Иранската новинска агенција ИРНА објави дека ирански крстосувачки ракети го погодиле американскиот носач на авиони „УСС Абрахам Линколн“. Заедно со тврдењето беше објавено и видео кое наводно го прикажува моментот на нападот.

Засега нема официјална реакција од американска страна.

Ова не е првпат Иран да тврди дека го погодил истиот носач. На 1 март, според нив, со четири балистички ракети бил извршен напад врз носачот.

Централната команда на САД тогаш ги отфрли ваквите наводи, оценувајќи ги како неточни и пропагандни.

„УСС Абрахам Линколн“ е еден од најголемите воени бродови во светот и дел од класата „Нимиц“, со нуклеарен погон што му овозможува долготрајни операции без дополнување гориво.

According to Iranian Army’s Public Relations, cruise missiles launched from the coast toward the sea successfully struck the USS Abraham Lincoln. pic.twitter.com/dbstqUyFAI

— IRNA News Agency ☫ (@IrnaEnglish) March 25, 2026

Бродот носи повеќе од 60 авиони, вклучувајќи Ф-35, додека неговата ударна група вклучува разорувачи со ракети „Томахавк“ и подморница на нуклеарен погон, што го прави клучен инструмент на американската воена моќ.

Според сателитски снимки потврдени од Би-Би-Си носачот последен пат бил забележан на 15 февруари покрај брегот на Оман.

Недостигот од независна потврда за нападот отвора простор за сомнеж, додека информациите се движат меѓу воени тврдења и можни пропагандни наративи.

The post 📽️ ПОГОДЕН АМЕРИКАНСКИОТ НОСАЧ НА МОЌ? „Линколн“ е еден од најголемите воени бродови во светот appeared first on plusinfo.mk.