The post ВЛАТКО СТЕФАНОВСКИ Е ДОБИТНИК НА ПОРИН Македонскиот музичар доби награда за посебен придонес за хрватската музика appeared first on plusinfo.mk.

– Еден ден ќе раскажувам во маало, седиме во Лондон, јас, Милчо, Влатко Стефановски, Виле (екс-Мултимедиа), Мишко (Fx3x), кај кралот дома… Влатко му подари свој албум, Милчо му даде домашно да го гледа Before the Rain, јас нешто треснав на англиски и така сите ние по нешто, а тој нѐ слуша, се насмеа, ни кажа пар гачки, не бараше селфи, почасти од неговиот bio apple juice и ни подари една убава вечер дружејќи се со Докуфест, Сараево Филм Фестивал, Exit, Раде Шербеџија, Британски Совет итн…

Беа тука и пар премиери, нашиот, Рама, Курти, Мацут и така, тие отидоа порано дома, а ние останавме да го допиеме сокот и да ги пробаме сите колачиња – напиша основачот на „Пасворд продукција“ , Логин Кочишки по средбата на културните уметници од Македонија и регионот со британскиот крал во рамки на приемот организиран на маргините на Самитот за Западен Балкан.

За разлика од него, Влатко Стефановски во изјавата за „Слободна Далмација“ не го спомнал сокот, туку раскажал дека на приемот пиеле шампањ и јаделе кралска храна.

Ова не беше прва средба на Влатко Стефановски, со кралот Чарлс. Тој го запозна сегашниот крал Чарлс во 1998 година, кој тогаш сè уште беше принц Чарлс и беше во посета на Македонија. Во тоа време, Влатко му подарил едно од неговите ЦД-а, а сега, 27 години подоцна, му ги покажал нивните заеднички фотографии од таа 1998 година. Кралот се сетил на таа посета и духовито забележал дека и тој „некогаш бил млад“.

И во оваа пригода, Стефановски му донел музички подарок на кралот Чарлс.

Станува збор за неговото ново ЦД „London Sessions“, албум кој беше снимен во светски познатото студио „Abbey Road“.

– Кралот ме праша каква музика е тоа, а јас одговорив дека е мешавина од рок, џез и традиционална македонска музика. Тој рече дека дефинитивно ќе ја слушне. Приемот беше многу елегантен, пиевме шампањ и јадевме кралска храна – изјавил Влатко Стефановски додавајќи дека приемот во палатата „Сент Џејмс“ траел два  часа и дека сите имале посебен третман.

Со средбата на Влатко со британскиот монарх се пофали и неговата издавачка куќа „Croatia Records“.

Музиката на Влатко Стефановски, снимена во легендарното „Abbey Road“, сега ќе одекнува и во кралските одаи. Горди сме што нашиот уметник имаше можност да му ја претстави својата работа и музиката од нашиот регион на британскиот крал – напишаа на својата страница на Фејсбук „Кроациа Рекордс“.

Милчо Манчевски со средбата се „пофали“ самиот и објави слика на која се ракува со британскиот крал, под која напиша: Кралот и Јас! Раде Шербеџија не напиша ништо, затоа што и самиот доста често бил крал (кралот Лир) на театарските штици.

Во делегацијата имаше и други културни работници и уметници од Македонија и регионот и неколку премиери.

The post КРАЛОТ И ТИЕ! Патакот, Милчо, Логин, Мишко, Раде… и неколку премиери, се сретнаа со Чарлс Трети appeared first on plusinfo.mk.

Нашиот врвен гитарист Влатко Стефановски, денеска заедно со продуцентот Томислав Кашљевиќ и музичката уредничка на Кроација рекордс Клаудија Чулар, ги најави двата последователни концерти кои треба да се случат на 9 и 10 мај во Македонската филхармонија, по повод неговата импозантна 50-годишна музичка кариера и го претстави неговото тројно винил издание „London Sessions“ снимено во познатото музичко студио „Abbey Road“ во Лондон.

За богатата 50-годишна музичка кариера, Стефановски рече дека не сака да прави ретроспектива, додека пак, за неговото најново издание и снимањето во студиото „Аbbey Road“, каде имаат снимано безброј музички светски легенди, рече „се работи за нешто кое не му се случува на секој музичар“.

– Мене ми е малку патетично да зборам кај сѐ сум бил, што сѐ сум направил, меѓутоа, поминале 50 години и покрај бројните непријатни работи што сум ги доживеал на приватен план, се случуваат и некои работи со кои што можам да се пофалам. Бескрајно сум благодарен поради ова издание „London Sessions“. Се работи за нешто кое не му се случува на секој музичар и порано сум кажал дека некои работи можеш сам да ги испланираш, а некои работи мораат тебе да те испланираат. Можеме да мечтаеме различни работи, но не значи дека може да ги добиеме. Јас сум од дете задоен, благодарение на мојот брат Горан Стефановски, со музиката на Битлси и ги знам сите нивни албуми и песни. Да се дојде во тој храм на популарната музика е навистина остварување на детски сон – рече Стефановски.

Посочи дека албумот бил снимен во два дена, во сесии по 10 часа, при што биле снимени 23 песни.

– Имав можност во тоа студио заедно со моите соработници и луѓето од „Croatia Records“ да поминам два дена по 10 часа во студиото три и да снимиме 23 нумери. Тоа беше истоварување на еден материјал којшто го свирам или сум го создавал пред 20,30 или 40 години – рече Стефановски.

Додаде дека пред извесно време доживеал уште едно големо признание, односно жици за гитара „Thomastik-Infeld“ од Виена, со негов потпис, на кои, како што рече, првиот ендорсер им е гитарост Џорџ Бенсон, а вториот токму тој – Влатко Стефановски.

– Доживеав уште едно големо признание, жици „Thomastik-Infeld“ од Виена, со мој потпис, со мое име. Навистина ми е чест, затоа што првиот ендорсер им е гитаристот Џорџ Бенсон, вториот сум јас. На мои пријатели гитаристи им ги делам тие жици со големо задоволство – истакна Стефановски.

На концертите во Филхармонија, гостуваат Дамир Имери, Бајага, македонскиот кларинетист Горан Бојчевски којшто живее и работи во Словенија, триото „Струмица“ како придружни вокали, додека како дел од бендот ќе бидат Кукиќ и Јан Стефановски.

The post 2 КОНЦЕРТА И 3 ВИНИЛИ ЗА ЈУБИЛЕЈОТ Влатко Стефановски ќе прослави 50 години кариера во Филхармонија appeared first on plusinfo.mk.

Триото Влатко Стефановски, Џијан Емин и ГО ја отворија музичката програма на фестивалот Град Театар
Во препознатливите ритми на песни како „Бистра вода“, „Чувам ноќ од будних“, „Као какоо“, „Јовано, Јованке“, „Кумова слава“ и многу други, уживаше публиката на концертот во Будва во средата вечерта, одржан одВлатко Стефановски трио и Црногорскиот симфониски оркестар, под диригентство на Џијан Емин.

Со ова беше отворена музичката програма на 38. фестивал Град Театар. Два и полчасовниот концерт на бината меѓу црквите предизвика ентузијастички аплауз и овации од публиката, што резултираше со дури два биса.

За време на концертот Стефановски откри дека годинава се навршуваат 50 години од неговата кариера, најави нов албум наречен „Muscle Memory“ и откри дека ќе ги објави своите мемоари.

– Не сакам да бидам претерано амбициозен и затоа не реков дека славам туку дека одбележувам 50 години од мојата кариера. Тоа е голема разлика. Кога славите, секој ден отворате шампањ. Годишнините ги славам на различни начини. За мене е голема чест  што од познатата фабрика за жици за гитара, виолина и виолончела ‘Thomastik-Infeld’ добив жици со моето име на кои свирев и вечерва. Кроација рекордс планира повторно да издаде многу мои наслови, албумот „Путујемо“ наскоро ќе биде на винил. И мојот албум „Мајчин јазик“ ќе излезе и на винил. Излегува новиот албум и ќе се вика „Muscle Memory“. Се забавуваме, многу патуваме, работиме, се радуваме на музиката и животот. Напорно е, но кога ќе помислиме дека ќе свириме ништо не е тешко – вели Стефановски.

Славниот македонски гитарист има посебна врска со публиката во Будва.

– Жал ми е што не свириме во поголем простор, јас би сакал да сме пред Стариот Град. Сепак, подобро е да оставите нешто за следниот пат. Во Будва веќе се чувствувам како дома, морам да бидам искрен. Доаѓам секоја година и тоа не само за да свирам – истакнува Влатко Стефановски.

Диригентот Џијан Емин рече дека овој концерт за прв пат бил изведен пред четири години во Скопје.

– Се беше реализирано во договор со Влатко, тој ми даде целосна доверба да ги одберам работите што ќе ги правиме. Кога го избрав списокот, тој беше пресреќен затоа што половина од овие работи не ги свиреше со триото. Драматургијата е моја, бидејќи пораснав со оваа музика. Длабоко ги познавам „Леб и сол“ и музиката на Влатко Стефановски и ги сакам, уживам и направив некој свој „best of“. Црногорскиот симфониски оркестар беше неверојатно позитивен и ентузијастички – рече диригентот Џијан Емин.

The post „ЈОВАНО, ЈОВАНКЕ“ ОДЕКНА ВО БУДВА Влатко Стефановски го отвори фестивалот Град Театар appeared first on plusinfo.mk.

– Со Влатко настапувавме заедно во неколку наврати, работевме заедно со кавалистот Теодосиј Спасов, бев гостин на неговиот албум, така што не ни е првпат да се среќаваме. Но, за првпат настапуваме сами, како дуо. Ќе биде интересно за нас, а се надевам и за публиката -изјави Васил Хаџиманов.

Тој најави дека на концертот ќе свири микс од сопствениот материјал, а ќе му се придружи и пејачот Дин Бауман, големо име во блузот и џез музиката.

– Целта е всушност да се помине низ репертоарот што го означува и творештво на Влатко Стефановски и моето, што секако не е многу едноставно. Јас немам 50-годишна кариера како Влатко, но имам 34 години и тоа не е наивно. Избравме композиции кои се делумно авторско дело на Влатко Стефановски, делумно мое. Ќе има и неколку излети во блуз и соул музиката, со оглед на тоа што Бауман е наш специјален гостин, а тој е мајстор на таа музика – најави Васил Хаџиманов во пресрет на вечерашниот концерт.

The post ПРВПАТ КАКО ДУЕТ Концерт на Влатко Стефановски и Васил Хаџиманов во Белград appeared first on plusinfo.mk.

Стефановски во градот на Нишава ќе настапи заедно со своето трио составено од Јан Стефановски (тапани) и Иван Кукиќ (бас), а концертот ќе се одржи во дворот на Универзитетот (Бановина) со почеток од 21 часот.

Магионичарот на гитара ќе ја потсети нишката публика на неколку од неговите најпознати хитови какo што сe „Ноќта будна“, „Јованo Јованке“, „Учи мe маjкo, казни мe“, „Kaко кaкао“, „Чyкни во дрво“, “Скoпje”, „Maкедонско девојче”, „Mамурен народ”…..

За овој концерт има огромен интерес од публиката.

Стефановски неодамна за „Танјуг“ изјави дека во 2024 година ќе ја прослави својата 50-та година на сцената, бидејќи како музичар првата плата ја земал во трета година во гимназија. Познатиот гитарист откри и дека подготвува нов албум, пишува мемоари и дека е во преговори со австриската компанија „Tomastik infeld“ наскоро под неговото име да се појават жици од гитара, што, како што вели, му претставува голема чест. Стефановски рече и дека никогаш не свири на тезги и дека на светот му требаат автентични уметници.

– На свој концерт не можеш да бидеш странец, мора да си убедлив, во елемент, внатре, како генератор на енергија и расположение – посочи Стефановски.

Почнал да свири гитара на 13-годишна возраст, а веќе на 18-годишна возраст ја основа групата „Леб и сол“, која набрзо станува една од најпопуларни рок групи на поранешна Југославија, вешто спојувајќи ја македонската традиционална музика и современ рок.

По распадот на групата „Леб и сол“, Стефановски од средината на деведесеттите развива успешна соло кариера. Со своето „Влатко Стефановски Трио“ настапуваше низ целиот свет, а во 2007 година доделен му е почесен докторат по уметност на Универзитетот „Св. Кирил и Методиј“ од Скопје.

Легендарниот музичар е познат по својата уникатна гитарска техника и тон бидејќи создава богат звук исполнет со имагинација и едноставност. Благодарение на неговата виртуозност и склоност кон интересни импровизации, неговиот шармантен пристап кон балканската музика и неисцрпната енергија со која плени со децении, Стефановски важи и родоначалник на етно-рокот.

The post КОНЦЕРТ ВО НИШ НА 6 ЈУЛИ Влатко Стефановски ќе го прослави 50-годишниот јубилеј appeared first on plusinfo.mk.

„Дојдете да ги свртиме заедно среќните коцки, и да се забавуваме со легендите на македонската музика. Ви ветуваме квалитетна забава и богата програма со многу изненадувања и наградни ваучери“ – порачуваат од Гранд Казино Адмирал.

Групацијата за игри на среќа Новоматик свечено ги отвара вратите на своето најново казино во градот, Гранд Казино Адмирал престижен објект лоциран во Limak Skopje Luxury Hotel, во склоп на комплексот Diamond Of Skopje.

„Станува збор за најсовремен архитектонски објект кој нуди широк спектар на игри во амбиент кој зрачи со елеганција за незаборавно играчко искуство.

Љубителите на живата игра ги пречекува високо обучен персонал посветен да ja направи секоја посета во Гранд Казино Адмирал исклучителна. Согласно највисоките светски стандарди секој гостин добива персонализирано внимание кое обезбедува брза и ефикасна испорака на услугите.

Почувствувајте ја возбуда и дозволете ни ние да се погрижиме за Вашето незаборавно играчко искуство . Гранд Казино Адмирал е вашата крајна дестинација за врвна забавa и мега добивки, место каде што луксузот се среќава со забавата“ – истакнуваат од групацијата Новоматик.

The post ДВА СПЕКТАКУЛАРНИ КОНЦЕРТИ ЗА ГОЛЕМОТО ОТВОРАЊЕ НА ГРАНД КАЗИНО АДМИРАЛ Влатко Стефановски и Владо Јаневски ќе го отворат новото казино во Лимак Дајмон Мол appeared first on plusinfo.mk.

Малку е да се каже дека публиката уживаше понесена од звукот што го создаде Стефановски во уникатен музички израз со неговото трио (бас Иван Кукиќ, тапани Јан Стефановски и гитара Влатко Стефановски). Овој пат на триото му се придружи и гостинот на клавијатура, Дамир Имери.

Гитарскиот виртуоз беше пречекан со бурни овации, а по краткото вовед, поздравувајќи ги белграѓани, го отвори концертот со песната „Skyhook“. По импозантниот вовед, публиката полека почна да ја маѓепсува прво познатата „Македонско девојче“, а веднаш потоа „Кандилице“, „Вера надеж љубов“, „Нисам твој“, „Таласна должина“, „Исток Запад“, за да им се придружи и специјалниот гостин – Раде Шербеџија, во изведбата на нунерата „Си заљубив“, чија појава ја воодушеви публиката.

The post ВЕЧЕР НА МАГИЈА НА ГИТАРА Влатко Стефановски со спектакуларен концерт во Белград, специјален гостин Раде Шербеџија appeared first on plusinfo.mk.

Тема на која разговараат шефовите на делегациите од земјите членки на ОБСЕ и држави партнери е воената агресија врз Украина и потребата од функционална Организација во време на конфликти и зголемени тензии.

На вечерата присуствуваа министри за надворешни работи на САД, на ЕУ, на земјите членки на ЕУ, Велика Британија, на земјите партнери од Медитеранот, Блискиот Исток и од Азија.

По вечерата предвидена беше и културна програма за високите гости со настап на Влатко Стефановски, Теодосиј Спасов и Дамир Имери.

На најголемиот политичко-дипломатски настан што се случил во државава од осамостојувањето, ќе учествуваат 76 делегации од 57 земји членки и држави партнери на Организацијата.

На Министерскиот состанок се очекуваат одлуки за изборот на претседавач за 2024 година, за што на подготвителниот состанок на амбасадори на 57-те земји членки неделава во Виена е постигнат консензус тоа да биде Малта, а треба да се одлучува и за буџетот, како и за именувања за клучните позиции во институциите на ОБСЕ.

The post ТРИОТО НА ВЛАТКО СТЕФАНОВСКИ ГИ РАЗОНОДИ МИНИСТРИТЕ НА ОБСЕ По неформалната вечера, малку културно-забавен живот appeared first on plusinfo.mk.

Во своето обраќање на церемонијата Пендаровски истакна дека „меѓу бројните, несоборливи докази за тоа кои сме ние Македонците, доволно е да го цитираме музичкото творештво и наследство на „Леб и сол“ кои и во 21-от век продолжува да ги инспирира музичарите да истражуваат нови предели додека ги почитуваат сопствените корени“.

– Вечерва ве пречекавме со леб и сол, традиција која постои не само кај нас, туку и кај многу други народи, нордиски, балтички, кај Евреите, кај Албанците, кај балканците и секаде каде што постои таа традиција таа означува една иста работа – а тоа дека гостите се добредојдени. Само кај нас во македонскиот јазик тој израз има и друго посебно значење. Имено, кај нас леб и сол означува култ, категорија, институција со наднационално значење и вонвременски карактер. Зборуваме за музиката, опусот, животното дело на Влатко Стефановски, Бодан Арсовски, Кокан Димушевски и Гарабет Тавитјан – рече Пендаровски во своето обраќање.

Претседателот додаде дека зборуваме за национално наследство кое е одамна впишано во културната и социјална ДНК на нашата држава, на македонскиот народ и на сите наши граѓани.

– Вечерва сите ние присутни овде сме дојдени да искажеме почит и да се заблагодариме на нашата скопска четворка за тоа што ја прославија државата високо на глобалната карта на уметнички достигнувања. Вашата музика, драги лауреати, во дамарите на македонската душа има митски димензии затоа што претставува културно наследство со кое се идентификуваа и растеа, и сѐ уште растат и живеат генерации Македонци – нагласи Пендаровски.

Тој истакна дека уште од нивниот прв албум објавен далечната 1978 година, „Леб и сол“ беа дефинирани како неприкосновени инструментални виртуози и пионери во она што критичарите го нарекоа „world music fusion„ – комбинирајќи рок, џез и традиционални македонски ритми, при тоа, создавајќи музика која далеку ги надмина границите на времето.

– Пред речиси половина век, „Леб и сол“ се етаблираа во национална гордост и категорија, статус кој без напор го одржуваат низ годините, сѐ до ден-денешен. Во 1990-тите, членовите на групата започнаа и солистички кариери, соработувајќи со исклучителни музичари од целиот свет, проширувајќи ги музичките хоризонти, но, останувајќи верни на етничкото наследство и националниот дух без кои не можете да оставите белези на глобален план – кажа Пендаровски.

Последниве години, нагласи Пендаровски, испровоцирани од оние кои не се сигурни за сопствениот идентитет, многу време залудно трошиме во дебати за националниот идентитет на нас, Македонците, иако тој е заокружен од дамнешни времиња.

– Во таа смисла, меѓу бројните, несоборливи докази за тоа кои сме ние Македонците, доволно е да го цитираме музичкото творештво и наследство на Леб и Сол кои и во 21-от век продолжува да ги инспирира музичарите да истражуваат нови предели додека ги почитуваат сопствените корени. Прашајте кој било млад човек кога за прв пат навлегува во светот на музиката, дали знае за гитарското интро на Влатко во „Бистра вода“, фретлес бас-линиите на Бодан во истата нумера, аранжманите на Кокан во „Учи ме мајко, карај ме“ или седумосминските ритми на Гаро кога тапанот ќе грмне со подземен екот. Патувањето на „Леб и сол“ од Скопје до меѓународно призната музичка постава е доказ за моќта на нивното креативно изразување кое далеку ги надминува националните граници. Преку специфичните миксови на наследството на нашата нација со планетарните музички влијанија, „Леб и сол“ не само што го збогатија културниот идентитет на македонското општество, туку, дадоа суштински придонес и за развојот на музиката и на глобално ниво – заклучи Пендаровски во своето обраќање.

The post (ФОТО) „ЛЕБ И СОЛ“ Е ИНСТИТУЦИЈА Пендаровски им додели орден на заслуги на Влатко, Бодан, Кокан и на Гаро appeared first on plusinfo.mk.