Панел-дискусијата организирана од Асоцијацијата за еднаквост и цоцијална правда на тема: „ПР – ПРавда, ПРогон или ПРопаганда“ донесе интересна дебата за врската меѓу правдата, медиумите, јавната комуникација и можните злоупотреби со наративи во јавниот простор.

Панелистите разговараа дали одредени случаи или процеси се вистинска правда, дали станува збор за прогон (политички или селективен прогон на поединци) или се работи за пропаганда и манипулација преку медиуми и јавно мислење.

Главен заклучок од трибината е дека организирани медиумски хајки однапред ги осудуваат обвинетите и им вршат притисок на судиите да не ги ослободат дури и во очигледно конструирани процеси.

На дебатата дојде до судир меѓу водечкиот македонски експерт за кривично право Гордан Калајџиев и претставник на Истражувачката медиумска лабораторија позната како ИРЛ која досега два пати е осудена за клевета.

Токму филмот на ИРЛ за Жан Митрев и неговата клиника беше повод за влез на десетици инспектори од владата на Заев за кој беше споменато дека заедно со актуелниот лидер на СДСМ Венко Филипче имале интерес да ја купат оваа клиника.

За овој случај во моментов има судски процес.

Иако обвинителството цели три години го гони Жан Митрев за измама досега на судењето не беше презентиран ниту еден доказ дека имало измама.

На настанот што се одржа пред неколку дена во хотелот „Солун“ во Скопје Калајџиев потенцираше дека стои зад својата аргументација и убеден е дека тоа што го направил Жан Митрев не е кривично дело измама туку дека тој помагал на пациенти во корона кризата.

Калајџиев во обраќањето одговори на спин прашање на претставник на ИРЛ при што го цитираше и академик професор Владо Камбовски кој исто така смета дека нема случај со Жан Митрев.

Претставникот на ИРЛ во прашањето го цитирал Калајџиев, според кого медиумите се продолжени центри на моќ, дека Калајџиев го навел и примерот со Макпетрол а алудирал на случајот со Жан Митрев при што го споменал случајот со О Џеј Симпсон кој имал да плати советници. Прашањето било каде е обичниот човек кој не може да плати скапи адвокати, советници и професори.

Прашањето од ИРЛ е манипулативен спин бидејќи Калајџиев во воведот зборува за влијание на медиумите и во тој контекст го спомнува О Џеј Симсон како глобално медиумски покриен судски предмет.

Калајџиев во никаков контекст не алудира на Жан Митрев, напротив тој зборува за темата медиумски хајки, во случајов хајка од ИРЛ против Жан Митрев во која тој беше однапред осуден и поради што судиите се плашат да го ослободат. Токму затоа Калајџиев вели дека стои зад целата правна аргументација дека нема измама од страна на доктор Жан Митрев.

Во видеото на Коха можете да ја проследите целата трибина.

The post ВО СЛУЧАЈОТ ЗА КЛИНИКАТА НА ЖАН МИТРЕВ НЕМА ИЗМАМА Водечки експерти и кривичари децидни во оценката appeared first on plusinfo.mk.

• АЛБАНСКА АКАДЕМИЈА ЌЕ ИМА, ЗА ПОЧЕТОК СО ОПШТИНСКИ ПАРИ Тетово, Гостивар, Желино и Чаир ќе ги одврзат ќесињата

Тој предупредува дека формирање национална академија на еднонационална основа може да доведе до поделби и конфликти на научната заедница, како и до појава и на други еднонационални академии – српска, бугарска или некоја друга.

– Научни друштва или институти се возможни и веќе имаме такви примери. Секој може да формира научно друштво. Академија како национална установа е сосема друго прашање – вели за Телма академик Владо Камбовски.

• „ИМА САМО ЕДНА АКАДЕМИЈА, НЕ ДАВАМЕ ПАРИ ЗА НЕВЛАДИНА ОРГАНИЗАЦИЈА“ Советниците на ВМРО-ДПМНЕ нема да гласаат за финансирање на Здружението Албанска академија на науките и уметностите

The post ФОРМИРАЊЕТО АЛБАНСКА АКАДЕМИЈА МОЖЕ ДА ДОВЕДЕ ДО ПОДЕЛБИ И КОНФЛИКТИ Правете разлика помеѓу научно друштво и национална установа appeared first on plusinfo.mk.

„Науката не може да се етнизира“

Во јавноста најавата на Вреди беше дочекана со остри критики. ВМРО-ДПМНЕ се огласи со реакција дека „науката не може да се етнизира“ и дека „Македонската академија на науките и уметностите (МАНУ) е единствената институција која ја обединува македонската научна мисла и во нејзиниот состав има научници од различни етнички заедници“. И ЗНАМ на Максим Димитриевски се огласи со реакција, во која оцени дека „идеите и обидите на Вреди се резултат на постизборен популизам“.

Опозицискиот СДСМ се огласи со став дека „МАНУ треба да остане единствена институција во која членуваат реномирани научници од сите етнички заедници, институција која не смее да се партизира или да се злоупотребува од страна на поединци за дневно политички потреби“. СДСМ шпекулира дека Мицкоски ветил нешто во врска со ова барање на Вреди пред формирањето на Владата.

Меџити: МАНУ да ги отвори вратите за Албанците

Вицепремиерот Изет Меџити се обиде да ја убеди јавноста дека иницијативата за формирање академија на Албанците е знак на прогрес.

„Сè додека граѓаните во државата, без разлика од која етничка припадност се, сакаат да се занимаваат со наука, со истражување, не треба да се плашиме. Албанците до вчера имаа проблем со основното, со средното образование, со универзитетите. Сега тоа што го бараат е да бидат вклучени и во научните истражувања и во академскиот дел. Тоа е за поздравување и мислам дека тоа ќе наиде поддршка и од поголемата заедница, т.е. од Македонците“, изјави тој.

Запрашан зошто оваа академија не биде дел од МАНУ, тој изјави дека можеби и тоа ќе биде решението.

„Ама и МАНУ треба да ги отвори вратите. Ќе прашам зошто во МАНУ нема вработено ниту еден Албанец? Дали втората заедница нема луѓе за МАНУ, не сакаат да се занимаваат со тоа? Ова е предизвик, го отвораме ова прашање и заедно треба да најдеме решение“, изјави помирливо Меџити.

Фити: Имало и има Албанци академици

Поранешниот претседател на МАНУ, Владо Камбовски, одлучно изјави дека е невозможно таква структура да постои во една држава. И академик Таки Фити, во изјава за порталот Локално, оцени дека станува збор за „апсурдна идеја“, бидејќи „во ниту една современа земја нема две национални академии“. Фити е дециден дека академија не може да се формира врз основа на етички принципи.

– Академијата е национална, но тоа не значи само на Македонците, туку на сите други етникуми во Македонија. И порано и сега, имало академци кои биле високо почитувани со различна етничка припадност. Имало и Власи, Турци, Албанци, дури има и една Полјачка. Денес во Академијата имаме четири членови од албанска националност, од кои двајца се активни и работат. Академиците Беџети и Абази како редовни членови, додека како дописен член е академик Зеќири, истакнува Фити, потсетувајќи се и на Луан Старова кој почина во 2022 година.

Во врска со забелешките од политичките партии зошто нема ниту еден вработен Албанец во МАНУ, Фити објаснува:

– Во МАНУ, академиците нема статус на вработени, туку вработени во Академијата се административниот и техничкиот персонал во рамки на Секретаријатот и научни соработници со научни звања. Не бегаме од тоа да примиме Албанци, Власи или Турци – проблем е дали луѓето ќе се јават на конкурс. Имавме низа конкурси и ниту еден Албанец не ни се јавил. Зборувам за техничкиот персонал. Ако ги исполнува условите и критериумите, сигурно ќе биде примен – потврдува Фити.

АЛБАНСКАТА АКАДЕМИЈА НЕ НАПРАВИЛА РАЗДОР ВО ВЛАДИНАТА КОАЛИЦИЈА Немаме намера да ја етницираме науката, вели Таравари

The post КАКО ДА ИМА ВРАБОТЕНИ АЛБАНЦИ ВО МАНУ, КОГА НИТУ ЕДЕН НЕ СЕ ПРИЈАВИЛ? Вратите на Академијата се отворени, ама некој треба и да сака да влезе appeared first on plusinfo.mk.

По одлуката на Уставниот суд во 2019 година времено да го укине мораториумот за градба во Општина Центар, академик Владо Камбовски го посочи уставниот судија Дарко Костадиновски, кој денеска беше избран за претседател на Уставниот суд, дека не ја разбира азбуката на правото и на Уставот и дека се чуди како тој воопшто може да биде судија на Уставниот суд.

Коментарот на Камбовски беше во контекст на изјавата на Костадиновски на седница на Уставниот суд:

– Ќе платиме голема цена ако толерираме излегување од рамките на Уставот и законот. Не може оправдание да биде хуманото живеење и поквалитетен живот. Ако си донесат ваква мерка сите општини, тогаш на што ќе личи оваа држава? Просто е, Советот на Општина Центар ги пречекорил ингеренциите – изјави тогаш уставниот судија Дарко Костадиновски

Академикот и професор по кривично право Камбовски, пак, рече дека Уставниот суд постапил спротивно на уставното начело за заштита на човековите слободи и права и на владеењето на правото, а за изјавата на судијата Костадиновски вели дека во таа смисла е многу скандалозна.

– Тој судија не ја разбрал азбуката на правото и на Уставот и според мене, прашање е како може да биде судија во Уставниот суд“, изјави Камбовски во 2019 година.

Инаку, новоизбраниот претседател на Уставниот суд, Дарко Костадиновски, е кум и добар пријател со Коста Костовски, син на бизнисменот и поранешен градоначалник на Скопје, Трифун Костовски.

Костадиновски е уставен судија веќе 5 години. Беше предложен од поранешниот претседател Ѓорге Иванов, а го изгласа тогашното парламентарно мнозинство предводено од ВМРО-ДПМНЕ.

Дарко Костадиновски е доктор на правни науки на Универзитетот „Свети Кирил и Методиј“, од областа на меѓународното право. Костадиновски за уставен судија дојде од местото државен советник за надворешна политика во Кабинетот на тогашниот претседател Иванов.

Беше член на Кабинетот на претседателот од 2001 година во времето на претседателот Борис Трајковски. Од 2006 година продолжува неговиот ангажман, раководејќи со одделението за Европската Унија и НАТО во кабинетот на претседателот Бранко Црвенковски.

Тој во 1998 година работел на проект на УСАИД за подготовка на закони во Собранието на Република Македонија и бил набљудувач во рамките на проектот на Советот за радиодифузија за мониторинг и анализа на електронските медиуми.

Во 2015 година, Костадиновски бил назначен на функцијата пратеник на Република Македонија во Алијансата на цивилизациите на Обединетите нации.

The post КАКО ОВОЈ ЧОВЕК МОЖЕ ДА БИДЕ УСТАВЕН СУДИЈА? Кумот на синот на Трифун не ја разбира правната азбука, рече Камбовски пред 5 години appeared first on plusinfo.mk.

Со внимание ја прочитав темелната анализа на академик Владо Камбовски во врска со дилемата што се наметна во стручната јавност откако одбраната на осудениот во предметот „Титаник“, кој доби затворска казна од 3 години и 6 месеци, побара да му се засмета и вкупното време поминато во притвор.

Како што е познато, Јанакиески е поранешен министер и функционер на ВМРО-ДПМНЕ со најдолг притворенички „стаж“ од сите. Тој досега одлежа 4 години и 8 месеци во притвор. Одбраната смета дека тој „стаж“ треба да се засмета во казната, без оглед што е стекнат за различни предмети.

Академик Камбовски објави несомнено сериозна научна и телеолошка аргументација во поткрепа на својата теза дека во случајот на Јанакиески, при донесување на осудителната пресуда, Судот мора да го засмета притворот, независно за кое кривично дело против него биле покренати различните постапки.

Базичниот принцип на казненото право во однос на толкувањето на законите гласи: In dubio pro reo. А тоа значи дека секогаш кога постои двоумење, треба да се одлучува во корист на обвинетиот, категоричен е Камбовски.

И универзитетскиот професор Гордан Калајџиев смета дека не постои законска пречка досегашното време поминато во притвор за различни судски постапки на осудениот Миле Јанакиески да му се засмета во правосилната казна за случајот „Титаник“. Во случајов, според Калајџиев, Судот треба да се повика на принципот на правичност и да овозможи фер компензација.

Немам што многу да додадам во прилог на мојот личен апел Судот во случајот на Миле Јанакиески, да демонстрира фер и коректен однос и да се приклони кон мислењето на двајцата угледни кривичари. Дотолку повеќе што ниту еден закон не забранува Судот да постапи како што бара одбраната – а тоа што не е забрането со закон, дозволено е.

Би можел само да потсетам само на три дополнителни и неспорни факти поврзани со Миле Јанакиески.

Прво, во случајот „Титаник“, осудениот призна вина. Тоа е факт што мора да се цени при пресудувањето.

Второ, станува збор за единствениот осуденик во предметот „Титаник“ којшто доби затворска казна.

И трето, верувам дека и заговорниците на најстрога казнена политика при спроведувањето груба одмазда кон припадниците на режимот на Груевски ќе се согласат дека Јанакиески сепак го одлежа своето. Кон него, како кон никој друг, ова нереформирано судство, во кое јавноста нема доверба повеќе од 4 отсто, досега покажа невидена грубост и нехуманост.

Ако беше за аир, доста беше!

Пуштете го Миле на слобода!

И реформски и човечки е така да се постапи.

The post Пуштете го Миле Јанакиески на слобода! appeared first on plusinfo.mk.

– Новоизбраниот шеф на ОЈО ГОКК, не знам како е избран, но му препорачувам доследно да се држи до законот, бидејќи како што видовме во поранешни случаи, доаѓа време на одговорност не само на политичка, туку и казнена, кривична одговорност на се повисоки скалила на вршење на државните функции – изјави денеска академик Камбовски.

Со отворањето на преговорите за членство во ЕУ, посочува Камбовски, сите институции ќе бидат сериозно опсервирани дали ја извршуваат својата функција или не.

– За мене е важно човекот што е избран законито и совесно да си ја врши својата функција зашто сите институции во наредниот период ќе бидат сериозно опсервирани дали ја остваруваат својата функција на законит начин или не. Конечно треба да се разбере дека доаѓа крајот на политичката арбитрарност, на бесот на политичките партии и арогантноста, наметнување на кадровски и какви било други решенија без да се исполнат критериумите за квалитет – потенцира Камбовски.

Тој додаде дека се подготвува нова страртегија за реформа на судскиот систем и сите овие прашања ќе бидат опфатени.

The post НАЈПАМЕТНО МУ Е СТРИКТНО ДА СЕ ДРЖИ ДО ЗАКОНОТ Совет од академик Камбовски до новиот шеф на ОЈО ГОКК Ислам Абази appeared first on plusinfo.mk.

Во рамките на седмата сесија на Охридската школа на природното право што се одржува во Охрид на тема „Одржување на демократско општество преку зајакнување на неговите институции“ нагласи дека затворите се едни од клучните институции на правдата, кои се запоставени кај нас. Покрај институционални промени во однос на извршувањето на санкциите, смета дека треба да дојде и до промена на односот на судиите, односно судовите, на кој начин се извршуваат пресудите што тие ги донеле.

– Не може судот да ја донесе пресудата и понатаму да не го интересира што се случува во затворот. Постојат посебни судии за извршување на санкциите, кои треба да бидат стално ставени во мониторинг на целиот процес на извршување на казната. Не може судијата или судот да биде незаинтересиран што ќе биде со осудениот во затвор, па и после излегувањето – рече Камбовски.

Министерот за правда Никола Тупанчевски го дели ставот дека треба да се направи нешто во однос на забелешките за состојбата во македонските затвори.

– Треба нешто конкретно да се направи во однос на повеќе димензионалните забелешки кога се однесува на затворската популација и на затворите генереално во однос на здравствената заштита, подобрување на условите на осудените лица, итн. Дефинитивно ние покажавме и како држава пред извесен период дека сме решително подготвени состојбите да ги менуваме и тоа радикално – подвлече Тупанчевски.

The post ЗАТВОРИТЕ НИ СЕ УЧИЛИШТА ЗА КРИМИНАЛЦИ Осудениците се без шанса за рехабилитација appeared first on plusinfo.mk.

Камбовски тоа не го оценува како мешање во внатрешните работи на земјава, бидејќи, како што рече, тука никој не може да се меша и да диктира што ќе правите.

– Тоа самите го правите или не го правите, поаѓајќи од тоа дека ако оцените дека треба да го правите, тоа го правите аргументирајќи го својот потег со меѓународните стандарди, со постојната уставна рамка, стандардите за човекови права и слично – рече Камбовски.

Тој посочи дека вчера имале расправа на тема уставно-правна заштита на правото на здрава животна средина, при која дошле до истата констатација дека е нужно да се изврши реформа на еден важен дел од Уставот, а тоа е делот кој се однесува на Уставниот суд и на уставно-правната заштита по можност и со воведување на институтот на уставна тужба за заштита на основните човекови слободи и права.

– Десетици амандмани досега се извршени откако е донесен Уставот, но притоа се запоставени некои клучни подрачја на Уставот и неговите измени кои ги тангираат основните чоекови слободи и права, функционирањето на институциите итн. Главно бевме во сите тие амандмани опседнати со прашања кои се исто така важни, но така да кажам ги запоставивме другите прашања со кои треба да се претставиме пред меѓународната заедница воопшто и не само заради претставување туку и заради нас самите, што го подигаат квалтиетот на човековите права, нивната еднаквост и нивната заштит – рече Камбовски.

Тој додаде дека биле фокусирани на преамбулата на Уставот, на одредбите кои се однесуваат на меѓуетничките или националните односи итн. и тие, како што нагласи, се релативно добро уредени.

– Но, во делот на институциите честопати наидувавме на бројни уставни празнини или недоречености. Да ги спомнам само уставните одредби кои се однесуваа на конституирањето на Собранието кои малку проади нејаснотијата на уставните одредби, повеќе заради лошото толкување, предизвикаа неколкумесечна блокада на собранието што резултираше со фамозниот црн понеделник. Според тоа, тоа прашање ќе биде отворено, а ние, како академија, како центар за стратегиски истражувања оваа година планираме една серија на расправи со сите овие научни кругови, со колегите од уставниот суд, со колегите од судовите на тема уставни промени, а можеби и ревизија на цел устав од почеток – рече Камбовски.

The post НИЕ ОДЛУЧУВАМЕ ДАЛИ ЌЕ СЕ ОТВОРИ УСТАВОТ Камбовски смета дека барањето на Бугарија не е мешање во внатрешните работи на Македонија appeared first on plusinfo.mk.

Така, смета тој, Тупанчески не само што ќе заштеди на исплатените хонорари за Камбовски, туку ќе се поштеди и од слични бламажи во иднина.

– Јавноста беше непријатно изненадена што владата предложи закон за клевета и навреда каде санкциониран би бил секој граѓанин/новинар кој изнел „негативно мислење“. Да биде апсурдот поголем предлогот за казна за „негативно мислење“ во Собранието дојде со злоупотреба на европското знаменце, со цел да помине по итна постапка и без јавна дебата. Но, работите стануваат појасни доколку се види кој раководел со групата за таканаречени реформи во Министерството за правда. Тоа е академикот Камбовски, или „главниот партиски обвинител“ кој во едноумието го гонеше професорот Ѓорѓе Марјановиќ што се дрзнал да предложи укинување на вербалниот деликт. Тоа што не му успеало на Камбовски во едноумието, сега нашол прилика да го протне како „негативно мислење“ со европско знаменце со актуелнава влада – смета Милошоски.

Според него, ова е лош старт за новиот министер за правда, кој го наследил и предлог законот и академикот.

– Но доколку министерот Тупанчески има желба да ја увери јавноста дека не се согласува со предложениот „вербален деликт“ не е доволно само да соопшти дека станува збор за грешка во текстот, туку да го смени и авторот на текстот и да го тргне Камбовски од челната позиција на Работната група за реформи на законите во Министертсвото за правда. Така не само што ќе заштеди на исплатените хонорари за Камбовски, туку ќе се поштеди и од слични бламажи во иднина – додава Милошоски.

The post ТУПАНЧЕСКИ ДА ГО СМЕНИ КАМБОВСКИ Совет од Милошоски за министерот пак да не се избламира со „негативно мислење“ appeared first on plusinfo.mk.