Цената на нафтата „брент“ во утринското тргување надмина 94 долари за барел, откако новата ескалација меѓу САД и Иран ги засили стравувањата од нарушување на снабдувањето од Блискиот Исток.

Денеска  „брент“ поскапе за речиси четири проценти и достигна 94,66 долари за барел, додека американската нафта WTI се тргуваше по 87,79 долари, со раст од над 4% и  останаа на највисокото ниво во последните шест недели.

Поскапувањето следува по новите американски воздушни напади врз Иран и иранските напади врз американски цели во регионот. Продолжувањето на борбите ги намали очекувањата дека наскоро може да биде постигнат нов прекин на огнот.

Нафтените пазари особено внимателно ја следат состојбата во Ормускиот Теснец, низ кој пред војната поминуваше околу една петтина од светското снабдување со нафта. Секое подолго ограничување на пловидбата може дополнително да ги зголеми транспортните трошоци и цените на енергенсите.

Дополнителен притисок создаде заканата на јеменските Хути дека ќе ги напаѓаат танкерите што превезуваат саудиска нафта и ќе го блокираат поморскиот сообраќај низ Баб ел Мандеб. Неколку танкери на пат кон Кина и Индија веќе ја промениле маршрутата поради безбедносните ризици.

Растот на цената беше ограничен од информациите за зголемени резерви на сурова нафта и дестилати во САД. Пазарите истовремено стравуваат дека поскапата енергија може да ја засили инфлацијата, да ги одложи очекуваните намалувања на каматните стапки и да ја забави светската економија.

Европските фјучерси за природен гас за август се тргуваа по околу 59,8 евра за мегават-час, додека растот на цените на нафтата внесе дополнителна неизвесност и на европските и американските берзи.

The post НАФТАТА ОТИДЕ НАД 94 ДОЛАРИ ПО НОВАТА ЕСКАЛАЦИЈА МЕЃУ САД И ИРАН Дополнителен притисок се заканите за затворање на протокот Баб ел Мандеб appeared first on plusinfo.mk.

Првите денови од воениот судир со Иран веќе ја чинат Америка милијарди долари. Според американски медиуми кои се повикуваат на извори од Пентагон, само во првите шест дена од конфликтот биле потрошени повеќе од 11,3 милијарди долари.

Во оваа сума не се вклучени трошоците за подготовка на операцијата, како распоредување воена опрема и војници пред почетокот на нападот на 28 февруари.

Според анализа на Центар за стратешки и меѓународни студии (ЦСИС), првите 100 часа од американско-израелските напади врз Иран ја чинеле администрацијата во Вашингтон околу 3,7 милијарди долари.

Тоа значи дека дневните трошоци достигнувале речиси 900 милиони долари, главно поради огромната потрошувачка на муниција.

Истражувачите Марк Кансијан и Крис Парк посочуваат дека само мал дел од овие средства биле однапред предвидени во буџетот.

Според нивната проценка, од вкупните 3,7 милијарди долари потрошени во првите часови од конфликтот, дури 3,5 милијарди долари не биле планирани во буџетот.

Поради тоа, се очекува Пентагон наскоро да побара дополнителни средства од Конгресот за да ги покрие непредвидените трошоци.

Аналитичарите предупредуваат дека ова може да стане политички проблем за администрацијата на Доналд Трамп и да отвори нова дебата во САД околу цената на војната.

The post ВОЈНАТА СО ИРАН ГО ПРАЗНИ АМЕРИКАНСКИОТ БУЏЕТ Над 11 милијарди долари потрошени за само шест дена appeared first on plusinfo.mk.

Нов материјал што се појави на интернет покажува како американски проектил „Томахавк“ погодува објект на Корпусот на Исламската револуционерна гарда во иранскиот град Минаб на 28 февруари. Снимката ја објави иранската новинска агенција Мехр, а истражувачката група Белингкет потврди дека видеото е геолоцирано на конкретната локација.

Според анализата, ударот се случил во близина на училиште за девојчиња, каде што претходно беше пријавено дека загинале голем број цивили.

Белингкет наведува дека на видеото јасно се гледа проектил „Томахавк“. Овој тип крстосувачки ракети го поседуваат САД, што ја отвора дилемата за потеклото на ударот.

The arrival of a BGM-109 Tomahawk cruise missile at the IRGC Navy base in Minab on February 28, near which the bombed school was located. pic.twitter.com/9QzlgVBcfH

— Zmei (@zmei_kt) March 9, 2026

Снимката се коси со изјавите на американскиот претседател Доналд Трамп, кој претходно тврдеше дека училиштето било погодено од иранска ракета. Истражувачкиот тим тврдо дека ја геолоцирал снимката и ја утврдил точната област на ударот. Во таа зона се наоѓаат клиника, училиште и повеќе оштетени објекти.

Анализата на сателитските снимки од компанијата Планет Лабс покажала дека два објекта биле сериозно оштетени.

Едниот е клиника, додека другиот е објект кој се чини дека е магацин или бункер покриен со земја. Според Белингкет, токму овој втор објект, кој припаѓал на Корпусот на Исламската револуционерна гарда, бил главната цел на ракетниот удар.

The post 📽️ ТОМАХАВК КРАЈ УЧИЛИШТЕ ВО ИРАН Снимката на иранска агенција отвора прашања appeared first on plusinfo.mk.

Судир меѓу два сојузника ја тресе трансатлантската политика. Доналд Трамп остро го нападна британскиот премиер Кир Стармер. Причина станува британската воздржаност во првиот бран напади врз Иран.

Американскиот претседател Доналд Трамп и британскиот премиер Кир Стармер телефонски разговараа за ситуацијата на Блискиот Исток. Разговорот се случи во сенка на остри критики од Вашингтон кон Лондон.

Причина за судирот стана одлуката на британската влада да не дозволи американските сили да ги користат британските бази во првиот бран напади врз Иран. Трамп со денови го критикува Стармер.

– Тој не е како Винстон Черчил – порача Трамп, алудирајќи на историскиот британски лидер.

По најавите дека Велика Британија размислува да испрати носач на авиони на Блискиот Исток, Трамп реагираше со иронија.

– Малку е доцна да се праќаат бродови, нели? Не ни требаат луѓе што се приклучуваат на војни откако веќе сме победиле.

Трамп порача дека САД не зависат од британска помош за победа во војната против Иран.

Британскиот премиер Кир Стармер се обиде да ја намали тензијата меѓу двете земји. Тој изјави дека Велика Британија и САД тесно соработуваат и разменуваат разузнавачки информации.

Стармер објасни дека првично одбил да дозволи користење на британските бази бидејќи сакал да се увери дека воената акција е законска и внимателно испланирана.

Подоцна сепак даде зелено светло за користење на базите на РАФ Ферфорд во Глостершир и на островот Диего Гарсија во Индискиот Океан.

Овој викенд четири американски бомбардери слетаа во Ферфорд. Базите веќе се користат за она што Лондон го нарекува „специфични одбранбени операции“ против ирански ракетни позиции.

The post ПОБЕДИВМЕ, ДОЦНА Е ДА ПРАТАТ БРОДОВИ Трамп го исмеа Стармер, вели „тој не е Черчил“ appeared first on plusinfo.mk.

Иран изгубил голем дел од ракетниот арсенал и не е потребна копнена инвазија од страна на САД, изјави во телефонски интервјуа американскиот претседател Доналд Трамп.

Во интервју за телевизијата „Ен-Би-Си“, Трамп рече и дека САД сакаат целосна промена на раководството во Иран. Додаде дека во Вашингтон размислуваат за неколку можни кандидати.

– Сакаме да влеземе и да исчистиме сè – рече Трамп во телефонски разговор.

„Имаме неколку луѓе“

Американскиот претседател откри дека има луѓе кои, според него, би можеле да ја водат земјата. Сепак одби да открие имиња.

– Имаме неколку луѓе за кои мислам дека би биле одлични за работата – изјави Трамп.

Тој потврди дека се преземаат мерки за нивна безбедност. Според него тие лица треба да ја преживеат војната и да имаат улога во идниот политички поредок.

Во интервју за „Аксиос“ Трамп изјави дека сака да биде вклучен во изборот на нов лидер.

„Изгубија сè што можеше да се изгуби“

Американскиот претседател ја отфрли можноста за копнена операција. Изјавата беше реакција на коментарите на иранскиот министер за надворешни работи Абас Аракчи.

Иранскиот министер претходно тврдеше дека земјата е подготвена за копнена инвазија од страна на американските и израелските сили.

– Тоа е губење време. Тие изгубија сè. Ја изгубија морнарицата, изгубија сè што може да се изгуби – изјави Трамп.

Тој додаде дека темпото и интензитетот на нападите ќе продолжат.

Синот на Хамнеи или некој од Исламската гарда?

Политичката сцена во Иран е нестабилна. Причина е смртта на врховниот лидер Али Хамнеи минатиот викенд.

Се шпекулира дека неговиот син Моџтаба Хамнеи би можел да го наследи. Аналитичарите, пак, предупредуваат дека Корпусот на Исламската револуционерна гарда би можел да го зголеми влијанието.

„Не се плашам, пак ќе паднат цените на нафтата“

Трамп исто така изјави дека не е загрижен за зголемувањето на цените на бензинот во земјата поради војната со Иран.

– Немам никакви загрижености за тоа. Тие ќе паднат многу брзо кога ќе заврши ова, а ако се зголемат, нека се зголемат, но ова е многу поважно од мало зголемување на цените на бензинот – рече шефот на САС во интервју за Ројтерс.

Војната со Иран доведе до зголемување на цените на бензинот за околу 20 центи за галон, или за седум проценти за неколку дена.

Трамп додаде дека нема планови да ги користи Националните стратешки резерви на нафта, најголемите светски резерви за итни случаи складирани во подземни пештери за сол во Луизијана и Тексас.

„Би ја затворил владата поради тоа“

Покрај надворешната политика Трамп зборуваше и за домашните политички прашања. Тој го критикуваше Конгресот што не го усвоил Законот SAVE America.

Предлогот бара нови правила за регистрација на гласачи. Меѓу нив и доказ за американско државјанство.

– Јас би ја затворил владата поради тоа. За мене тоа е фундаментално верување – изјави Траот лидер

The post ИЗГУБИЈА СÈ, НЕМА ПОТРЕБА ОД КОПНЕНА ИНВАЗИЈА Трамп сака да бира нов лидер на Иран appeared first on plusinfo.mk.