Уредот сѐ уште ја извршува својата мисија и покрај староста и оддалеченоста од Земјата од 23,3 милијарди километри… И натаму прима и извршува команди испратени од НАСА, а собира и испраќа научни податоци. Сепак, читањата на системот за артикулација на далечината и контролниот систем за ориентацијата на вселенското летало не се совпаѓаат со она што моментно го прави „Војаџер 1“. Се работи за сигурносниот мод на леталото којшто се вклучил непредизвикан со ништо.

Системот, познат и како ААЦС, служи за антената на сондата да остане насочена кон Земјата. Поради растојанието, на сигналот му се потребни 20 часа и 33 минути за да стигне до НАСА, така што повикот и одговорот на една порака трае два дена.

Во нововклучениот режим, се вршат само најважните операции за инженерите да можат да дијагностицираат проблем што би ја ставил сондата во опасност.

Интересно е што сигналот на Војаџер е силен како порано, што значи дека неговата антена е насочена кон Земјата. Тимот се обидува да утврди дали овие неточни податоци доаѓаат директно од инструментот или се предизвикани од друг систем.

– Додека подобро не се разбере природата на проблемот, тимот не може да знае дали тоа ќе влијае на сондата и уште колку долго таа ќе може да собира и испраќа податоци. Оваа мистерија е некако вообичаена во оваа фаза од мисијата – појасни Сузан Дод, проект-менаџерka на „Војаџер 1“ и „2“ во лабораторијата за млазен погон на НАСА во Пасадена, Калифорнија, САД.

Таа потсети дека двете вселенски летала се стари 45 години, што е многу повеќе отколку што очекуваше планерот на мисијата.

– Исто така, тие сега се во меѓуѕвездениот простор, средина со висока радијација каде што немало летало. Значи, има големи предизвици за инженерскиот тим, но тие ќе најде решение за овој проблем доколку постои – додаде таа.

И „Војаџер 2“ продолжува да функционира нормално во меѓуѕвездениот простор, а оддалечен е 19,5 милијарди километри од Земјата.

The post „ВОЈАЏЕР 1“ И ПО 45 ГОДИНИ ИСПРАЌА СИГНАЛ НА ЗЕМЈАТА Од НАСА ја испитуваат мистериозната аномалија appeared first on plusinfo.mk.

Слично како и кај други свои летала за кои НАСА знае дека никогаш нема да се вратат од својата мисија, инженерите оставаат „пораки во шише“ за некоја идна цивилизација да знае какво и што било човештвото. Таква беше познатата сонда Војаџер во која на златна плоча беа ставени слики од маж и жена и звук на кит, меѓу другото. Војаџер беше испратен да го напушти Сончевиот систем и да влезе во меѓуѕвездениот простор.

Погледнете го целото видео од НАСА во кое се објаснува мисијата на Луси:

Не мора да бидат вонземјани тие што ќе ја пронајдат Луси, објаснуваат научниците. Тоа можат да бидат и идни човечки астронаути кои ќе го пронајдат леталото после многу години. За астронаутите да ја дознаат подобро историјата на сопствениот род, тие ќе можат да слушнат говори на познати лидери за граѓански права, Нобеловци, поети, луѓе кои го направиле човештвото она што е денес.

„Луси“ на Јупитер ќе истражува како започнал универзумот, а за тоа ќе треба да ги проучи Тројанските астероиди. Ако некој ја пронајде, во нејзе ќе има и мапа од Сончевиот систем, односно како тој изгледал на денот на нејзиното полетување – 16 октомври оваа година.

Во продолжените можете да ја слушнете петчасовната златна плоча која ја содржи леталото Војаџер 1 со разни звуци од сите делови на светот. Војаџер 1 полета во 1977 година, кога уште немаше цедиња и USB-портови:

The post НАСА испраќа летало на Јупитер со цитати од Битлси (ВИДЕО) appeared first on plusinfo.mk.