Најмалку девет лица се повредени откако руски дрон ја погоди централната зграда на Службата за безбедност на Украина (СБУ) во Киев, соопшти градоначалникот на Киев, Виталиј Кличко. Според достапните информации, седум од повредените биле хоспитализирани.

Украинскиот претседател Володимир Зеленски претходно соопшти дека дронот ја погодил централната зграда на СБУ на улицата Володимирска во Киев.

Според Зеленски, леталото било насочено „директно кон канцеларијата“ на вршителот на должноста директор на СБУ, Олександар Поклад. Украинските медиуми објавија дека Поклад во моментот на нападот не бил во својата канцеларија.

The drone was directed directly at the office of the head of the SBU in this building. I instructed Poklad to respond adequately, tangibly, and, if possible, in kind to the Russians for this attack, once everything is prepared. – Zelenskyy pic.twitter.com/wE5aSjKVgu

— King Chelsea Ug (@ug_chelsea) September 4, 2026

Кличко соопшти дека во објектот дошло до уривање на меѓукатната конструкција и дел од надворешниот ѕид. На местото на нападот избувнал пожар, кој според последните информации бил ставен под контрола.

A Russian drone hit Ukraine’s SBU headquarters in Kyiv, Zelensky says. pic.twitter.com/ZevaXpLbEV

— Open Source Intel (@Osint613) September 4, 2026

СБУ е украинската безбедносна служба задолжена, меѓу другото, за контраразузнавачки и антитерористички активности. Во текот на војната таа е вклучена во операции против руските сили и инфраструктура, како и во акции насочени кон руски претставници.

#BREAKING Ukraine President Zelenskiy says Russia hits SBU’ security service headquarters in Kyiv pic.twitter.com/nNwAAbcXVp

— Guy Elster גיא אלסטר (@guyelster) September 4, 2026

По нападот, Зеленски разговарал со Поклад и соопшти дека од него побарал да подготви „соодветен, значаен и, ако е можно, симетричен“ одговор на нападот, со поддршка од украинската армија.

Нападот се случи во централниот дел на Киев, во близина на Софиската катедрала. Украинските власти продолжија со расчистување и проверка на местото, додека службите работеа на последиците од ударот.

Засега нема независна потврда за тоа колкава е штетата на објектот на СБУ, ниту дали меѓу повредените има припадници на украинската безбедносна служба.

The post 📽️ РУСКИ ДРОН ЈА ПОГОДИ ЗГРАДАТА НА УКРАИНСКАТА ТАЈНА СЛУЖБА Најмалку девет лица се повредени, Зеленски најави одговор appeared first on plusinfo.mk.

Неверојатна снимка од војната во Украина се шири на социјалните мрежи: украински борбен авион МиГ-29 му се приближува на руски дрон Шахед на екстремно мала оддалеченост, по што беспилотното летало ја губи стабилноста и паѓа без да биде погодено со ракета или топовски оган.

Маневарот на социјалните мрежи е наречен „бакнеж на смртта“. Снимката првично се појавила на украински канали на Телеграм, а потоа брзо се проширила на други платформи.

На видеото се гледа како МиГ-29 лета исклучително блиску до дронот. Набргу потоа Шахед почнува да се ниша, ја губи контролата и паѓа кон земјата, каде што експлодира.

Како може дронот да падне без да биде погоден?

Според објаснувањата што ги пренесуваат повеќе медиуми, можно е пилотот да ја искористил силната воздушна струја и турбуленциите зад и околу борбениот авион за да го дестабилизира дронот.

Сепак, важно е да се нагласи дека самата снимка не овозможува независно да се потврди точниот механизам на падот. Дел од анализите го објаснуваат падот со аеродинамичките нарушувања создадени од МиГ-29, додека други коментари оставаат простор и за други можни причини.

Според извештаите што го придружуваат видеото, пилотот наводно останал без расположива муниција и затоа се решил на исклучително ризичен маневар. Оваа информација, сепак, не е независно потврдена.

Украинските воздухопловни сили редовно користат борбени авиони, меѓу кои и МиГ-29, за пресретнување руски беспилотни летала и крстосувачки ракети. Вообичаено за вакви задачи се користат ракети воздух-воздух и топовско вооружување.

A Ukrainian MiG-29 forced a russian Shahed drone to crash without firing a single shot.

Powerful wingtip vortices from the fighter may have caused the drone to lose control. They can damage or destabilize a UAV, but for this to happen, the fighter would have to pass extremely… pic.twitter.com/Bz50xOosv8

— Saint Javelin (@saintjavelin) August 21, 2026

Маневар што потсетува на Втората светска војна

Интересно е што ваквиот начин на пресретнување има историска паралела.

За време на Втората светска војна, британските пилоти користеле слична техника против германските летечки бомби „V-1“. Со летање во непосредна близина на бомбата, пилотите го нарушувале струењето на воздухот околу нејзините крила, што можело да предизвика губење на стабилноста и пад.

Во некои случаи британските пилоти дури со врвот на крилото ја допирале „V-1“ и ја туркале од нејзината траекторија.

Токму поради оваа сличност, снимката со МиГ-29 предизвика големо внимание, иако не може со сигурност да се тврди дека токму истиот механизам е одговорен за падот на современиот дрон.

The post 📽️ „БАКНЕЖ НА СМРТТА“, УРНАТ ДРОН БЕЗ ИСТРЕЛАН КУРШУМ Украински МиГ-29 собори Шахед со неверојатен маневар appeared first on plusinfo.mk.

Европската Унија наесен планира значително проширување на санкциите против Русија, при што бројот на санкционирани руски физички и правни лица би можел да се зголеми за една третина, изјави високата претставничка на ЕУ за надворешна и безбедносна политика, Каја Калас.

– Санкциите на ЕУ досега ја чинеле руската воена машинерија повеќе од еден трилион евра, а наесен предлагам најсеопфатен список на санкции од почетокот на војната – изјави Калас за германскиот весник „Велт“.

Таа додаде дека, доколку новите мерки бидат усвоени, вкупниот број санкционирани руски субјекти веднаш ќе се зголеми за една третина.

– Притисокот мора да продолжи да расте сè додека Москва не ја заврши војната – порача Калас.

Калас не откри кога точно би бил предложен новиот пакет, ниту даде детали за тоа кои руски физички и правни лица би можеле да бидат опфатени со санкциите.

ЕУ во јули го усвои последниот пакет санкции против Русија поради војната во Украина. Мерките, меѓу другото, беа насочени кон рускиот банкарски сектор и мрежите поврзани со криптовалути.

Новото проширување би било дел од продолжените напори на ЕУ за зголемување на економскиот и политичкиот притисок врз Москва поради продолжувањето на војната во Украина.

The post САНКЦИИТЕ ПРОТИВ РУСИЈА ЌЕ СЕ ЗГОЛЕМАТ ЗА ТРЕТИНА Калас предлага најсеопфатен пакет од почетокот на војната appeared first on plusinfo.mk.

Руските сили зазедоа 19 населени места во Днепропетровската и Запорошката област во југоисточна Украина во текот на летната офанзива – соопшти денеска руското Министерство за одбрана.

Министерството се повика на извештајот на Пјотр Болгарев, командант на источната група руски сили, но не ги именуваше сите заземени населени места. Одделно, руската армија соопшти дека неодамна ја презела контролата врз местото Рибалское во Запорошката област.

Руското напредување на копнениот фронт годинава е забавено, иако Москва симултано ги интензивираше нападите со балистички ракети врз Киев и други украински градови.

Од друга страна, украинскиот претседател Володимир Зеленски во средата изјави дека украинските сили годинава вратиле под своја контрола 745 квадратни километри окупирана територија долж југоисточниот фронт.

Веродостојноста на извештаите од бојното поле засега не може независно да се потврди.

The post НОВИ ТЕРИТОРИЈАЛНИ ТВРДЕЊА ОД МОСКВА Русија вели дека зазела 19 населени места во југоисточна Украина appeared first on plusinfo.mk.

Русија ќе ги удвои напорите за уништување на сите ресурси што Западот ѝ ги обезбедува на Украина за поддршка на нејзината воена машина, а истовремено ја исклучува можноста за итен прекин на огнот – изјави денеска рускиот министер за надворешни работи Сергеј Лавров во интервју за државната телевизија.

– Ќе користиме поостри методи за да уништиме сè што ја поттикнува воената машина на Киев од страна на Западот. И веќе го правиме тоа. Тие веќе стенкаат – рече Лавров, нагласувајќи дека војната треба да запре само доколку се најде долгорочно, сигурно и трајно решение за конфликтот.

Според него, замрзнување на конфликтот долж сегашната линија е невозможно бидејќи тоа, како што рече, би го „поништило подвигот на дедовците и прадедовците“ кои го победиле нацизмот.

– Такво нешто не може да се разгледува… Станува збор за нашата одговорност пред илјадагодишната историја на руската држава – додаде тој.

Во однос на дипломатските контакти со Вашингтон, Лавров истакна дека рускиот претседател Владимир Путин е подготвен да ги прими американските пратеници Стив Виткоф и Џаред Кушнер.

– Штом им се укажува толкава доверба, тие имаат влијание врз американскиот претседател Доналд Трамп, тој им верува. Не одбиваме да разговараме со нив. Ако пристигнат, нека знаат дека рускиот претседател Владимир Путин е подготвен повторно да ги прими. Одделно прашање е со какви предлози ќе пристигнат – истакна Лавров, пренесува ТАСС.

Шефот на руската дипломатија посочи дека Москва испратила барање за коментар до американскиот Стејт департмент во врска со разузнавачките податоци и се подлабоката вклученост на САД во организирањето и изведувањето напади врз цивилни објекти длабоко на руска територија, додавајќи дека Москва очекува одговор, но нема да поставува ултиматуми. Тој обвини и дека киевските власти „гордо се фалат“ на социјалните мрежи по секој нападнат цивилен објект, како плажи и студентски домови.

Лавров го критикуваше и молкот на меѓународната заедница по украинските напади врз Каспискиот нафтоводен конзорциум (КТК). Според неговите зборови, американскиот потпретседател Џеј Ди Венс и турските власти зад кулисите му испратиле предупредувачки сигнали на украинскиот претседател Володимир Зеленски да не ги напаѓа тие капацитети, по што Зеленски ветил прекин на нападите врз бродови што немаат врска со Русија.

– Јавно, сепак, сите молчат. И тоа нешто кажува – забележа Лавров.

Говорејќи за Анкара, тој додаде дека Турција сака да одржува добри односи со Русија за зачувување на стабилноста на Црното Море и реализација на економските проекти, иако во исто време сака да го зачува статусот на земја членка со најголема армија во НАТО и односите со ЕУ, свесна дека никогаш нема да биде примена во Унијата.

Шефот на руската дипломатија упати и остри критики до Европската Унија и Германија. Тој изјави дека ЕУ се однесува како „Четвртиот рајх“ и врши „бескрупулозен и дрзок притисок“ врз српскиот претседател Александар Вучиќ да воведе санкции кон Русија користејќи го евроинтегративниот процес, но дека Вучиќ храбро му се спротивставува на тој притисок со години.

За Германија, Лавров оцени дека „метастазите на нацизмот“ си го пробиваат патот под раководство на канцеларот Фридрих Мерц, критикувајќи ги неговите најави за повторно претворање на Германија во најголема воена сила во Европа.

The post ЛАВРОВ СО ОСТРА ЗАКАНА ДО ЗАПАДОТ Русија ќе ги засили нападите врз ресурсите што ја поддржуваат Украина appeared first on plusinfo.mk.

Русија и Украина денеска ги разменија телата на загинатите војници, што претставува прва ваква размена меѓу двете земји од минатиот месец.

Пратеникот во руската Државна дума Шамсаил Саралиев за медиумот РБК изјави дека Москва ги предала телата на 261 украински војник, додека Киев ги предал телата на 24 загинати руски војници.

Украинскиот Координативен штаб за третман навоените заробеници подоцна ја потврди размената, наведувајќи во соопштение на апликацијата „Телеграм“ дека во земјата се вратени 261 тело „кои, според руската страна, им припаѓаат на украински бранители“.

„Изразуваме искрена благодарност до Меѓународниот комитет на Црвениот крст за посредувањето и поддршката при спроведувањето на мерките за репатријација“, се додава во соопштението на украинскиот штаб.

Последната ваква размена меѓу Русија и Украина се одржа на 16 јули, кога Москва ѝ предаде на Украина 501 тело, додека Киев ѝ предаде на Русија 31 тело на загинати војници.

The post МОСКВА ПРЕДАДЕ 261 ТЕЛО, КИЕВ ВРАТИ 24 Русија и Украина разменија тела на загинати војници appeared first on plusinfo.mk.

Претседателот на Украина, Володимир Зеленски, синоќа изјави дека одобрил продолжување на операциите со долг дострел на руска територија, а воедно е ажуриран и списокот на приоритетни цели.

– Одржав состанок посветен на нашите операции со долг дострел. Го одобривме нивното продолжување и го ажуриравме списокот на приоритетни цели, врз основа на нивното моментално влијание врз Русија и нејзината способност да ја продолжи и пролонгира оваа војна – наведе Зеленски.

Тој истакна дека украинските средства за напад сега имаат дострел поголем од 3.000 километри, а Украина продолжува да ги развива своите капацитети за изведување удари на уште поголеми растојанија.

Зеленски прецизираше дека украинските беспилотни летала можат да погодат цели во рускиот Уралски регион, Сибир и други области далеку од Москва.

Според него, од почетокот на војната, во рамки на кампањата за напади со долг дострел, биле извршени повеќе од 1.000 удари. Меѓу погодените цели се нафтени капацитети, воени производствени погони и стратешки важна руска логистичка инфраструктура.

– Главната цел на нападите со долг дострел е да се изврши притисок врз Русија преку уништување на нејзиното производство на оружје, предизвикување загуби во нафтениот сектор и економијата, како и враќање на војната на нејзина територија – истакна Зеленски.

The post ЗЕЛЕНСКИ НАЈАВИ НОВА ОФАНЗИВА Украина одобри напади на повеќе од 3.000 километри во Русија appeared first on plusinfo.mk.

Заменик-претседателот на Рускиот совет за безбедност и поранешен претседател на Русија Дмитриј Медведев изјави дека никакви правила не треба да важат за Киев, обвинувајќи ја Украина за сè поинтензивни напади врз руските градови.

„Со оглед на масовните напади на непријателот врз нашите градови, чиј интензитет се зголемува и очигледно ќе продолжи да се зголемува, време е отворено да се каже дека повеќе нема правила за неонацистички Киев и дека не може да има“, напиша Медведев на својот канал на социјалната мрежа Maкс.

Тој додаде дека за Русија постои само една линија што не смее да се премине, а тоа е намерното уништување на цивили.

– Нагласувам: намерно, односно свесно и насочено. Сè друго е сосема дозволено, без оглед на тоа како Зеленски и неговата подла европска поддршка се обидуваат да го прикажат тоа – вели Медведев.

Тој, исто така, ја доведе во прашање релевантноста на меѓународните правила на војување.

„Патем, Хашките конвенции за законите и обичаите на војувањето исто така треба да завршат во таа категорија. Тие повеќе не се потребни. Војните премногу се променија во последните сто години“, напиша Медведев.

Според него, некогаш не било вообичаено да се киднапираат или убиваат водачите дури и на непријателски земји, ракетите и беспилотните летала ги заменија поранешните методи на војување.

„Тогаш, бомбите се фрлаа од балони, а денес тоа го прават ракетите и беспилотните летала. Затоа повикувањето на клаузулата rebus sic stantibus е сосема соодветно“, заклучи Медведев.

Клаузулата „rebus sic stantibus“ во меѓународното право го означува принципот според кој обврските можат да престанат да важат ако околностите врз кои се засновале значително се променат.

The post „НЕМА ВЕЌЕ ПРАВИЛА ВО ВОЈНАТА ПРОТИВ НЕОНАЦИСТИЧКИОТ КИЕВ“ Медведев рече дека правилата се сменети по интензивните напади врз руските градови appeared first on plusinfo.mk.

Европа во моментов е директно вклучена во конфликтот во Украина и поради тоа не може да биде посредник во решавањето на кризата, изјави денеска портпаролот на Кремљ, Дмитриј Песков.

Според Песков, европското оружје „директно пука кон Русија“, поради што Москва не може да ја гледа Европа како неутрална страна во евентуалните мировни преговори.

Тој оцени дека војната во Украина би можела побрзо да заврши доколку западните земји престанат да испорачуваат оружје за Киев.

Во таа насока, Песков позитивно ја коментираше одлуката на новиот унгарски премиер, Петер Маѓар, Будимпешта да не испраќа оружје во Украина.

– Москва може само да го поздрави ставот на секоја држава која смета дека не треба дополнително да се додава масло на огнот – изјави портпаролот на Кремљ.

Осврнувајќи се на односите со Европската Унија, Песков оцени дека најголемата грешка на Брисел е целосното прекинување на дијалогот со Москва.

Според него, проблемите не можат да се решат без директни разговори, а позитивен сигнал е тоа што во Европа сè почесто се отвора прашањето кој би можел да воспостави комуникација со Русија.

Сепак, додаде дека во моментов нема конкретни предлози за европски претставник кој би го водел евентуалниот дијалог со Москва.

The post ЕВРОПСКОТО ОРУЖЈЕ ПУКА КОН РУСИЈА Песков ја отфрла ЕУ како неутрален посредник appeared first on plusinfo.mk.

Рускиот претседател Владимир Путин синоќа изјави дека според него, украинскиот конфликт се ближи кон крајот и додаде дека ќе се сретне со украинскиот претседател Володимир Зеленски само кога ќе се постигне траен мировен договор.

– Мислам дека прашањето се ближи кон крај – изјави Путин за војната во Украина.

На прашањето дали е подготвен да се вклучи во разговори со лидерите на Европската Унија, Путин им рече на новинарите во Кремљ дека го претпочита поранешниот германски канцелар Герхард Шредер.

Европските лидери, како што објави во четвртокот „Фајненшл тајмс“, се подготвуваат за потенцијални разговори за завршување на војната во Украина.

Кремљ минатата недела објави дека од европските влади зависи дали ќе го направат првиот потег, бидејќи тие го прекинаа контактот со Москва во 2022 година, по почетокот на војната во Украина.

The post ПУТИН ВЕЛИ ДЕКА ВОЈНАТА ВО УКРАИНА СЕ БЛИЖИ КОН КРАЈОТ Со Зеленски ќе се сретне само кога ќе се постигне траен мировен договор appeared first on plusinfo.mk.