Американскиот претседател Доналд Трамп денеска се закани дека САД би можеле „да го преземат Ормускиот Теснец“ ако не се постигне договор со Иран и упати ссеризни закани до иранската делегација што преговара во Швајцарија.

– Можеби ќе го преземеме Ормускиот Теснец, доколку е потребно. Ако не постигнат договор, ќе наплаќаме за премин – рече Трамп во телефонско интервју за Фокс њус.

Иранските државни медиуми вчера објавија дека иранската воена команда одлучила да го затвори Ормус, поради израелските прекршувања на прекинот на огнот во Либан и затоа што САД „не ја спроведоа“ првата точка од привремениот договор за завршување на војната.

– Затворете го Ормускиот Теснец и повеќе нема да имате земја. Нема ни да се вратите во вашата е…а земја. Можеби ќе го преземеме теснецот ако треба. Ќе го дигнеме во воздух. По истекот на 60-те дена, можам да правам што сакам – изјави Трамп.

Тој повтори дека САД би можеле да станат „ангел чувар“ на Ормус и да земаат 20 проценти од нафтата што поминува низ него.

Прашан за изјавата на иранскиот претседател Масуд Пезешкијан дека Иран го задржува правото да збогатува ураниум, Трамп реагираше жестоко:

– Подобро да внимава што зборува. Подобро да се смири или ќе го преземеме остатокот од земјата.

Трамп претходно му се закани на Иран дека повторно ќе го „удри уште посилно“ ако не го запре својот сојузник во Либан – Хезболах.

Во Швајцарија денеска се одржуваат мировни преговори помеѓу делегации на САД и на Иран, за постигнување траен мир на Блискиот Исток.

ЛИБАН ЌЕ БИДЕ ГЛАВНА ТЕМА НА ПРЕГОВОРИТЕ МЕЃУ ИРАН И САД Иранците не се откажуваат од правото на збогатување ураниум

The post АКО ГО ЗАТВОРИТЕ ОРМУС, НЕМА ДА СЕ ВРАТИТЕ ВО ИРАН! Трамп жестоко им се закани на преговарачите од Техеран appeared first on plusinfo.mk.

Ситуацијата во Либан, каде израелската војска речиси секојдневно спроведува напади против Хезболах, ќе биде главна тема на мировните преговори со САД, што се одржуваат во Швајцарија, соопштија денеска власите на Иран.

Портпаролот на иранското Министерство за надворешни работи, Есмаил Багаи, изјави дека „ционистичкиот режим продолжува да ги крши своите обврски кон Либан“ и дека тоа ќе биде централна тема на денешните разговори. Во видеоизјава објавена преку иранските државни медиуми тој додаде дека прекинот на непријателствата во Либан е клучен за Иран, а додаде и дека ќе се разговара и за одмрзнување на иранските средства и за продажбата на нафта.

Иранскиот претседател, Масуд Пезешкијан, изјави дека неговата земја нема намера да произведе атомска бомба, но предупреди дека нема да се откаже од збогатувањето ураниум за цивилни цели.

– Можеме и писмено да потврдиме дека немаме намера да произведеме атомска бомба. Но, нема да се откажеме од нашето право на збогатување ураниум – изјави Пезешкијан, додавајќи дека Иран тоа постојано го повторува.

Иранскиот министер за нафта, Мохсен Пакнеџад, пак изјави дека нафтената индустрија на Иран ќе биде клучен тест за секој конечен мировен договор со САД, доколку западните земји останат верни на неговиот дух.

Според Пакнеџад, во периодот по договорот, иранскиот нафтен сектор ќе ѝ понуди на светската економија значителни инвестициски можности.

Тој додаде дека секторот располага со стотици инвестициски проекти, како и со договори за техничко и оперативно партнерство подготвени за потпишување.

Разговорите меѓу Иран и САД со посредство на Пакистан и Катар, ќе траат еден ден.

Двете земји во средата потпишаа меморандум за разбирање со цел да се постигне траен мир на Блискиот Исток, но договорот е нарушен од продолжените израелски воздушни напади врз Либан и судирите меѓу Израел и Хезболах. Според меморандумот, САД и Иран во рок од 60 дена треба да ги договорат сите детаљи од конечниот мировен договор.

Либанските медиуми соопштија дека во израелски напад во долината Бекаа загинале пет лица, меѓу кои и едно дете, додека израелската војска соопшти дека ги завршува своите „превентивни“ операции во Либан.

Иран смета дека израелските напади се кршење на договорот и дека одговорноста за тоа ја носат САД.

Американскиот потпретседател, Џеј Ди Венс, утрово пристигна во Швајцарија на мировните преговори, изразувајќи надеж за напредок околу нуклеарната програма и прекинот на огнот во Либан. Со него на разговорите ќе бидат присутни и специјалниот пратеник Стив Виткоф и Џаред Кушнер, зет на американскиот претседател Доналд Трамп, кои треба да учествуваат во разгледувањето на техничките аспекти на нуклеарните преговори.

Иранската делегација, предводена од главниот преговарач, Мохамад Багер Галибаф, претходно пристигна на местото на преговорите, заедно со министерот за надворешни работи, Абас Аракчи, и други високи претставници.

Во разговорите меѓу САД и Иран ќе учествуваат и пакистанскиот премиер, Шехбаз Шариф, началникот на пакистанската армија, фелдмаршал Асим Мунир, како и посредници од Катар.

Првично беше предвидено Венс да пристигне уште вчера во швајцарското одморалиште Бургеншток во близина на Луцерн, но неговото заминување од САД беше одложено поради ескалацијата на борбите во Либан и одлуката на иранските власти привремено да го одложат своето учество на разговорите.

Американската Централна команда ги оспори тврдењата на Иран дека Ормускиот Теснец е повторно е затворен и соопшти дека американските сили продолжуваат да ја следат состојбата за да обезбедат непречен сообраќај по водниот пат.

Венс изјави дека во изминатите денови низ теснецот поминале милиони барели нафта.

ЗАВРШИ ВОЈНАТА МЕЃУ САД И ИРАН Светот го доби Ормус, Техеран доби многу пари

The post ЛИБАН ЌЕ БИДЕ ГЛАВНА ТЕМА НА ПРЕГОВОРИТЕ МЕЃУ ИРАН И САД Иранците не се откажуваат од правото на збогатување ураниум appeared first on plusinfo.mk.

Постигнатиот договор за прекин на огнот помеѓу владите на Либан и на Израел е имагинарно примирје, порача лидерот на Хезболах, Наим Касем.

Според него, со договорот се бара повлекување на Хезболах од јужен Либан, а воедно му се дозволува на Израел да „продолжи со својата агресија“.

– Примирјето е предавање, пораз и постигнување на непријателските цели – рече Касем.

Тој ја повика владата на Либан да ги прекине директните преговори со Израел, нарекувајќи ги „фарса и навреда“.

– Нас нè интересира само сеопфатен крај на агресијата, прекин на огнот и повлекување на израелските сили. Додека трае окупацијата ќе продолжи и отпорот – наведе Касем.

Претходно, Хезболах го отфрли договорот за примирје што беше постигнат помеѓу Либан и Израел, оценувајќи го како „патна мапа за истребување на дел од либанскиот народ и за поробување на другите“.

И Иранската револуционерна гарда (ИРГЦ) соопшти дека „нема да има мир во регионот“ без повлекување на Израел од либанска територија.

„Нашиот почетен услов за прифаќање на прекин на огнот во регионалната војна беше прекин на огнот на сите фронтови, вклучително и во Либан. Непријателот мора итно да ги запре нападите врз либанскиот народ, веднаш да се повлече зад меѓународните граници со евакуација од окупираните области на Либан и да го признае територијалниот интегритет на Либан“, се наведува во соопштението на ИРГЦ.

Со договорот постигнат во Вашингтон помеѓу Израел и Либан се повикува на „целосен прекин“ на огнот од страна на Хезболах и повлекување на групата од јужен Либан.

Израелскиот министер за одбрана Израел Кац го поздрави договорот, истакнувајќи оти израелската армија ќе „продолжи со операциите на терен“ и ќе одржи „континуирано присуство во безбедносната зона во Либан, без враќање на населението“.

Министерството за јавно здравство на Либан соопшти дека во израелските напади од 2 март до денеска загинале најмалку 3.526 луѓе, а повредени се 10.733 лица.

Поради војната помеѓу Израел и Хезболах раселени се повеќе од милион луѓе.

The post ФАРСА И НАВРЕДА Е ПРИМИРЈЕ БЕЗ ПОВЛЕКУВАЊЕ НА ИЗРАЕЛ ОД ЛИБАН Хезболах ќе продолжи со отпорот appeared first on plusinfo.mk.

Во либанскиот главен град денеска е хаотично – сообраќаен метеж и километарски редици возила се формираа на патиштата, додека жителите панично се обидуваат да ги напуштат јужните предградија на Бејрут пред израелската армија да ги започне најавените воздушни напади.

Израелскиот премиер Бенјамин Нетанјаху денеска издаде наредба за воздушни напади на јужните делови на Бејрут.

Речиси идентични сцени беа видени во градот на почетокот на март, кога Израел ја почна својата последна офанзива против Хезболах во Либан, како одговор на, како што рече тогаш израелскиот премиер, „повторените и континуирани прекршувања на прекинот на огнот во Либан од страна на терористичката организација Хезболах“.

И покрај формално прогласениот прекин на огнот, Израел значително ја прошири својата воена офанзива во земјата во последните денови. Серијата нови наредби за евакуација на населението издадени од израелската армија сега опфаќаат околу 15 проценти од целата територија на Либан.

Денеска израелската армија (ИДФ), исто така, издаде нови, итни наредби за евакуација на жителите на 7 села во јужен Либан, а на листата се Хумин ал-Фаука, Бнафул, Арап Салим, Румин, Аазе, Арки и Џбаа.

„За ваша сопствена безбедност, мора веднаш да ги напуштите вашите домови и да се оддалечите од овие села и градови на растојание од најмалку 1.000 метри, до отворените области“, објави портпаролот на ИДФ на арапски јазик, Авичај Адрае, во објава на социјалната мрежа Икс.

Вчера, пак, израелските сили ја окупираа стратешки важната тврдина Бофорт.

NOW: Israeli PM Netanyahu has ordered MILITARY STRIKES against Beirut, Lebanon to destroy Hezbollah, prompting thousands to flee the area

50 rockets were sent into northern Israel

“There will not be a situation where Hezbollah attacks and its terror HQ in Beirut remain… pic.twitter.com/bFVelAS2BM

— Eric Daugherty (@EricLDaugh) June 1, 2026

Израелскиот министер за одбрана Израел Кац изјави дека „нема да биде мирно во Бејрут“ ако продолжат нападите на Хезболах. Тој најави воспоставување зона под целосна израелска воена контрола во областа на реката Литани во јужен Либан.

„Дахије во Бејрут не се разликува од заедниците на северот од Израел – ако нема мир на северот, нема да има мир во Бејрут“, се вели во официјалното соопштение од канцеларијата на министерот Кац.

Тој се осврна на јужните предградија на либанската престолнина, кои се силно упориште на Хезболах.

„Во исто време, ИДФ продолжува со интензивни борбени и маневрирачки операции против терористите на Хезболах и нивната инфраструктура во Либан… Сето ова го правиме за да ја отстраниме заканата за нашите сили и народот на Државата Израел и да ја претвориме областа околу реката Литани во зона под безбедносна контрола на ИДФ, целосно исчистена од оружје и терористи“, објави Кац.

Current situation in Beirut prior to the beginning of a new massacre in Lebanon made by Israel pic.twitter.com/pthPRKrVlh

— Ziad Abu Zayyad (@Ziadaz26) June 1, 2026

Нетанјаху денеска официјално нареди да се извршат воздушни напади врз либанскиот главен град. Рече дека одлуката е донесена „како одговор на повторените и континуирани прекршувања на примирјето во Либан од страна на терористичката организација Хезболах, како и нападите врз нашите градови и граѓани“.

Bibi Netanyahu gives IDF green light to strike Hezbollah targets in Beirut

“There will not be a situation in which Hezbollah attacks our cities and our citizens, and its terrorist headquarters in Beirut, in Dahiyeh, remains out of bounds

We are continuing to deepen our… https://t.co/rpgPvVFwFE pic.twitter.com/fdPocZdCXi

— Lord Bebo (@MyLordBebo) June 1, 2026

На израелската војска ѝ е наредено да го нападне јужното предградие Дахије, кое се смета за едно од главните и најсилните упоришта на милитантната група поддржана од Иран.

Israel is carrying out airstrikes on residential buildings in southern Lebanon.

Earlier, France requested an emergency meeting of the UN Security Council over Israel’s actions.

Netanyahu stated that Israel will “deepen and expand” its control over territories in… pic.twitter.com/LZcugfBfyD

— Military Summary (@MilitarySummary) June 1, 2026

Израелските напади врз Либан предизвикаа остра реакција од Иран.

„Сегашниот прекин на огнот што е на сила меѓу Иран и Соединетите Американски Држави е недвосмислено примирје што ги опфаќа сите фронтови, вклучително и оној во Либан“, објави иранскиот министер за надворешни работи, Абас Арагчи на Икс.

Оваа остра реакција од Техеран дојде веднаш откако израелскиот премиер Нетанјаху ја издаде наредбата за воздушни напади врз Бејрут.

„Кршењето на прекинот на огнот на еден фронт е кршење на прекинот на огнот на сите фронтови. САД и Израел ќе бидат директно одговорни за сите последици од какво било кршење на договорот“, напиша Арагчи.

Иранската војска, пак, порача деека „нема да толерира продолжување на бруталните злосторства против Либан“.

Портпаролот на иранските вооружени сили, Аболфазл Шекарчи рече дека најновата израелска офанзива во Либан го искористила постојното примирје и „отворено ја нарушила либанската територија и убила повеќе од 3.000 невини луѓе, вклучувајќи жени и деца“.

Иранското Министерство за надворешни работи вчера изјави дека прекинот на огнот во Либан останува клучен услов за постигнување на каков било договор со САД.

– Инсистираме дека прекинот на огнот во Либан е клучен услов за каков било договор насочен кон прекин на војната – изјави портпаролот на министерството.

Бакаеи објасни дека застојот и одложувањето во дипломатскиот процес може да се припишат на целосен недостаток на доверба, контрадикторните позиции на Вашингтон и израелските напади врз Либан.

– Преговорите започнаа во атмосфера на длабока сомневање и недоверба, а размената на пораки се одвива во тој тон. Другата страна постојано ги менува своите позиции и поставува нови или контрадикторни барања… Природно е таквата ситуација да ги продолжува преговорите – истакна Бакаеи, додавајќи дека Техеран ги смета дејствијата на Израел во регионот, вклучително и оние во Либан, за неразделни од САД.

Најмалку 6 лица се убиени во најновите израелски воздушни напади врз Либан, објави Националната новинска агенција на Либан.

Во нападите со беспилотни летала врз градовите Бирика и Тул загинаа 3 лица, додека израелски воени авиони истовремено бомбардираа голем број населби низ јужниот дел од земјата. Синоќа, градот Кфарсир беше исто така цел на тешки напади, каде што беа убиени 3 лица.

Европската Унија испрати итен официјален апел до Израел веднаш да ја запре својата воена операција на територијата на Либан. Реакцијата од Брисел дојде откако израелските сили ја зазедоа стратешки важната тврдина Бофорт и отворено најавија продолжување на жестоките воздушни напади врз јужните предградија на Бејрут.

„Го повикуваме Израел веднаш да ја запре воената ескалација во Либан и целосно да го почитува суверенитетот и територијалниот интегритет на Либан“, изјави портпаролот на ЕУ, Ануар Ел Ануни.

The post 🎥 ХАОС ВО БЕЈРУТ• ИЛЈАДНИЦИ ЛИБАНЦИ БЕГААТ ОТКАКО ИЗРАЕЛ НАРЕДИ РАКЕТЕН НАПАД Тел Авив ќе ги гаѓа јужните делови на либанската престолнина appeared first on plusinfo.mk.

Иран објави нова мапа на Ормускиот Теснец за која соопшти дека ја опфаќа областа од виталниот воден пат што е под иранска контрола.

Иран го стави Ормус под строга блокада од крајот на февруари, по нападите на САД и на Израел врз земјата. Блокада на водениот пат, низ кој некогаш поминуваше една петтина од светската нафта, доведе до огромен скок на цените на нафтата, гасот и на енергијата низ целиот свет.

И покрај повеќекратните напори, досега Техеран не го олабави својот железен стисок врз теснецот.

Управата на Персискиот Залив (PGSA), иранското тело основано претходно овој месец за контрола на морскиот сообраќај во и надвор од Ормуз, денеска објави дека Иран го става регионот под надзор на своите вооружени сили. Површината што е под наздор се протега на околу 23.000 квадратни километри и се наоѓа во територијалните води на Оман и на Обединетите Арапски Емирати.

Наводните линии на влијание на Иран се протегаат од Кух-е Мубарак до јужно од Фуџаира, во ОАЕ, по неговата источна линија, додека западната линија се протега од западниот врв на иранскиот остров Кешм до Ум ал-Куваин во ОАЕ.

PGSA тврди дека за секој транзит низ оваа област со цел да се помине низ Ормускиот Теснец е потребна координација и одобрение од нив.

Американскиот државен секретар Марко Рубио го обвини Техеран дека се обидува да воспостави „систем на патарина“ во Ормускиот теснец и дека се обидува да го убеди Оман да се придружи на иницијативата.

– Нема земја во светот што треба да го прифати тоа – рече Рубио.

Тој додаде дека идејата дека е неприфатлива.

– Ако тоа се случи во Ормускиот Теснец, ќе се случи на 5 други места низ светот – додаде Рубио.

Тој додаде и дека имало „одреден мал напредок“ во ситуацијата со Иран и со Ормус.

– Основните работи остануваат исти. Иран никогаш не може да има нуклеарно оружје, едноставно не може да го изгради – рече Рубио.

Висок функционер на ОАЕ рече дека САД и Иран имаат само „50-50“ шанси да постигнат договор за ослободување на Ормускиот теснец. Претседателскиот советник Анвар Гаргаш го повика Техеран да не ја претерува својата улога во разговорите за запирање или за продолжување на војната на Блискиот Исток.

– Иранските претставници пропуштија многу шанси низ годините, бидејќи постои тенденција да се преценат нивните карти. Се надевам дека овој пат нема да го сторат тоа – рече Гаргаш на форум во Прага.

Тој додаде дека Ормутскиот Теснец мора да се врати во нормала.

– Преговорите само за постигнување прекин на огнот и посејување семе за понатамошен конфликт во иднина не се она што го бараме. Ормутскиот Теснец очигледно мора да се врати на статус кво и треба да стане меѓународен воден пат. Нуклеарната програма на Иран беше наша втора или трета грижа, сега е наша прва грижа. Гледаме дека Иран е способен да користи какво било оружје што го има во свои раце, што го научивме – рече тој.

1/
جمهورى اسلامى ايران محدودهٔ نظارتى مديریت تنگه هرمز را به این شرح تعيین کرده است: «خط اتصال كوه مبارك درايران وجنوب فجيره درامارات در شرق تنگه تاخط اتصال انتهاى جزيره قشم درايران و ام القيوین امارات درغرب تنگه.» pic.twitter.com/3ELSwYx5Bp

— PGSA | نهاد مدیریت آبراه خلیج فارس (@PGSA_IRAN) May 20, 2026

The post 📷 ИРАН ЈА ПРОШИРИ ЗОНАТА НА КОНТРОЛА ВО ОРМУСКИОТ ТЕСНЕЦ „Нема поминување без дозвола од нас“ appeared first on plusinfo.mk.

Израелскиот премиер Бенјамин Нетанјаху побара да му се одложи сведочењето во неговото долгогодишно судење за корупција, кое треба да продолжи следната недела. Како причина тој ја наведувај моменталната безбедносна состојба во регионот, според поднесокот што до судот денеска го доставил неговиот адвокат.

Судењето на Нетанјаху требаше да продолжи еден ден откако Израел ја укина вонредната состојба воведена поради војната со Иран и по прогласувањето прекин на огнот завчера. Одбраната изјави дека е подготвена да продолжи со испитување на сведоците на обвинителството.

„Поради доверливи безбедносни и дипломатски причини поврзани со драматичните настани што неодамна се случија во Државата Израел и низ целиот Блиски Исток, премиерот нема да може да сведочи на судењето најмалку во следните две недели“, се вели во поднесокот до Окружниот суд во Ерусалим.

Во документот се додава дека на судот му е доставен запечатен плик со детали за доверливите причини. Судот ќе донесе одлука откако обвинителството ќе го достави својот одговор. Нетанјаху, првиот израелски премиер обвинет за кривично дело додека е на функција, ги негира обвиненијата за поткуп, измама и за кршење на довербата, што беа покренати во 2019 година по неколкугодишна истрага.

Судењето, кое започна во 2020 година и може да резултира со затворска казна, постојано се одложува поради неговите официјални обврски, а крајот на процесот не е на повидок.

Обвиненијата против Нетанјаху, заедно со нападите на Хамас врз Израел во октомври 2023 година, му наштетија на угледот.

Израел треба да одржи избори во октомври на кои коалицијата на Нетанјаху, најдесничарската во историјата на Израел, би можела да ја изгуби власта, според анкетите.

The post НЕТАНЈАХУ БАРА ДА МУ СЕ ОДЛОЖИ СУДЕЊЕТО ЗА КОРУПЦИЈА Поради војната не може да дојде во судот appeared first on plusinfo.mk.

Посетата на специјалниот пратеник на рускиот претседател Владимир Путин за инвестиции, Кирил Дмитриев, на САД не значи дека преговорите за евентуален мировен договор во Украина продолжиле, соопшти денеска Кремљ..

Дмитриев се сретна со членови на администрацијата на претседателот Доналд Трамп во Вашингтон за да разговараат за мировниот договор и за економската соработка меѓу САД и Русија.

– Кирил Дмитриев не преговара за решение во Украина и ова не е продолжение на преговорите. Дмитриев ја предводи групата за економски прашања и продолжува да работи во рамките на оваа група – изјави портпаролот на Кремљ, Дмитриј Песков.

Во четвртокот Путин објави 32-часовен прекин на огнот во Украина за време на православниот христијански празник Велигден, а украинскиот претседател Володимир Зеленски рече дека Киев ќе го почитува примирјето.

Песков рече дека мировните преговори се одложени поради настаните на Блискиот Исток. Додаде дека велигденскиот прекин на огнот е хуманитарен по природа и дека Русија сака вистински мировен договор, а не само прекин на огнот.

– Како што рековме многупати, и како што рече претседателот Путин, ние не сакаме прекин на огнот, ние сакаме мир, траен, одржлив мир – рече Песков.

The post КРЕМЉ ЗАСЕГА НЕ ГИ ПРОДОЛЖУВА ПРЕГОВОРИТЕ ЗА МИР ВО УКРАИНА Посетата на пратеникот на Путин на Вашингтон е за економски прашања меѓу Русија и САД appeared first on plusinfo.mk.

Иран рано утрово со ракети и беспилотни летала ја нападна Саудиска Арабија, предизвикувајќи огромен пожар во Ал Џубаил, најголемиот индустриски комплекс во земјата.

Ал Џубаил е град каде што се наоѓаат клучни петрохемиски и енергетски капацитети. Зафаќа повеќе од 1.000 квадратни километри и е дом на повеќе од 150 индустриски постројки кои генерираат помеѓу 7 и 12 проценти од БДП на Саудиска Арабија.

Снимките од местото на настанот покажуваат силна експлозија и голем пожар.

BREAKING: An Iranian ballistic missile attack hit Saudi Arabia’s Jubail Industrial City in the Eastern Province, partly owned by Saudi petrochemical giant SABIC, causing large fires at the site, the IRGC’s Fars News reports. The IRGC threatened to target the site a few weeks ago. pic.twitter.com/ynMWIH6PDF

— Ariel Oseran أريئل أوسيران (@ariel_oseran) April 6, 2026

Министерството за одбрана на Саудиска Арабија објави дека воздушната одбрана пресретнала 7 балистички ракети насочени кон источниот регион на земјата и дека остатоците паднале во близина на енергетските капацитети, како и дека проценката на штетата е во тек.

Нападот се случува во време на ескалација на конфликтот во Персискиот Залив, при зголемени тензии меѓу Иран и САД, по заканата на американскиот претседател Доналд Трамп дека ќе ја нападне енергетската инфраструктурата на Иран. Трамп се закани дека ќе ги бомбардира сите мостови и електрани во Иран ако Техеран не ја отстапи контролата врз Ормускиот Теснец. Рокот што тој му го постави на Иран истекува ноќеска во 2 часот по македонско време.

Иран ги осуди заканите од САД и ги повика младите луѓе, особено спортистите, уметниците и студентите, да се соберат околу електраните и да формираат симболичен „човечки синџир“ во знак на протест.

Иран, исто така, предупреди дека може да ја нападне енергетската инфраструктура во други земји како одмазда. Во текот на викендот, Техеран ги таргетираше петрохемиските објекти во Кувајт, Бахреин и во Обединетите Арапски Емирати.

Allah is the greatest

IRAN has launched a missile strike on a Saudi oil refinery in the Al-Jubail region. pic.twitter.com/oETYiq2I3t

— Iran Military Media ☫ (@IRMilitaryMedia) April 6, 2026

The post 🎥 ГОРИ НАЈГОЛЕМИОТ ИНДУСТРИСКИ КОМПЛЕКС ВО САУДИСКА АРАБИЈА Иран го нападна Ал Џубаил, Ријад тврди дека штетата е од соборени проектили appeared first on plusinfo.mk.

Иран денеска нападна повеќе енергетски објекти во регионот на Блискиот Исток.

Пожар избувна во големата гасна фабрика во Обединетите Арапски Емирати, Хабшан, откако остатоци од пресретната ракета паднаа врз комплексот, соопшти канцеларијата за медиуми на Абу Даби.

Тоа е еден од клучните гасни капацитети во земјата, важен за преработка на гас и за снабдување со енергија.

„Операциите за производство се суспендирани додека властите реагираат на пожарот. Нема пријавени повредени“, се вели во објавата на Икс.

Кувајт објави дека дел од постројката за производство на електрична енергија и за десалинизација на вода е оштетен во ирански напад. Властите велат дека службите работат според плановите за итни случаи, за да ја одржат постројката во функција и да го обезбедат објектот.

Кувајтската државна нафтена компанија објави дека и рафинеријата Мина ал-Ахмади е погодена напад со беспилотно летало рано утрово.

Државната новинска агенција наведува дека нападите предизвикале пожари. Ова е трет напад на оваа рафинерија во последниве две недели. Се работи за една од најголемите рафинерии на Блискиот Исток, која е од критична важност за домашниот пазар во Кувајт.

BREAKING: Iranian drones struck Kuwait’s Mina al-Ahmadi oil refinery early this morning. Fires erupted in multiple operating units. Kuwait Petroleum Corporation confirmed the attack. Firefighters contained the blazes. No injuries reported. Partial shutdowns are underway. This is… pic.twitter.com/nfZU7SM6Ji

— Shanaka Anslem Perera (@shanaka86) April 3, 2026

По нападот на рафинеријата во пристаништето Мина ал-Ахмади, Обединетото Кралство одлучи да го испрати противвоздушниот систем „Рапид Сентри“ во Кувајт.

Одлуката за распоредување на системот е донесена по разговорите меѓу британскиот премиер Кир Стармер и кувајтскиот емир шеик Мишал ал-Ахмад ал-Сабах.

– Премиерот го осуди неодговорниот напад со беспилотни летала врз кувајтската рафинерија за нафта во текот на ноќта – изјави портпаролот Стармер.

Тој додаде дека Обединетото Кралство стои зад Кувајт и неговите сојузници во Заливот.

Министерството за одбрана на Саудиска Арабија, пак, објави дека пресретнало и уништило 6 дронови во последните неколку часа.

Портпаролот на министерството изјави дека дроновите биле соборени преку ноќ, но не кажа кој стои зад нападот.

Иран денеска се закани дека ќе ги нападне компаниите за енергетска инфраструктура и телекомуникациите во регионот кои имаат американски акционери доколку САД продолжат да се закануваат дека ќе ги нападнат електраните на Иран.

Иранските воени претставници претходно предупредија дека големите технолошки компании на Блискиот Исток исто така би можеле да станат цели на напади.

The post ГОРИ НАЈГОЛЕМАТА РАФИНЕРИЈА ВО КУВАЈТ И ФАБРИКА ЗА ГАС ВО ЕМИРАТИТЕ Иран нападна повеќе енергетски објекти во регионот appeared first on plusinfo.mk.

Европа по неколку недели двоумење и дипломатски пораки, почна конкретно да се спротивставува на политиката на американскиот претседател Доналд Трамп во војната против Иран. Најновите потези на клучните земји покажуваат јасна промена: Шпанија го затвори својот воздушен простор за американските авиони вклучени во операциите, Италија одби да дозволи слетување на стратешките бомбардери, Полска го отфрли барањето на САД за испраќање системи „Патриот“ на Блискиот Исток, а Франција одби да дозволи американските и сојузничките авиони што носат воена опрема за Израел да летаат над нејзината територија.

Овие потези доаѓаат во време кога војната во Иран влегува во вториот месец, со растечки број на жртви и сè поагресивна реторика од Вашингтон. Трамп истовремено зборува за можни преговори, но, и се заканува со нови напади и со преземање на иранските нафтени ресурси.

За разлика од претходните кризи, европските земји за прв пат сега отворено блокираат конкретни воени потези на САД, повикувајќи се на меѓународното право и стравувањата од поширока дестабилизација. Ова е сè појасен доказ за длабок јаз меѓу Вашингтон и делови од Европа и порака дека Европа овој пат нема само да ја следи линијата на САД.

Трамп се закани дека „нема да ѝ заборави“ на Франција

Американскиот претседател Доналд Трамп остро ја критикуваше Франција на социјалната мрежа Трут соушл и ја нарече бескорисна.

„Франција не дозволи авиони натоварени со воена опрема наменета за Израел да летаат над француска територија. Франција беше многу бескориста , а и со почит кон „иранскиот џелат“, кој е успешно елиминиран! Соединетите Американски Држави ќе го запаметат ова“, се закани Трамп.

Сами отворете си го Ормуз, САД веќе нема да ви помагаат

Трамп, исто така, во друга објава на социјалната мрежа Трут соушл, испрати остра порака до европските сојузници, особено до Велика Британија.

„Сите оние земји кои не можат да добијат гориво за авионите поради Ормускиот Теснец, како Обединетото Кралство, кое одби да учествува во соборувањето на иранскиот режим, имам предлог за вас: прво, купете од Соединетите Американски Држави, имаме доволно, и второ, соберете дополнителна храброст, одете во Ормускиот Теснец и едноставно преземете го. Ќе мора да почнете да учите како да се борите сами, Соединетите Американски Држави повеќе нема да бидат таму да ви помогнат, исто како што вие не бевте таму за нас. Иран е, во суштина, опустошен. Најтешкиот дел е завршен. Одете земете си ја нафтата“, објави шретседателот на САД.

И претходно Трамп неколку пати рече дека сојузниците на НАТО повеќе не можат да сметаат на автоматска американска поддршка во кризи.

Шпанија им го забрани воздушниот простор на САД

Шпанската влада вчера потврди дека одбила да им даде дозвола на Соединетите Американски Држави да го користат нејзиниот воздушен простор за летови поврзани со војната во Иран.

– Ставот на Шпанија е познат на сите. Употребата на бази не е овластена и секако користењето на шпанскиот воздушен простор не е овластено за дејствија поврзани со војната во Иран – изјави министерката за одбрана Маргарита Роблес.

Американскиот државен секретар Марко Рубио ја критикуваше Шпанија, сугерирајќи дека Вашингтон би можел повторно да размисли за НАТО алијансата по конфликтот.

– Ако НАТО е загрижен само за одбрана на Европа доколку биде нападната, а потоа ни го негира правото да се стационираме кога ни е потребно, тоа не е многу добар аранжман. Тешко е да се остане ангажиран и да се каже дека ова е добро за Соединетите Американски Држави. Значи, сето ова ќе мора да се преиспита – додаде Рубио, нагласувајќи дека НАТО „не може да биде еднонасочна улица“.

Полска не ги дава „Патриотите“

Денес беше објавено дека САД побарале од Полска да префрли една од своите батерии за воздушна одбрана „Патриот“ на Блискиот Исток, но полската влада го отфрли предлогот, велејќи дека оружјето е клучно за одбраната на полското небо. Вашингтон предложи испраќање на една полска батерија „Патриот“, заедно со придружните ракети PAC-3 MSE кои веќе се испорачани и се во сопственост на полската војска.

Министерот за национална одбрана Владислав Косињак-Камиш кажа јасно „не“.

– Нашите батерии „Патриот“ и нивното оружје служат за заштита на полското небо и на источното крило на НАТО. Ништо не се менува во овој поглед и не планираме да ги преместуваме никаде. Нашите сојузници знаат и разбираат многу добро колку се важни задачите што ги имаме тука. Безбедноста на Полска е апсолутен приоритет – објави тој на социјалната мрежа Икс.

Заменик-министерот Цезари Томчик, исто така, даде слична изјава.

– Полските „Патриот“ остануваат во Полска. Тие имаат своја задача во земјата, а тоа е да ја бранат Полска и источното крило на НАТО – рече тој.

Италија забрани слетување на бомбардери

Италија одби да им дозволи на американските воени авиони да слетаат во воздухопловната база Сигонела на Сицилија на пат кон Блискиот Исток.

Дневниот весник „Кориере дела Сера“ објави дека американските бомбардери требало да слетаат во база во источна Сицилија пред да го продолжат летот кон Блискиот Исток. Според весникот, дозволата била одбиена, бидејќи САД не побарале официјално одобрение, ниту се консултирале со италијанската војска, што е потребно според договорите што го регулираат користењето на американските воени објекти во Италија.

Хрватска го прими американскиот носач

Во исто време, во саботата, најголемиот носач на авиони во светот, „УСС Џералд Форд“, влезе во пристаништето Сплит откако учествуваше во воени операции во Иран и го зафати голем пожар што оштети значителен дел од бродот.

„УСС Џералд Форд“ исплови од грчкиот остров Крит, каде што помина кратко време пред да се упати кон Сплит за поправки, како што беше планирано.

Пред неговото пристигнување на Крит, грчките медиуми објавија дека на островот се најавени два митинзи и протест.

Во пожарот беа повредени двајца морнари, додека околу 600 членови на екипажот, од вкупно 4.500, останаа без кревети, па морнарите мораа да спијат на подови и маси. Покрај тоа, на бродот беа пријавени и проблеми со одводите во тоалетите.

Војната трае повеќе од еден месец

Војната на САД и Израел против Иран почна на 28 февруари, кога американските и израелските сили почнаа напади врз ирански воени и нуклеарни цели, вклучувајќи ги базите на Револуционерната гарда и објектите поврзани со ракетната програма на Иран. Нападите, исто така, погодија цивилни цели. Првиот ден беше убен ајатолахот Али Хамнеи во ракетирање на неговата резиденција.

Иран возврати со ракетни напади и  со беспилотни летала врз американските бази во регионот и врз цели во Израел и земјите од Персискиот Залив, а конфликтите се проширија и на поморскиот сообраќај, особено во Ормускиот Теснец, низ кој минува голем дел од светската нафта, кој оттогаш е затворен.

Тензиите продолжуваат да растат. И покрај повремените сигнали за можни преговори, ниту една страна досега не покажа подготвеност брзо да го заврши конфликтот.

The post ЕВРОПА МУ ПОКАЖУВА ЗАБИ НА ТРАМП По Шпанија, Италија и Полска, и Франција ги одби Американците, претседателот на САД со остра реакција appeared first on plusinfo.mk.