Како што соопшти порталот Нова.рс распоредувањето на артилериско оружје уследило откако началникот на Генералштабот на вооружените сили на Србија, Милан Мојсиловиќ синоќа итно се упатил кон Рашка.

– Задачите кои ги добија српските вооружени сили и јас како началник ќе бидат целосно спроведени и реализирани како такви. Ситуацијата е сложена, комплексна, бара присуство на вооружените сили на Србија долж административната линија и во следните периоди Војската на Србија, како праг на мирот и стабилноста, ќе биде насочени кон нивно извршување. Ги имаме сите информации во детали. Мора да знаете дека преземените мерки и добиените задачи ќе бидат целосно исполнети – изјави Мојсиловиќ за ТВ Пинк.

Медиумите во Белград синоќа објавија дека се слушнало рафално пукање во Зубин Поток на Косово, додека некои изјавија дека имало размена на оган меѓу локалните Срби и косовската полиција. Косовската полиција соопшти дека немало инциденти меѓу нејзини припадници и било каква група на северот на Косово.

Претставници на КФОР, како одговор на истрагата на Коха Диторе, соопштија дека имало пукање во Зубин Поток, но дека во тој инцидент нема повредени, а не е причинета материјална штета.

Претпладнево Косово го врати српскиот патријарх Порфириј од административниот премин Мердаре. По рутинска контрола на српската страна на административниот пункт, на косовска страна, автомобилот на патријархот Порфириј и неговите соработници бил одвоен од колоната, а на патниците им било кажано „да чекаат”. По четириесет минутното задржување на патријархот не му беше дозволен влез на Косово, по што тој со своите соработници се врати во централна Србија, јави РТС.

Претходно министерството за надворешни работи и дијаспора на Косово соопшти дека на патријархот на Српската православна црква (СПЦ) Порфириј не му е забрането да го посети Косово, но од него било побарано да ги осуди или да се огради од „дејствата на членовите на Црквата кои даваат поддршка на криминалните групи на северот на Косово, кои се сметаат за одговорни за барикадите”.

The post СРБИЈА ПОСТАВИ ТОПОВИ И ХАУБИЦИ НА ПРЕМИНОТ КОН КОСОВО! Српски медиуми јавуваат за пукање кај Зубин Поток appeared first on plusinfo.mk.

Србија лани склучи договор за набавка на оружје и воена опрема во вредност од една милијарда и 318 милиони долари, што претставува сума поголема од вкупната вредност на сите набавки од крајот на 2016 година, кога почна процесот на модернизација на Војската на Србија, пренесе Бета.

Според порталот Балканска безбедносна мрежа, висината на договорените набавки е наведена во извештајот за работењето на јавното претпријатие Југоимпорт-СДПР за минатата година. Таму е наведено дека се потпишани 287 поединечни договори со 31 земја.

„Податоците не се прецизирани кога се работи за делот од висината на тие договори наменети за вооружените сили, но се релевантни за проценката бидејќи Југоимпорт-СДПР е задолжена за сите набавки на стратешки важни средства за воени цели, а тој список го вклучува практично целото оружје и воената опрема“, се наведува во текстот.

Порталот додава дека дел од договорите се склучени за домашно производство во фабриката Борбени сложени системи, и други кои се во 100 отсто сопственост на Југоимпор-СДПР.

„Драматичното зголемување на набавката на оружје подразбира нови големи договори. Важен партнер беше Русија, од која се купени четири борбени хеликоптери Ми-35М, три транспортери Ми-17В-5, две батерии на системот за противвоздушна одбрана Панцир-S1M, системи за противелектронски акции и борба против беспилотни летала…“, се наведува во извештајот.

Во текстот се потсетува дека практиката во големи зделки е дел од парите да се даваат како аванс, но не е јавна информација колку е платено на Русија за оружје кое сега не може да се добие поради меѓународните санкции и блокадата на руската економија.

The post СРБИЈА КУПУВА ОРУЖЈЕ ОД 31 ЗЕМЈА Модернизацијата на војската чини 1,3 милијарди долари appeared first on plusinfo.mk.