ВМРО-ДПМНЕ бара извинување од СДСМ и од Андреј Жерновски за искажаните лаги со кои, како што велат, се обидуваат да наштетат преку црна кампања во јавноста, како и очајниот обид да се вмеша една од земјите членки на ЕУ и НАТО, во случајот Германија, во нивната дневно политичка пропаганда.

„На денешната прес-конференција на СДС, неакредитираниот амбасадор и неуспешен дипломат, Андреј Жерновски истакна ‘Германија потврди, Мицкоски е Орбан Џуниор’, со што директно кажува лага, како прво, и како второ, Германија не потврди, туку ова е искажан став на новинар во свој новинарски текст на германски портал.

Сфаќаме дека СДС ги користи сите лоши механизми да ја врати дипломатската политика на коленичење и виткање на кичма која ја промовираше 7 години, но за нивна жал, оваа Влада предводена од ВМРО-ДПМНЕ и претседателот Мицкоски ќе води достоинствена, горда и исправена политика“, се наведува во реакцијата на ВМРО-ДПМНЕ.

The post СДСМ ДА ПРЕСТАНЕ ДА ЈА СРАМИ ДРЖАВАТА Од ВМРО-ДПМНЕ бараат извинување од СДСМ и од Жерновски appeared first on plusinfo.mk.