луѓе, 365 се починати. Денеска рекорд – 79 починати од вирусот.

– Португалскиот Парламент гласаше за продолжување на вонредната состојба за 15 денови поради коронавирусот.

– Претседателот  на Австрија Александер ван дер Белен ги повика Австријците да издржат во борбата со пандемијата.

– Во Канада има повеќе од 10.000 заразени од новиот коронавирус, а смртноста зголемена за 21 отсто – вкупно 217 починати.

The post Состојба со Ковид-19 во светот до 20 часот: Над милион заразени со новиот вирус, оздравеле 210.199 луѓе appeared first on plusinfo.mk.