Македонските туристи кои годинава ќе летуваат на грчките плажи треба да бидат крајно внимателни – во водите на неколку популарни дестинации е регистрирано зголемено присуство на виолетовата медуза, предупредуваат од Грчката опсерваторија за биодиверзитет.

Се работи за видот „Pelagia noctiluca“, кој според експертите е „импресивен, но и опасен“ поради неговиот силен убод. Присуството на овој вид е потврдено во морските области кај градот Волос, во северниот и централниот дел на островот Евија, како и кај островите Скијатос и Скопелос – дестинации кои секое лето се меѓу најпосетените од македонските граѓани.

– Доколку пливате или посетувате плажи во овие делови, бидете особено внимателни. Убодот од „Pelagia noctiluca“ е многу болен и може да предизвика силна реакција, особено кај деца или лица со чувствителна кожа – предупредуваат од опсерваторијата.

Посебно е загрижувачка ситуацијата во близина на градот Халкида, каде водите од заливот Пагаситикос се отвораат кон отворено море, овозможувајќи ширење на медузите.

Од организацијата наведуваат дека слична ситуација со масовна појава на виолетовата медуза се забележува и во други медитерански земји – Гибралтар, Шпанија, Франција, Италија и Јадранскиот брег, слично како и во периодот 2020–2023 година.

Во случај на убод, експертите советуваат:

– Остатоците од медузата да се отстранат со пластичен предмет (на пр. кредитна картичка), никогаш со раце;

– Местото да се измие само со морска вода (не со обична вода или оцет);

– Да се нанесат ладни облоги или мраз за намалување на болката;

– Да се употреби крем со кортизон за намалување на воспалението.

Иако не претставува животозагрозувачка опасност за здрави луѓе, виолетовата медуза сепак може да предизвика сериозна непријатност, па затоа се препорачува внимателност, особено кај деца и постари лица.

The post ОПАСНАТА ВИОЛЕТОВА МЕДУЗА СЕ ПОЈАВИ ВО ГРЦИЈА Македонците предупредени да бидат внимателни на грчките плажи appeared first on plusinfo.mk.

– Вчера вечерта имав контакти со Париз. Разговарав со канцеларијата на Меркел во Берлин, со претседавачот на ГАК, Загреб ,со Холандија. За консензусот работата не е докрај завршена. Има позитивни сигнали, но работата не е до крај завршена.Во моментов се уште се води дебата како да се оддржи Советот, многу тешко е било кој од земјите физички да присутвува на 24, се преговара за видеоврска, се надевамд дека ќе се донесе правилна одлука. Ќе биде важно по многу работа да се најде начин да се одржи 24 март. За македонската јавнос ќе повикам да бидеме внимателни и да чекаме да се заврши целосно работата. Изгледна е ситуацијата но не е до крај завршена работата – изјави Димитров.

The post Димитров наспроти Османи: Да бидеме внимателни, ситуацијата е изгледна, но работата не е докрај завршена appeared first on plusinfo.mk.