САД ќе повлечат околу 5.000 војници од Германија, објави Пентагон.

Главниот портпарол на Пентагон, Шон Парнел, изјави дека повлекувањето се очекува да биде завршено во следните шест до 12 месеци.

Овој потег доаѓа во услови на зголемени тензии меѓу американскиот претседател Доналд Трамп и европските сојузници, особено поради несогласувањата околу војната во Иран.

Трамп претходно оваа недела се закани дека ќе го намали бројот на американски војници во Германија, по судирот со германскиот канцелар Фридрих Мерц, кој изјави дека Иран ги става САД во неповолна позиција во преговорите за завршување на конфликтот.

Американскиот претседател во средата посочи дека Пентагон веќе разгледува повлекување на дел од околу 40.000 американски војници стационирани во Германија.

Тој преку социјалните мрежи најави дека се анализира и можно прераспоредување на американските сили, имајќи предвид дека токму во Германија се наоѓа седиштето на Европската команда на САД.

The post САД ПОВЛЕКУВААТ ВОЈНИЦИ ОД ГЕРМАНИЈА Пентагон најави заминување на 5.000 припадници на армијата appeared first on plusinfo.mk.

САД испратија дополнителни 2.500 маринци и 2.500 морнари на Блискиот Исток, со што вкупниот број на американски војници во регионот достигна повеќе од 50.000, околу 10.000 повеќе од вообичаеното. Зголемувањето на бројот на војници доаѓа во време кога претседателот Трамп ги разгледува следните чекори во едномесечната војна со Иран, објави „Њујорк тајмс“.

Иако сè уште не е јасно со што ќе бидат задолжени маринците од 31-та експедициска сила, американските претставници велат дека претседателот размислува за поголема офанзива, како што е заземањето на островот Харг или друга територија, во обид да се отвори Ормускиот теснец.

Тесниот премин, низ кој поминува околу 20 проценти од светската нафта, во голема мера е затворен од иранските сили како одмазда за војните на САД и Израел против нивната земја.

Регионот, кој вклучува бази и бродови во Саудиска Арабија, Бахреин, Ирак, Сирија, Јордан, Катар, Обединетите Арапски Емирати и Кувајт, вообичаено има околу 40.000 американски војници. Но, со ескалацијата на војната во Иран, тој број се зголеми на повеќе од 50.000, според американски воен претставник.

Оваа бројка не го вклучува екипажот од 4.500 војници на носачот на авиони „УСС Џералд Р. Форд“, кој беше погоден од низа незгоди, вклучително и пожар. „Форд“ го напушти регионот на 23 март и отплови за Крит, пристигнувајќи во Хрватска во петок. Неговата следна дестинација останува непозната.

The post САД ИМА ВКУПНО 50.000 ВОЈНИЦИ НА БЛИСКИОТ ИСТОК Трамп сѐ уште не донел одлука за копнена офанзива appeared first on plusinfo.mk.

Сириското министерство за одбрана соопшти дека ја зајакнало својата граница со Либан, а осум сириски и либански извори наведоа дека тоа вклучува распоредување на ракетни единици и илјадници војници, додека конфликтот се шири во регионот, вклучувајќи ги и борбите меѓу Израел и Хезболах во Либан.

Изворите вклучуваат пет сириски воени офицери, сириски безбедносен функционер и двајца либански безбедносни функционери, кои дале изјави за Ројтерс под услов да останат анонимни.

Сириското министерство за одбрана во соопштение објави дека војската го зајакнала своето присуство долж сириските граници со Либан и Ирак заради „заштита и контрола на границите во услови на ескалација на регионалниот конфликт“.

Распоредените единици им припаѓаат на граничните и извидувачките баталјони задолжени за следење на граничните активности и борба против шверцувањето, додаде министерството. Сириските офицери изјавиле дека распоредувањето на дополнителните засилувања почнало во февруари, но во последните денови значително се забрзало.

Сириските и либанските вооружени сили не одговорија веднаш на барањата за коментар.

Целта на распоредувањето на дополнителните сили е да се спречи шверцувањето оружје и дрога, но и да се блокира либански Хезболах или други милитанти поддржани од Иран, истакнаа сириските офицери.

Сириските трупи беа стационирани во Либан од 1976 до 2005 година, вклучително и за време на граѓанската војна во Либан која заврши во 1990 година.

The post СИРИЈА ИСПРАЌА ИЛЈАДНИЦИ ВОЈНИЦИ НА ГРАНИЦАТА СО ЛИБАН Целта е да се блокира Хезболах appeared first on plusinfo.mk.

Велика Британија соопшти дека обезбедува 200 милиони фунти (околу 230 милиони евра) за финансирање на подготовките за евентуално распоредување на војници во Украина, откако оваа недела вети дека ќе придонесе за мултинационални сили во земјата во случај на прекин на огнот.

Британскиот премиер Кир Стармер, францускиот претседател Емануел Макрон и украинскиот претседател Володимир Зеленски во вторникот се согласија за декларација за намера на самитот на „Коалицијата на подготвените“, одржан на високо ниво меѓу сојузниците на Украина, во која се наведува можноста за идно распоредување на меѓународни сили.

За време на посетата на Киев, британскиот министер за одбрана Џон Хили изјави дека средствата ќе бидат наменети за надградба на воените возила и комуникациските системи, за заштита од беспилотни летала, како и за „обезбедување подготвеност на војниците за евентуално распоредување“.

Објавата доаѓа само неколку часа откако Русија лансираше моќна хиперсонична ракета „Орешник“, потег кој европските сојузници на Киев го оценија како обид за заплашување и одвраќање од понатамошна поддршка за Украина.

Лондон засега не прецизира колку британски војници би биле испратени во Украина. Премиерот Стармер во средата изјави дека плановите сè уште се во фаза на финализирање.

Министерот Хили нагласи дека објавеното финансирање покажува оти британската влада „ги зголемува инвестициите“ во подготовките поврзани со Украина.

„Овие капитални расходи се финансираат од основниот буџет за одбрана и испраќаат јасен сигнал до сојузниците и противниците дека Велика Британија има намера да ги исполни своите ветувања за обезбедување мир во Украина“, се наведува во соопштението на британското Министерство за одбрана.

The post ЛОНДОН ПОДГОТВУВА 200 МИЛИОНИ ФУНТИ Пари, техника и војници за Украина по прекин на огнот appeared first on plusinfo.mk.

Украина, по речиси четири години војна, конечно го прифати нацртот на мировниот договор што го предложиле Соединетите Американски Држави. Според западни извори, во Женевa било постигнато начелно согласување меѓу делегациите на Вашингтон и Киев, јави Ројтерс.

Американски функционер за Би-Би-Си изјави дека Украина го прифатила нацрт мировниот договор што го предложиле Соединетите Американски Држави „само уште неколку технички детали треба да се прецизираат“. Потоа би следела официјална средба меѓу претседателите Доналд Трамп и Володимир Зеленски во САД.

Киев не ги коментираше овие тврдења, ниту Белата куќа ја потврди можноста за какви било разговори меѓу Зеленски и Трамп.

Сепак, секретарот на Советот за национална безбедност и одбрана на Украина, Рустем Умеров денеска на социјалните мрежи објави дека Зеленски може да ги посети САД во следните неколку дена со цел да го финализира договорот.

Притоа, „Фајненшал Тајмс“ објави дека Украина прифатила услов според кој нејзината армија ќе биде ограничена на 800.000 војници, пренесува хрватски Индекс.

Меѓутоа, остануваат неразрешени прашања поврзани со можните територијални корекции и гаранциите за долгорочна безбедност на Украина. Според изворите, конечниот потпис ќе зависи од директната комуникација меѓу Зеленски и Трамп.

Ако се постигне договор, тоа би било првпат откако започна војната Украина да прифати формални ограничувања на својата армија и да влезе во рамка што ја водат САД, наместо НАТО.

Од друга страна, Белата куќа сè уште нема потврдено конкретен датум за средбата, но американските претставници најавија дека во меѓувреме ќе имаат разговори со руската делегација во Абу Даби за да се усогласат последните точки од мировниот план.

Ројтерс пишува дека разговорите во Абу Даби веќе се во тек.

„Точната содржината на разговорите не е позната, ниту кој бил во руската делегација. Американски функционер изјави дека се очекува американскиот секретар за одбрана Ден Дрискол, кој се појави како клучен човек за дипломатските напори на САД во Украина, да се сретне и со украински претставници за време на престојот во Абу Даби“, се вели во статијата.

The post УКРАИНА ГО ПРИФАЌА НАЦРТОТ, САМО УШТЕ ДА СЕ ИСПЕГЛААТ ДЕТАЛИТЕ? Киев може да ја ограничи војската на 800.000 лица appeared first on plusinfo.mk.

Нашата работа е само да убиваме, вели борец од Судан во вознемирувачко видео додека камерманот покажува девет безживотни тела расфрлани по земјата. Во градот Ел-Фашер беше извршен стравичен масакр. Силите за брза поддршка (РСФ) убиле најмалку 2.000 цивили.

Сцените, според Би-Би-Си, претставуваат доказ за систематски злосторства против човештвото.

Ел-Фашер, последното упориште на суданската армија во Дарфур, бил под двегодишна опсада. Силите на РСФ од август граделе песочен насип околу градот, целосно блокирајќи пристапот на храна и медицинска помош.

Според извештајот на „Yale Humanitarian Research Lab“, сателитските снимки откриваат десетици свежи масовни гробници. На социјалните мрежи се појавиле видеа на егзекуции во џамии и универзитетски згради.

Pure mass murder pic.twitter.com/oCAIyqqlfT

— Magnificent Basterd (@magnificentb) October 31, 2025

Bellingcat has geolocated footage of a mass killing outside the captured Sudanese city of El Fasher. In the video, circulated widely online, RSF commander Abu Lulu can be seen firing his weapon at what appears to be ten unarmed men sitting on the ground. Image: @vantortech pic.twitter.com/81QqPBjiOl

— Bellingcat (@bellingcat) October 31, 2025

Меѓу најморничавите снимки е онаа каде што војници влегуваат во универзитетска сала преполна со тела.

Старец во бела облека, кој едвај дише, е застрелан во глава. Некој од напаѓачите довикува: „Зошто овој сè уште е жив? Убијте го.“

Истражувачите од Јеил потврдиле дека токму тој ден, на 26 октомври, бил извршен масакрот.

– Никогаш нема да имам милост. Нашата работа е само да убиваме – изјавил командантот Абу Лулу, идентификуван како човек што лично извршил повеќе егзекуции на заробеници.

Откако Би-Би-Си го објавил неговото видео, РСФ објавиле дека командантот е уапсен.

На социјалните мрежи се појавуваат и вознемирувачи снимки на кои се гледа како цивили се принудени сами себе да се закопаат живи под земја.

This scene is one of the harshest scenes in human history. They are forcing them to dig their own graves and bury themselves alive.

This is happening today in El-Fasher, Sudan pic.twitter.com/HIqFqSANDp

— Jvnior (@JvniorLive) October 29, 2025

Извештаите од терен укажуваат дека паравоените сили се обидуваат да ги сокријат доказите. Сателитските фотографии покажуваат отстранување на телата северно од насипот и закопување во импровизирани гробници во дворот на детската болница.

Во меѓувреме, лидерот на РСФ, генерал Мохамед Хамдан Дагало, признал дека „има прекршувања“, но тврди дека започнала „внатрешна истрага“.

Организациите за човекови права бараат итна интервенција на Обединетите нации, предупредувајќи дека се можни нови злосторства.

The post (ВОЗНЕМИРУВАЧКО) 📽️ РЕКОА „ТОА НИ Е РАБОТА“, МАСАКРИРАА 2.000 ЦИВИЛИ Гробници во Судан сведочат за невидено злосторство appeared first on plusinfo.mk.

Северна Кореја мобилизира дополнителни војници за во Русија, соопшти јужнокорејската разузнавачка агенција (НИС), пренесува ДПА.

Во извештајот на НИС се наведува дека од септември околу 5.000 севернокорејски војници се преместени во Русија за градежни работи, заедно со уште 1.000 деминери, јави денеска агенцијата Јонхап, повикувајќи се на парламентарен разузнавачки комитет.

НИС, исто така, наведува дека речиси 10.000 севернокорејски војници се стационирани во близина на руско-украинската граница, каде што се задолжени за стражарски должности, потсетува ДПА.

Северна Кореја од минатата година ја интензивираше својата воена соработка со Русија.

Јужнокорејската разузнавачка агенција проценува дека Пјонгјанг испратил околу 15.000 војници за да ја поддржи Русија во украинската војна.

Северна Кореја, исто така, ја снабдува Русија со муниција и артилерија, пренесува ДПА.

The post СЕВЕРНА КОРЕЈА ИСПРАЌА НОВА ТУРА ВОЈНИЦИ ЗА РУСИЈА Досега испрати околу 15.000 appeared first on plusinfo.mk.

На социјалните мрежи се појави снимка од украинскиот претседател Володимир Зеленски кој им оддава чест на војниците на контроверзната група Азов во бункер.

Видеото веднаш предизвика реакции, бидејќи Азов одамна е во фокусот на светската јавност поради обвиненија за наводна употреба на неонацистички симболи и екстремно-националистичка идеологија.

Zelensky, in a bunker, awards honors to Azov fighters widely criticized for their neo-Nazi affiliations.

..bunker, nazis..I’ve come across that somewhere. pic.twitter.com/B1nM5NEFc6

— Russian Market (@runews) November 4, 2025

The post 📽️ СНИМКА ОД ЗЕЛЕНСКИ ПРЕДИЗВИКА КОНТРОВЕРЗИИ Војниците на Азов добија одликување во бункер appeared first on plusinfo.mk.

Севернокорејскиот лидер Ким Јонг Ун изјави дека воениот сојуз меѓу неговата земја и Русија „ќе напредува без престан“, јави државната новинска агенција КЦНА.

Ким ова го изјави за време на говорот на церемонијата на поставување камен-темелник за споменик на севернокорејските војници кои се бореле заедно со Русија во регионот Курск, јави КЦНА.

– Годините на воено братство, во кои е обезбедена гаранција за долгорочен развој на билатералното пријателство по цена на скапоцена крв, ќе напредуваат непрестајно. Предизвиците на доминацијата и на тиранијата не можат да ги попречат врските на двете земји – порача Ким.

Севернокорејскиот лидер присуствуваше на настанот што претставува најново јавно оддавање почит на војниците на таа земја кои се бореле во Русија за да го одбијат упадот на украинските сили.

Today, #KimJongUn attended a groundbreaking ceremony for the construction of a ‘memorial museum’ of combat feats in ‘overseas military operations’ pic.twitter.com/vlO0IB4tHN

— North Korean Archives and Library (NKAAL) (@NorthNKAAL) October 23, 2025

Ким и рускиот претседател Владимир Путин потпишаа пакт за меѓусебна одбрана, а Северна Кореја испрати војници, артилериска муниција и проектили во Русија за да ја поддржат инвазијата на Москва врз Украина.

Киев и Сеул проценуваат дека Северна Кореја распоредила повеќе од 10.000 војници во војната во замена за економска и воено-технолошка помош од Русија.

Јужнокорејската разузнавачка агенција во септември процени дека во борбите загинале околу 2.000 севернокорејски војници.

Американскиот претседател Доналд Трамп следната недела ќе ја посети Јужна Кореја.

The post „ПРИЈАТЕЛСТВО СО РУСИЈА, ДУРИ И ПО ЦЕНА НА КРВ“ Ким Јонг Ун им оддаде почит на севернокорејските војници кои се бореа во Русија appeared first on plusinfo.mk.

САД преместуваат до 200 војници кои веќе се стационирани на Блискиот Исток во Израел за координација на операцијата, соопштија американски претставници.

Американската војска ќе воспостави таканаречен центар за цивилно-воена координација во Израел, во кој ќе бидат вклучени околу 200 војници. Во него ќе бидат вклучени и сили од арапски и муслимански земји, вклучувајќи ги Египет, Катар и Турција, кои ќе го набљудуваат примирјето и ќе пријавуваат евентуални прекршувања.

Како што јави Би-Би-Си, американските претставници велат дека ниту еден американски војник нема да влезе во Газа. Работната група е предводена од Централната команда на САД, која е базирана во регионот, и има за цел да го надгледува напредокот на договорот за прекин на огнот, како и да помогне во координација на хуманитарната помош.

Под претпоставка дека размената на заложници и затвореници ќе биде завршена, претставниците велат дека намерата потоа е да се воспостави таканаречена Меѓународна сила за стабилизација, но тоа сè уште не е договорено меѓу страните.

The post 200 АМЕРИКАНСКИ ВОЈНИЦИ ЌЕ ГО ЧУВААТ МИРОТ ВО ИЗРАЕЛ Ниту еден нема да стапне во Газа, уверуваат САД appeared first on plusinfo.mk.