Заменик-претседателот на Владата и министер за транспорт, Александар Николоски денеска оствари работна средба со амбасадорот на ЕУ, Дејвид Гир. Покрај инфорациите за тековната соработка помеѓу Владата и Делегацијата на ЕУ, стана збор и за заштитата на културното наследство во земјава.

Во овој сегмент, како што соопшти Министерството за транспорт, се отвори и прашањето за реставрација на објектот на централната зграда на Македонска пошта во центарот на Скопје, како објект од културно и архитектонско значење.

На средбата присуствуваа и претставници од Министерството за културa за што во наредниот период, беше најавено, ќе се направат обиди со поддршка од ЕУ да се изврши реконстуркција и да се заштити овој објект, како и повторно да се стави во функција.

– Негрижата за културното наследство доведе до овој степен да објектите кои ни се од културолошка и архитектонска важност да останат незаштитени. Тоа нема да го толерираме. Денешната средба со евроамбасадорот Гир беше токму во таа насока, оштетениот објект на централната зграда на Пошта да го реставрираме и да го заштитиме како објект кој има културна вредност во историјата на Македонија. Тоа нема да е ниту лесен потфат ниту евтин проект. Напротив, ќе треба да се вложи многу енергија, време и пред се стручно знаење како и сериозни средства. Но централниот објект на Пошта е од огромно историско и културно значење за Македонија како еден од најзначајните објекти од времето на брутализмот и мора да биде заштитен во својата основна форма и ставен во функција – рече Николоски.

The post „ЖАЛНО Е ДА ПРОПАЃА ГЛАВНАТА ПОШТА“ Николоски и Гир разговарале за реновирање на објектот и ставање под заштита како културно наследство appeared first on plusinfo.mk.

Славески вели дека загрижува фактот што не се зборува доволно зголемувањето на јавниот долг, укажувајќи дека претходно се кревало фама ако јавниот долг од 30 се зголемил на 35 проценти, а сега како што рече тој како да е нормално зголемување на јавниот долг на 60 проценти.

– Знаеме дека немаме некоја заштеда или резерва која што служи за вакви тешки времиња, немавме ни пред почетокот на пандемијата, па го зголемија јавниот долг за најмалку 10 процентни поени. Мене ме загрижува една работа што некако го умртвија оној критички став кон задолжувањето и растот на јавниот долг во земјата – додаде тој.

– Толку се возбудува кога јавниот долг порасна од 30 на 35 проценти, а сега некако како да е нормално дали е 50, 55 или 60 проценти – посочи Славески.

Славески потенцираше дека зголемувањето на јавниот долг значи дека државата плаќа повисоки камати за сервисирање на долгот, нагласувајќи дека секое зголемување кај јавниот долг всушност значи поскапо задолжување кај банките кои ја ценат кредитната состојба.

– Зголемувањето на јавниот долг всушност значи дека плаќаме многу повеќе за камати, за сервисирање на долгот, мислам дека беше изнесен и податок дека 1,5 проценти од БДП одат за отплата на камати, ние толку не трошиме за народна одбрана на земјата како членка на НАТО. Второ секое зголемување на јавниот долг кај кредиторите кон кои ќе се обраќате во иднина, кога банките ја ценат кредитната способност секако нели ќе ја зголемуваат она премија за ризик што ја наплаќаат, односно ќе значи поскапо задолжување – рече Славески.

The post ВЛАДАТА СЕ ЗАДОЛЖУВА ЗА ТРОШОЦИ Славевски вели потребно е вложување во инфраструктура и зголемување на производствената моќ на економијата appeared first on plusinfo.mk.

Во периодот јануари – септември петте компании за животно осигурување склучиле над 39.000 договори за осигурување.

Во износот на вкупни вложувања во животно осигурување најголемо е учеството на осигурување живот во кое е вклучена и штедната компонента. Овој осигурителен продукт со полисата за осигурување живот нуди можност вложените средства за осигурување да се штедат и по истек на рокот на полисата да му бидат исплатени на осигуреникот. Во осигурување живот со штедна компонента за 9 месецисе вложени 13,6 милиони евра.

Во класичното животно осигурување кое покрива ризик смрт, во овој период, се ввложени 3,9 милиони евра. Овој продукт, популарно познат како „ризико осигурување“, нуди финансиски надомест за членови на семејство или блиски лица во случај осигуреникот да почине, но нема штедна компонента. Тоа значи дека вложените средства не се враќаат на осигуреникот на истек на договорот за осигурување.

„Јунит линкд“ осигурувањето е најновата класа на нашиот осигурителен пазар за животно осигурување. Кај ова осигурување вложените средства не се штедат туку се вложуваат во удели на инвестициски фондови кои купуваат акции и други хартии од вредност кои се тргуваат на светските берзи. Кај оваа класа осигурување ризикот од вложување го носи осигуреникот. Затоа и нема гарантирана осигурена сума која се исплаќа кога завршува периодот на осигурување. Тоа значи дека кога истекува рокот на договорот осигуреникот добива колку што во тој момент вредат уделите на инвестицискиот фонд во кој се вложени парите. Во  овој осигурителен производ се вложени 4,1 милион евра. Забележлив е тренд на раст на ова осигурување во вкупното животно осигурување.

Осигурителните компании  сите основи исплатиле штети во вкупна вредност од 6,5 милиони евра. Од тоа при смртни случаи на осигуреници на нивни блиски лица и членови на семејства покриени со „ризико осигурување“ се исплатени590.000 евра.

Кај осигурувањата со штедна компонента се исплатени5,6 милиони евра на осигуреници на кои: им истекол договорот, го прекинале осигурувањето или биле обештетени блиски лица на осигуреници кои починале.  Кај „јунит линкд“ осигурувањето за овој период се исплатени 280.000 евр) штети. Во тој износ откупот (предвреме прекинати договори на барање на осигуреници) учествува со 205.000 евра.

The post 242.000 ГРАЃАНИ ГО ОСИГУРИЛЕ ЖИВОТОТ За тоа платиле 21,5 милиони евра кај осигурителните компании appeared first on plusinfo.mk.

Народна банка ги прошири можностите за отворање и поседување сметка во странство на македонски правни и физички лица за потребите на трансакции со хартии од вредност во странство. Советот на Народната банка денеска ја усвои Одлуката за изменување и дополнување на Одлуката за начинот и условите под кои резидентите коишто не се овластени банки, можат да отвораат и да имаат сметки во странство.

Со предложените измени и дополнувања, покрај во странска банка, македонски правни и физички лица можат да имаат сметка кај овластен учесник на странска берза или на организиран пазар на хартии од вредност, кај платежни институции или институции за електронски пари во странство заради комерцијални цели, но и за тргување со хартии од вредност ако истовремено се и овластени учесници на странска берза или на организиран пазар на хартии од вредност.

Советот на Народната банка ја усвои изменетата и дополнета Одлука за доставување и објавување податоци за извршените активности во платниот промет. Имено, со оваа одлука, Народната банка го проширува сетот податоци од доменот на платежната статистика што и досега се прибираа и коишто се во значителна мера усогласени со стандардите и барањата на платежната статистика на Европската централна банка и Банката за меѓународни порамнувања.

Со цел обезбедување подетални податоци за развојот на дигитализацијата на банкарскиот сектор во земјата, Народната банка ќе започне со прибирање годишни податоци поврзани со дигиталната трансформација на платежните услуги и финансиската вклученост на населението во користењето на дигиталните канали за извршување плаќања. Прибирањето податоци од оваа сфера ќе ја зајакне информативната основа за формулирање на политиките за развој на платежните услуги и платните системи во рамките на Народната банка, за дефинирање стратегиски насоки за развој на националниот платен систем во рамките на надлежностите на Националниот совет за платни системи, како и пошироко, за сите засегнати страни во целокупниот финансиски систем во земјата преку зголемување на нивото на транспарентност со објавувањето на овие податоци.

Најголемиот дел од новите податоци ќе бидат објавени на интернет-страницата на Народната банка на годишна основа, со што ќе се придонесе за зголемување на транспарентноста во однос на степенот на дигитализацијата во платежната сфера на нашата земја.

The post Народна банка: Фирмите и граѓаните можат да имаат сметка во странство за да купуваат акции appeared first on plusinfo.mk.

Според него, „компанијата би можела од вложувањата во биткоини да заработи повеќе отколку од продажбата на своите електрични возила во цела 2020 година“.

На почетокот на овој месец „Тесла“ во поднесокот доставен до Комисијата за хартии од вредност открил дека купил биткоини во вредност од 1,5 милијарди долари за да го направи „пофлексибилен за натамошно диверзифицирање и максимизирање на поврат на готовина“.

Тргувањето е објавено минатиот месец, но компанијата не открива точно кога и по која цена. Засега не се знае дали „Тесла“ продал некои од купените биткоини.

Најголемата светска дигитална валута забележа невиден раст оваа година, достигнувајќи постојано нови рекордни нивоа.

Даниел Ив не објаснува како дошол до пресметувањето на заработката на „Тесла“ од биткоинот. Според податоците на КоинДеск, цената на оваа криптовалута на 31 јануари била на дневен максимум од 34.793,45 долари, а на 20 февруари, кога Ив ја објавил својата белешка, изнесувала 57.487,03 долари.

Тоа претставува раст од околу 65 проценти, што значи дека профитот на „Тесла“ од вложување на 1,5 милијарди долари во биткоин во тој временски период би изнесувал околу 975 милиони долари. Бидејќи биткоинот достигна денеска нов историски рекорд од 58.332,36 американски долари, профитот на Тесла надминува една милијарда долари.

The post Биткоинот и донесе на „Тесла“ заработка од милијарда долари appeared first on plusinfo.mk.

Домашните компании се подготвени да започнат со инвестиции во време на актуелната криза бидејќи вакво прилагодување им е неопходно за опоравување и понатамошно функционирање, покажува анкетата што ја спроведе Фондот за иновации и технолошки развој во периодот од 24 јули до 19 август.

Над 50 проценти од вкупно анкетираните 256 компании сметаат дека моментот за вложување е соодветен, додека само 13 проценти одговориле дека се уште е рано да се влезе во нов инвестициски циклус.

Во однос на износот на финансиска поддршка, 40 проценти од компаниите сметаат дека е доволна за инвестиции во фазата на опоравување што е особено изразено кај средните (73 проценти) и малите претпријатија (68 проценти), како и дека процентот на кофинансирање е соодветен на што потврдно одговориле 58 проценти. 29 проценти од компаниите пак сметаат дека износот треба да се зголеми.

Анкетата покажа и дека 74 проценти од компаниите кои биле анкетирани не користат друг вид државна помош, а само 26 проценти користат и тоа во најголем дел субвенции за минимална плата, 16 проценти користат бескаматен кредит, а само девет проценти, односно пет компании се корисници на средства на ФИТР.

Голем дел, односно 44 проценти сметаат дека процесот на аплицирање е јасен и едноставен, а осум проценти се соочиле со суштински проблеми при пополнување на формуларот. За 40 проценти од компаниите, критериумите за евалуација се соодветни, додека 25 проценти сметаат дека со нив се фаворизираат одредени индустрии.

На прашањето како го оценуваат новововедениот механизам за поврат на средствата, компаниите имаат различни ставови. Деветнаесет проценти сметаат дека овој механизам е добар, но дека процентот на поврат треба да се намали, додека поголемиот дел од 29 проценти сметаат дека основот за поврат на средствата треба да биде пресметан од приходите остварени од проектот, а не на база на остварени приходи на  ниво на претпријатие.

Како сугестии кои ги предлагаат компаниите е ФИТР сам да ја обезбедува документацијата од државните институции и да се обезбедат онлајн обуки и туторијали за аплицирање.

– Резултатите од оваа анализа и препораките на домашните компании се можност за нивен директен придонес во креирањето на условите за вториот циклус што Фондот планира да го реализира веднаш по завршување на тековниот. Тие ќе бидат вклучени во инструментот за поддршка за економско заздравување, кој во моментов е во фаза на адаптација –  велат од ФИТР.

За реализација на втор и следни циклуси на јавни повици за економско заздравување, Фондот иницира дополнителни средства од Владата, на веќе обезбедените 200 милиони денари, од кои поголем дел ќе бидат искористени уште со првиот циклус.

Програмата за економско заздравување е дел од третиот пакет економски мерки на Владата и е наменет за поддршка на микро, мали и средни компании.

The post Анкета на ФИТР: Домашните компании се подготвени да инвестираат за да излезат од кризата appeared first on plusinfo.mk.