Членовите на семејствата синоќа поставија протестен шатор во Ерусалим и ветија дека ќе останат таму додека Владата не постигне договор за ослободување на некои од заложниците.

Роднините на заложниците ги интензивираа протестите во последните денови, барајќи од Владата да направи повеќе за ослободување на нивните најблиски.

Израелскиот премиер Бенјамин Нетанјаху вети дека ќе ја продолжи офанзивата до „тотална победа“ против Хамас и дека ќе ги врати сите преостанати заложници откако повеќе од 100 луѓе беа ослободени согласно договорот за прекин на огнот во ноември во замена за десетици Палестинци од израелските затвори.

The post БАРААТ ИТНО ОСЛОБОДУВАЊЕ НА ЗАЛОЖНИЦИТЕ ВО ГАЗА Семејствата на киднапираните Израелци упаднаа во Парламентот appeared first on plusinfo.mk.

Во анализа на ТВ Канал 12, што се занимава со влијанието на војната во Појасот Газа врз израелската економија, се наведува дека државата Израел инвестирала 24,7 милијарди нови шекели или околу 4,5 милијарди евра државни средства во различни аспекти на воените цели, вклучувајќи ги трошоците за одбрана и финансирањето на повеќе од 100.000 евакуирани и раселени од северот и југот на земјата, пишува „Тајмс оф Израел“.

Околу 930 милиони нови шекели, што е приближно 22,8 милиони евра, се наменети за менталното и физичкото здравје на жртвите на теророт за време и по нападот на Хамас на 7 октомври, во кој беа убиени околу 1.200 луѓе, а 240 заробени.

Трошоците за поправка и обнова на уништените заедници долж границата со Појасот Газа ќе достигнат околу 400 милиони нови шекели, што е околу 98 милиони евра, додава Канал 12.

Како што се наведува, штетата на северот на Израел предизвикана како резултат на прекуграничните напади од Либан ќе достигне околу 250 милиони нови шекели или околу 60 милиони евра.

The post 49 МИЛИЈАРДИ ЕВРА ЌЕ ГО ЧИНИ ИЗРАЕЛ ВОЈНАТА ПРОТИВ ХАМАС Конфликтот носи сериозен удар врз израелската економија appeared first on plusinfo.mk.

Како што јави агенцијата Wafa, тој посочи внимание на тешката хуманитарна ситуација во Појасот Газа.

-Испораката на хуманитарна помош во Појасот Газа се соочува со неверојатни предизвици. Поради непријателствата, системот за хуманитарна реакција е на работ на колапс  – рече Венесланд.
Тој, исто така, го осуди убиството на цивилите во Газа, вклучувајќи жени и деца, и изрази жалење за загубата на секој цивилен живот, вклучително и 131 член на организациите на ОН кои беа убиени во израелските напади врз Газа.

Тој го осуди убиството на цивилите во Газа, вклучувајќи жени и деца, и изрази жалење за загубата на секој цивилен живот, вклучително и на 131 член на организациите на ОН кои беа убиени во израелските напади врз Газа.

Венесланд исто така, изрази „длабока загриженост“ поради растечките тензии на окупираниот Западен Брег, вклучувајќи го и Источен Ерусалим. Тој укажа и на смртоносните напади на израелските доселеници врз Палестинците на Западниот Брег и Израел.
– Сите сторители на кривични дела мора да одговараат пред судот – порача Венесланд.

Специјалниот пратеник на ОН рече дека „непромисленото ширење“ на израелските населби на окупираниот Западен Брег, вклучувајќи го и Источен Ерусалим, ја загрозува стабилноста на идната независна палестинска држава, пренесува Wafa.

Тој повтори дека израелските населби претставуваат јасно кршење на резолуциите на Обединетите нации и меѓународното право, повикувајќи ја израелската влада веднаш да ги прекине овие активности.

Од почетокот на израелската одмазда во Појасот Газа, според палестински извори под управа на палестинската екстремистичка група Хамас, убиени се повеќе од 18.700 луѓе, меѓу кои 7.000 деца.

Во нападот на Хамас на 7 октомври, кој беше причина за континуираните напади на Израел врз Појасот Газа, според Тел Авив, загинаа 1.400 луѓе, а околу 240 беа киднапирани.

Во изминатите два месеци, најголемиот конфликт во тој дел од светот во последните децении, бројот на раселените жители на Газа е речиси двојно зголемен на 1,9 милиони.

Тимот за проверка на фактите на Би-Би-Си врз основа на сателитски снимки, утврди дека во текот на бомбардирањето на Газа, уништени се над 100.000 згради.

The post НАЈСМРТОНОСНА ГОДИНА ВО ИСТОРИЈАТА НА ИЗРАЕЛСКО-ПАЛЕСТИНСКИОТ КОНФЛИКТ Тримесечниот судир досега однесе над 20.000 животи appeared first on plusinfo.mk.

– Досега остваривме телефонски разговори со 18 лидери на ниво на шефови на држави и влади. Во соработка со египетските власти, доставивме три авиони со хуманитарна помош во регионот. Продолжуваме да им пружаме рака за помош на угнетените луѓе во Газа, кои веќе 17 години живеат под блокада. Меѓутоа, акциите како што се испраќање носачи на авиони во регионот, блокирање на испораката на помош за палестинскиот народ и жестоко казнување на населението во Газа како целина, ги спречија нашите напори за да го поддржиме мирот – порача Ердоган.

Турскиот претседател посочи на целосна неефикасност на Совет за безбедност на Обединетите нации, кој како што рече „уште еднаш не ја исполни својата задача и одговорност“.

– Западните земји, кои се многу амбициозни во зачувувањето на човековите права и слободи, не направија ништо друго освен дополнително разгорување на огнот. Со нивното пристрасно и лицемерно известување, меѓународните медиуми побрзаа да го оправдаат убивањето на луѓе – додаде Ердоган.

Тој посочи дека бомбардирањето на невините луѓе кои бегаат во областите наречени „безбедни зони“, граничните премини, џамиите, училиштата и населбите полни со цивили се само дел од воените злосторства.

– Масакрот во Газа доби нова димензија по подлиот напад врз баптистичката болница Ал Ахли. Оние кои долеваат масло на огнот со изјавите од 7 октомври се исто толку одговорни како и извршителите на овој потресен масакр – истакна турскиот претседател.

Ердоган најави дека Турција ќе продолжи да работи на хуманитарен прекин на огнот и воспоставување постојана стабилност во регионот.

The post ЗАПАДОТ САМО ДОЛЕВА МАСЛО НА ОГНОТ ВО ГАЗА Ердоган упати остра критика за ОН и за западните земји appeared first on plusinfo.mk.

Израел ги повика своите граѓани да ја напуштат Турција што е можно поскоро заради нивна лична безбедност, изјавија од конзулатот на Израел во Истанбул, наведувајќи ги засилените „терористички закани“ за своите граѓани во странство, пренесува АФП.

Според тој извор, безбедносната тревога за израелските патници во Турција „е подигната на највисоко четврто ниво.

„Со оглед на постојаното зголемување на терористичките закани против Израел во странство, сите Израелци кои живеат во Турција мора да заминат што е можно поскоро“ – предупреди израелскиот Совет за национална безбедност во официјалното соопштение.

Во вторникот вечерта беа организирани протести пред израелскиот конзулат во Истанбул и пред амбасадата во Анкара, откако беше истрелана ракета врз болница во Појасот Газа, при што загинаа стотици цивили, пациенти и палестински раселени лица.

Израел и Палестинците меѓусебно се обвинуваат за ракетниот напад, кој турскиот претседател Реџеп Таип Ердоган и го припиша на еврејската држава. Ердоган го осуди „последниот пример на израелски напади лишени од секаква човештво“.

Американскиот претседател Џо Бајден, кој во средата го посети Израел, ја поддржа верзијата на израелските власти за настаните, обвинувајќи ги палестинските борци за ракетниот напад.

The post ИЗРАЕЛ ГИ ПОВИКА СВОИТЕ ГРАЃАНИ ДА ЈА НАПУШТАТ ТУРЦИЈА Безбедносната тревога подигната на највисоко ниво appeared first on plusinfo.mk.

– Целиот регион е на работ на бездната – предупреди јорданскиот крал Абдула Втори во текот на посета на Берлин.

Тој разговараше со канцеларот Олаф Шолц пред германски лидер да замине за Израел.

Кралот Абдула Втори, кој има големи овластувања како монарх на Јордан, рече дека заканата од проширување на војната е реална.

Тој, исто така, предупреди на обидот да се турнат палестинските бегалци во Египет или во Јордан.

– Тоа е црвена линија бидејќи мислам дека тоа е план на одредени… вообичаено осомничени кои де факто, се обидуваат да создадат проблеми на терен – истакна јорданскиот крал.

The post БЛИСКИОТ ИСТОК Е НА РАБ НА БЕЗДНА Јордан предупредува на реална закана од проширување на војната appeared first on plusinfo.mk.