Во рамки на кампањата #НИКОГАШПОВЕЌЕСАМА, компанијата dm drogerie markt со проектот Bestie во соработка со Филозофскиот и Филолошкиот факултет „Блаже Конески “, Педагошки факултет „Св. Климент Охридски“-  Универзитет „Св. Кирил и Методиј“ – Скопје  и Педагошки факултет, Универзитет „Св. Климент Охридски“ – Битола  успешно реализираше гинеколошки советувањa по универзитетските кампуси со цел унапредување на менструалното здравје кај студентките.

 

View this post on Instagram

 

A post shared by Eva Jovanovska (@_evce_)

Посетите на факултетите во Скопје и Битола поминаа со голем интерес и позитивна атмосфера. Студентките имаа можност да разговараат со гинеколог и да добијат стручни совети во пријателска и доверлива средина.

– Ми се допадна што можев да поставам прашања што ме интересираа без страв и срам. Прекрасно е што конечно се отвара темата и можеме отворено да зборуваме, без да се срамиме. Се чувствувавме охрабрени и прифатени – истакна една од студентките што го посети гинеколошкото катче за советување.

Студентките поставуваа прашања и добиваа совети од гинеколози поврзани со менструалниот циклус, менструалните болки и правилната менструална хигиена – целосно бесплатно. Овие едукативни советувања беа организирани со цел да се разбијат предрасудите и табуата поврзани со менструалното здравје и да се поттикне отворен разговор за теми кои и понатаму се сметаат за чувствителни во нашето општество.

Дел од нив се пријавија и за Bestie амбасадорки – млади девојки кои преку сопствен пример и ангажман ќе придонесуваат за подигнување на свеста за менструалната правда и за охрабрување на отворена комуникација меѓу останатите студентки.

– Во текот на посетите на факултетите, забележавме голем интерес од студентките кои со искрена љубопитност и доверба разговараа со гинеколозите и со нашиот тим. Атмосферата на Bestie катчињата беше топла, отворена и поддржувачка – токму онака како што сакаме секоја девојка да се чувствува кога зборува за своето здравје. Со проектот Bestie сакаме да покажеме дека грижата за менструалното здравје не е индивидуален, туку општествен предизвик. Веруваме дека преку едукација, достапност и поддршка можеме да создадеме општество во кое ниту една девојка нема да биде сама – порачаа од dm drogerie markt.

Преку 230.000 донирани влошки и нова поддршка за студентките

Проектот #НИКОГАШПОВЕЌЕСАМА започна во октомври 2024 година и досега опфати повеќе од 200 диспанзери со хигиенски влошки поставени на државните факултети низ земјата. Во првата година беа донирани над 230.000 Jessa влошки, со вкупна вредност на донацијата од повеќе од 1,8 милиони денари.
Во новата студентска година, dm продолжува со поддршка – во септември 2025 година веќе е доставена нова количина од речиси 120.000 бесплатни Jessa влошки до сите државни универзитети, а до почетокот на 2026 се проектира донација од вкупно 260.000 поединечни влошки.

Со ова, dm уште еднаш ја потврдува својата заложба дека ниедна студентка не треба да се соочи со менструацијата без пристап до основни хигиенски производи.

Проектот претставува дел од континуираниот ангажман на dm за создавање на отворен и поддржувачки простор во кој младите жени слободно зборуваат за своето здравје, а темите поврзани со менструацијата се третираат како природен и важен дел од секојдневниот живот.

The post СТУДЕНТКИТЕ СО РАДОСТ ЈА ПРЕЧЕКАА БЕСТИ Грижата за менструалното здравје во фокусот на факултетите во Скопје и Битола заедно со dm! appeared first on plusinfo.mk.

Последниве неколку години менструалните гаќички се појавија како нови сојузнички на жените – нежни, практични и еколошки свесни. Како да донесоа малку магија во секојдневието, нудејќи менструална слобода и удобност што досега ја баравте на други места.

За едни, тие се вистинска револуција во менструалната хигиена, за други – само краток тренд што брзо ќе згасне. Дали навистина се работи за револуција во интимната нега или пак за уште еден минлив тренд кој наскоро ќе згасне?

Што се менструални гаќички и како се користат?

Наизглед како обична долна облека, но во суштина технолошки паметно дизајнирани, овие гаќички имаат повеќеслојна апсорбирачка ткаенина која задржува течности без непријатни мириси и истекувања.

Дизајнирани се да ја заменат или надополнат употребата на влошки и тампони. Гаќичките имаат голема моќ на впивање, може да се перат  и може да се носат во текот на менструацијата или како дополнителна заштита за влошките или тампоните.

 

View this post on Instagram

 

A post shared by dm_makedonija (@dm_makedonija)

Вашата Bestie веќе ги испроба и со полна сигурност вели: се носат лесно и удобно, како класична долна облека. По употреба, едноставно се перат – рачно или во машина (според упатството) – и повторно се користат. Токму тоа ги прави вистински еколошки – значително го намалуваат отпадот што го создаваат производите за еднократна употреба.

А ако сакате уште една практична и одржлива алтернатива, во вашата dm дрогерија ќе ги најдете и Јеssa повеќекратните влошки. Тие се составени од три внимателно осмислени слоја: внатрешниот овозможува дишење и свежина, средниот ја гарантира апсорпцијата, а надворешниот – изработен од органски памук – е мек, нежен кон кожата и дава чувство на удобност во текот на целиот ден. Лесни за перење и едноставни за одржување, овие влошки се практично решение што истовремено е и пријателски настроено кон природата.

Тренд или промена?

Менструалните гаќички можеби започнаа како модерен тренд, но сè повеќе жени кои ги пробале велат дека не се враќаат на старите навики.

Прашањето не е дали ќе исчезнат, туку колку брзо ќе станат дел од секојдневната менструална рутина.

Но факт е едно: тие внесуваат новост и свежина во менструалните навики. Затоа, најдобро е сама да пробате и да одлучите дали овој производ е вистинската промена за вас – или пак само уште еден тренд што ќе го прескокнете.

The post ТРЕНД ИЛИ ВИСТИНСКА ПРОМЕНА? Менструалните гаќички под лупа! appeared first on plusinfo.mk.

Жените во Северна Кореја немаат пристап до вообичаени хигиенски влошки и тампони, додека мажите немаат пристап до кондоми. Всушност, претседателот Ким Јонг Ун ги забранил сите контрацептиви, при што медицинскиот персонал што ги нудел бил казнуван со присилна работа или затвор пишува The Star.

„Жените користат старомодни влошки кои ги мијат по употреба “,  се вели во написот.

Контраефектот од оваа забрана се гледа во тоа што жените повторно користат платнени влошки што ги перат и многупати ги употребуваат, трпејќи здравствени ризици и ограничена автономија.

Жените бираат меѓу 18 типови фризури

Севернокорејската влада ги ограничи и следниве работи: Кока-Кола, производи на Епл и брза храна, со објаснување дека со забранат ја штити културата и го промовира иденетитетот на земјата.

Фармерките, пирсингот и креативните фризури се сметаат за американски империјализам и се забранети со закон.

Покрај тоа, властите воведоа строг дрескод. Мажите треба да носат само долги панталони, а жените здолништа и панталони кои ги покриваат колената. Жената имаат ограничен избор од 18 фризури, мажите само 15. Оние кои ќе се спротивстават ги чекаат парични казни, присилна работа, па и затвор.

Јавна егзекуција за цитирање на Библијата

Северна Кореја е секуларна држава, па Библијата и религиозните текстови се забранети. За јавна употреба или интерпретација на религиозни текстови може да биде изречена јавна казна или дури егзекуција.

Граѓаните на оваа држава имаат и минимален пристап до медиуми. Во етерот се само три телевизиски канали под врховна контрола, додека безжичниот интернет и меѓународните телефонски повици се кривично дело.

Неименуван извор наведува дека еден човек бил убиен бидејќи упорно се обидувал да телефонира надвор од земјата.

The post КИМ ЈОНГ УН ЗАБРАНИЛ ВЛОШКИ И КОНДОМИ Жените можат да изберат само 18 типови фризури appeared first on plusinfo.mk.

Менструалното здравје и особено менструалната хигиена се теми за кои сè уште ретко се зборува, иако тие се дел од животот на секое девојче или жена во нашата заедница.

Достапноста до хигиенски менструални производи, пристапот до чисти санитарни услови и правилната едукација играат многу важна улога во обезбедување на достоинствено менструално искуство. Но, колку нашите образовни установи ја препознаваат оваа потреба? И колку се тие подготвени да бидат дел од оваа важна, но често потценета едукација?

Менструацијата не треба да биде причина девојките да се чувствуваат непријатно или да пропуштаат часови кога се во процесот на образование.

Учениците поминуваат значителен дел од својот ден во училиште или на факултет и токму таму треба да имаат лесен пристап до основни хигиенски производи како и можност за соодветно информирање за менструалното здравје.

Голем број од училиштата не се доволно опремени со потребните ресурси, а младите девојки честопати се соочуваат со срам и недостиг на информации кога станува збор за темата менструална хигиена – што ни дава впечаток дека има простор да се направи нешто повеќе.

Но, позитивно е што во нашето општество веќе можеме да забележиме иницијативи за информирање, едуцирање и подобрување на состојбата околу менстуралната хигиена во соработка со образовните установи. Таков е примерот со иницијативата „Никогаш повеќе сама“, препознатлива преку заштитното лице  Bestie, која ја започна dm дрогерие маркт заедно со државните универзитети и факултети во земјава, преку која беа поставени преку 200 диспензери и досега беа снабдени со речиси 250.000 бесплатни менструални влошки.

„Никогаш повеќе сама“ е повеќе од само иницијатива, туку е еден вид движење, поддршка и глас што зборува за менструалното здравје без срам и табуа. Со својата мисија да ги едуцира, поддржи и охрабри девојките и жените, Bestie нуди повеќе од само хигиенски производи, тука создава заедница каде секоја девојка се чувствува прифатена, разбрана и подготвена да зборува за своето тело.

Преку своите пораки, но и преку своите гласноговорници кои отворено зборуваат на тема менструална правда, Bestie им дава поддршка на девојките и ги охрабрува да се приклучат на ова движење. Бидејќи секоја жена заслужува да се чувствува безбедно, информирано и слободно, без ограничувања, особено во оние денови од месецот кога ѝ е потребна најголема сигурност.

Образовните установи не се само места за стекнување знаење, туку се простори каде што младите треба да се чувствуваат безбедно, поддржано и без страв од осуда. Затоа, време е да се отвори овој разговор и да се стави во лицето на јавноста, со цел како заедница да им помогнеме на сите девојки да имаат соодветни услови за менструална хигиена и да не се грижат за своето менструално здравје, особено кога имаат академски обврски или посетуваат настава.

Да ја охрабриме секоја една девојка и да ѝ покажеме дека нема да е #НикогашПовеќеСама.

The post ИМАШ ВЛОШКА? Како образовните установи можат да влијаат за подобрување на менструалната хигиена? appeared first on plusinfo.mk.

„Здраво, јас сум Бести и со мене никогаш повеќе не си сама!“ – вака гласи пораката на кампањата на dm drogerie markt со која оваа година компанијата продолжува да ги снабдува државните универзитети со хигиенски влошки. За овој семестар, компанијата снабдува 130.000 хигиенски влошки од приватната марка Jessa.

„Со донација на повеќе од 200 диспанзери минатата година и повеќе од 100.000 хигиенски влошки на сите државни факултети, dm покажа дека грижата за жените и нивното здравје е приоритет“, соопштија од dm за кампањата која, како што велат, „не само што ја осветли важната тема за менструална хигиена, туку и ја подигна свеста за менструалната правда во нашата земја“.

Вредноста на проектoт на dm досега изнесува речиси 2 милиони денари.

Кристина Дуранска, менаџер за маркетинг и комуникации во dm, вели дека донацијата симболизира поддршка и солидарност за жените.

– „Никогаш повеќе сама“ за нас е многу повеќе од само кампања. Во свет каде што многу жени се соочуваат со предизвици за пристап до основни хигиенски производи, оваа иницијатива стана светло на надеж. Таа поттикнува свест за важноста на менструалната хигиена и создава безбедно опкружување за сите жени. Секој диспанзер не е само донација на хигиенски влошки, туку и симбол на поддршка, солидарност и разбирање – изјави Дуранска.

Покрај поставувањето на диспанзерите со бесплатни влошки, иницијативата на dm беше збогатена со различни активности. Се одржаа 2 панел-дискусии на универзитетите „Св. Кирил и Методиј“ во Скопје и „Гоце Делев“ во Штип, посветени на женското здравје придонесе за подигање на свеста и разбирањето за важноста на менструалното здравје.

Компанијата порачува дека „едукацијата е неизоставен дел од секоја кампања на dm, па така и од оваа – информираноста на жените за менструацијата и менструалното здравје е исклучителна компонента на која посветуваат огромно внимание“.

„За оваа цел, тие вклучија стручни лица кои активно работат на овие теми, нудејќи совети и образовни содржини. Тие се тука за да ги поддржат жените со информации и ресурси, што е клучно за разбирањето и управувањето со менструалното здравје“, се вели во соопштението на dm.

На дискусиите Снеже Велков и Цеце Николова зборуваа за тоа како менструацијата ги следела во текот на студентските денови, додека пак инфлуенсери се приклучија на Red Outfit предизвикот, односно облекоа црвено во знак на поддршка за менструалното здравје.

„Забележителни се и реакциите кои покажуваат дека многу жени се охрабрени да зборуваат за своите искуства. Интервјуата кои Бести ги правеше со некои јавни личности, добија посебно место во нашите срца бидејќи беа поставени и одговорени многу интересни прашања кои допираат длабоко во коренот на оваа тема, а рубриката ,,Бести истражува“ ни ги отвори очите за многу информации кои досега не ни беа познати“, велат од dm.

Покрај тоа, од компанијата велат дека се презадоволни од медиумскиот одзив на кампањата. Пораките и активностите на „Никогаш повеќе сама“ добија широк публицитет, што дополнително ја зголеми свеста и иницираше разговори во јавноста.

„Никогаш повеќе сама“ е иницијатива која инспирира, охрабрува и обединува. Затоа, запомни: Никогаш не си сама – Bestie е тука за тебе, а dm е тука за вас обете. Заедно, можеме да направиме разлика и да создадеме свет во кој секоја жена има пристап до основните хигиенски производи и може да се чувствува слободно и достоинствено“, порачуваат од dm.

The post 📷 dm ГИ СНАБДИ ДРЖАВНИТЕ УНИВЕРЗИТЕТИ СО 130.000 БЕСПЛАТНИ ВЛОШКИ Кампањата „Никогаш сама“ продолжува и во новиот семестар appeared first on plusinfo.mk.

Присутните студенти ја слушаа дискусијата помеѓу Кристина Дуранска, менаџер за маркетинг и комуникации во dm дрогерие маркт; Бојана Стојменовиќ Петровска, психолог, семеен и системски советник, организациски консултант за ментално здравје и основач на „Мој Психолог“; Симона Коруновска, нутриционистка, попозната по Instagram профилот посветен на нутриционизмот „Инстанутриционист“; Викторија Панова, проектна менаџерка во СОМА – Студентски организирана медицинска асоцијација и Станела Гацова, претседателка на Универзитетското студентско собрание при универзитетот „Гоце Делчев“ во Штип. Дискусијата ја модерираше ТВ водителката Милена Антовска Станковска.

Прашањата беа посветени на проектот „Никогаш повеќе сама“, за кој Дуранска истакна дека dm дрогерие маркт останува општествено одговорна компанија која вложува напори да обезбеди подобри услови за секоја студентка. Тимот на dm дрогерие маркт е во постојан контакт со универзитетите за потпишување на новите договори за 2025 година, кога ќе се зголеми бројот на диспанзери со бесплатни хигиенски влошки на државните универзитети и ќе се реализираат голем број активности за студентките. Стојменовиќ Петровска даде свој експертски став околу грижата во деновите за време на менструацијата, кога девојките треба да бидат максимално посветени на себе и на својата состојба.

Во однос на исхраната, Коруновска сподели како девојките треба да се хранат во ПМС, но и за време на менструацијата, внесувајќи хранливи и здрави продукти. Панова, како студентка по медицина која еден ден ќе ги лечи пациентите, даде свое медицинско мислење за поврзаноста помеѓу меѓу физичкото, менталното и емоционалното здравје за време на менструацијата и колку е важно студентките секогаш да се информирани, но и посветени на своето менструално здравје.

На крајот, Гацова зборуваше за успешноста на проектот, поддршката од УСС при универзитетот „Гоце Делчев“ и позитивните коментари кои таа ги слуша од сите студентки. Панел дискусијата помина успешно, со многу споделени убави коментари, позитивни пракси и совети, а панелистките добија и задача да одговорат на интересните прашања од публиката.

Со оваа панел дискусија започнуваат подготовките за вториот дел од проектот кој продолжува веднаш по новогодишните празници. Тогаш ќе продолжи и серијалот панел дискусии, а следниот универзитет-домаќин на ваков настан ќе биде објавен наскоро.

Кои активности се спроведоа и ќе се спроведат како дел од проектот „Никогаш повеќе сама“ на dm дрогерие маркт?

Во тек е координација и потврда на соработка за новата 2025 година помеѓу универзитетите и dm дрогерие маркт.

Тимот кој работи на проектот ги дефинира количините на хигиенски влошки за новата донација. Воедно, преку овој процес се дефинира и зголемување на бројот на поставени диспанзери на државните универзитети.

Се подготвува дополнување на музичката терапија од dm дрогерие маркт, која специјално е подготвена од Bestie – најдобрата другарка на секоја девојка. Во третата Spotify плејлиста се очекува одличен избор од музички хитови, а преку моќта на музиката девојките ќе можат да ја поминат менструацијата полесно. Оваа плејлиста ќе биде објавена наскоро.

– Споделивме само дел од активностите кои се во тек и ќе се спроведат во декември и јануари. Кампањата „Никогаш повеќе сама“ продолжува да биде показател на промените кога станува збор за менструацијата. dm дрогерие маркт продолжува со посветена работа на темите поврзани со менструацијата, менструалната правда и хигиена во Македонија, а промените во општеството пополека ќе стануваат сѐ повидливи, носејќи подобри услови за секоја девојка и жена во Македонија – велат од дм.

The post ГРИЖАТА ЗА СЕБЕ ЗА ВРЕМЕ НА ЦИКЛУСОТ ДА СТАНЕ РИТУАЛ Втора панел дискусија на dm за менструацијата appeared first on plusinfo.mk.

Настанот започна претпладне, а публиката имаше можност да ужива во едночасовниот панел на кој дискутираа Кристина Дуранска – менаџер за маркетинг и комуникации во dm дрогерие маркт, проф. д-р Николина Кениг – редовен професор по психологија на Филозофскиот факултет во Скопје, Бојана Стојменовиќ – психолог, семеен и системски советник, организациски консултант за ментално здравје и основач на „Мој психолог“, Теодора Милеска – ко-основачка на иницијативата PERIOD Skopje, Адела Асани – секретар на Универзитетското студентско собрание при УКИМ и Цеце Николова – ТВ лице и инфлуенсерка. Модератор на настанот беше Јована Стојменовиќ – ТВ водителка и уредничка, која имаше навистина интересни прашања за сите панелистки.

Прашањата беа посветени на самиот проект „Никогаш повеќе сама“, за кој Дуранска истакна дека dm дрогерие маркт гласно ќе продолжи да ја пренесува пораката за важноста на менструацијата, преку активностите кои се дел од долгорочната посветеност на компанијата. Професорката Кениг даде свој експертски став околу дестигматизацијата на менструацијата како тема, и посочи како таа се одразува врз психолошкото здравје на жените. Свое гледиште сподели и Стојменовиќ која зборуваше за нејзината работа со девојките и предизвиците поврзани со менталното здравје кај нив од аспект на темата, а Милеска сподели повеќе околу активностите и чекорите потребни за подобра менструална правда и детабуизација. Асани посвети повеќе внимание на поддршката на УСС кон иницијативата на dm дрогерие маркт и испрати порака за повеќе вакви иницијативи. На самиот крај, Николова зборуваше за тоа колку е важно да се бориме против тишината за менструацијата и како таа лично работи на тој предизвик. Панел дискусијата беше проследена со огромно внимание од страна на публиката, а тоа беше евидентно по прашањата кои ги добија панелистките пред крајот на настанот.

Веќе во декември се одржува и втората панел дискусија на универзитетот „Гоце Делчев“ во Штип, исто така во организација на dm дрогерие маркт. Со оваа панел дискусија ќе се продолжи со работа на зголемување на менструалната правда, акцентирање на потребата за поголем фокус на менструацијата како исклучително важна тема и побивање на сите табуа во нашето општество околу оваа тема. Голем дел од активностите веќе придонесуваат кон промени преку нивното спроведување.

Кои активности се спроведоа во изминатиот период како дел од проектот „Никогаш повеќе сама“ на dm дрогерие маркт?

– Започнувајќи од 15 октомври, па сѐ до 15 ноември, поставени беа над 220 диспанзери за хигиенски влошки во тоалетите на факултетите кои се дел од седумте државни универзитети. Со поставувањето, dm дрогерие маркт ги достави и првите количини со влошки од приватната марка Jessa. Со овој дел од проектот, dm овозможи постојана поддршка за студентките во непредвидливите моменти, додека ги следат предавањата на факултет.

– Во текот на октомври и ноември, Bestie, која е главен виртуелен лик на проектот на dm дрогерие маркт подготви музички плејлисти на музичката платформа Spotify, а овие плејлисти се достапни за секоја девојка и жена во Македонија. Преку моќта на музиката, Bestie ѝ даде можност на секоја девојка во нашата земја полесно да ја помине менструацијата додека одмора и ја надополнува својата енергија.

– Во ноември, dm дрогерие маркт спроведе и герила активност. Неколку фреквентни автобуски постојки во Скопје осамнаа „украсени“ со лепенки во облик на менструални влошки со пораките: „Сè ќе биде ОК“, „Јас и ти можеме сè“ и „Никаде без Bestie“  и QR код кој води до голема база на податоци, информации, истражувања и едукативни содржини подготвени од dm за сите девојки и жени.

Ова се само дел од спроведените активности, дел од проектот „Никогаш повеќе сама“. Со уште голем број други активности предвидени за целата кампања, dm дрогерие маркт продолжува да работи посветено на темите поврзани со менструацијата, менструалната правда и хигиена во Македонија, со надеж за уште повеќе промени во општеството, носејќи подобри услови за секоја девојка и жена во Македонија.

The post МЕНСТРУАЦИЈАТА НЕ Е ТАБУ ТЕМА dm започна серија панел дискусии на државните универзитети appeared first on plusinfo.mk.

Интересно е што и во неколку градски автобуси беа забележани лифлети во облик на менструална влошка, на кој исто како и на лепенките од автобуските постојки, може да се воочи QR код.

За што станува збор? Секој може да открие со скенирање на QR кодот, а, според организаторот на иницијативата,  „целата идеја е навистина благородна, едукативна и би требало да инспирира позитивни промени во сфаќањата на одредено прашање што ги засега сите девојки и жени“.

The post 📷 МЕНСТРУАЛНИ ВЛОШКИ НА АВТОБУСКИТЕ ПОСТОЈКИ ВО СКОПЈЕ Каква е нивната порака? appeared first on plusinfo.mk.

Специјалниот дизајн на влошките им овозможува да се прилагодат на вашето тело, дури и кога се движите. Ова значи дека можете да се чувствувате слободно и сигурно, без страв од неочекувани „инциденти“. Крилцата на влошките се нежни и имаат широка лента која спречува поместување, така што можете да бидете сигурни дека ќе останат на своето место, без разлика на вашите активности.

Најзначајната работа за Jessa Maxi Active Shape влошките е нивната СЕКОГАШ ПОВОЛНА цена од само 63 денари. Ова ги прави идеални за секоја жена, без разлика на буџетот. Зошто да правите компромис со удобноста и заштитата кога можете да добиете квалитет по поволна цена?

Покрај овие влошки, во dm може да пронајдете голем избор на Jessa производи, започнувајќи од секојдневни влошки и тампони, па сѐ до лосиони за интимна нега и хигиена. Изберете Jessa и уживајте во удобноста и сигурноста!

За потсетување, dm со цел да ја поттикне менструалната правда, на почетокот на оваа година долгорочно ги намали цените на влошките и тампоните од сопствената трговска марка Jessa, во рамките на ценовниот концепт СЕКОГАШ ПОВОЛНО. Покрај веќе поволните цени за производите вклучени во овој ценовен концепт, dm има за цел да придонесе за намалување на менструалната сиромаштија кај нас преку формирање на уште поповолни цени за овие производи!

The post СИГУРНОСТ И УДОБНОСТ ВО ОНИЕ ДЕНОВИ Производите на dm од марката Jessa секогаш имаат поволни цени appeared first on plusinfo.mk.

Апликациите се отворени на dm платформата www.dm-zaedno.mk, а проектите треба да имаат за цел да го подигнат нивото на значење за менструалното и репродуктивното здравје на жените, да ја променат перцепцијата за менструацијата во јавноста, што значи отстранување на стигмата од менструацијата и отстранување на чувството на срам кој често се поврзува со овој поим, како и придонес кон менструалната правда во земјава. Секој кандидат може да регистрира само еден проект, кој ќе се реализира на територијата на Македонија.

– Преку овој инспиративен проект, имаме за цел да обезбедиме платформа за жените да истражуваат и да добијат увид во различни теми поврзани со здравјето, истовремено поттикнувајќи чувство на заедница и поддршка. Жените често им даваат приоритет на потребите на другите, занемарувајќи го сопственото здравје и благосостојба, па затоа преку оваа кампања dm сака да им го врати вниманието, да ја подигне свеста за важноста на превенцијата, но и да негува култура на поддршка на жените – изјави Кристина Дуранска, маркетинг менаџер во dm дрогерие маркт во Северна Македонија.

Пријавените проекти мора да се усогласат со Правилата и условите за поднесоци на проекти објавени на платформата dm-zaedno.mk, а на пополнетиот формулар мора да се приложат детален опис на проектот и елабориран буџет. Компанијата dm дрогерие маркт ќе избере проекти кои во најголема мера ќе го поддржат женското менструално или репродуктивно здравје, кои се одржливи на долг рок, оригинални и можат да имаат влијание врз подигање на јавната свест за важноста од подобрување и зачувување на менструалното здравје на жените во нашата земја.

Поддршката од компанијата dm ќе се состои од донација на производи од асортиманот на dm, финансирање на услуги и/или набавка на потребни материјали и опрема за реализација на проекти, директна уплата на средства на сметката на носителот или комбинација од сите овие ставки.

За потсетување, dm дрогерие маркт минатата година за прв пат распиша ваков конкурс, преку кој беа поддржани 6 проекти од повеќе од 70 пријавени со средства во висина од 3 милиони денари.

Со цел подобрување на менструалната правда во земјава, компанијата dm уште на почетокот на февруари 2024 ги намали хигиенските производи Jessa во целиот регион. Дополнително, на женската трка во Скопје, која се одржа на 7 април оваа година, вработените од компанијата „трчаа за менструална правда“ и донираа 300 пакети со влошки за социјално ранливи категории на жени. Оваа донација dm ја реализираше во соработка со Здружението на новинари за човекови права од Скопје, а приматели на донацијата беа 300 жени од Битола, Охрид, Штип, Тетово, Гостивар и од Скопје.

The post АПЛИЦИРАЈТЕ СО ПРОЕКТ ЗА ЖЕНСКО ЗДРАВЈЕ Кампања на dm за подигнување на свеста за репродуктивното здравје appeared first on plusinfo.mk.