ВМРО-ДПМНЕ Гордана Силјановска Давкова Archives - plusinfo.mk

СИЛЈАНОВСКА ДАВКОВА ЗА УСТАВНИТЕ ИЗМЕНИ Македонија не го смета Уставот за најсуверено прашање

плусинфо — Tue, 12 Sep 2023 17:33:04 +0000

Гордана Силјановска Давкова, пратеник од ВМРО-ДПМНЕ во своето гостување во емисијата „За или против” зборуваше за доаѓањето на претставници на меѓународна заедница во Mакедонија каде посочи дека тоа е загружувачко затоа што нема посуверено прашање од Уставот.
– Сигурно како професор по уставно право ме загрижува посетата на голем број меѓународни претставници, зошто нема посуверено прашање од Уставот, впрочем Уставот е не само закон над законите, највисокиот правен акт туку своевидна општествена повелба и се разбира кога се пишува Устав се тргнува од што, секогаш првиот или вториот член е суверенитетот, извира од граѓаните и им припаѓа ним. Всушност и во актите на ЕУ, во договорот за ЕУ, убаво пишува дека ЕУ ќе ги почитува не само традицијата, историјата, националниот и културниот идентитет на народите, туку и дигнитетот и интегритетот на луѓето, но исто така и политичките и уставните структури – рече Силјановска Давкова.
Силјановска Давкова во своето гостување потсети дека многу земји членки на ЕУ воопшто не интервенирале во своите устави дури и по влегувањето во ЕУ.
– Само да потсетам дека многу земји членки на ЕУ воопшто не интервенирале во своите устави дури и по влегувањето во ЕУ. Јас би сакала ние да интервенираме како Словенија, како Хрватска и да дадеме предност на европското право токму во сферата на владеењето на правото. Ако го отворите италјанскиот Устав или холандскиот ниту еден збор нема да прочитате за ЕУ, или ако го отворите естонскиот ќе видите дека има нејасна одредба. Но, многу членки на ЕУ како Словачка како Полска кај прашањето за суверенитет дури ја имаат вечната клаузула, непроменливоста – истакна пратеничката од ВМРО-ДПМНЕ.
Силјановска Давкова додаде дека Македонија е една од ретките земја каде Уставот не се смета за најсуверено прашање.
– Јас не велам дека во ера на глобализаија или во ера на евроинтеграција дека суверенитетот е неограничен денеска, но факт е дека најголемиот број од државите особено оној од Централна и Источна Европа, Уставот го сметаат за најсуверено прашање. Тоа не е така кај нас и ова не е прв пат, ова е веќе серија врзана со договорите, ние сме ретка земја. Кипар можеби е другата и се разбира Босна и Херцеговина каде што дури и во преамбулата се повикава на договори, додаде Гордана Силјановска Давкова.

The post СИЛЈАНОВСКА ДАВКОВА ЗА УСТАВНИТЕ ИЗМЕНИ Македонија не го смета Уставот за најсуверено прашање appeared first on plusinfo.mk.

ПРАТЕНИК НА БЕСА ЈА ОТПОВИКА БЕСАТА Силјановска реагира на чудното однесување на Кастриот Реџепи

плусинфо — Thu, 11 Nov 2021 13:42:23 +0000

Професорката Гордана Силјановска Давкова, се обрати преку социјалната мрежа Фејсбук коментирајќи ја постапката на пратеникот на Беса, Кастриот Реџепи, за непојавувањето на денешната седница на која беше закажано гласањето за недоверба на Владата.

„Земја на чудата: отповиклива оставка, одложена оставка на неопределено време, отповиклив потпис…ама да си член на Беса и да си ја отповикаш Бесата е невидено и нечуено. Освен ако…????“, напиша професорката на Фејсбук.

Претходно, Реџепи објави дека се предомислил и нема да учевствува на собраниската седница, каде неговите сопартијци ѝ се приклучија на опозицијата со цел да ја соборат актуелната Влада.

The post ПРАТЕНИК НА БЕСА ЈА ОТПОВИКА БЕСАТА Силјановска реагира на чудното однесување на Кастриот Реџепи appeared first on plusinfo.mk.

Силјановска: Мијалков беше како во филмовите „Роки“ и „Кум“, а Заев и судија и обвинител

плусинфо — Thu, 25 Feb 2021 21:00:32 +0000

Случајот со бегството на Мијалков наликува на филмови како „Роки“ и „Кум“, изјави пратеничката од ВМРО-ДПМНЕ Гордана Силјановска Давкова во Дневникот на Сител.

– Јас се чудев како можеше денеска премиерот да има повеќекратна улога. Да одговара и во својство на јавен обвинител, истражен судија, судија. Тој го опиша целиот процес. Добивме впечаток како да се работи за некој филм, како „Роки“, да речеме, или „Кум“. „Јас не би можел да кажам бидејќи постапката трае во кого може да се лоцира вината, бидејќи тоа ќе го кажат судските органи“ – таков одговор очекував денеска од премиерот. Очекував да одговара министерот за правда, министерот за внатрешни работи. Меѓутоа, шокантно делуваше сѐ што се случуваше, наликуваше на филм – рече Давкова.

Таа смета дека целиот процес остава повеќе отворени прашања.

– Од температура над 40 степени и потоа облекување на маица. Неверојатно нешто. До ваши колеги новинари кои случајно се најдоа на тоа место. До опис, прво на бегство, па потоа присуство овде. Многу дилеми има и тоа фрла темна сенка на Обвинителството – рече Силјановска Давкова.

The post Силјановска: Мијалков беше како во филмовите „Роки“ и „Кум“, а Заев и судија и обвинител appeared first on plusinfo.mk.