На 23 јули 1942 година, бугарските фашистички власти ја извршиле смртната казна врз група истакнати антифашисти, меѓу кои и македонските револуционери и воедно и литерати Никола Вапцаров и Антон Попов.

Како активни членови на воената организација на Бугарската комунистичка партија, тие биле уапсени на 4 март истата година, заедно со нивниот соборец Атанас Романов, и подложени на брутални полициски измачувања во текот на четири месеци.

Во монтираниот судски процес против ЦК на БКП, обвинетите биле осудени на смрт без право на жалба. Иако Вапцаров, под притисок на своето семејство, се обратил со молба до бугарскиот цар за заменување на казната со доживотен затвор, таа била одбиена.

Последните моменти од животот ги поминале во Централниот затвор во Софија, каде што во 11 часот им била прочитана конечната пресуда. Истата вечер, во 21:10 часот, Вапцаров, Попов и четворица бугарски комунисти биле стрелани во дворот на софиска касарна.

Вапцаров бил силен поетски талент меѓу Македонците кои твореле на други јазици, освен на македонскиот. Неговата единствена стихозбирка со наслов „Моторни песни“ содржи 20 песни.

Тој бил еден од организаторите на „Македонскиот литературен кружок“ во Софија во кој членувал и Попов. Од самите членови Вапцаров бил сметан за „срж“ на кружокот. Вапцаров се занимавал со поезија, пишувал критики и бил еден од организаторите на списанието „Литературен критик“.

Неговото дело остава траен печат во македонската и во балканската литература, инспирирајќи генерации поети и револуционери со својата хуманистичка и социјална порака.

Неговиот содругар, Антон Николов Попов е македонски писател, публицист, комунист и учесник во илегалниот отпор против фашистичкиот режим во Бугарија.

На почетокот на мај 1941 година е мобилизиран во 25 пешадиски полк на Беломорието. По нападот на нацистичка Германија врз СССР заедно со Вапцаров стануваат членови на Воениот центар при ЦК на БКП, каде пројавил вонредна активност.

Во својот Дневник објавен во 1938 година Попов пишува:

„Беснееја на македонската земја разни господари. Срби, Турци, Грци, Бугари… Тогаш, од македонската нива сите тие береа. До денеска само на еден правото не го признаа. Правото на Македонецот да ја ора својата земја и единствено тој да го бере плодот од својата нива. Стариот господар на таа земја, правото на големиот македонски дух – не беше признат. Историјата на човештвото е полна со неправди…“

The post ВАПЦАРОВ И ПОПОВ БЕА СТРЕЛАНИ ОД БУГАРСКИТЕ ФАШИСТИ Во монтиран процес беа осудени на смрт без право на жалба appeared first on plusinfo.mk.

Големите поплави однесоа во Австралија пресекоа автопат автопат во државата Квинсленд. Нивото на водата порасна до еден метар. Властите побараа од 2.100 жители на заедницата да ја напуштат областа за време на викендот, но околу 10% од нив одбија, според официјалните лица на службите за итни случаи, јави Би-Би-Си.

Речиси 11.000 домаќинства денеска останаа без струја во северен Квинсленд, соопшти комуналната компанија Ергон Енерџи.

Шеесетгодишна жена почина во неделата кога чамецот за спасување во кој се наоѓала се превртел во руралното гратче Ингам погодено од поплавите, на околу 100 километри северозападно од Таунсвил, соопшти полицијата.

Премиерот на државата Дејвид Крисафули предупреди дека дождовите и поплавата ќе продолжат.

Bruce Highway bridge collapse cuts off flooded north Queensland https://t.co/TJZwt6o86S via @ABCaustralia

— Bee Legalise Cannabis Party Senate Candidate QLD (@BelindaJones68) February 3, 2025

The post 📽 ПОПЛАВИТЕ ВО АВСТРАЛИЈА ПРЕПОЛОВИЈА АВТОПАТ Илјадници домаќинства останаа без струја во Квинсленд appeared first on plusinfo.mk.

Павел Дуров, рускиот основач на популарната апликација за пораки Телеграм, на првичното судско рочиште во декември изјави дека додека бил во притвор, станал целосно свесен за сериозноста на обвинувањата кои се упатуваат против неговата социјална мрежа.

Дуров тврди дека платформата презема чекори за подобрување на умереноста на содржината и за сузбивање на нелегалните активности, откри радио станицата Франс Инфо.

– Телеграм брише меѓу 15 и 20 милиони сметки за кои се сомнева дека се вмешани во криминални активности секој месец – рече Дуров на сослушувањето на 6 декември, чии детали се појавија во петокот.

Дуров, исто така, им рече на судиите дека Телеграм активно соработувал со органите на прогонот и дека во изминатите шест месеци им ги предал податоците на 10.000 свои корисници на властите во голем број земји.

– Телеграм не е создадена за да биде платформа за криминалци – нагласи Дуров, додавајќи дека е „згрозен во личен капацитет“ од активноста, според „HuffPost“.

Судиите го забележаа неодамнешното зголемување на криминалитетот на апликацијата во изминатите неколку години. Oколу 2.000 кривични случаи биле отворени во Франција за прекршоци извршени или организирани на Телеграм помеѓу 2017 и 2024 година, од кои 535 биле само во првите пет месеци од 2024 година.

Дуров беше приведен на парискиот аеродром Ле Бурже кон крајот на август и обвинет за администрирање на платформа каде се вршеле незаконски финансиски трансакции, поради недавање информации на властите во врска со луѓето кои ги бара законот, соучесништво во дистрибуција на детска порнографија, дрога. трговија со луѓе, организиран криминал и заговор за извршување на кривични дела, перење пари и нудење услуги за шифрирање без потребните законски дозволи.

Дуров, кој ги негира обвиненијата против него, на крајот беше ослободен откако плати кауција од 5 милиони евра, иако беше принуден да го предаде пасошот и му беше забрането да ја напушти Франција.

The post ВО ПРИТВОР ЈА РАЗБРАВ ВИСТИНСКАТА ПРИРОДА НА НЕШТАТА Основачот на Телеграм соработува со француските власти за да ја подобри апликацијата? appeared first on plusinfo.mk.

Дел од пораките беа и „Сакаме чист воздух“, „Не – за нови станови, да – за чисти бели дробови“, „Од смогот не се гледа иднината“, „Пред употреба на воздухот консултирајте се со вашиот лекар или фармацевт“, „Буџетот е магично стапче за загадувањето“ и „Нема AIR од ова“.

Од „Зелен Хуман Град“ имаат имаат четири конкретни барања за борба против аерозагадувањето во Скопје.,

– Првото барање е јавен континуиран мониторинг на индустриските објекти за да се знае точно кој и како загадува. Второто барање се однесува на еколошко загревање на објекти како Детската клиника во Козле, која сè уште се загрева на мазут. Третото барање е решавање на автоцентричноста во градот, со приоритет на јавниот превоз и велосипедите над автомобилите и четвртото барање е подобро управување со отпадот – изјави Горјан Јовановски од иницијативата „Зелен хуман град“.

Од првиот протестен марш што се одржа на 10 декември поминаа речиси три недели.

– Две недели од доставените барања, а одговор од институциите уште нема. На кого му служат? Без чист воздух нема здравје! Без здравје нема живот! Ги полниме болниците и ги оставаме своите пари по аптеките – изјавија од „Зелен хуман град“ во најавата за протесот.

Партиите во меѓувреме со меѓусебни обвинувања за тоа кој е одговорен за загадениот воздух. Опозициската СДСМ со забелешка дека шест месеци откако власта е во рацето на ВМРО-ДПМНЕ, тие не презеле одговорност и сериозни чекори, а граѓаните биле оставени сами на себе.

– Скопје, главниот град на нашата држава, повторно е на листата на најзагадени градови во светот. Според извештаите на УНИЦЕФ, граѓаните на Скопје, Тетово, Куманово и Велес дишат загаден воздух повеќе од 3 месеци. Светската банка, пак, алармира дека загадувањето годишно убива 2.800 наши сограѓани. Овие податоци се алармантни и бараат нужна институционална акција која досега изостанува. Каде се ветувањата на Мицкоски и ВМОР-ДПМНЕ? Кога беа во опозиција, најавуваа една милијарда евра за инвестиции во чист воздух и намалување на загадувањето за 50 отсто. Тие ветувања денеска се покажаа како една голема лага. Владата на Мицкоски и ВМРО-ДПМНЕ не само што не презема сериозни мерки, туку дополнително ги намалува средствата за борба против загадувањето на воздухот за 51 отсто, а во буџетот 2025 година ги нема ниту еколошките програми кои со години се реализираа успешно. Тоа е неодговорно и мора да се промени – изјави денеска на прес-конференција потпретседателката на СДСМ, Каја Шукова.

Порача дека Владата мора веднаш да ги ревидира своите политики и да преземе сериозни чекори за справување со загадувањето, а секој ден одложување значи уште повеќе загрозени животи на нашите сограѓани.

Од ВМРО-ДПМНЕ со реакција на нејзиниот прес. Велат СДСМ седум години не успеала ниту еден процент да го намали загадувањето на воздухот.

„Седум години СДС не успеа ниту еден процент да го намали загадувањето на воздухот. Нивните прес-конференции каде што критикуваат за загадувањето на воздухот, се крајно лицемерни. СДС со нивниот криминален партнер ДУИ, наместо да се занимаваа со намалување на загадувањето на воздухот, тие гледаа како повеќе да го наполнат својот џеб. За разлика од нив, Владата предводена од ВМРО-ДПМНЕ преку конкретни чекори ќе се бори против загадувањето на воздухот. Некои од мерките се, субвенции за инвертер клими, финансиска поддршка за еколошки технологии, пошумување и забрзана гасификација, како и иновативни решенија за одржлива иднина. ВМРО-ДПМНЕ се грижи за граѓаните и работи во нивен интерес“, стои во реакцијата на владејачката партија.

Претходно зелената партија ДОМ ја даде својата целосна поддршка за протестот.

„Игнорирањето на понудените мерки од протестот пред две седмици од страна на повиканите институции е показател за нивната несериозност кон борбата за чист воздух и преземањето итни мерки за справување со загадувањето. Уште еднаш ги повикуваме надлежните институции да покажат одговорност и да преземат конкретни и долгорочни мерки за намалување на загадувањето – од промоција на обновливи извори на енергија и воведување на енергетски ефикасни решенија до зајакнување на инспекциските контроли и казнување на загадувачите“, се вели во соопштението на ДОМ.

Според податоците на УНИЦЕФ, 11,6 отсто од смртните случаи кај новороденчињата во земјава се поврзани со загадениот воздух, што значи дека секое деветто починато дете под една година го губи животот поради аерозагадувањето.

The post ВТОР ПРОТЕСТЕН МАРШ ПРОТИВ АЕРОЗАГАДУВАЊЕТО ВО СКОПЈЕ Организаторите со 4 конкретни барања за скопјани да имаат почист воздух appeared first on plusinfo.mk.

Од Министерството за правда на Црна Гора е потврдено дека Божовиќ ја потпишал одлуката за екстрадиција на До Квон, попознат како крал на крипто валутите.

Екстрадицијата на До Квон ја побарале Јужна Кореја и САД, а Врховниот суд на Црна Гора наложил одлуката за тоа да ја донесе министерот за правда Божовиќ.

The post КРАЛОТ НА КРИТОВАЛУТИТЕ ЗАМИНУВА ЗА САД Црногорските власти потпишаа екстрадиција за До Квон appeared first on plusinfo.mk.

Според достапните информации, пешакот избегнал посериозни повреди, а ситуацијата дополнително ги вознемирила граѓаните.

На социјалните мрежи набрзо се појави снимка од несреќата која предизвика бројни реакции и предупредувања за опасностите од насобраниот снег.

Опозицијата во Бања Лука ги критикува градските власти за лошо исчистените патишта и јавни површини.

The post 📽️ ДРВО ПАДНА ВРЗ ПЕШАЦИ Страшна снимка од Бања Лука appeared first on plusinfo.mk.

Ќе се отстранува дел од хотелот „Елса“, во сопственито на поранешниот државен фукционер и адвокат Сашко Станинов, информира скопската Општина Центар.

Хотелот е лоциран во строгиот центар на Скопје. Осмиот кат и терасата на објектот се категоризирани како нелегални градби, за кои не постои соодветна градежна дозвола, се тврди во службеното решение на градежниот инспектор.

Бидејќи во предвидениот рок, даден од општинските власти, инвеститорот не ги отстранил нерегуларностите, Општината го презеде случајот.

– На дел од објектот хотелот „Елса“ ќе се врши отстранување, бидејќи констатирани се неправилности и донесени се решенија за отстранување и заклучок за извршување од надлежни градежни инспектори. За предметната локација целосно е спроведена процедурата. Склучен е договор со правен субјект кој врши отстранување на дивоградби за потребите на општина Центар и истиот ќе биде спроведен во нареден период – велат од Општина Центар за Плусинфо.

Акцијата ќе опфати отстранување на осмиот кат, кој е изграден од челична конструкција со стаклени делови, како и на металната конструкција за терасата поставена на јавна површина.

Општината најавува дека ќе продолжи со решителни мерки против сите објекти со нелегална градба, со цел да се обезбеди уреден урбанистички ред и почитување на законските норми.

The post ОСМИОТ КАТ И ТЕРАСАТА НА ХОТЕЛОТ НА САШКО СТАНИНОВ ЌЕ ГИ СНЕМА Општина Центар ќе ја отстрани дивоградбата на врвот на „Елса“ appeared first on plusinfo.mk.

Потрошувачите во половина од Хавана, главниот град на Куба, денеска добија струја по четиридневниот прекин во целата земја, соопшти електростопанството на кубанската престолнина.

„Околу 50 отсто од клиентите сега имаат струја“, се наведува во извештајот на Електропривреда објавен, што го објави државниот портал за вести „Cubadebate“.

– Во петокот, 10 милиони жители на островот снемаа струја по падот на најголемата електрана за јаглен во Куба, што ја оштети мрежата – рече Лазаро Гуера, шеф за снабдување со електрична енергија во Министерството за енергетика.

Во саботата претпладне имаше нов дефект во снабдувањето со електрична енергија низ државата.

Пристигнувањето на тропската бура Оскар во неделата навечер ја влоши ситуацијата. Обилните дождови и ветрови погодија милиони Кубанци.

Кубанските власти прогласија „енергетска вонредна состојба“, ја прекинаа наставата во образовните институции и дел од јавните служби.

Откако луѓето излегоа на улиците да протестираат поради прекинот на електричната енергија, кубанскиот претседател Мигел Дијаз-Канел рече дека работат на олеснување на ситуацијата, но предупреди дека нема да „дозволат вандалски акти“.

Кубанската влада соопшти дека се очекува струјата да биде вратена во поголемиот дел од земјата до вторник.

The post ПО 4 ДЕНА МРАК, СТРУЈАТА СЕ ВРАЌА ВО КУБА Им „светна“ на половина од жителите на Хавана appeared first on plusinfo.mk.

– Целта на овој проекти е практично да допреме до секое едно домаќинство, да ги задоволиме основните потреби со кој ќе обезбедиме поквалитетен живот на македонските граѓани во смисла на подземна инфраструктура, канализација, водоводи, нови улици исто така онаму каде што е потребно нови градинки, нови училишта како дел од проектот да нема веќе листи на чекање за дечињата во градинките во предшколската возраст и цениме дека на тој начин ќе ги решаваме основните потреби на граѓаните. Тоа е вкупно 1 милијарда евра во рамките на еден четиригодишен мандат и цениме дека на овој начин ќе покажеме дека сето она кое што е можеби испуштено повеќе од три децении ВМРО-ДПМНЕ и коалицијата имаат сериозна намера да го решат, а на тој начин да дојдеме што е можно поблиску до граѓаните – рече лидерот на ВМРО ДПМНЕ.

Тој ги повика сите градоначалници без разлика на партиската припадност од наесен, кога се очекува да биде објавен јавниот повик, да аплицираат и идната влада на ВМРО-ДПМНЕ практично да одобри средства за реализирање на тие проекти во општините.

Во одговор на новинарско прашање дали идната влада предводена од ВМРО ДПМНЕ ќе вложува во обновливи извори на енергија, Мицкоски одговори дека во овој регион се гледа ветерниот пак Богданци кој го реализирала владата на ВМРО-ДПМНЕ.

– Продолжуваме и понатаму исто во околината, втората фаза, но и други можности се испитуваат за одреден вид на јавно приватно партнерство помеѓу денешно ЕСМ и приватни инвеститори за изградба на вакви енергетски капацитети, со што ќе се зголеми производното портфолио од обновлива енергија во Македонија – рече Мицкоски.

Мицкоски додаде дека на тој начин ќе се обезбеди поквалитетно снабдување со електрична енергија до нашите граѓани, а воедно порача дека ќе се укине таксата за пристап до мрежа која ја наметна оваа власт.

– Она кое е важно, онаа наметната такса за пристап до мрежата која ја наметна октроираниот претседател на Регулаторната комисија за енергетика, целосно партизираниот Бислимовски, ќе биде укината. Цениме дека нема потреба од таков тип на оптоварување на граѓаните – изјави Мицкоски.

Во рамките на денешната посета на Гевгелија Мицкоски заедно со носителот на изборната листа во четвртата изборна единица, Александар Николски и градоиначалникот на Гевгелија, Андон Сарамандов, извршија увид на градежни активности на повеќе локации каде се реализираат повеќе проекти

The post 1 МИЛИЈАРДА ЕВРА ЗА ОПШТИНИТЕ ЗА ЕДЕН МАНДАТ Мицкоски вети годишна помош од 250 милиони евра за локалните власти appeared first on plusinfo.mk.

На брифинг со новинарите, Захарова рече дека Украина стои зад нападот во Крокус Сити Мол, најсмртоносниот во Русија во последните 20 години.

Исламска држава ја презеде одговорноста за масакрот, а американските власти велат дека имаат разузнавачки информации кои укажуваат дека тој бил извршен од авганистанскиот огранок на групата, Исламската држава Хорасан. Украина постојано негираше дека има некаква врска со нападот.

Но, Захарова рече дека Западот брзо ѝ ја додели одговорноста на Исламската држава со цел да ја префрли вината од Украина и западните влади кои ја поддржуваат.

– За да ги оттргнат сомнежите на колективниот Запад, итно мораа да смислат нешто, па прибегнаа кон ИСИС. Тие повлекоа кец во ракавот и буквално неколку часа по терористичкиот напад, англосаксонските медиуми почнаа да ги шират токму тие верзии – рече таа.

#Zakharova: Almost all countries have condemned the attack at the Crocus City Hall.

Only Kiev remained silent. The Ukrainian social media are posting cynical and inhuman comments. Some in Ukraine probably derive cannibalistic pleasure from human deaths, pain and suffering. pic.twitter.com/g8inweAAPo

— MFA Russia (@mfa_russia) March 27, 2024

Претседателот Владимир Путин рече дека нападот го извршиле исламистички милитанти, но посочи дека тоа е во корист на Украина и дека Киев можеби имал улога во нападот. Путин рече дека некој од украинската страна подготвил „прозорец“ за вооружените напаѓачи да избегаат преку границата пред да бидат фатени во западна Русија во петокот вечерта.

Сепак, вчера белорускиот лидер Александар Лукашенко изјави дека вооружените напаѓачи прво се обиделе да преминат во неговата земја, по што се упатиле кон Украина бидејќи сфатиле дека не можат да преминат во Белорусија.

Директорот на руската разузнавачка служба ФСБ во вторникот изјави дека верува оти Украина, заедно со САД и Велика Британија, биле вмешани во нападот во Москва.

„Тврдењата на Русија за Западот и Украина за нападот во Крокус се целосна глупост“, напиша британскиот министер за надворешни работи на платформата Х.

The post СИТЕ ПАТИШТА ВОДАТ КОН КИЕВ! ЗАПАДОТ ПОВЛЕЧЕ КЕЦ ОД РАКАВОТ! Захарова откри зошто ИСИС ја презеде одговорноста за нападот во Москва appeared first on plusinfo.mk.