Според овие податоци во мај граничната полиција и армијата откриле 3.283 мигранти, што претставува зголемување во однос на еден месец претходно.

Најголем дел од мигрантите се од Пакистан, Марко и Авганистан, а 1.198 од нив изразиле намера да аплицираат за меѓународна поддршка и заштита. На почетокот на годината, односно во јануари бројот на илегални поминување беше уште поголем, но со почетокот на пандемијата на коронавирусот и затворањето на границите значително се намали и притисокот на мигрантите.

Ставањето на вирусот под контрола и повторното отворање на границите, според полициските експерти е причината за повторното зголемување на бројот на мигрантите.

The post Се зголемуваат обидите за илегален влез во Словенија appeared first on plusinfo.mk.

По речиси два месеца, како и низ целата држава така и во Марибор повторно беа отворени кафулињата и рестораните. Почитувајќи ги сите мерки на Националниот институт за јавно здравје, граѓаните повторно можеа надвор од своите домови да испијат кафе или да ручаат. Отворени се само надворешните делови, односно терасите од објектите, а на иста маса можат да седат само членови на исто семејство. Персоналот задолжително носи заштитни маски, а истото треба да го сторат и гостите кои сакаат да влезат во внатрешниот дел од угостителските објекти за да одат во тоалет.

Слично беше и во Цеље, каде што пред се постарите кои беа на пазарите го искористија убавото време и за да седнат во локалните кафулиња на пијалок и да се одморат.

Според тоа каква беше сликава утринава во главниот град, се чини на Љубљанчани најмногу им недостасуваа фризерските салони. Редовите пред овие објекти се направија поради тоа што за нивната работа сега важат строги протокли.

Така на пример, за да се дојде на фризер неопходно е претходно телефонски да се закаже термин, а во објектот не смее да се влезе доколку се уште некој има внатре. Фризерите задолжително мораат да носат визир, заштитна маска и ракавици.

Од денеска да се средат можеа и домашните миленици бидејќи и салоните за нега на домашните животни повторно беа отворени.

Во Словенија денеска, втор ден по ред, не се регистрирани нови случаи на новозаразени со коронавирусот. Според најавата на Владата, набрзо ќе биде активиран и јавниот превоз, но како и за се друго и таму ќе важат строги мерки со цел спречување на повторното ширење на вирусот.

The post По два месеца, во Словенија отворени терасите на рестораните, на маса само со семејството appeared first on plusinfo.mk.