Оттаму велат дека економската комисија на партијата направила длабока анализа, констатирајќи дека во последната година имало драстично поскапување на билетите за концерти и музички настапи, од што најмногу профитирале пејачите и групите од поранешна Југославија.

„За настап во дискотека на група или пејач од бивша Југославија цената се движи околу 30.000 евра. Затоа ВМРО-Народна партија предлага кон општиот бојкот на македонските маркети да се додаде и бојкотот на сите овие настапи. На тој начин, македонскиот потрошувач не само што лично ќе заштеди повеќе средства, туку и ќе им помогне на македонската музика и на македонската економија во целина“, соопшти партијата.

The post ДА СЕ БОЈКОТИРААТ КОНЦЕРТИТЕ НА ПЕЈАЧИТЕ ОД ЕКС-ЈУ За настап во дискотека добиваат 30.000 евра, велат од ВМРО-НП appeared first on plusinfo.mk.

Во партиското соопштение се нагласува дека церемонијата била организирана на врвот Кајмакчалан, со присуство на српски државници и потпретседателот на македонската влада. Според ВМРО-Народна партија, одбележувањето се одвивало под српски знамиња, без присуство на македонското знаме, а во говорите било избегнувано спомнување на Македонија како држава. Наместо тоа, настанот го славел српското „ослободување“ на Македонија, нарекувајќи го Кајмакчалан „врата на Кралството Србија“, додека Битола била претставена како град во тоа кралство.

Партијата изразува особено незадоволство поради игнорирањето на улогата на Единаесеттата македонска дивизија, која се борела на страната на македонските интереси против српската окупација. Според ВМРО-Народна партија, ваквото однесување ја продолжува „срамната традиција“ започната во времето на Никола Груевски, кога и тогаш окупацијата на Македонија била „славена“ од македонската власт.

Партијата потсетува на времето на Југославија, кога под водство на Лазар Колишевски, српската окупација не се празнувала, а тогашната македонска левица и десница ја нарекувала „зандана на народите“.

The post ГОДИШНИНАТА ОД БИТКАТА НА КАЈМАКЧАЛАН ОДБЕЛЕЖАНА САМО СО СРПСКА ИКОНОГРAФИЈА?! Остра реакција на ВМРО-НП на Љубчо Георгиевски appeared first on plusinfo.mk.

„Најновите вести од Австрија кажуваат дека во последниот период има повеќе заболени отколку кога беше пикот пред неколку години, во Бугарија во последното деноноќие се хоспитализирани околу 50 лица, а Србија известува за зголемување на бројот на заболени и хоспитализирани, но во Северна Македонија владее информативен мрак во однос на овој, по се изгледа, старо-нов проблем.

ВМРО-Народна партија не бара воведување на рестриктивни мерки, но добро би било јавноста да има повеќе информации за тоа каква е состојбата во земјава. Потребно е граѓаните да бидат информирани како можат соодветно да се заштитат, особено хронично болните“ – се вели во соопштението на ВМРО-НП.

СЕ ВРАТИ КОРОНАТА ВО ГРЦИЈА Зголемен бројот на заразени и починати од вирусот

The post ЗОШТО СЕ МОЛЧИ ЗА СОСТОЈБАТА СО КОВИД ВО МАКЕДОНИЈА? Околу нас заболени, а кај нас информативен мрак, вели ВМРО-НП appeared first on plusinfo.mk.

„За жал, државата преку својот орган на јавен обвинител учествува неодговорно, арогантно и прави пародија од правниот систем само за наводно да докаже некаква идеолошка определба на човекот кој е симбол на борбата за самостојна и независна Македонија. Пародијата го достигна својот врв кога како главен сведок на обвинителот во разобличувањето на Ванчо Михајлов е повикан авторитетот на Ламбе Алабаковски кој, пак, е човек кој веќе и официјално е осуден за потпалување на истиот клуб. За жал, во Северна Македонија денеска се води процес за кој ни самиот Лазар Колишевски немал доблест да го поведе дури и во најтемните времиња, а да не зборуваме дека сево ова е своевидно сопствено вето што си го ставаме на нашиот пат кон европската интеграција“, соопшти партијата на Љубчо Георгиевски.

ВМРО-Народна партија предлага веднаш да се прекине овој, како што го нарекува, карикатурален судски процес.

The post ЉУБЧО ГИ БРАНИ ЉУПЧО И ВАНЧО ОД ЛАМБЕ Ова ни другарот Лазо не го правел, се жали ВМРО-Народна партија appeared first on plusinfo.mk.

Во продолжението на соопштението се вели:

„Сакаме да го спомнеме ликот на Тома Давидов кој беше назначен лично од Гоце Делчев за главен воен ревизор на битолскиот  револуционерен округ, кој за жал загинал непосредно пред Илинденското востание, но бил главниот човек кој ја направил толку силна воената организација на ТМОРО непосредно пред самото востание.

Но, врв на нашата неодговорност кон историјата е фактот што Илинденското востание го воспеваме со највисоки пофалби, а од главниот штаб на истото тоа востание, кој беше составен од Даме Груев, Борис Сарафов и од Атанас Лозанчев, го признаваме само Даме Груев. Борис Сарафов сеуште официјално го сметаме за врховист, а Атанас Лозанчев дури и за фашист.

Исто така, не можеме да сфатиме зошто Илинденското востание го сведуваме само на десет дена во Крушево, кога јасно е дека востанието траело повеќе од два месеци и под истата команда и истото решение се дигнал и народот во Одринско, односно на Преображение во Одринско, а на Крстовден во Серско.

И доаѓаме до моментот кога самите ја намалуваме димензијата на големината на Илинденското востание.

Понатаму кога зборуваме за вториот Илинден – АСНОМ, за жал освен Методија Андонов Ченто, кој е официјално рехабилитиран, нитуе една друга југословенско- титоистичка жртва не е рехабилитирана. Се соочуваме со невидена историска хипокризија со која устата ни е полна во одбрана на АСНОМ, а скоро 80 години после тој АСНОМ не сакаме да го погледнеме списокот на луѓето кои учествувале на заседанието на АСНОМ, колку од нив биле убиени, колку мачени по југословенските затвори и колку од нив за жал избегале во Бугарија.

Само полна рехабилитација на жртвите на АСНОМ ќе ни даде право да зборуваме и да го славиме понатаму.“

The post КОAЛИЦИСКИОТ ПАРТНЕР НА СДСМ БАРА РЕВИЗИЈА НА НАРАТИВИТЕ ЗА ИЛИНДЕН И ЗА АСНОМ Партијата на Љубчо Георгиевски избра вистинско време appeared first on plusinfo.mk.

– Овој пакет предлог закони не се однесуваат на коридори, туку само за дел од тие коридори, автопатски делници. Овде зборуваме за делови од коридори, а не за цел систем. Кога веќе сме донеле таков градежен гигант, требаше да одиме со комплетни коридори 8 и 10д. Коридорите сега не се целосно автопатски решенија, туку само делумно. Коридорот 8, на пример, почнува од Крива Паланка, а завршува до Ќафасан. Сега имаме автопатско решение од Тетово до Ќафасан и од Прилеп до Битола, а тоа значи од Куманово до Деве Баир ќе имаме тесно грло – рече Балковски.

Тој подвлече дека многу проблеми ќе настанат во текот на градењето затоа што не е предвидено дека ако предлог трасата се промени, треба да се променат и условите за градење.

– Урбанистичкото планирање е првата фаза и затоа е потребно во планирањето да се опфатат сите елементи и фази за донесување на урбанистичкиот план, рече Балковски.

Во Собранието денеска продолжи расправата по предлогот за изменување и дополнување на Законот за урбанистичко планирање, по скратена постапка, кaко дел од пакетот закони за изградба на коридорите 8 и 10д.

Пратениците на опозициската ВМРО-ДПМНЕ забележаа дека за вакви закони надлежна е Комисијата за транспорт и врски, а не Комисијата за европски прашања. И за измените на овој предлог-закон посочија дека Владата го злоупотребува користењето на европското знаменце. Опозициските пратеници прашаа како може да се тврди дека овој коридор ќе чини околу 1,3 милијарди евра без направена студија, без направен идеен и основен проект, без ревидиран проект, главен проект, проект на изведена состојба…

Пратениците од опозицијата посочија дека без проект, не може да се удри лопата. Тие потенцираа дека и овој предлог-закон е доставен до пратениците со празна кореспондентна табела затоа што, како што посочија, Владата нема што да напише, нема ништо помеѓу овој закон и законите во Европа.

Пратениците од СДСМ се надоврзаа на интервјуто на американската амбасадорка Анџела Агелер за МИА, во кое таа вели дека „Бехтел“ е компанија која работи транспарентно и законски, а опозицијата критикува заради политички поени. По оваа изјавата на амбасадорката, веќе нема ништо сомнително околу изградбата на коридорите, сметаат пратениците од СДСМ.

Пратениците од ВМРО-ДПМНЕ реплицираа дека амбасадорката кажала дека компанијата „Бехтел“ работи добро, а не дека македонската Влада работи добро.

The post „НАРОДНА“ НА ЉУБЧО ГЕОРГИЕВСКИ Ѝ ОТКАЖА ПОДДРШКА НА ВЛАДАТА ЗА КОРИДОРИТЕ Коалицискиот партнер смета дека законските измени не треба да се носат appeared first on plusinfo.mk.

Вака, најголемиот дел од лидерите на македонските политички партии ја коментираат вчерашната изјава на првиот човек на Алијанса за Албанците, Арбен Таравари, кој порача дека сега е време да се внесе албанскиот јазик во македонскиот Устав, но и дека македонските политички партии декларативно го прифатиле предлогот и дека ќе гласаат за оваа уставна измена.

– Во Македонија имаме официјален албански јазик, но тој се нарекува јазик што го користат 20% од граѓаните, а нашето барање е 20% да се замени со албански јазик. Ова го поддржуваат сите албански политички партии, но и македонските политички партии декларативно – изјави вчера Таравари.

За да се увериме дека работите стојат онака како што тврди лидерот на Алијанса за Албанците, но и да дознаеме кои се тие македонски политички партии кои јавно и декларативно даваат поддршка на внесувањето на албанскиот јазик во Уставот, одлучивме да им поставиме прашање на сите македонски политички партии.

Навистина не можам да сфатам како лидерот на Алијанса за Албанците може воопшто да рече дека македонските партии прифатиле такво нешто.

Моника Зајкова ЛДП

За наша среќа, најголемиот дел од партиите се одзваа и го искажаа својот став, но за несреќа на Таравари, немаше ниту една партија која „декларативно ја поддржува уставната измена“.

Од Владата, пак, одбија да го коментираат барањето на Таравари, но велат дека уставните измени се државен приоритет.

Од СДСМ брифираат дека фокусот на работната група ќе биде ставен само на приоритетите предвидени во преговарачката рамка со ЕУ и дека сега не е време за вметнување на албанскиот јазик во Уставот.

Како што велат нашите партиски соговорници, премиерот Димитар Ковачевски веќе ги известил лидерите на партиите од коалицијата дека фокусот на работната група не смее да се менува, а тие наводно прифатиле.

Од најголемата опозициска партија ВМРО-ДПМНЕ велат дека никогаш не дале согласност за внесување на албанскиот јазик во Уставот.

– Не сме разговарале за тоа и не сме дале никаква согласност. Исто како што и Таравари се согласи да го турне ДУИ поради криминалот, а сега се во иста коалиција и се одржуваат на власт – велат од ВМРО-ДПМНЕ.

Ниту збор за албанскиот јазик

Претседателката на ЛДП, Моника Зајкова, тврди дека никој и никогаш во владината коалиција воопшто не изустил ни збор за внесување на албанскиот јазик во Уставот.

– Ниту во партија, ниту во рамки на владина коалиција сме разговарале за внесување на албанскиот јазик во Уставот. Навистина не можам да сфатам како лидерот на Алијанса за Албанците може воопшто да рече дека македонските партии прифатиле такво нешто. Дури и да прифатиме, најпрво треба да консултираме внатрепартиски став. Не треба да се користи моментот на отворање на Уставот за ниту едно друго прашање, освен за тоа што го имаме како услов за да го продолжиме процесот на преговори по поглавја со Европската Унија. Ако веќе наметнуваме други прашања, тогаш и ние како партија имаме низа предлози за разни работи. Мислам дека не е време моментот на отворање на Уставот да се користи за кое било друго прашање освен за остварување на целта, а таа е да го започнеме процесот на евроинтегрирање. Од друга страна, пак, си постои и си функционира Законот за јазици, секој човек си зборува на јазикот на кој сака да си зборува, па јас не гледам потреба зошто сега треба да ги комплицираме работите и да го оптоваруваме Уставот – вели Зајкова.

Сличен став дели и претседателката на ДОМ, Маја Морачанин, која вели дека воопшто не се ни сеќава дека некогаш се зборувало на оваа тема помеѓу партиите.

– Нема такво нешто, ниту некогаш сме разговарале на таа тема. Јас не знам кои се тие македонски партии, кои, според тврдењето на Таравари, декларативно прифатиле внесување на албанскиот јазик во Уставот. Јас не се ни сеќавам дека некогаш се зборувало на таа тема помеѓу партиите. Инаку, нашиот став во врска со уставните измени е дека тие треба да се однесуваат само на етничките заедници и ниту едно друго прашање не треба да се отвора. Сите политички партии си имаат свои барања, а ако сите истовремено почнат да си ги кажуваат барањата, тогаш кај ќе ни биде крајот. Сите знаеме дека овие уставни измени се прават затоа што треба да продолжи европската интеграција и главниот услов е да се внесат Бугарите во македонскиот Устав. И тоа е суштината на уставните измени – објаснува Морачанин.

Собирачи на поени

Произволните позиции на Алијанса за Албанците за наметнатите уставни измени служат за продлабочување на поделбите во државата, но служат и како нова изборна карта за раководството кое се впушти во авантурата со ДУИ за да се задоволат личните интереси на поединци, коментираат од Левица.

– Откако го презеде лидерското место во Алијанса за Албанците, Таравари со молскавична брзина ја замени опозициската борба со уживање на благодетите на криминалната власт на која ѝ се придружи во владејачкото мнозинство. Наместо да се продолжи опозициската борба и да се оправда укажаната доверба на избирачите, приоритет беше приклучување кон караванот кој го предводат СДСМ и ДУИ. Како партија која на минатите избори доби значителна поддршка на платформата против ДУИ, тие добија гласови од оние кои се незадоволни од владеењето на ДУИ. Но, одлуката да се придружат на ДУИ во владиното мнозинство е промена на курс кој ќе резултира со значителни последици и расцеп со гласачкото тело како со примерот на Алтернатива. Сега за Алијанса за Албанците претстои опасност од политичко обезличување поради преместување од опозицијата во власт, но привилегиите и функциите се поважни за Таравари. Тие се составен дел од политичката криза и преку овие постапки се продолжува и се отежнува состојбата – ни изјави Амар Мециновиќ, портпарол на Левица.

Верувајте ми, освен вие како новинар, друг никој не разговарал со мене на таа тема, оти горе-долу го знаат мојот став.

Павле Трајанов Демократски сојуз

Лидерот на Демократски сојуз, Павле Трајанов, смета дека изјавата на Таравари е исклучиво за собирање дневно-политички поени.

– Ниту сум разговарал со некого, ниту имам намера да прифатам промена на Уставот од тој аспект. Апсолутно е неприфатливо и сега не е клучниот момент за воопшто да се разговара за вметнувањето на албанскиот јазик во македонскиот Устав. Верувајте ми, освен вие како новинар, друг никој не разговарал со мене на таа тема, оти горе-долу го знаат мојот став – рече Трајанов.

Став побаравме и од партијата на Љубчо Геогиевски, ВМРО-НП, но и оттаму го добивме истиот одговор:

– Со нашите коалициски партнери од власта воопшто не сме разговарале за внесување на албанскиот јазик во Уставот. Последен пат, тоа прашање беше отворено за време на последната лидерска средба, но оттогаш никој не го повторил. Ниту некој ни се јавил, ниту некој нѐ повикал на официјална средба за да разговараме за албанскиот јазик во Уставот – изјави пратеникот Љупчо Балковски од ВМРО-НП.

АЛБАНСКИОТ ЈАЗИК ДА ВЛЕЗЕ ВО УСТАВОТ Таравари тврди дека поддршка дале и македонски политички партии

The post САМО ВО ГЛАВАТА НА ТАРАВАРИ ДЕКЛАРАТИВНО „НЕ“ ЗНАЧИ ДЕКЛАРАТИВНО „ДА“ Ниедна македонска партија не прифаќа албански јазик во Уставот appeared first on plusinfo.mk.

„Најпрвин ја сменија улицата Гоце Делчев во Белград со образложение дека тој бил бугарски комита кој се борел против Србите. Пред десетина дена дознавме дека во нашата Македонија на месноста Рамне во Охридско е подигнат споменик на кој пишува дека бугарските бунтовници од Охрид предводени од познатиот војвода Петар Чаулев злосторнички убиле српски војници.

А вчера пак за време на спортски настан повторно бевме сведоци на груби пароли кои пренесуваа порака дека „Македонија е стара Србија“.

Да не зборуваме за десетици изјави кои доаѓаат од нивни интелектуалци и политичари со кои исто така се повторуваат истите тези дека Македонците се или Бугари или Срби.

Уште позагрижувачки е што сите големо-македонски патриоти па и патриотските медиуми упорно молчат за овој процес кој станува се поинтензивен последниве години. Се надеваме дека еднонасочните македонски патриоти конечно ќе се разбудат после овој срам кој патем го пренесуваше Македонската телевизија во живо“ – се вели во соопштението на ВМРО-НП.

ГРОБАРИТЕ ПОРАЧАА ДЕКА ДЕЛЧЕВ Е БУГАРИН Комитите возвратија, „Живо ви е кралството, колку и другарството“

The post КАМО РЕАКЦИИ ЗА ТЕШКИТЕ НАВРЕДИ ОД СРПСКИТЕ „ГРОБАРИ“? Разочарување во ВМРО-Народна од „еднонасочниот патриотизам“ appeared first on plusinfo.mk.

„Седум години откако е СДС(М) на власт, а ниту една мерка за намалување на загадувањето не е преземена. Од потрошени 20 милијарди преку буџетите, ниту едно евро не е инвестирано за почист воздух. СДС(М) пред да дојде на власт имаше главно ветување дека ќе го намали загадувањето, 7 години подоцна воздухот е уште позагаден. И не само што нема мерки на централно ниво, туку и во град Скопје, каде заедно со Арсовска ја делат власт, а и ЈСП кое директно го управуваат не прават ништо. Наместо повеќе автобуси и автобуски линии, имаме хаос во ЈСП, а парите се трошат на договори за набавка на гориво, со кои претпријатието плаќа како да купува од бензинска, а не преку тендер тежок 27 милиони евра. Ковачевски и Арсовска во интерес ги имаат само матните зделки, затоа Скопје и Македонија се гушат“ – пишува ВМРО-ДПМНЕ во соопштението.

СДСМ соопшти дека денеска поднесува иницијативата за вонредна седница на Советот на Скопје за загадениот воздух, заедно со предлог конкретни мерки за намалување на загадувањето во Скопје:

1. Итно зголемување на бројот на автобуси на сите линии во јавниот градски превоз.

2. Воведување бесплатен превоз за сите граѓани во Скопје.

3. Итна пренамена на пари во Буџетот на Град Скопје, за зголемување на средствата за борба против загадувањето.

4. Финансиска помош за училиштата за адаптирање на системот за затоплување на еколошки енергенси, (замена на котлите во системот на затоплување).

5. Изготвување акциски план за чистење на сите депонии во Скопје.

6. Чистење/миење на улиците и јавните површини со помош на цистерни.

7. Безусловно интензивно постапување на инспекторите во вршењето на својата должност.

„Загадениот воздух во главниот град изминатите денови е на алармантно високо ниво. Локалната власт на ВМРО-ДПМНЕ и нивната коалиција во Скопје со Левица и Арсовска не преземаат ништо за загадувањето во главниот град. Потребна е посебна, вонредна седница на Советот на Град Скопје на којашто ќе се разговара за решенија и мерки за намалување на загадувањето, за што СДСМ има и подготвени мерки кои ги предлага. Противењето на ВМРО-ДПМНЕ да се свика вонредна седница на Советот на Град Скопје за загадениот воздух е неодговорно и само го покажува вистинското лице на оваа партија. ВМРО ДПМНЕ мисли само на тендери и провизии, за граѓаните воопшто не се грижи“ – соопшти СДСМ.

Оваа партија потсетува дека измина цела една година а локалната власт на ВМРО-ДПМНЕ во Скопје, заедно со нивната коалиција со Левица и Данела Арсовска не преземаа ништо за загадениот воздух. Затоа, локалната власт на ВМРО-ДПМНЕ треба да ги прифати овие мерки што ги предлага СДСМ во интерес на здравјето на граѓаните.

The post СКОПЈАНИ СЕ ГУШАТ, ПАРТИТЕ „УДАВИЈА“ Разменети навреди, предложена вонредна седница и мерки за загадениот воздух appeared first on plusinfo.mk.

„Граѓаните на Скопје треба да знаат дека палењето на огнови во Македонија е донесено и наметнато за време на српската окупација. Никогаш во македонската историска и христијанска традиција порано на ваков начин не се дочекувал Бадник, а и денеска најголем број од градовите низ Северна Македонија немаат таква традиција што значи се спротивставуваат на ваквите пагански елементи во рамките на нашето свето и православно христијанство“.

The post ВМРО-НП ПРОТИВ БАДНИКАРСКИТЕ ОГНОВИ „Таквото славење беше наметнато за време на српската окупација“ appeared first on plusinfo.mk.